DESOBEISSANCE

substantif féminin

[T-L : desobëissance ; GDC : desobeissance ; AND : desobeissance ; FEW (VII, 277b) : oboedire ; TLF (VI, 1291a) : désobéissance]

A. -État de celui qui refuse de se soumettre à ce qui est demandé, commandé, recommandé....

1.[...par une autorité quelconque]

Je ne le dis mie pour vous ; Mais j'estoie pleins de courrous, Pour la grant desobeissance Que je veoie en ma presence. (Mach., P. Alex., p.1369, 264)

Car pluseurs femmes ont gaignié par leur obeissance et sont venues a grant honneur ; et autres femmes par leur desobeissance ont esté reculees et desavancees. (Ménagier Paris B.F., c.1392-1394, 72)

Tant sceit chascun que la cité qui a esté sur toutes les autres, a esté tachee de murmure et de desobeissance, a englouty toute celle pecune dont tu parles cy devant, et que le peuple d'icelle a entonné et recueilly la gresse du labeur et conquestz des autres pars du royaume (Chart., Q. inv., 1422, 41)

Et ne desplaise a ceulx qui dient que le roy feroit mal de desobeir au pape, car en ce n'a aucune desobeissance (Juv. Urs., D. Tours, 1468, 445)

Desobeissance à qqn

Pour lesqueles [conclusions] debatre et impugner, presuppose le procureur du Roy que un des souverains biens est obeissance et au contraire desobeissance à son prince et souverain seigneur est très grant mal. (Fauq., I, 1417-1420, 31)

Estre en desobeissance

...et escripsi devers les ducs et les contes qui de luy tenoient, que le XIIIe. jour de juing ilz fussent tous devers luy à Aix-en-la-Chapelle, sus la paine que de perdre leurs terres, si en desobeissance estoient (Froiss., Chron. M., XIV, c.1375-1400, 167)

Se mettre en desobeissance contre qqn. Se mettre en état de rébellion contre (un souverain).

Aussi bien en y a-il des peuples qui offensent contre leur seigneur et ne luy obeissent point ny ne le secourent en ses necessitéz, mais, en lieu de luy ayder, quant le voyent empesché en quelques affaires, ilz le mesprisent ou se mectent en rebellion et desobeissance contre luy en commectant offense et vont contre le serment de fidelité qu'ilz luy ont fait. (Comm., II, 1489-1491, 222)

Tourner qqn/une collectivité en desobeissance. Suciter chez qqn un état de révolte, de rebellion.

Sur la requeste que le procureur du Roy entent à faire en la Court de ceans, Le procureur du Roy dit que, environ VJ sepmaines a, le duc de Bourgongne envoya à Rouen certaines lettres patentes, desqueles il recite le contenu, lesqueles on a dissimulé par aucun temps, pour ce que on ne savoit point qu'il eust entencion d'en envoier en autres villes, mais depuis il en a envoyé pluseurs autres ailleurs es villes et citez de ce royaume, par le moien desqueles il a depuis tourné en desobeissance aucunes villes, citez et subgez de ce royaume (Fauq., I, 1417-1420, 31)

2.En particulier. [...par la loi et l'autorité divines] État de celui qui transgresse la loi divine.

...Dieu de richesce Qui nous osta du dolereux salaire Qu'Adam nous quist par desobeissance (Mir. st Ign., 1366, 115)

De quelle felicité en quelle misere et adversité ! Maudicte soit desobeissance qui tel mal engendra. Bien a icy, o createure humaine, espouentable exemple que les commandemens de Dieu, quelzconques ilz soyent, point ne enfraingnes ou trespasses. (Gers., Concept., 1401, 398)

Peché de desobeissance

Lesquelz, incontinent que ilz se consentirent a pechié de desobeïssance, furent subitement chassiez dudit lieu de paradiz que Dieu avoit sacré. (La Sale, Salade, c.1442-1444, 138)

B. -Par métonymie. Acte d'opposition, d'insoumission, refus d'obtempérer, acte de sédition, révolte.

...et auxi pluseurs cités et villes et aultres menuz peuples ont estez destruiz par desobeissance, voulans trop grant franchise avoir, pour laquelle pluseurs grans guerres et grans occisions ont esté. (Quinze joies mar. R., c.1390-1410, 1)

Et sont aucunefoiz les jennes et folz mariz si meschans que sans raison que par petites et inutiles achoisons dont les commancemens sont venuz par jeu et de neant, et par continuelles desobeissances de leurs preudefemmes, ilz amassent et amoncellent un secret et couvert couroux en leurs cuers, dont piz vient a tous les deux. (Ménagier Paris B.F., c.1392-1394, 83)

Et pour ce, je vous prie, aimez, servez et obeissez voz mariz mesmes es trespetites choses d'esbatement, car aucunefoiz essaye l'en es trespetites choses, bien petites, d'esbatement, et qui semblent de nulle valeur, pour ce que la desobeissance d'icelle porte petit dommaige pour essaier. (Ménagier Paris B.F., c.1392-1394, 84)

...car vous savez, chere seur, que par la desobeissance de Adam, qui pardessus la deffense menga une pomme qui est pou de chose, tout le monde fut mis en servaige. (Ménagier Paris B.F., c.1392-1394, 97)

Moult ot Assuaire pesance De celle desobeïssence. (Chr. Piz., M.F., II, 1400-1403, 262)

Il avoit faillu que ledict duc eust dissimulé toutes ces desobeissances pour non avoir guerre à ses subjectz et aux Liégeoys ensemble (Comm., I, 1489-1491, 120)

...et ne le faisoit pas seullement pour la craincte du duc de Bourgongne, mais pour doubte de desobeissance qui pourroit advenir en son royaulme, si ainsi estoit qu'il perdist une bataile. (Comm., II, 1489-1491, 9)

...Et accuserent ung tas de ravauldeurs Par qui venoit la desobeyssance (La Vigne, V.N., p.1495, 207)

Au moyen desquelles choses y eut plusieurs rebellions et desobeïssances de plusieurs de ses subjectz (Le Clerc, Interp. Roye, c.1502, 225)

Faire desobeissance(s) (à qqn)

...les rebellions et desobeissances par lui faites et commises contre lesdiz roys de France et d'Engleterre, pilleries, roberies et depredacions que faites a par sa force et oultrage, sanz cause et raison, contre le roy nostre sire et ses subgets (Reg. crim. Chât., II, 1389-1392, 206)

...prisonniers detenus oudit Chastellet, et admené par les messiers de la porte du Temple, pour ce qu'ilz les ont trouvez ysans des vignes garnis de vint et une grappe de vergus ; et oultre, pour la desobeissance par eulx faite ausdis messiers. (Reg. crim. Chât., I, 1389-1392, 302)

...pour les entreprises et desobeyssances par eulx faictes ou prejudice du Roy et de son royaume (Baye, II, 1411-1417, 81)

Et sont aucunefoiz les jennes et folz mariz si meschans que sans raison que par petites et inutiles achoisons dont les commancemens sont venuz par jeu et de neant, et par continuelles desobeissances de leurs preudefemmes, ilz amassent et amoncellent un secret et couvert couroux en leurs cuers, dont piz vient a tous les deux. (Ménagier Paris B.F., c.1392-1394, 83)

...et en ce cas la victoire que fist le vaillant jouvencel comme vainqueur ne peut effacier la desobéissance qu'il fist comme transgresseur, pour quoy la rigueur de la discipline chevalereuse vainqui la pitié naturelle du pere, car cellui que Nature admonneste d'estre pere misericors pour le devoir de sang acquiter se monstra juge rigoureux pour la loy d'armes aigrement observer. (Chart., Q. inv., 1422, 54)

...quant il eut long tamps circuy le monde, il [Jason] eut voulenté de venir voir son pere et luy prier mercy des desobeyssances qu'il lui avoit faittes (LEFÈVRE (R.), Hist. Jason P., c.1460, 240)

Oudit an, le roy (...) estoit alé ou pays de Picardie en intencion d'avoir et mettre en ses mains et obeïssance les villes, places et pays que tenoit le defunct duc de Bourgongne au jour de son trespas, comme appartenant au roy et à lui acquises par la rebellion et desobeïssance du defunct duc de Bourgongne (Roye, Chron. scand., II, 1460-1483, 73)

Et, se aucun oultre l'ordonnance et deffence de son chevetain faisoit aucune entreprise, combien qu'il en venist au-dessus, encores estoit-il estroictement pugny pour la desobéissance. (Bueil, II, 1461-1466, 13)

...et combien que la response meust de hault et vaillant couraige, et que tout bien prinst de celle chose, si fut il conseillé de prier mercy au duc de la desobeissance qu'il avoit faicte à son mareschal (La Marche, Mém., II, c.1470, 320)

Et se d'avanture, aucunes des places d'icellui pays estoient prinses ou occupées par aucuns noz rebelles ou désobéissans ou autres, ou saucuns faisoient rebellions ou désobéissances à nous et à nostre justice et officiers illec de prandre, mectre et réduire en nostre obéissance toutes les places (Archives servit. Louis XI, T., 1477, 112)

...mais obstant les grans rebellions et desobeissances faites par lesdits de Louvain et leursdits complices, ledict arrest n'a peu estre executé. (Lettres Ch. VIII, P., t.1, 1487, 268)