DEPRECATION

substantif féminin

[T-L : deprecacïon ; GD : deprecacion ; AND : deprecatiun ; FEW (III, 45b) : deprecatio]

Prière instante, supplication.

La parole David pour certene senterent Qui dist la voluntei des soi doutanz fera, Lor deprecatiom de cuer entendera (Gir. Ross. H., c.1334, 275)

...car teles plaintes et teles deprecacions font ceuls qui mectent leur estude et leur cure vers teles choses. (Oresme, E.A., c.1370, 255)

Et par ainsy ilz furent esmeuz de appeller leur aide [des esprits] par conjuracions, par deprecacions et par plusieurs manieres d'oroisons et de belles paroles et par aucuns sacrifices aussy pour eulx plaquier et esmouvoir a ce qu'ilz desiroient acomplir et parfaire. (Evr. Conty, Harm. sphères H.P.-H., c.1400, 94)

Ung dimanche très matin devant soleil levant, sur une montaigne, près de la tour de Montjay, ledit maistre fist plusieurs choses superstitieuses requises à faire telles invocacions de dyables emprès ung buisson (...). Et là, dist plusieurs dépréciacions en invoquant les dyables. (Doc. 1408. In : MONSTRELET, Chron. D.-A., t.1, c.1425-1440, 225)

...tu seul medecin qui donnes l'eaue vive, de la quelle qui en boit ne meurt eternellement, viens a moy et ois la voix de ma deprecacion (Chr. Piz., Psaumes allég. R., 1409, 85)

Bonté divine et perfective, Je te faicts deprecacion Que ta saincte grace amative Soit faicte a ma salvacion. (Myst. Pass. Troyes B., a.1482, 154)

Quant de le prier prens espace, Il oit ta deprecacion (La Vigne, S.M., 1496, 534)