DEPOSITION

substantif féminin

[T-L : deposicïon ; FEW (VIII, 68b) : pausare ; TLF (VI, 1173b) : déposition2]

DROIT Action de faire une déclaration en justice ; le contenu de cette déclaration ou le document qui la consigne.

...les deposicions des tesmoings amenez de par les diz religieus... (Chartes Abb. St-Magl. T.F., t.3, 1330, 28)

...veue et consideree la deposicion des tesmoins, il appert clerement que... (Chartes Abb. St-Magl. T.F., t.3, 1335, 112)

...sour le plainte dez amis du dit mort, grant plenté de tesmoins oïs sour le dit fait et lez deposissions de ychaus aviséz à grant deliberation, dit fu et par jugement dez mayeurs et eschevins de le dicte ville que li dis Estevenes estoit atains du fait et à le dicte cause, bannis à tous jours de murdre. (Hist. dr. munic. E., t.3, 1345, 388)

Et vers ces ici meisme convient en aucuns lieus que les descriptions des sentences ou les registres soient mis et les inductions ou depositions des tesmoings. (Oresme, Pol. Arist. M., c.1372-1374, 271)

...la deposicion des testmoins et tout ce qu'ilz vouldront dire es dessusdiz trente jours, par le notayre au commandement des troys arbitres grossement et plainement, sans user de proposicions ou parolles captieuses ou equivoques, sera mise en escript. (Mézières, Songe vieil pèl. C., t.1, c.1386-1389, 493)

Li demandé et requis que, sur la deposicion d'icelle Marion, qui li fut leue, elle deist verité. (Reg. crim. Chât., I, 1389-1392, 264)

...ilz avoient trouvé (...) entre les deux huis du guichet de Chastellet une bourse semblable que exprimé avoit icelle Climence par sa depposicion cy-dessus dite et escripte (Reg. crim. Chât., II, 1389-1392, 9)

Et fu sur ce leur deposicion par moy escripte pour joindre aux informacions faictes en ceste matiere à l'instance du procureur du Roy, par l'ordonnance de la Court, pour y pourvoir selon raison. (Fauq., II, 1421-1430, 86)

Veues lesquelles depposicions par lesquelles appert clerement qu'il y a eu erreur en l'inventoire et pesage de ladicte ferreure, j'ay dit et ordonné que ladicte ferreure sera vendue avec les autres biens dudit Cuer comme estant d'argent sans avoir aucun regard audit inventoire et pesage. (Aff. Jacques Coeur M., 1453-1457, 46)

...les noms et surnoms desquelz tesmoingz avecques leurs depposicions cy après s'ensuivent. (Trés. Reth. L., t.3, 1456, 373)

...et ilec, devant les gens et conseil à ce ordonnez, fut ledit Montjoye et sondit filz chascun à part interrogué, et furent leurs deposicions redigées et mises par escript par ledit sire Denis Hesselin. (Roye, Chron. scand., I, 1460-1483, 353)

Item, pour eschiver aux dilacions du garnissement de decret que quierent ou pourroient querir ceulx a qui les heritages seroient adjugez par decret, soubz couleur de ce qu'ilz dient que on ne peut sçavoir quelle somme fait a deduire pour les charges et rentes anciennes dont ilz n'ont aucune congnoissance (...) s'il est allegué qu'il est deu moins de charge que celle qui sera rapportée par le porteur du decret, le juge fera venir des voisins tel nombre qu'il advisera, aux despens de celluy qui si vouldra excuser du garnissement, par la deposition desquelz la defalcation sera faicte (Echiq. Normandie S., 1462, 132-133)

Dismas et Gestas, dirés vous rien Des maulz [l. maulx] qu'ensemble advés faitz, Desquieulx j'en sçay bien tout le fait Pour depposition de tesmoigns ! (Pass. Auv., 1477, 173)

...il est de droit qu'il [l'inculpé] responde Afin que le juge se fonde Dessus sa deposicion. (Myst. Pass. Troyes B., a.1482, 421)

...et ne sont iceulx clercs suffisans ne discretz pour bien faire ledit examen, lequel ilz revellent souvent aux parties, dont plusieurs inconveniens sont advenus tant aux parties que auxd. tesmoins par ce que lesdits tesmoings, quant ilz sont recollez, se ressortissent souvent de leur premiere depposicion, a quoy l'en doit donner ordre et provision. (Echiq. Normandie S., 1497, 161)

Lequel arrest fut donné pour ce qu'il fut recellé par ledit de Meleun une depposicion d'enqueste faicte en la cité d'Ast par maistre Pierre Doriolle, conseillier de la court de parlement, d'un nommé messire Regnault du Dresnay, chevallier ; laquelle depposition signée et scellée dudit conseillier, avoit esté baillée par le roy audit de Meleun pour joindre au procès dudit de Chabannes (Le Clerc, Interp. Roye, c.1502, 162)

...c'est assavoir que, à l'ocasion du recellement de la depposition de Regnauld du Dresnay, chevalier, et autres causes à ce mouvens les seigneurs de ladite court, l'arrest donné l'an mil IIIIcLXIII contre ledit de Chabannes, conte de Dampmartin, seroit de nulle vigueur et totallement adnullé (Le Clerc, Interp. Roye, c.1502, 213)

La depposition de François Imbert. François Imbert, natif de Saint-Martin de Canteleu, près Rouen, dit que, le jour de Nostre Dame my aoust, partit dudit lieu de Rouen à la requeste de Rogier de Reolles, natif dudit lieu de Rouen... (Le Clerc, Interp. Roye, c.1502, 311)

Deposition d'enqueste

Lequel arrest fut donné pour ce qu'il fut recellé par ledit de Meleun une depposicion d'enqueste faicte en la cité d'Ast par maistre Pierre Doriolle, conseillier de la court de parlement, d'un nommé messire Regnault du Dresnay, chevallier (Le Clerc, Interp. Roye, c.1502, 161)

Voir aussi desposition