DESPENDRE

verbe

[T-L : despendre2 ; GD : despendre1, despendre2 ; AND : despandre ; DECT : despendre2 ; FEW (III, 97a) : dispendere ; TLF (VI, 1146a) : dépendre3]

A. -Dispenser, distribuer qqc..

Despendre qqc. (à qqn)

Et se tu prens gens de niant, Tu te pers tout a essient, Qu'assés plus de bien gasteront Que li bon n'en despenderont. (Mach., C. ami, 1357, 117)

...ne me suis point deffenduz Que touz les tresors despenduz N'aie et aux povres departi (Mir. st Lor., 1380, 167)

...Et se de mes biens je [Fortune] despens Souventesfoiz, a grant largesse, Quant bon me semble les suspens, Monstrant que suis Dame et maistresse. (CH. D'ORLÉANS, Ball. C., c.1415-1457, 175)

Si doubte que en ce pas ne soient bien gardees leurs regles et que erreur soit en la distribucion par trop despendre et se eslargir ou il n'affiert et mal recompenser ou donner a qui dessert. (Chart., Q. inv., 1422, 51)

Bien n'est perdu que Largesce despende, Car tous ses biens se despendent par sens. (Chart., B. Nobles, c.1424, 405)

Participer financièrement (à une entreprise).

Priez doncques Dieu pour tout l'estat de ce royaulme, en especial pour le roy (...). Vous devés aussi honnorer le roy du vostre. Il y a plusieurs prelatz et gens d'eglise qui sont demourez durans ces guerres sur leurs benefices, qui ont tres pou despendu au regart de la valeur d'iceulx (Juv. Urs., T. rever., 1433, )

Proverbe. Terre despendue vaut trop mieux que terre perdue

A vos subgés donnez et à lonteins, Car miex affiert à roy ou empereur Qu'il doint dou sien mil livres de messeins Qu'on li tollist .J. denier par rigeur. S'avez le cuers, ja n'arés deshonneur. Et terre aussi qu'est despendue Vaut trop miex que terre perdue. (Mach., Bal., 1377, 555)

Quant princes est loyaus, larges, humeins, Si don sont plain de si tres grant douceur Que pour son fait estrainges et prochains Ne doubtent mort, povreté ne labeur, Eins vuet chascuns ressambler le milleur. Et terre aussi qu'est despendue Vaut trop miex que terre perdue. (Mach., Bal., 1377, 555)

Despendre sa chemise. Vendre ce qu'on a de plus précieux.

Mais je te vueil dire et aprendre Que, pour despendre ta chemise, Ne met ton heritage en mise Pour cas qu'i te puist avenir, Qu'un autre le porroit tenir. (Mach., C. ami, 1357, 111)

Au figuré. Despendre langage. Proférer, répandre des propos.

Se l'en me dit : 'Vous contez rage', Blasmez ma langue trop legere ; Raison , de Secret tresoriere, La tance, quant despent lengage, Hors du propos (CH. D'ORLÉANS, Rond. C., 1443-1460, 184)

B. -Employer, utiliser qqc..

1.Despendre qqc.

a)Despendre son temps/sa vie (à telle chose, à telle fin) (de telle ou telle manière)

Consacrer, employer son temps, sa vie (à telle chose) (de telle ou telle manière).

En cloestre mena sainte vie. Sa vie en bien fet despendi. Une bele ame a Dieu rendi Devotement aprés sa vie (Vie st Evroul S., c.1350, 56)

...A celui qui son temps despent Pour li en bien faire avoier N'est mie deu grant loyer ? (Mir. Barl. Josaph., c.1363, 292)

Dieus pardurables (...), que respondray je en icel jour, quant je seray requeru de tout mon corps jusques a la paupiere de l'ueill, de tout le temps a moy donné pour vivre, en quel maniere je l'ay despendu ? (Gast. Phébus, Livre oraisons T., c.1380-1383, 54)

Les yvrongnes et ceulx qui avoient tout leur temps despendu en gloutonnie et en servir a leur ventre estoient tous enragiez de fain et ulloient comme loupz affamez et languissoient de soif (Horloge de sapience S., c.1389, 103)

Se j'ay mon temps mal despendu, Fait l'ay, par conseil de Follye (CH. D'ORLÉANS, Ball. C., c.1415-1457, 179)

Enviellir fault ou sot ou saige Ou povre ou rice et, pour ce fait, Qui despend temps en bon usaige Il est de joye aprez refait En ses vieulx jours (Taillev., Passe temps D., c.1440, 458)

Ta grand richesse et tes comblés thesors sont bien vains, lesquelx soubz perilleuses adventures, en peines dures et sueurs, as amassé et amoncelé, et pour lesquelx tout ton temps as despendu et usé, sans avoir oncques une petite et passant souvenance de penser qui sera celuy qui, toy mort et party de ce siecle, les possidera, et a qui par loy humaine les devray laisser en memoire de toy et de ton nom. (C.n.n., c.1456-1467, 556)

Si le temps avez despendu En quelque mal, je vous promectz: S'amender, ains qu'on soit perdu, Il vault trop mieulx tart que jamais. (La Vigne, S.M., 1496, 284)

Dépenser, passer (son temps) (d'une certaine maniere).

Rendez compte, Viellesse, Du temps mal despendu Et soctement perdu Es mains dame Jeunesse. (CH. D'ORLÉANS, Rond. C., 1443-1460, 344)

...Auray je part en Liesse Veu qu'ay despendu Jennesse Longement, en grant anuy ? (CH. D'ORLÉANS, Rond. C., 1443-1460, 446)

En icelle forme et maniere despandis mes jours a la court soubz les promesses devant dictes (Abuzé D., c.1450-1470, 69)

...[luy] despleut a merveilles que ainsi avoit exposé et despendu ses jeunes jours. (C.n.n., c.1456-1467, 555)

b)Utiliser une chose quelconque.

Locution. Ainsi sont les tripes vendues et toutes choses despendues. Il y a plusieurs façons de se servir des choses, d'agir.

Mais chascun n'a pas appetit D'estre amoureux: l'un veult chasser, L'autre voler, jouster, dancer. Les appetiz ne sont pas ungs. LE FOL. Pour ce dit on par motz communs Qu'ainsi sont les trippes vendues Et toutes choses despendues : L'un veult du dur, l'autre du mol. (Narcissus, p.1426, 293)

c)Utiliser, consommer (un aliment).

J'aroye tant de pain, ains que feust l'avespree, Que nous nel despenderiens en .XV^e. passee. (Tristan Nant. S., c.1350, 596)

Cogneut oultre, que lui et lesdiz compaignons, environ ledit temps, de nuyt, mal prindrent et emblerent en l'eglise de Lailliere, assise en ladite ville de Chaumont, à plusieurs fois, la charge de deux chevaux de blé, et en icelle eglise avoir entré par les fenestres dudit hostel, et en icellui avoir prins, en un quaque, environ IJc de harant blanc, qu'ilz despendirent en leur hostel, comme dit est, avec plusieurs poussins et oisons par eulx prins oudit pays, et despendus comme dessus. (Reg. crim. Chât., II, 1389-1392, 118)

Si le vent tourne de nor(h)deth Ou de sehu, frere, nous aurons De poysson plus que ne sçaurons Despendre pour nostre famille (Michel, Myst. Pass. J., 1486, 51)

[Dans un cont. métaph.]

Car de ce qu'il me sembloit adonc impossible advenir, j'en voy l'experience veritable, car ma jeune aage, ma beaulté, mes tendres ans, ne pevent souffrir que le temps despende et consume ainsi mes jours en vain (C.n.n., c.1456-1467, 573)

Proverbe. Nuls ne peuvent savoir s'ils sont amis ensemble tant qu'ils n'ont pas despendu ensemble une mesure de sel

Car selon le proverbe ancien, nulz ne pueent savoir se ilz sont amis ensemble jusques a tant que ilz aient consummé ou gasté et despendu ensemble une mesure de sel. (Oresme, E.A., c.1370, 420)

d)Despendre (une chose abstr.)

Avoir recours à qqc., employer, utiliser qqc..

Si ay despendu mon savoir, Et s'un peu espargnié en ay, Il est, quant vendra a l'essay, Tout enroillié de Nonchaloir. (CH. D'ORLÉANS, Ball. C., c.1415-1457, 120)

Et pourtant ceulx sont bien infames Qui mesdient contre les dames, S'elles deviennent amoureuses. Ce sont, par Dieu, les plus eureuses, Mais que leur servant soit loyal, Et pour venir au principal, Honneur n'est pas pour tant perdu, S'il est en amours despendu (Narcissus, p.1426, 298)

Épuiser, consommer complètement.

Tous mes esbas sont pieça despendus Et me convient reposer sur la chaulme. J'ay eu robes de martres et de bievre, Oyseaulx et chiens a perdrix et a lievre, Mais de mon cas c'est piteuse besongne. (Meschin., Lun. princes M.-G., c.1461-1465, 14)

J'ay du tout, en ceste destraisse Despendu mon plaisir, par m'ame. Ou mon desir s'assouvira Ou ma tristece m'occira Par vous, belle, prouchainnement, Se mon cuer quiert l'alegement Du mal que pour vous servir a. (Chart., R. Bal., c.1410-1425, 375)

2.En particulier. Despendre (de l'argent, des biens...) Dépenser (de l'argent, des biens).

De grant tresor despendre n'y acontoit neant, Car ly bourgois le paient a la taille souvent. (Tristan Nant. S., c.1350, 352)

Semblablement est il en matiere moral, et est certein que chascun se puet courroucier et chascun puet donner et despendre argent (Oresme, E.A., c.1370, 172)

Mes de monnoie l'usage est despendre la, comme dit est (Oresme, Pol. Arist. M., c.1372-1374, 68)

LE ROY. Touz les jours a despendre arez Dix livres : c'est le premier point ; A ce ne faulderez vous point (Mir. roy Thierry, c.1374, 314)

Li rois d'Engleterre, pour ce temps, estoit jones, et pas ne congnissoit encores le malisce et pratique dou monde et des grans signeurs de l'Empire qui despendoient son argent et vosissent que la gerre durast toutdis, car il estoient bien paiiet. (Froiss., Chron. D., p.1400, 455)

...elle lui dist qu'il lui avoit donné deux frans, lesquelx elle qui parle mist en sa bourse, et d'yceulx lui acheta des chemises, chausses et solers, et aussi despendi environ VIIJ s. (Reg. crim. Chât., I, 1389-1392, 46)

...les finances de ce royaume ont esté ou temps passé levées en moult grant quantité et despendues moult excessivement, à quoy est necessité de remedier (Baye, II, 1411-1417, 99)

...tint [Henri de Lancastre] son estat sans ce que il y despendist du sien ung denier (Juv. Urs., Aud. celi, 1435, 178)

Q'un chacun [des enfants perdus] encores m'escoute : On dit, et il est verité, Que charecterie se boit toute, Au feu l'iver, au boys l'esté : S'argent avez, il n'est quicté, Mais le despendez tost et viste ; Qui en voyez vous herité ? Jamaiz mal acquest ne proufficte. (Villon, Test. R.H., 1461-1462, 130)

...beau sire, puisque vous avez voullenté d'estre homme de guerre et que Dieu vous y a desja donné bon commencement, ne vous vault-il pas mieulx d'estre monté et armé de vostre adventure pour la guerre, et faire tousjours vostre mestier que d'aller à la court presser le Roy ne faire l'ennuyeux après les seigneurs, despendant vostre argent et perdant le temps, comme font plusieurs qui ne sçauroient vivre, si on ne leur donnoit. (Bueil, I, 1461-1466, 42)

Et le roy disoit par fois a ses gens : 'Cest homme est bien fol de ainsi allant despendant le sien par le pays a si grant triumphe et honneur, et, fut il roy ou empereur, il a ung beau train.' (Jehan de Paris W., 1494-1495, 32)

Sardanapalus s'enferma et ses richesses avecques lui et se brusla, que plus ayma que estre pris, ne occiz de Arbacus ; si commanda cestui Arbacus la pouldre ou cendre des os estre mises en sepulture et recite Cicero que sur ladicte sepulture fut escript que autant de ramanant d'avoir avoit, comme par excès avoit despendu en XX ans qu'il avoit regné. (Simon De Phares, Astrol., c.1494-1498, f° 38 r°)

En despendant d'or et d'argent grant somme De nombre quel ne sçay combien ne comme, Si non ainsi que hors de bouche eschappe, Le bon seigneur d'Aubigny, vaillant homme, Luy et les siens furent transmis a Romme Ou tindrent lors de garnison estape. (La Vigne, V.N., p.1495, 150)

Locution. Despendre basts et selles. Faire de grosses dépenses.

Despendu avons bas et selles Et ainsi q'un million d'or ; Puis, par ces façons et cautelles, Nous veult tollir un tel tresor. (Myst. siège Orléans H., c.1480-1500, 366)

[Sentence] Sage est qui le sien sait par raison despendre

Sages est qui le sien set par raison despendre ; Laiscier chou qui sien n'est, on ne le poet mieuls rendre (Gilles Le Muisit, Poésies K., t.2, c.1347-1353, 1)

Emploi pronominal à sens passif. [De l'argent] Être consommé, consumé.

Ce puis je savoir que la finance, tele que nostre prince la recueult, n'est pas prinse de revenue, mais vient par industrie et diligence, et la despence qu'il fait pour noz affaires n'est pas une chose limitee, mais est une droicte abisme ou tout se fond et despent, car qui meine guerre ne peut mectre compte ne nombre en la mise, soit sa recepte petite ou grande. (Chart., Q. inv., 1422, 50)

Despendre (de l'argent) à + inf.

Et avecques ce, il se mocquoit du duc de Bourgongne, qui despendoit son argent à vouloir deffendre la mer, disant que jà le vouldroit en Angleterre ! (Comm., I, 1489-1491, 203)

Et ne se doibt personne esbahir, à veoir les grans maulx que les Angloys ont faict en ce royaume, et de fresche dacte, si le roy travailloit et despendoit à les mectre dehors amyablement, affin qu'il les peüst encores tenir amys pour le temps advenir ou au moins qu'ilz ne luy feïssent point de guerre. (Comm., II, 1489-1491, 69)

Despendre + adv. de quantité ou pron. indéf.

Moult despendoit et moult donnoit Et trouvoit qui le delivroit De ses frais sy soutieuement Que il n'en pooit proprement Jugier que par adeviner Qui ensy l'en fist delivrer Des honneurs, que il ne savoit (Dit prunier B., c.1330-1350, 74)

Et plus souvent y perdoit qu'il n'y gaingnoit, si que pluseurs foiz il avenoit qu'il s'en repairoit a l'ostel touz nulz et sanz vestemens, mais a ce n'acontoit il riens, car tant comme Agea sa mere vesqui, il avoit robes, deniers et joyaulx tout a sa volenté et paioit la dame lieement et volentiers, quant on lui demandoit, quanque son filz despendoit oultrageusement et sanz mettre en honneur ne que besoing en eüst. (Bérinus, I, c.1350-1370, 12)

Ne te laisse desheriter Pour riens qu'on te puist enditer, Car par ma foy, mieus ameroie, S'empereres ou rois estoie, Despendre tout en bonne guerre, Qu'on me tollist un piet de terre, Car tout prince desherité Vit a honte et a grant vilté. (Mach., C. ami, 1357, 126)

Oy tes comptes diligemment Et par ce verras clerement Ce que tu pues par an despendre Et ou tu dois tes rentes prendre, Et saras se ti receveur Sont bonne gent ou deceveur... (Mach., C. ami, 1357, 135)

Ainsy despendit granment Ogier a faire ces choses (JEAN D'OUTREM., Myr. histors G., a.1400, 65)

Si doubte que en ce pas ne soient bien gardees leurs regles et que erreur soit en la distribucion par trop despendre et se eslargir ou il n'affiert et mal recompenser ou donner a qui dessert. (Chart., Q. inv., 1422, 51)

...si alla tant par ses journees qu'il vint en la ville ou le sauldain estoit. Et la se mist en une hostelarie et despendoit le moyns qu'il povoit, quar son argent luy commensoit fort a petisser, mes il avoit encores de bons joyaulx comme aneaulx et verges et fermailx d'or. (La Cépède, Paris Vienne K., 1432, 251)

Et ce soir le roy envoya paier leurs hostes de tout ce qu'ilz avoient despendu. (La Sale, J.S., 1456, 171)

-- Le duc de Bourgongne estoit retourné en son pays et avoit le cueur très eslevé pour ceste duché qu'il avoit joincte à sa crosse, et trouva goust en ces choses d'Alemaigne, pour ce que l'empereur estoit de très petit cueur et enduroit toutes choses pour ne despendre riens. (Comm., II, 1489-1491, 5)

[Dans un contexte métaph.]

Ce que l'ueil despend en plaisir, Le cuer l'achete chierement (CH. D'ORLÉANS, Ball. C., c.1415-1457, 173)

Proverbe. À la folie s'accompagne qui despend plus qu'il ne gagne

Car se tu despens par oultrage L'en ne te tiendra pas a saige : 'A la folie se acompaigne Qui despent plus qu'i ne ga[a]igne.' (Liber Fort. G., 1346, 75)

Peu gagner et trop despendre font à plusieurs leurs terres vendre

Il gaigna monlt et mettoit tout en espargne ; ce n'est pas mendre sens de bien garder que d'espargner ; car pou gaigner et trop despendre font a plusieurs leurs terres vendre (Nouvelles inéd. L., p.1452, 103)

Plus despend chiche que large. L'avare dépense plus que le généreux (parce que son refus de dépenser finit par lui coûter plus cher).

Tel cuide aulcunes fois gaigner qui pert, ainsi comme il appert par ceste fable, car l'on dit communement que plus despent eschars [Un propriétaire refuse de nourrir correctement le chien qui garde ses brebis] (Macho, Esope R., c.1480, 174)

Et pour ce, plus despent chiche que large, car avarice ne fut jamais bonne (Macho, Esope R., c.1480, 178)

Qui plus despend qu'à lui n'affiert, sans coup ferir à mort se fiert

Le proverbe commun fut tres sagement dit : qui plus despant qu'a luy n'affiert, sans coup ferir a mort se fiert. (Gers., Réf. roy. G., 1405, 1176)

Tant despend on qu'on n'a chemise

Tant raille on que plus on n'en rit ; Tant despend on qu'on n'a chemise ; Tant est on franc que tout s'i frit (Villon, Poèmes variés R.H., c.1456-1463, 53)

Arriere despendre. Rendre, rembourser (une somme).

Ceux de Tournay en furent de prest à vingt mille escus d'or ; lesquels le roy (...) fit requérir pour avoir pardon, sous donner à entendre qu'il venroit visiter sa bonne ville temprement ; et prioit qu'en faveur de ce, et que l'argent arrière y seroit despendu, on le luy voulsist quitter et donner. (Chastell., Chron. K., t.4, c.1456-1471, 358)

Emploi absolu. Débourser, dépenser, engager des frais.

Audit Adenin Geolier, qu'il a paié, pour les despens de Daniel de La Court, tailleur de robes de Monseigneur, de Jehannin Arcambaut, archier, de Jaques Scro, de Harrequin Larchier et de Baudet des levriers, qui revindrent de Hongrie la seurveille de Noel et n'avoient où eulx retraire ; lesquelx mengèrent par plusieurs foiz aux despens dudit Adenin, les uns plus, les autres moins, qui despendirent sanz le vin ; car ilz beurent du vin viez qui estoit à l'ostel de Monseigneur, où il avoit une queue de vin vermeil et une queue de blanc de Monstereul-Beloy, touz gras, desquelx Chamborant avoit beu en sa maladie et n'en vouloit plus boire pour celle cause ; pour ce : 8 fr. (Raponde, Comptes La Trémoille L.T., 1396-1406, 61)

Priez, galans joyeux en compaignie, Qui despendre desirez a largesse, Guerre vous tient la bourse desgarnie (CH. D'ORLÉANS, Ball. C., c.1415-1457, 124)

Tous estrangiers y venoient, Les princes donnoient, Les grans despendoient, Povres y partoient, Tous en amendoient (Chart., L. Paix, a.1426, 415)

...et en donnant et en remunerant on ne despend point mais on accroit. (Juv. Urs., Verba, 1452, 261)

Si ne crains avoir despendu Par friander ne par lescher ; Par trop amer n'ay riens vendu Qu'amis me peussent reprouchier (Villon, Test. M., 1461-1462, 35)

Proverbe. Qui despend sans necessité, il n'a rien à son besoin

L'argent ne puet estre mieulz gardé que en la main d'un tel peuple, ne plus prest a avoir au besoing, au besoing, dy je, non pas a une perfusion. Qui despent sans necessité, il n'a riens a son besoing. (Gers., Noël, p.1404, 313)

Il est plus facile de despendre que d'acquerir

C'est plus legier despendre que acquerir. (Oresme, E.A.C., c.1370, 239)

infinitif substantivé.

Car le fol large qui a prodigalité, il superhabunde en donner et en despendre et deffaut en aquerir et prendre. (Oresme, E.A., c.1370, 165)

...souvent meismes se font pendre Et destruire, par leur despendre Oultrageux, dont puis sont dolens. (Chr. Piz., M.F., II, 1400-1403, 75)

Par métonymie. Coûter.

Et le fol luy demanda encores : 'A vostre advis, la prise que vous ferés en ung an entier que montera elle bien ?' Et il [le chasseur à l'épervier] dit : 'Quatre ou cincq escus.' - 'Non plus !' dit le fol. 'Et combien pourront ilz despendre en ung an ?' -'Quelque cinquante escus', dit le jeune filz. Et quant le fol ouÿt ces parolles, il dit : 'Ha ! mon amy, je te prie que tu t'en voises tost d'icy, car, se nostre medicin vient, il te mectra en la fosse, en l'eaue, pour ce que tu es fol...' (Macho, Esope R., c.1480, 261)

3.[Avec une valeur nég.]

a)Employer inconsidérément qqc., gaspiller qqc. (temps, argent ou autre chose).

Mais de compter n'ay pas envie En la mesure de ma vie Les ans qu'au monde ay despendu Et en vanitez espandu (Mir. Barl. Josaph., c.1363, 273)

Pour quoy est [ce] que l'on la paye, Se n'est pour faire la bataille ? En quoy a l'en tant despendu D'argent comme l'en a levé, Que par le col soit il pendu Qui loyaulment l'a gouverné ? (Chart., D. Her., p.1415, 432)

Mais quant le jour apparust, Hasdrubal mist ung peu de ses gens enssemble ; et puis va contremont la riviere, serchant le gué, que jamaiz il ne peult trouver ; dont, en despendant ainssy le temps, comme la fortune le avoit ordonné, qui donna aux Rommains espasse de le sievir. Alors Hasdrubal fut contraint a battaille ; laquelle il perdist (La Sale, Salade, c.1442-1444, 45)

Qui fut bien mal content, ce fut celuy qui estoit venu de si loing perdre sa peine et despendre son argent (C.n.n., c.1456-1467, 286)

Et cependant hastez vostre artillerie et tenez vostre armée preste sans riens despendre ['sans dilapider vos moyens'] , c'est assavoir que chascun soit sur son lieu tout prest, sans fouler vostre peuple et que n'ayez cause de faire soulde. (Bueil, II, 1461-1466, 230)

Car, a vrai dire, la vielle estoit toute impaciente d'avoir le jeusne gallant, povre compaignon qui la tempesteroit a l'aventure et lui donroit dur temps en despendant le sien, et la jeusne fille estoit courcee a l'aultre léz d'avoir ce viellart usé a barbe grise qui povrement luy feroit ses besongnes. (Chastell., Chron. IV, D., c.1461-1472, 231)

Participe passé en emploi substantival. [Dans un contexte métaph.] Ce qui est dépensé, gaspillé.

Jeunes gens, vous deviendrez tieulx, Se vivez et suivez ma voie ; Car au jourduy n'a soubz les cieulx Qui en aucun temps ne fouloye : Puis faut que Raison son compte oye Du trop despendu en simplesse, Es mains de ma Dame Jennesse. (CH. D'ORLÉANS, Ball. C., c.1415-1457, 151)

b)Gâcher, détruire qqc..

Vous dites que l'en puet porter Ses oisiaux partout ou l'en veult, Voler et deduire, s'on peut, Celui qui les porte avec soi. Chiens ne meine nulli o soi ; A l'ostel despendent les biens. Telles choses ne valent riens. (Henri Ferr., Modus et Ratio, Livre deduis T., c.1354-1377, 245)

Langhe ne porroit les maulz dire Qu'il font illoec, ne main descrire. Le parc pillent et tout despendent (Pastor. B., c.1422-1425, 172)