DESMERITE

substantif masculin et féminin

[GD : demerite ; GDC : desmerite ; AND : demerite ; FEW (VI-2, 34b) : meritum ; TLF (VI, 1068a) : démérite]

A. -Faute, action répréhensible.

...Enfer ne fait Mal fors à ceulz qui ont meffait Et qui pour leur maux sont coupable ; Mais li mesdisans tout à fait Sans desmerite ne forsfait Sont aus fins amans trop grevable Et font tant par leur controuver Desloyaument Qu'à maint en font tristre, dolant Ses jours finer... (Mach., App., 1377, 650)

...par la puissance desdicts deffiens, sans nos desmerites ou dessertes, sont noz forteresses prises, demoliees et partie d'icelles, avec pluseurs villes de nostre territoire arses et brulees (Doc. 1444. In : P. Marot, Bibl. Éc. Chartes 102, 1941, 150)

...ung nommé Seguin, lequel, pour ses desmerites qu'il faisoit, il fut par le roy privé de la duchié d'Acquittaine (Juv. Urs., T. crest., c.1446, 104)

Et se l'eüsses au mains Laissié vivre soirs et mains Tout son temps ! Mais nesnil, ains Par ta desmerite Es celle qui ne te fains Et ton dart qui est soudains La joye des corps mondains A tort desherite. (Taillev., Lai mort Cath. Fr. D., 1446, 245)

[Jason à Medee:] 'Dame, pour quoy fustes vous oncques nee ! Les merites de vos benefices sont grans et dignes de gloire, mais vos demerites sont si enormes qu'ilz estaindent tout.' (LEFÈVRE (R.), Hist. Jason P., c.1460, 224)

Cestui predist et jugea aussi de l'infortune des Juifz, qui furent gectez hors de Paris pour le demerite d'aucun d'eulx (Simon De Phares, Astrol., c.1494-1498, f° 132 r°)

Aprés le dict duc milannois survint prestement le roy Alfonse, roy de Naples, soy piteusement lamentant de sa doloreuse infortune, qui, (...) les sens restrains, la puissance vivificative estainte et les proprietez de l'ame ebetees, avoit doloreusement finez ses jours, tant pour ses desmerites et ses actes vicieux, comme pour l'indignation et haynne qu'il avoit envers les nobles de son royaulme (Antitus, Poés. P., c.1500, 69)

Mérites' (Éd.).

JOSAPHAT. Nulz ne doibt aourer Ses dieux ne doubter, S'il ne scet comment. ARACHIX. Quoy ? Ne cré vous pas Noz dieux en tous cas Et leurs demerites ? (Du Prier, Roy Adv. M., 1455, 336)

Remarque : Le préf. des- a ici une valeur intensive.

Rendre à qqn ses démérites. Le traiter comme il le mérite, en fonction de ses fautes.

Nous savons bien que vous randrez à ces Franczois leurs déméritez (Saint-andré, Livre Jean de Bret. C., c.1400, 531)

B. -Au pluriel. DROIT Crimes, forfaits qui relèvent de la justice.

...lesquelx malfaisours pur leur demerites ount deserviz punissement asséz cruel si la treshaute benignité de vous, nostre tresredoubté seignur, replenis de toute grace vorroit proceder envers eux selonc lour demeritez (Lettres agn. L., 1369-1412, 12)

...maiz welt le Roy qu'ilx soient tres bien puniz selon leurs demerites (Baye, I, 1400-1410, 113)

Cy apres sont les larons qui morurent avec notre Sgr sur le mont de Calvaire, qui font les demerites pour quoy ils furent mis a mort. (Marcadé, Myst. Pass. Arras R., a.1440, 89)

Vous m'avez amené cest homme Chargié de plusieurs demerites, Digne de mort comme vous dictes, Comme d'avoir fort subverty Vostre peuple et tout perverty Et beaucoup de mal impromeu. (Gréban, Pass. J., c.1450, 300)

L'EMPEREUR. Il fault savoir quelque novelle De celle chiennaille mauldite, Que par faulte et grant demerite, Est en noz prison detenue. (Myst. st Adr. P., c.1450-1485, 90)

...sachiés que je suis de bon lieu, mais lez demeritez de mes adversités et pestillencez qui par fortune oultre mon gré me sont advenues ont tant fait que ceste peine m'a été produitte et chargee (Fille comte Pontieu B., c.1465-1468, 96)

...maistre Jehan de Beauvau, nagueres evesque d'Angers, pour ses faultes et demerites, par procez deuement contre luy fait (...) a esté (...) privé (...) de tous autres benefices et offices qu'il tenoit (Lettres Louis XI, V., t.3, 1467, 164)

Advint que le pasteur, pour aucuns ses demerittes, fut jetté en laditte cave a devorer d'icelles bestes. (Colart Mans., Dial. créat. R., 1482, 256)

Brusler, condamner, executer, ... qqn pour ses desmerites

...comme Guion Pevrier, de Conne sur Loyre, ait esté accusé par un homme appellé Jehanin du Char, qui par ses demerites fu executés à Lille soulx Monreau, en Bourgoigne, d'avoir esté à un homicide et à pluseurs autres malefices (Doc. Poitou G., t.2, 1348, 412)

...feu Perrin IIII-Dois et un nommé Sarrasin, qui, pour leurs demerittes, ont esté executés à mort (Reg. crim. Chât., I, 1389-1392, 137)

...en le vouloit avaler en oubliete, en laquelle il avoit esté condempnez pour ses demerites, et, par especial, pour le fait de la mort dudit Rotisseur (Reg. crim. Chât., I, 1389-1392, 261)

...Naman, qui par envie avoit tout ce basti, fu pris et pendus par ses desmerites (Chr. Piz., Cité dames C., c.1404-1407, 863)

...touz lesqueulx, le XXIXe jour du moys de mars derrain passé, furent pour leurs demerites executez et penduz, exexpté le dit Macé le Bas qui fut escolletté (Chron. Mt-St-Mich. L., t.1, Pièces div., 1420, 101)

Et par ce lui est delivrée par ladicte Court ladicte hopellande du consentement du procureur general du Roy, ayant, comme il dit oudit nom, le droit en ceste partie dudit feu maistre Jehan de Montfort, nagaires executé pour ses demerites. (Fauq., II, 1421-1430, 346)

...auquel lieu il pour ses demerites a esté decapité. (Chancell. Henri VI, L., t.1, 1424, 166)

Durant lequel temps, y en avoit ung nommé Hannekin Lion, natif de Dunequerque, lequel pour ses démérites avoit esté banni de la ville de Gand et s'estoit rendu fugitif du pays (Monstrelet, Chron. D.-A., t.5, c.1444-1453, 234)

Item, m'appartiennent aussi a ladicte cause une justice, autrement dit gibet, près de ma ville de Chastel, a quatre pillers et festiers, a laquelle et autrement par divers tourment de mort par bonne justice faire executer gens selon leurs demeritez jusques a mort, prendre les drois de confiscations, actraiers, espavez, amendes de batures arbitraires et aultrement. (Comté Porcien R., 1459, 258)

C. -RELIGION Ce qui prive l'homme de la grâce de Dieu ; faute, péché.

Helas ! Mar furent d'Adam nez Les chetis qui seront dampnez En enfer pour leurs demerites (Desch., Oeuvres Q., t.2, c.1370-1407, 290)

...ne aussi Dieu ne descognoissoit pas que homme peust non mourir, pour ce que il devoit par aprés, mourir pour la desmerite de pechié (Foul., Policrat. B., II, 1372, 167)

Biau preudons, or entendez. Toute La demerite vous pardoin. Puis que Dieu, qui voit près et loing, Le vous pardonne franchement, Aussi fas je certainement ; C'est a briefs moz. (Mir. st J. Paulu, c.1372, 135)

Or ay donques dit souz correction comme les anges sont en lieu et leur lieu propre ou plus propre est ou ciel ou sus le ciel, mais par dispensacion divine et par leur volenté ou pour leurs demerites aucuns sont yci-bas. (Oresme, C.M., c.1377, 294)

Car la declaracion ou la sentence du prestre, quant elle procede par voie de raison et declaire le pecheur, par sez merites, estre absoubz, ou par sez demerites, estre lié, si est approuvee et confermee de Dieu, en l'autre siecle. (Songe verg. S., t.1, 1378, 83)

...il precha pupliquement au pueple que luy seul avoit pover de remettre et pardoner lez poines que lez pecheurs devoient souffrir par leur demerites en l'autre siecle. (Songe verg. S., t.1, 1378, 101)

Or pert il bien que malvez esperit Vous a fait une illusïon. Ainssy meine a confusïon, Ainssy detient, ainssy enlace Ceulz a qui Dieu soutrait sa grace Par leur pechié et desmerites. (Mart. st Pierre st Paul R., c.1430-1440, 128)

...car predestination ordonne la glore selon le bon plaisir, mais reprobation prepare et appareille la paine selon la requeste des merites ou demerites. (Somme abr., c.1477-1481, 171)

Voz predecesseurs si l'aquistrent [ceste haulte prosperité] par l'excercite de bonnez oeuvres et par usage vertueux, et lez successeurs le perdent par non challance de bien faiz et par abusion de puissance. Dieu la donna par la merite des bons peres, et il l'a tollue aux enfans forligniez pour leurs desmerites. (Chart., L. Esp., c.1429-1430, 66)

Toutes telles dispositions viennent de Dieu qui donne mutation aux choses selon le merite ou desmerite des gens. (Comm., I, 1489-1491, 109)