DELAISSER

verbe

[T-L : delaissier ; GD : delaissier ; GDC : delaissier ; AND : delaisser ; FEW (V, 222b, 223a) : laxare ; TLF (VI, 1015b) : délaisser]

I. -Emploi transitif.

A. -[Idée de séparation spatiale]

1.Délaisser qqc. Quitter, abandonner (un lieu, un bien foncier...).

...tout son avoir terrien Veult delaissier ce chevalier Pour devenir moine cloistrier (Mir. nonne, 1345, 350)

...au temps que par le feu roi Jehan le pays de Limosin fu baillié et livré aus Engleiz, le pere de lui qui parle se tourna et print le parti du roy de France, et delaissa tout ce qu'il avoit oudit pays de Limosin tenu en la subjection desdiz Engleiz. (Reg. crim. Chât., II, 1389-1392, 185)

Se tu fais paix, il te fault delaissier une partie de ce que as conquesté, et mesment Paris, et si te fauldroit renuncer a la noble couronne de France (Juv. Urs., Aud. celi, 1435, 219)

Et quant est du peuple des frontieres qui ont eu si vaillant courage de resister a voz ennemis, toute bonne voulenté et bon courage leur fault, et s'en vont en pais estranges et delaissent les villes. (Juv. Urs., Loquar, 1440, 404)

Autrement donc, quant bise vente, Chascun delairroit sa maison Et s'en yroit veoir sa belle ante (Coquill., Oeuvres F., 1478-p.1494, 143)

...ung frere religieux delaissa son monastere et s'en retourna au siecle (Colart Mans., Dial. créat. R., 1482, 156)

2.Delaisser qqn/un animal

a)Abandonner, quitter qqn.

A che s'acorde le dit de Ecclesiastique ou .IXe. chapitre : Ne delaisse pas ton anchien ami, le nouveau ne sera pas samblable a lui. (Daudin, De la erudition H., c.1360-1380, 268)

Ainsi mourront en indigence, Povres, chetis et maleureux, Par l'orgueil et le pechié d'eulx ; De tous biens les despouilleray Et a tousjours les delairay (Desch., Oeuvres R., t.8, c.1370-1407, 273)

S'aucuns scevent ou dancer ou chanter, Il [l'amant] les vouldra acointer et hanter Et les chetifs delaisser et planter. (Chart., D. Fort., 1412-1413, 168)

Je cuide forment, et le croy, Que là sault bonne charité Quant aucuns pour mortalité Délaissent leurs prouchains parens En grans périlz et apparens, Et s'enfuient d'avecques eulx Comme couars, non comme preux (La Haye, P. peste, 1426, 76)

Les povres tousjours trouverez ; Et moy pour tant delaisserez. (Myst. Pass. Amb. R., c.1474-1500, 36)

Helas, mes seurs, a vous me rens. Je suis la pouvre desoulee, Deslaissee de toutes gens ! (Pass. Auv., 1477, 264)

En particulier. Delaisser (une épouse, une concubine)

...elle s'accointa d'un nommé Guïot de Lisle, lequel gouverna elle qui parle, et quist ses neccessitez de boire et de mengier, chauffer et vestir, et aussi de lui livrer maison et mesnaige, par l'espace de IIIJ ans ou plus. Et pour ce que icellui de Lisle delessa elle qui parle par aucun temps, elle fist son ami ledit Hennequin de Ruilly, son mary (Reg. crim. Chât., II, 1389-1392, 316)

... [le] marquis, qui a sa femme devise Prent autre pour toy [Griseldis] delaissier. (Gris., 1395, 86)

Et lui commande qu'il me garde Saine et malade, sans laissier, Ne pour autre me delaissier (Chr. Piz., M.F., I, 1400-1403, 38)

Aprés pluseurs tournoiemens faiz en la mer, elle avec Jason vint en Thesalie. Jason finablement delaissa Medea et prist Creusa fille de Creon roy de Corinthe. (Premierfait, Cas nobles hommes G., 1409, 127)

Tort aroies, quoy qu'autrement soustiengne, De moy ainsi delaissier sans raison. (Chr. Piz., Cent ball. amant dame C., c.1409-1410, 113)

Pour autre suis delaissiee, Dont durement suis bleciée. (Chr. Piz., Cent ball. amant dame C., c.1409-1410, 129)

Oudit moys de may, le duc de Calabre, nepveu du roi de Secile et de Jherusalem, à qui le roy avoit fait tant de honneur de lui donner sa fille ainsnée en femme et espouse, s'en ala hors de sa duchié de Lorraine, pardevers ledit duc de Bourgongne, pour traicter d'avoir et espouser sa fille, en delaissant, en ce faisant, ladicte fille du roy, sa femme, qui fut chose moult estrange à lui de ainsi faulser sa foy (Roye, Chron. scand., I, 1460-1483, 265)

[Au moment de la mort] Laisser derrière soi (une femme, un enfant, un héritier...).

De la leesse du temps present et a venir est dit en Ecclesiastique ou .XXXe. chapitre : 'En sa vie le pere a veü son filz enseignié et s'est esjoïs en lui', vechi du present ; 'et en son trespas n'a prins tritresse, ne confusion n'a eu devant ses ennemis. Il a delaissié ung deffenseur pour sa maison contre les ennemis, rendant grasse a ses amis', vechy du temps a venir. (Daudin, De la erudition H., c.1360-1380, 161)

...senz hoirs de son corps (...) ...delaissiéz hoirs de son corps (Ordonn. Ph. le Hardi, Marg. de Male B.-B., t.2, 1410, 521)

Item, est assavoir que Loys, duc d'Orléans, defunct, avoit espousée la fille de Galéas, duc de Milan, qui estoit sa cousine germaine, de laquelle il délaissa trois filz (Monstrelet, Chron. D.-A., t.1, c.1425-1440, 167)

Et assez tost aprés ala de vie a trespassement Loys dit hutin, delaissee sa femme grosse, et fut Phelippe son frere gouverneur du royaulme (Juv. Urs., T. crest., c.1446, 18)

Et notéz que ledit roy delaissa plusieurs enfens filx et fillies, et en especial il laissa deux fils (Maupoint, Journ. paris. F., p.1461, 39)

...mon dit seigneur, le duc Phelippe, morust sans delaissier hoir de sa char (Hist. dr. munic. E., t.1, 1482, 10)

[De Dieu] Retirer sa protection à qqn, abandonner qqn, laisser qqn démuni.

Je, certes, Sire, n'espoir rien en moy, mes en toy, et, se ne fust l'esperance que j'ay en toi, je me fusse perdu, piece a, mais je pense que tu ne delaisses pas ceuls qui esperent en toy. (Gast. Phébus, Livre oraisons T., c.1380-1383, 66)

Le sens me fault avecquez la parolle, et plus n'y voy, fors que Dieu a les François delaissiez et oubliez. (Chart., L. Esp., c.1429-1430, 15)

Sy Dieu n'eust delaissé ledict duc, il n'est pas apparent que il se fust mis en peril pour si peu de chose, veües les offres qui luy avoyent esté faictes (Comm., II, 1489-1491, 105)

Delaisser qqn es mains de qqn. Abandonner, livrer qqn à qqn.

Ainsi n'est pas, car sans aide ne secours je suis delaissié es mains des ravisseurs comme la proye des autres qui me contraignent a crier a Dieu venjance contre eulx de l'importable et dure affliction qu'ilz me donnent. (Chart., Q. inv., 1422, 24)

(Estre) delaissé à qqc. Être abandonné à qqc., être laissé seul avec qqc..

Ainssi «le filz lasche», c'est a dire laschement ou nichement discipliné ou du tout delaissé a sa propre volenté, «eschapera», c'est a dire qu'il yra hors de la voie de justiche, tresbuschant de pechié en pechié et finablement de pechié en Enfer. (Daudin, De la erudition H., c.1360-1380, 186)

Autrement, comme on list en Proverbes : «Chilz qui est delaissié a sa propre volenté confondera sa mere». (Daudin, De la erudition H., c.1360-1380, 214)

b)[D'un animal] Abandonner (qqn ou un autre animal).

...le corbeau, après qu'il a pullullé et que les petis corbins sont nez, voyant qu'ilz ne sont pas semblables à lui (car ilz ne sont pas encores revestus de leurs pennes ne n'ont nulle coulleur noire comme luy ;) doubtant qu'ilz ne soient procedez d'autre oyseau que de soy, les delaisse et habandonne jusques au huitiesme jour et n'ont autre subtentacion ou nourriture que de l'air. (Bueil, I, 1461-1466, 58)

Pour lequel le lyon comme domesticque sieui le duc et oncques ne le delaissa en toute sa vie. (Colart Mans., Dial. créat. R., 1482, 256)

c)[D'une chose]

Et qui laisse la congnoissance de Dieu et de son office, pour suyvre comme les bestes mues ses seulx delitz, grace et seurté le delessent, et paine, honte et misere le poursuivent jusquez en vergonneuse fin. (Chart., L. Esp., c.1429-1430, 75)

B. -[Idée d'arrêt, de rupture dans le temps]

1.[D'une pers.]

Quitter (un état, une activité, une situation).

...pour eslire ung conseillier lay en ladicte Court, ou lieu de maistre Jehan du Noyer, qui avoit delaissié et resigné son office de conseillier lay es mains de monsegneur le Chancelier (Fauq., I, 1417-1420, 200)

Ce jour, Giles Lesguisié a choisy l'office de garde et chancelier des foires de Brie et de Champaigne, et y a esté receu et fait le serement acoustumé, après ce qu'il a delaissié l'office de l'election de Lengres. (Fauq., II, 1421-1430, 180)

Et pour ce que homme ne peult eslever son jugement oultre le povoir de humaine science, se fist homme, et en voulant exalter humanité humilia sa deité, et print char humaine sans delesser eternelle divinité, affin que en vertu de Dieu humain homme fut fait divin, et que celui qui divinement se fist homme peust estre congneu Dieu humainement (Chart., L. Esp., c.1429-1430, 116)

...et dès lors le Roy, pour les plus astraindre et pour les faire entendre et vaquer plus diligemment en ses causes et besoingnes, volt et ordena qu'ilz delaissassent et dès lors delaisserent tous autres gaiges, toutes autres pensions et pratiques (Fauq., III, 1431-1435, 38)

Quant le pere le sceut il delaissa l'abbit de religieux et print ses armes (Juv. Urs., Verba, 1452, 295)

Mais ceux qui delaissent leur voccacion [le métier militaire] et qui vont à la cour passer leur temps en oysiveté, sans besoing qu'il en soit, ne sans sçavoir à quel propos ilz y vont, les seigneurs dient, quant ilz les voyent : 'Veez-là tel ; je le congnois bien ; je l'ay autrefois veu.' (Bueil, I, 1461-1466, 42)

L'ERMITE. O Dieu, je seroyes appostat Se je delaissoyes mon habit. (Sots gard., a.1488, 101)

Le pape et le duc de Milan escripvoient souvent contre ledit frère, asseürant les Florentins de leur faire rendre ledit Pise et autres places, en delaissant l'amytié du roy, et qu'ilz prinsent ledit frère Jheronime et qu'ilz en feïssent pugnition. (Comm., III, 1495-1498, 310)

Emploi pronominal à sens passif.

Apprenez a cognoistre vostre infelicité par les fortunes eureuses de voz ennemis, et vous souviengne que les glaces d'yver, ne la diminucion du vivre, la pestillence des maladies contagieuses ne le long travail des armes vestir et porter nuit et jour, ne leur cassent leurs fortes entreprises, ne ilz n'en laissent sieges a mectre, ne champs a tenir, et tous voz faiz se delaissent pour chacune legiere ochoison ou particuliere voulenté. (Chart., Q. inv., 1422, 16)

2.[D'un mal] Laisser qqn tranquille, ne plus importuner qqn.

...et encore ne me vuelt delaissier cest mal, Sire, si est la delectation de la char, tempeste de luxure (Gast. Phébus, Livre oraisons T., c.1380-1383, 36)

Le mal qu'il porte trop le blesse. Se vous ne le voullez aider, Il ne sçaura qui accoincter Affin que son mal le delaisse. (Au grey d'amours F.-H., c.1400-1500, 267)

Triste pencer me mayne en lesse, Rigueur trop me prend en sursault, Desespoir poinct ne me delaisse, Deul cruel vivement m'assault (La Vigne, S.M., 1496, 569)

3.[D'une chose]

Cesser.

Ainssi öent tuit li baron(,) Celle vois si [l. qui] se complengnoit [;] Tous li mondes s'esmervelloit. Atant la vois se delessa, Et a parler si commensa La Damoiselle au Porc-Espi (Dame Lycorne G., c.1349-1350, 315)

Cesser (de prospérer).

J'ay du dieu Mars, en guerre souverain, Tout le pouoir ; de Ceres la deesse, Du dieu Bachus, vin, fleur, becuit et grain (...). Cause ne sçay se mon fait se delesse : Contre les vens ne puet nulz de la mer. (Desch., Oeuvres Q., t.1, c.1370-1407, 81)

C. -[Idée de séparation et de mise à disposition] Delaisser qqc. à qqn. Céder, abandonner qqc. (un bien) à qqn.

...j'ottroy (...) qu'aussi vous tout quittement Vostre terre me delaissiez Se ce fait ci n'acomplissez (Mir. Oton, c.1370, 342)

...comme Morinot de Tourzel, escuier, seigneur d'Alegre, depuiz le don et octroy à lui fait par les lettes dessus transcriptes, ait cedé, transporté et delaissié à nostre amé et feal conseiller Simon de Cramaut, à present evesque de Poitiers et chancellier de nostre dit oncle, par certain traictié et accort faiz entre eulz, les maisons, terres, cens (Doc. Poitou G., t.5, 1386, 319)

Tout lequel chastel, ensamble tous les biens qui dedens estoient, il qui parle delaissa audit conte, pour l'onneur de lui, parmy la somme de IIIJm frans en or comptant (Reg. crim. Chât., II, 1389-1392, 205)

Ains mourray quant mourir devray, De joie nue, Sans estre a Fortune tenue N'a Amours, qui d'une venue Pas une esperance menue Ne me delaissent, Car en toute douleur me laissent, Dont leur pris grandement abaissent, Car du premier desir me paissent Tousjours autel. (Chart., L. Dames, 1416, 229)

Item ung mémorial ennexe ès plaiz d'éritages de Rouen, (...) faisant mencion comme led. Bateur avoit délaissié par boursse de lignage aud. Guillaume Lalement icelles X l. de rente, mises en ung sac. (Invent. test. Surreau Foville F., 1435, 132-133)

Item, sera tenu le roy de augmenter la seigneurie dudit duc et de ses hoirs, soit masles ou fumelles, et lui délaissier le pays de Masconnoys et de Saint Gengon, avec toutes leurs appartenances, tant fiefz, arrière-fiefz, patronnages, confiscacions, comme autrement ; l'ommage seullement au roy réservé, que ledit duc sera tenu faire en parrye. (Doc. 1450. In : CHART. J., Chron. Ch. VII, V., t.1, c.1437-1464, 196-197)

Au savetier [je laisse] mes soulliers vieulx, Et au freppier mes habitz tieulx Que quant du tout je les delesse ; Pour mains qu'ilz ne cousterent neufz Charitablement je leur lesse. (Villon, Lais R.H., c.1456-1457, 26)

...et combien que il eut confisqué corps et biens, toutevoye Jullius Cesar delaissa a la femme et aux enffans tous les biens meubles et immeubles de Cathon. (Juv. Urs., Exort., 1458, 414)

...avons donné et cedé, transporté et delaissé à nos cousin et cousine (...) nos contés et seigneuries de Roussillon et de Sardaigne (Lettres Louis XI, V., t.2, 1461-1465, 131)

...duquel rachat de la part de mondit seigneur de Bourgoingne seront baillées lettres bonnes et soufisans, par lesquelles il promectra, pour lui et les siens, que toutes et quanteffois qu'il plaira au Roy ou aux siens faire ledit rachat, mondit seigneur de Bourgoingne et les siens seront tenuz, en recevant ladicte somme d'or, de rendre et delaissier au Roy ou aux siens toutes lesdictes citez, villes, forteresses, terres et seigneuries comprinses en ce present article tant seullement, et sans toucher aux autres dont dessus est faicte mencion. (La Marche, Mém., I, c.1470, 225)

...nous avons (...) baillé en fief et infeodacion perpetuelle, donné, ceddé, transporté et delaissé à (...) cousin le viconte de Nerbonne la conté de Pardriac (Lettres Louis XI, V., t.6, 1475-1478, 271)

Et veulent dire aucuns qu'il en fut prins dix mil escus pour faire consentir ledit seigneur Charles à delesser la conté de Poitou, laquelle le roy estoit content de luy delesser par avant ledit appointement. (Le Clerc, Interp. Roye, c.1502, 219)

Delaisser qqc. en la main de qqn/d'une collectivité

...delessant couronne et sceptre et possession en la main de fortune (Chastell., Temple Boc. B., 1463-1464, 137)

...il sera tenu de soustenir et maintenir ladicte loge de ce qu'il y faudra pour son usaige durant ledit temps et, où cas qu'il y faudrait faire guet ou garde par temps de guerre ou autrement, ledit Hermen sera tenu de la delaissier en la main de ladicte ville (Comptes Paris M., t.2, 1457-1489, 35)

Céder (sa place) à qqn.

Et puisq'ainsi est, en bon eur A ton autre espeuse mon lieu Delaisse d'humble cuer, et Dieu Vueille que viegne a tresbonne heure En ce lieu ou j'ay ma demeure Eu tresjoyeuse par longtemps (Gris., 1395, 82)

Delaisser une chose abstr. à qqn.

...Ains mourray quant mourir devray, De joie nue, Sans estre a Fortune tenue N'a Amours, qui d'une venue Pas une esperance menue Ne me delaissent, Car en toute douleur me laissent, Dont leur pris grandement abaissent, Car du premier desir me paissent Tousjours autel. (Chart., L. Dames, 1416, 229)

Et, pour ce que trop longue chose seroit de reciter et racompter les beaulx faiz de ce bon roy, je delesse le surplus à ceulx qui font les Cronicques de France. (Bueil, I, 1461-1466, 31)

...Et puis, aprés recommandacion, Je delairay, a mon tresgrant honneur, A jennes gens qui sont en leur verdeur Tous fais d'Amours par resignacion. (CH. D'ORLÉANS, Songe compl. C., 1437, 105)

D. -Au figuré. [Idée de renonciation, de distance prise]

1.Delaisser qqc.

a)Renoncer à qqc..

Pour quelque peine que j'endure, D'amour ne delairay le train, Car qui des armes prend la cure, Grand maladie se procure (Molinet, Faictz Dictz D., 1467-1506, 626)

[à qqc. de négatif ou considéré comme tel]

Tant com plus s'est glorifïee Et esjoïe en ses delices Et ne voult delaisser ses vices, Tant plor et tourment li donnez. (Tomb. Chartr. Trois contes S., c.1337-1339, 100)

Je fas morir ceulx que j'oy dire Qui delaissent la loy paienne Pour tenir la loy crestienne. (Mir. emp. Julien, 1351, 175)

Aprés il monstre quelles doubtes sont a delaissier et quelles a poursuir en ceste matiere. (Oresme, E.A.C., c.1370, 415)

Presente suis [Notre Dame] , je te viens faire aie ; Mais il te fault mon filz, ton Dieu, amer Et delaissier t'erreur et ta folie Et ce monde qui te fait tourmenter (Desch., Oeuvres Q., t.1, c.1370-1407, 259)

Il fault que je cesse De dicter et de rimoyer, Et que j'abandonne et delaisse Le rire pour le lermoyer. (Chart., B. Dame, 1424, 332)

Se chascun eust mené la vie Qui de droit luy est establie, Sans prendre sentier n'entrevoye, On eust delaissé toute envye Qui est celle que Dieu mauldie Par qui le monde se devoye. (Régn., F.A., 1432-c.1465, 67)

...comme tu dois excerciter a vertu acquerir par frequentacion et excercite de bonnes operacions, comme tu te acoustumeras a bien faire en delaissant toutes tes mauuaises inclinacions. (Cib., p.1451, 187)

...tu incites les courages a vertu en delaissant les vices. (Chastell., Temple Boc. B., 1463-1464, 83)

MARS. Les dieux ne rendez point contens Si vous ne delaisez voz vices. (Cene dieux, c.1492, 135)

Emploi absolu.

Le pouvoir de faire et de delaisser. Le pouvoir de faire et de renoncer (à faire).

...leur fit dire qu'il estoit prince de justice, douté et cremu de ses gens et de qui le dit donnoit la mort au trèspassant (...), pareillement les vouloit asseurer aussi de sa part que passant parmy et logeant ne leur souffreroit mesfaire, mais en vouloit avoir la maistrie toutevoies et le pouvoir de faire et de délaisser. (Chastell., Chron. K., t.3, c.1456-1471, 137)

(Se) delaisser de qqc. Renoncer à qqc..

Si te parleray des pechiés, Afin que ceulz qui entechiés En sont s'en veullent delaissier Pour estre meilleur fauconnier (La Buigne, Rom. deduis B., 1359-1377, 94)

Ou il fault que vous le faciez, Ou il fault que vous delaissiez De vostre estat trop malement. (Mir. chan., c.1361, 151)

Mais, pour mesdisans destourber De parler sus vostre jeunesse, Il fault que souvent m'en delaisse [de regarder votre beauté] Combien que ne m'en puis garder. (CH. D'ORLÉANS, Chans. C., c.1415-1440, 224)

...se ilz [les Anglais] se delaissent du droit qu'ilz pretendent a avoir (...) tant plus leur doit on laisser de partie du royaulme (Juv. Urs., T. crest., c.1446, 62)

[Le compl. est un inf. subst.]

Si n'estoit pas cose pour le roi d'Engleterre et les Englois legiere a esclarcir, car jamais li rois Phelippes, pour lors paroles, demandes ne manaces, ne s'en delairoit dou non tenir et remetre arriere (Froiss., Chron. D., p.1400, 235)

Ne point se delaisser que + subj. Ne pas renoncer à, n'avoir de cesse que.

Chil troi jour se passerent sans paix et sans acord, car li rois d'Engleterre tenoit toutdis son opinion et metoit en termes que point ne se delairoit que il ne fust sires de Calais, et li rois de France voloit que elle li demorast. (Froiss., Chron. D., p.1400, 833)

b)Négliger qqn/qqc., ne pas se soucier de qqn/qqc., ne pas prendre en considération qqn/qqc..

Assez le peut on noter et prendre exemple du roy Roboan, qui, pour les oppressions de son peuple qu'il ne voult amendrir ne cesser en delaissant le conseil des saiges anciens et ensuivant la sote oppinion des jounes et non saichans, perdy de sa seigneurie dix lignies et demie. (Chart., Q. inv., 1422, 23)

A tant me deporte de ce propos fors que je adjouste ceste conclusion que loial subgiet ne doit pour le prouffit de la guerre en delaissier l'onneur. (Chart., Q. inv., 1422, 52)

Si ses erreurs [de Jean-Baptiste] sont ainsi delaissees, Noz loix seront adnullees et casses Et n'aurons plus autorité ne voix. (Michel, Myst. Pass. J., 1486, 15)

Emploi pronominal à sens passif.

...lors ne se doit la chose publique delaisser, quant l'infortune d'icelle la rent plus besongneuse de bon secours, car, comme en nous redonde le bien de la prosperité publique, aussi devons nous les infortunes de son adversité aider a soustenir et non lui defaillir de fait ne de couraige en necessité. (Chart., Q. inv., 1422, 48)

[Idée de pardonner]

Delaisser qqn. Ne pas attacher d'importance (aux erreurs de qqn), pardonner à qqn.

Je doy bien estre tenu pour excusé et delaissié pour si chetif que je suis, sans adjouster a ma misere blasme ou reproche, car douleur et mesaise me chacent a la mort si durement que je seiche sur le pié sans attente de mieulx (Chart., Q. inv., 1422, 24)

[De Dieu] Delaisser une faute. Ne pas tenir compte d'une faute, pardonner une faute.

La misericorde de Dieu apert par les effects des benefices de Dieu, car il pardonne aux coulpables en delaissant la coulpe du mesfait et les paines qui s'ensieuvent au pechiet (Somme abr., c.1477-1481, 179)

Laisser de côté qqc, cesser de mentionner, passer sous silence qqc..

Or je delesse Celle raison et viens a la lëesce, Ayse de cuer et haultaine richesce Que un amant puet avoir de sa maistresse Si largement (Chart., D. Fort., 1412-1413, 166)

Mais je me tais De tout mon fait, et le delesse en paix. S'il m'est mal pris, autres n'en pevent mais ; En ce qu'est fait n'a remede jamais. (Chart., D. Fort., 1412-1413, 181)

...et plusieurs autres paroles, délaissées pour cause de briesté (Monstrelet, Chron. D.-A., t.1, c.1425-1440, 110)

Et luy dit Paulin plusieurs aultres choses que pour le present je delaisse. (Nouvelles inéd. L., p.1452, 87)

Des roys d'armes, des heraulz, poursuivans, trompectes, clarons et menestriers de divers instrumens qui devant eulz aloient, que je delaisse pour abregier. (La Sale, J.S., 1456, 164)

Et j'ay recité ceste exemple par manière d'un incident ; si le vueil delesser pour le present et retourner en ma principalle matière (Bueil, I, 1461-1466, 31)

Se delaisser de qqc.

Desquelles choses je me vueil delaissier, pour revenir a l'estrantegement que dist Vallerius, disant : nostre grant dieu Juppiter fust aussy propice aux saiges et soubtilz conseilz de noz tresvaillans ducz. (La Sale, Salade, c.1442-1444, 46)

Et tout ce ne est que par faute de leur [ dire ] verité, ainssy que dit est, et comme se treuve en pluiseurs ystoires de maintes seignouries perdues par ce deffault, desquelles l'escripre seroit trop long. Sy m'en delaisse, fors aucum peu de ce premier roy Charles, frere de monseigneur saint Loys de France, dont ses cronicques font tant de glorieuses mencions (La Sale, Salade, c.1442-1444, 164)

De laquelle chose, pour abregier, je me delaisse pour revenir a la cronicque, qui dist que, par deliberacion de sainte esglise et de Pappe Martin CINCQme, au Chastel Neuf de Napples, madicte dame la royne Jehanne seconde fust couronnee et investie dudit royaume, en l'an de Nostre Seigneur mil IIIIc et XIX, et le dimence XXIXe jour d'octobre (La Sale, Salade, c.1442-1444, 194)

Delaisser que + sub. Négliger de.

Tu as bien dist, je veul qu'elle soit baptissie Et tez fiex ausy ; ne le delesse mie Que demain ne reviengnez ici sans compaignie (Vie st Eust. 1 P., c.1350-1400, 138)

infinitif substantivé. [À propos de la conduite d'un mari envers sa femme vieillissante] Fait de négliger sexuellement (une femme).

LA DAME. (...) Conment que je n'aie encore age Du delaissier pour ma veillesce (...) Je vous ay voué, fleur de lis, Que jamais de ma char delis Ne sera en vostre honneur fais. (Mir. enf. diable, c.1339, 3)

2.Delaisser (à) (de)+ inf. Renoncer à.

...A la garder [la finance] a grant cremour Et grant douleur a la lessier. Pour ce se doit on delessier D'acquerir, qui veult vivre en joye. (La Buigne, Rom. deduis B., 1359-1377, 206)

Pour che dist Cathon : Delaisse a estre contraire a toy mesmes. (Daudin, De la erudition H., c.1360-1380, 330)

...aucune foiz pour la grant chaleur qu'il fait ilz s'arrestent, et delaissent a faire leur voyage. (Mir. st Ign., 1366, 72)

Et aprés quant vient as perilz et leur premier mouvement est passé et refroidie ou destaint comme une legiere flambe ou comme une fumee, adonques le cuer ou le pouoir leur fault et se departent ou deslaissent a ouvrer. (Oresme, E.A.C., c.1370, 209)

Car il aiment selon la passion ou temptacion et pour delectacion, et teles choses font moult fort amer pour le temps, et pour ce il aiment tantost et tantost delaissent a amer. (Oresme, E.A., c.1370, 418)

Et, se nous accorddons que elle [la science] soit variable, nous alons contre le dit saint Jaque en sa canonique ; car en luy est variacion et ombrage de succession, et delaisse estre pere de lumiere se aucune chose eschappe sa science que par devant elle ait cogneue. (Foul., Policrat. B., II, 1372, 168)

...et s'elle [la Mort] differoit ou delaissoit a faire mourir telz jeunes amans qui ainsy se adventurent ou mettent en dangier de leurs personnes par leurs folies mondaines, c'estoit de grace et de permission seulement qu'on ne luy povoit retorquer a prejudice (MART. D'AUV., Arrêts Am. R., c.1460-1466, 155)

Et, si l'aventure estoit telle que, par force, subtilité ou autrement, les ennemis feussent entrez en la forteresse, on ne doit pour ce delaisser à resister à l'encontre d'eulx (Bueil, II, 1461-1466, 53)

Ne pas continuer à, cesser de.

Et avoient accordé entre eulz donner ycellui proffit aus marchans de Lorraine et d'Alemaigne à eulz marchissans et d'ailleurs, en leur donnant pour marc d'or plus d'avantage qu'ilz n'avoient acoustumé de leur donner, pour ce qu'ilz délaissoient de venir en ladicte monnoie (Ch. VI, D., t.1, 1399, 161)

Doit un chascun certainement Son ame et corps du tout commettre Dévotement au Roy Célestre Sans delessier remède querre Par les choses qui sont en terre, Car Dieu créa les médicines, Diverses et nobles et fines (La Haye, P. peste, 1426, 62)

...ledit Jehan Bonnemyn s'est gouverné rudement et mal gracieusement envers ladicte suppliante, en la tractant très mal, quant elle estoit couchée en sa compaignie, en luy voulant desnyer le boire et le menger, et tellement l'a tractée qu'il a convenu à ladicte suppliante de delaisser de coucher avec ledit feu Jehan, son mary, fors par demy nuit seulement. (Doc. Poitou G., t.11, 1474, 460)

...on avoit delaissié de les paier leurs gaiges dessusdis par si long temps que le Roy à chascun d'eulz devoit d'arrerages de leurs diz gaiges XIJe frans ou environ (Fauq., III, 1431-1435, 39)

Toutevoye justice ne doit point estre sans misericorde, ne si grande clemence que on delaisse du tout a faire justice. (Juv. Urs., Verba, 1452, 304)

Emploi absolu. (Se) delaisser

[D'une pers.] Se laisser aller, renoncer (à lutter).

Ta grant puissance maintient la vigueur de l'esperit, et ne te peult force tollir, ne violence fortraire. Seulle erreur de pensee et faulte de foy te font delaisser ceulx qui contre nature et eulx mesmez se delaissent, et estrivent a defaire en eulx ce que nature y a fait en la vertu de ton maistre. (Chart., L. Esp., c.1429-1430, 90)

Sans delaisser. Sans cesser.

Comme il avint diray sanz delaissier. (Chr. Piz., Chem. estude P., 1402-1403, 3)

Si povons encore dire que ou bien de renommée sont incorporées les aultres .II. vertus susdittes, c'est assavoir : amer bonnes meurs et soy gouverner par prudence, car il convient de neccessité pour emplir le bien de renommée que vertus soient excercitées sanz delaissier (Chr. Piz., Faits meurs Ch. V, S., I, 1404, 11)

Nulle rien ne me pourra nuyre, Dame, se tu me veulz aider ; Vueillez mon cueur tellement duire Qu'il te serve sans délaisser. (Prières saints R., t.2, c.1500, 152)

II. -Delaisser qqn/qqc. + attribut de l'obj. Faire rester qqn/qqc. (dans un état donné ; en s'éloignant ou non).

Pareillement le conte de Saint-Pol fist serement semblable aux dessusdis et de non delaissier la ville de Paris abandonnée (Fauq., I, 1417-1420, 320)

Et tu, qui est plus parfait de toutes creatures ça jus, delaisses ton oeuvre entrerompue, et ton office sans excercite comme vaccant, et par negligence l'ame pardurable cheoit en peril, dont la perte est trop plus grande que du corps mortel. (Chart., L. Esp., c.1429-1430, 25)

Certes, tres grande est ta gloutonnie, car tu veulz tout engloutir et consumer et tu me delaisse familleuse et indigente. (Colart Mans., Dial. créat. R., 1482, 17)

Le dyable, ainsi frustré de son intencion, delaissa le bon religieux paisible et oncques depuis ne le tempta de telles illusions. (Colart Mans., Dial. créat. R., 1482, 18)

III. -[En empl. de semi-auxiliaire] Delaisser + inf. Permettre que, laisser +inf..

...et ce semble impossible meismement supposé que Dieu delessast ce feu faire ce que s'ensuiroit selon le cours de nature, car ce point seroit de tout bas, tout haut, sans passer par le moien ou il seroit en un moment par tout le moien et feroit une ligne de poins infinis. (Oresme, C.M., c.1377, 602)

Ne me delaisses, doulz Sires, croistre en mon ignorance, et ne me me laisses multiplier mes defaillimens. (Gast. Phébus, Livre oraisons T., c.1380-1383, 61)

Pitié et Raison confesse Qu'il n'est dangier në aspresse, Peril de mort ne destresse Que ne doiez soustenir Pour le beau lis maintenir, Dont l'onneur et la noblesse A garder vous appartient. Et se par vostre paresce, Fautte d'advis ou simplesce, Chascun verser la delesse, Que cuidez vous devenir Ne quele seurté tenir ? (Chart., L. Paix, a.1426, 417)

...l'occasion pour la quelle le duc Guillaume qui concquesta Engleterre fut permis et delaissé joyr de la duchié de Normendie. (Juv. Urs., T. crest., c.1446, 73)

Et, touttesfois, oncques n'en delaissa larme cheoir de ses yeulx et demoura immobile en genoulx devant les piez du crucifix (Colart Mans., Dial. créat. R., 1482, 273)