DESGARNIR

verbe

[T-L : desgarnir ; GD : desgarnir ; GDC : desgarnir ; DEAF, G 331-333) : garnirdesgarnir ; AND : desgarnir ; DECT : desgarnir ; FEW (XVII, 530a, 532b) : *warnjan ; TLF (VI, 966a) : dégarnir]

Priver, dépouiller.

A. -Dépouiller, priver des moyens d'existence, des biens.

Se Job dez biens du monde fu de tout dezgarnis, Au mains fu il tourjous hanté en son païs : Souvent veoit sa fame et sez autrez amis, Mez je suis demouré tout seul mout esbahis. (Vie st Eust. 1 P., c.1350-1400, 146)

Quant il se partirent de Gand, il l'avoient laissiée desgarnie et despourveue de tous vivres tant que de vins et de blés il n'i avoit riens. (Froiss., Chron. R., X, c.1375-1400, 236)

Mieulz vault la clef dez champs quant on guerrie ainsi Qu'a demourer en fort de vivrez desgarni. (Cip. Vignevaux W., p.1400, 146)

D'autre part, se le tresor de Romme estoit desgarny de pecune, chacun bailloit liberalment le sien et mesmement les dames leurs precieux joyaulx pour secourir a la necessité publique et reacheter le temps de prosperité commune de leur propre chatel, ne riens ne leur estoit plus chier que ce qu'ilz exposoient pour la seigneurie et bien publique de leur cité. (Chart., Q. inv., 1422, 31)

...il avoit desgarny tout l'ostel, et avoient grand doubte qu'il ne les mangeast aussi. [Deux serviteurs s'inquiètent devant l'appétit féroce d'un moine] (C.n.n., c.1456-1467, 487)

Je y ay esté gruppé Au tresbuchet et bien jougny, Maintes fois m'y suis attrappé, Helas, j'en suis tout desgarny. (B. veoir, p.1480, 19)

Bourse desgarnie

Priez, galans joyeux en compaignie, Qui despendre desirez a largesse, Guerre vous tient la bourse desgarnie (CH. D'ORLÉANS, Ball. C., c.1415-1457, 124)

Maintenant a la bourse desgarnie, Necessité le contrainct qu'il le dye, Car qui bon maistre sert bon loyer en actend. (Régn., F.A., 1432-c.1465, 176)

Par ironie. Châtré.

...le curé fut bien camus de se veoir ainsi desgarny (C.n.n., c.1456-1467, 405)

B. -Vider (un lieu) de sa population, abandonner (une personne), la priver de son entourage.

...messieurs de la Court de legier sont meuz à aler dehors en commission, et par ce la Court souvent demeure desgarnie de conseillers. (Baye, I, 1400-1410, 28)

Par la mort precieuse fut enfer desgarny, Brisé et despoillié et diables escharnis ; De la loy de pechier fut la chartre cassee, Et de paradix est apparant la passee. (Pass. Semur D.M., c.1420 [1488], 121)

Car je voy que je suis seul et desgarny de preudhommes, dont j'estoye pourveu, qui par cy devant employé se sont a honneur acquerre (Percef. IV, R., c.1450 [c.1340], 148)

...et leur dit Francisque Calve qu'il n'apartenoit mye à Bertyn, et que à Dieu ne plut que ilz fissent une ytelle desloyauté à ung telz si bons chevaliers comme Mons. de Bethencourt et Messire Gadiffer, de les degarnir ainsi d'ung pou de gens qui demouré lui estoit, (Béthencourt, Canarien C., c.1490, 49)

...nostre ville n'est pas encores si desgarnye de gens qu'on n'y trouvast ung gentil compaignon pour vous servir (C.n.n., c.1456-1467, 348)

C. -ART MILITAIRE Desgarnir (un lieu) (de qqn, de qqc.). Retirer des troupes d'une place ou d'une position.

À Robin Bloville, lequel Monseigneur d'Avrenches retint à gaiges de VIII fr. par mois pour demourer en la dicte ville de Carenten, pour ce que elle estoit desgarnie de gens d'armes (Compte Navarre I.P., 1367-1371, 245)

Messires Hues de Cavrelée, capitainne de Calais, et les gens de celi ville furent moult esmervilliet, quant si soudainnement il se veirent en leur marce desgarni de cinc chastiaus. (Froiss., Chron. R., VIII, c.1375-1400, 249)

Et le Roy leur respondist : 'J'ay ordonné vostre demeure, pour ce que je ne vueil pas desgarnyr mon royaume de gens de guerre...' (Bueil, II, 1461-1466, 174)

Messeigneurs, je suis esbay : C'est du conte de Cleremont Qui emmene avecques luy Des princes et vaillans barons, La Hire et plusieurs qui la sont, Du nombre de deux a trois mille. Je m'esbays pour quoy le font, De voloir desgarnir la ville. (Myst. siège Orléans H., c.1480-1500, 357)

Participe passé en emploi adjectival. [D'une personne ou d'un lieu] Sans moyens de défense, sans armes.

Remondin appresta son erre et prist congié de Melusigne, et se party a moult noble compaignie de chevaliers et d'escuiers, le nombre de bien deux cens gentilz hommes. Et n'alerent pas si desgarniz que chascun n'eust la cotte d'acier, et le pan, et la piece, et le harnoiz de jambes es bouges. Les pages portoient la lance et le bacinet. (Arras, c.1392-1393, 51)

Beau, tres doulz frere, encores vous faut il demourer icy, car sachiez que je vueil aler veoir noz deux freres en Alemaigne, le roy Regnault de Bahaigne et le duc Anthoine de Lussembourc. Mais je n'y yray pas desgarny de gens d'armes, car il y a males gens en ce pays la, et qui voulentiers desrobent le trespassans. (Arras, c.1392-1393, 279)

...lors en la cité se boute, Qu'il trouva de gent desgarnye (Chr. Piz., M.F., II, 1400-1403, 182)

Et comme je recueillisse en ma souvenance la puissance et diligence des ennemis, la desloiaulté de plusieurs subgiez et la perte des princes et chevallerie, dont Dieu, par maleureuse bataille, a laissié ce royaume desgarny, qui me fait durement ressongnier l'issue de ceste infortune, je contrepensoye et pensoye à l'encontre la grandeur et distance des parties de ce dit royaume (Chart., Q. inv., 1422, 6)

Mais quant le seigneur de Saintré se vist desgarny de sa lance, incontinent a l'espee mist la main et fiert a destre et a senestre (La Sale, J.S., 1456, 218)

Et lors l'un desdiz autres religieux dist telles parolles : 'Ces gens sont de mauvaise afaire, ayons des bastons ; car baston acquiert paix. S'ilz nous voyent desgarnis, ilz nous oultrageront.' (Doc. Poitou G., t.12, 1477, 168)

À main desgarnie. Les mains vides.

Quant les deux freres ouyrent les nouvelles, si (...) leur demandent se leurs freres sont en bon point. Et ceulx dirent : Ouïl. Ils sont a une lieue de cy, a IJm. bacinez et mille arbalestriers, ou ilz vous viennent veoir. Par foy, dist le roy Regnault, Anthoine, beau frere, veez cy gracieusement et a belle compaignie venir veoir ses amis ; au moins ne viennent ilz pas a main desgarnie. (Arras, c.1392-1393, 281)

D. -Au figuré.

1.Participe passé en emploi adjectival. Dépourvu, privé (d'une qualité).

Se vous sçaviez la grant destresse Ou suis, en une prison mis, De toute joye desgarnis (Garenc., Poésies N., c.1390-1400, 103)

Car science est de soy mesmez puissant d'aquerir et acroistre povoir ; et puissance sans sens est comme ung arc sans corde, et comme ung beau bras paralitique, bien formé d'os et de chair et de nerfz, et desgarny de sensitif esperit. (Chart., L. Esp., c.1429-1430, 74)

...ung gentilhomme nommé Pierre Bercus, qui avoit lessé le roy pour le desplaisir et mal que ledit seigneur luy vouloit, homme très hardi et non desgarny de cueur, lequel dist telles parolles ou semblables, luy estant à pié comme ledit duc de Bourgoigne : 'O ! Dieu soit loué, car j'ay trouvé ung maistre qui, aussi tost que moy, se vouldroit trouver à la feste.' (Le Clerc, Interp. Roye, c.1502, 256)

De sens desgarni. Privé de sens.

Quant cils li ot moustrées leurs raisons, Qui bien le sot faire com sages homs, Li gentils rois qui moult estoit preudons Li respondi : 'Se Dieus me gart, vous avez pris en mi Juge ignorant et de sens desgarni, Ne onques mais je n'oy, ne ne vi Tel jugement : S'en saroie jugier petitement...' (Mach., J. R. Beh., c.1340, 118)

Ains ne le volt gerpir li bons roys seignouris, Car bien voit que li bers fu de sens desgarnis (Bât. Bouillon C., c.1350, 17)

2.Participe passé en emploi substantival. Celui qui est dépourvu, privé (d'une qualité).

Tu sçais par lecture comme lez enfans d'Israël attaingnirent aprez assés de travail et d'ahan la terre de promission esperee, et de la servitude de Babylone revindrent par maintes tribulations .LXX. ans revolus dedens le païx desiré, et en paix tres souhaitee, excepté lez desgarnis de foy et vuydez d'esperance, qui n'eurent pas le courage fort a endurer ne la longuanimité de bien attendre... (Chart., L. Esp., c.1429-1430, 95)