DEFAILLIR

verbe

[T-L : defaillir ; GD : defaillir ; GDC : defaillant, defaillir ; AND : defaillir ; FEW (III, 388a) : fallere ; TLF (VI, 917a) : défaillir]

I. -Emploi intransitif (ou pronominal). (Se) defaillir

A. -Faire défaut.

1.[D'une pers.]

a)[En manquant, en étant absent] Faire défection.

...tout le temps que li dit escolier y deffauroient la dite rente annuele et tout li emolument et peines dessus dit soient paiés az dis religieuz (Doc. 1335. In : H. Omont, Bibl. Éc. Chartes 87, 1926, 370)

Qui bien se garde, bien se voit Et bien se treuve bien souvent ; Qui deffault, souvent se deçoit Et en vient inconvenient. (Myst. siège Orléans H., c.1480-1500, 550)

Defaillir de l'heure. Ne pas être présent à l'heure imposée.

...par les anciennes coustumes de nostre royaume, l'appellant doit estre ou champ avant l'eure de dix heures et le deffendant devant l'eure de midy, et quiconcques deffault de l'eure, il est tenu et jugié pour convaincu (La Sale, Salade, c.1442-1444, 214)

b)[En déclinant, en s'affaiblissant] Tomber en défaillance ; faiblir ; mourir.

Tomber en défaillance.

Il esconvient que le phisicien regarde la maladie, et considere se la vertu en le dietant sera assez forte pour soustenir jusques a l'estat, ou se la diete ne suffise pas et que il ne deffaille premierement, ou se la maladie deffauldra avant et s'abesse. (Saint-gille, A.Y., 1362-1365, 55)

Mais pour ce qu'il ne vouloit mie qu'ilz deffaulsissent par faulte de viande, il leur commanda qu'ilz allassent peschier en l'estang (Percef. IV, R., c.1450 [c.1340], 898)

Adont lui revint le cuer que tant avoit eu tourmenté qu'a pou qu'il n'estoit defailly. (Percef. IV, R., c.1450 [c.1340], 1088)

...les ungs Defauldroient de fain en la voye. (Michel, Myst. Pass. J., 1486, 136)

Faiblir, s'affaiblir, dépérir.

Filz, je doy estre ta fin souveraine et derreniere (...), car se tu te quiers en aucune chose, tu deffaulx tantost en toy et seches. (Internele consol. P., 1447, 94)

Aller en defaillant. Décliner, s'affaiblir.

A ce se peut responder que les dictes Chevaleries, confirmees et ordenees de l'eglise de Romme, en gardant bien leur regle sont saintes et approuvees, mais, helas, aujourdui, comme chascun le voit, elles vont en defalant et sont toutes enviellies (Mézières, Sustance H., 1396, 58)

Participe présent en emploi adjectival. Affaibli, faible (physiquement).

...defaillans par secheresse et maigres par fain (Foul., Policrat. B., II, 1372, 140)

Item, nous savons bien que ceulz meisme de Lacedemone, tant comme il ont assiduelment continué telz labeurs, il ont prevalu et obtenoient contre les autres. Mes maintenant il sunt deffaillans et moins puissans que ne sunt les autres es agonizemens luctatis. (Oresme, Pol. Arist. M., c.1372-1374, 344)

Participe présent en emploi substantival. Celui qui faiblit, qui est faible.

Ly povres et ly defaillant Qui avoient petit vaillant... (Renart contref. R.L., t.1, 1328-1342, 214)

...Aux chetis corps nez de chetis, Aux defaillans, aux maladis... (Desch., Oeuvres R., t.8, c.1370-1407, 296)

Mais les deffaillans supportoies Et doulcement les enortoies. (Mir. st J. Paulu, c.1372, 137)

Mourir, finir.

...les vieulx sont appareillez a extinction et a deffaudre (Saint-gille, Comment. A.Y. L., 1362-1365, 256)

Se par mort nous fault deffaillir... (Gréban, Pass. J., c.1450, 334)

Defaillir du siecle. Mourir, décéder.

...se ledit monssieur Gieffroy deffailioit de cest siècle, avant que il eust déterminé dudit descort, que il puisse en son testament ou entre vis nommer et substituer un autre personne, ou lieu de lui, pour finer et déterminer dudit descort (Cartul. Laval B., t.2, 1339, 206)

Item vuils et ordonne que ou cas ou mesdiz anffans deffaudroient de cest siegle senz laissier hoir ou hoirs legitimes de leur propre corps, mondit frere les survie, que touz muizdiz biens vienent et retournoient a lui, et, en celli cas, je le fais et institue mon hoir (Test. Besanç. R., t.1, 1385, 504)

[D'une lignée] S'éteindre.

Et dudit Charles yssit ledit roy Philippe qui fut conte de Valoys, lequel fut roy pour ce que la lignee masculine dudit roy Philippe le bel son frere deffaillit (Juv. Urs., Aud. celi, 1435, 155)

c)[En se trompant] Faire erreur.

...car meisme les plus grans philosophes qui onques furent ignorerent moult de choses naturelez et defaillirent et errerent pluseurs fois, si comme je ay souvent monstré en ce livre De celo en pluseurs chapitres et en pluseurs pas. (Oresme, C.M., c.1377, 724)

Tu deffauldras moult se tu reputes aucune chose temporele. (Internele consol. P., 1447, 18)

...la s'est fondee Ma raison qui point ne deffault (Gréban, Pass. J., c.1450, 370)

Sans defaillir. Sans erreur possible, à tous les coups.

...mençonge, sanz deffaillir, En tous cas, leur ert si commune Que verité n'i est aucune (Chr. Piz., M.F., II, 1400-1403, 48)

d)[En s'abaissant moralement] Se rendre coupable d'un manquement, commettre une faute.

...plus durement ay je pechié que Sodome, et plus ay defailli que Gomorre. (Gast. Phébus, Livre oraisons T., c.1380-1383, 31)

...quant elles sont moins prisees, et elle voient les bonnes obeissans qui sont bien eurees, acompaignees et aimees de leurs mariz, icelles meschans qui ne font ainsi en queurent sus a Fortune et dient que ce a fait Fortune qui leur a couru sus, et la mauvestié de leurs mariz qui ne se fient mie tant en elles. Mais elles mentent: ce n'a pas fait Fortune, ce a fait leur inobedience et inreverence qu'elles ont envers leurs mariz, que aprez ce qu'ilz ['elles'] ont moult de foiz defailly, vers elles qui leur ont desobey et inreverenciez ne s'i osent plus fier (Ménagier Paris B.F., c.1392-1394, 89)

La cause especial pour quoy le duc de Lenclastre mist sus au roy qu'il avoit deffailly si est a fin qu il le feist morir et feust roy en son lieu (Juv. Urs., T. crest., c.1446, 153)

Il semble, qui vous oit parler, Que femme ne deffaillit oncques (...) Je sçay qu'il n'est femme ne homme Qui ne peche bien a la fois (Michault, Procès honn. F., p.1461, XII, 35)

Defaillir vers qqc. Se laisser aller à qqc..

Et celui qui deffaut vers teles delectacions, il a le vice opposite a desactrempance. (Oresme, E.A., c.1370, 388)

e)[En renonçant, en échouant, en s'écartant...]

Et vous estes bien si vaillans Que point n'en serez defaillans. (Mach., J. R. Nav., 1349, 254)

Et en ceste maniere les pecheurs et vicieus craingnent et ont paour aucune fois d'une chose qui ne fait pas a craindre ou en la maniere que elle n'est pas a craindre ou quant il n'est pas temps de la craindre ou en deffaillant ou en aucune autre circonstance. (Oresme, E.A., c.1370, 207)

Et quant il avient que il ne sont pas assés grant multitude ou que ilz ne sont pas appareilliés a souffisance pour eviter le peril par combatre, adonques il deffaillent et s'enfuyent les premiers. (Oresme, E.A., c.1370, 213)

...on se doit occupper en humbles oeuvres quant on deffault es souveraines. (Internele consol. P., 1447, 61)

...je vueil obeïr A vous du tout sans deffaillir (Gréban, Pass. J., c.1450, 134)

[les princes] quand prodigues sont en despendre en vanités et en choses non utiles (...), communément en grands affaires se trouvent défaillans et froids (Chastell., Chron. K., t.1, c.1456-1471, 66)

Et que plus est, nostre pensee est instable, car maintenant nous deffaillons, maintenant revivons, maintenant oublions, maintenant ramembrons, maintenant voulons, maintenant ne voulons, maintenant par cogitations esparses et divers consaulz nous vagons et discourons deça et dela. (Somme abr., c.1477-1481, 144)

Defaillir en qqc. Être en défaut dans tel ou tel domaine.

Et ceuls que nous appellons tenans ou espargnans ou avers ou chetifz ou semblablement, tous telz deffaillent en donacion. (Oresme, E.A., c.1370, 239)

Defaillir en. Se laisser aller à, tomber dans.

...ilz la veoient deffaillir en pleurs et gemissemens. (Colart Mans., Dial. créat. R., 1482, 202)

Avint un jour que la soris defailli en aucun vice, pour quoy le chat la corriga. (Colart Mans., Dial. créat. R., 1482, 265)

Defaillant de courage. Lâche, démoralisé.

...durant sa captivité, n'avoit pas esté esbahy ne deffaillant de couraige (Bueil, I, 1461-1466, 76)

Participe présent en emploi substantival.

...tant ont en amours faulsé Les deffaillans... (Chart., L. Dames, 1416, 286)

2.[D'une chose]

a)Faire défaut (en manquant, en s'épuisant, en se détériorant...).

Mére, a ce qu'en li ne deffaille La grant pacience et la foy Qu'elle a en vous, je vous ottroy Le don d'aler la conforter. (Mir. Theod., 1357, 111)

...on doit moult doubter que en louant si haulte royne langue humaine qui est corrompable ne deffaille (Mir. emper. Romme, 1369, 240)

Et chascun qui scet aucun art et s'i excercite, il y doit adjouster se aucune chose y deffaut. (Oresme, E.A., c.1370, 122)

Douce dame, quant vers vous fausseray, Tuit bien devront en mon cuer defaillir ; Car traïtres mauvais et faus seray, Douce dame, quant vers vous fausseray. (Mach., L. dames, 1377, 77)

Luxure point n'y default qui art et brule en feu puant de charnalité tout ce qui est de bien en l'abitacion espirituelle de nostre temple. (Gers., Purif., 1396-1397, 65)

...si sont ces choses moult à nocter aux grans hommes et aux nobles afin de eulx garder que la noblesse que eurent leurs predecesseurs et parens ne defaille mie en eulx. (Chr. Piz., Paix W., 1412-1413, 177)

Maiz ou la puissance deffaut, A la fin bon vouloir ne faut ; Se mon cuer a choisy trop hault, Je ne l'en prise Que mieulx, quant il a entreprise Une si gracïeuse emprise. (Chart., L. Dames, 1416, 205)

La tierce consideracion pour quoy vous devez faire paix si est car il semble a entre nous povres compaignons de frontiere que toutes choses neccessaires a faire guerre defaillent (Juv. Urs., Loquar, 1440, 403)

Certes telle ame desfault en son esprit et est rauie hors de soy et ne scet que on fait en son corps ne entour soy. (Cib., p.1451, 190)

...excepté le cas et c'est quant la pucelle ou l'enfant devant sept ans on contrait ensemble et par adventure. C'est chose especiale en ce cas, car en telz cas et les ans et le sentement et sens defaillent, comme il est touchié au droit. (Sacr. mar., c.1477-1481, 74)

L'excellence de la dignité divine est tant grande que la pensee et la cogitation humaine deffault en pensant de Dieu, car il est incomprehensible. (Somme abr., c.1477-1481, 148)

Mais pour ce que bien m'as servy, Pour toy [Pierre] ay supplyé sans faille Afin que ta foy ne deffaille Et, toy converty et fait ferme, A la foy tes freres conferme Afin que ja ne deperissent. (Myst. Pass. Troyes B., a.1482, 670)

b)En particulier. [Du coeur, des forces, d'un membre...] Defaillir (à qqn). Venir à manquer (à qqn), en partic. sous l'effet d'une forte émotion.

...la dame que grief doleur assaut Pour son ami sent un si dur assaut Qu'en li vigour et aleinne deffaut. (Mach., J. R. Beh., c.1340, 65)

Dont je doubt que sa cruauté Ne m'ocie ; car en tressaut Mes cuers tressaut, Tramble et deffaut, Pour ce qu'il ha toute durté. (Mach., Lays, 1377, 287)

...ains lui deffailly le bras et toute sa force tellement qu'il ne peut plus nuire a sa partie contraire. (Percef. III, R., t.1, c.1450 [c.1340], 65)

...sus son corps n'avoit membre qui ne lui deffaillist (Percef. IV, R., c.1450 [c.1340], 357)

Nature luy defailloit de chaleur nutritive en retirant son esperit vegetatif (Molinet, Faictz Dictz D., 1467-1506, 37)

...le piet luy defailli (Colart Mans., Dial. créat. R., 1482, 238)

...les yeulx lui sont boeux et lui deffaillent, les membres luy tremblent (Colart Mans., Dial. créat. R., 1482, 275)

Par vers ce corps en terre a la renverse Versé sera, car le cueur me deffault. (La Vigne, S.M., 1496, 324)

infinitif substantivé.

Quant Honte te vint assaillir, Tes cuers estoit au defaillir (Mach., Voir, 1364, 378)

c)Décliner, s'affaiblir ; disparaître.

Décliner ; s'affaiblir.

Li jours aloit ja deffaillant (Dame Lycorne G., c.1349-1350, 245)

Il esconvient que le phisicien regarde la maladie, et considere se la vertu en le dietant sera assez forte pour soustenir jusques a l'estat, ou se la diete ne suffise pas et que il ne deffaille premierement, ou se la maladie deffauldra avant et s'abesse. (Saint-gille, A.Y., 1362-1365, 55)

...tout le corps se deffault et aneantist. (Mirouer pech. B., p.1400, 195)

...le jour connençoit a defaillir (Percef. IV, R., c.1450 [c.1340], 537)

...promesses et hautes paroles deffaillent en leur efficace (Chastell., Chron. K., t.4, c.1456-1471, 118)

...l'amour refroide et deffault (Ev. Quen., II, c.1466-1474, 126)

Disparaître.

Et quant les operacions cessent, telz habis affeblient et finablement defaillent. (Oresme, E.A.C., c.1370, 422)

Et est raysonnable que le plus petit soit le plus tost corrompu, car nous voions que le feu est corrompu en .II. manieres : une est quant il est destaint par son contraire, et autre est quant il se amarsist et defaut en soy meisme. (Oresme, C.M., c.1377, 630)

Par extension. Se terminer.

...Dès que deffailli le deluge. (Renart contref. R.L., t.1, 1328-1342, 197)

Signeur, ychi deffault nostre bonne canchon De Flourence de Ronme (Flor. Rome W., c.1330-1400, 280)

Ainsi est la chansson de tierche deffaillye. (Livre Rossignol. N., c.1400-1420, 181)

Mes freres, temps est de partir Puisque la feste est deffaillye. (Gréban, Pass. J., c.1450, 153)

Lors deffaillit la noble eage premiere (Antitus, Poés. P., c.1500, 29)

Defaillir en. Finir en, sombrer en.

Defaudra ma vie en douleur et mes ans en gemissemens ? (Gast. Phébus, Livre oraisons T., c.1380-1383, 61)

Les parens doivent inciter leurs petiz enffans en jeunesse a labourer, affin que par paresse ne deffaille leur viellesse en povreté. (Colart Mans., Dial. créat. R., 1482, 107)

Defaillant. Périssable.

...entre ceste defaillant vie et ta perpetuable gloyre... (Gast. Phébus, Livre oraisons T., c.1380-1383, 49)

...au monde corruptible et deffaillant (Saint-gelais, Séj. honn. J., c.1490-1495, 276)

B. -[D'une pers. ou d'une chose] Présenter ou constituer un défaut, une imperfection.

1.Présenter un défaut, une imperfection.

Quer il avient trop bien souvent, Quant le fondement d'une chose Desfaut, que a la parclose S'en vet decheant l'edefice. (Vie st Evroul S., c.1350, 78)

Mais le princey de quoy il usent en Perse peche ou deffaut, pour ce que de subjectz differens les princeys doivent estre differens. (Oresme, E.A., c.1370, 436)

Être faux.

Et c'est impossible que rien soit plus grant d'infiny, et pour ce Averoïs conclut que toute chose dure pardurablement sans commencement et sanz fin ou par temps fini de toutes pars. Mais sa rayson et sa response deffaillent en .III. poins (Oresme, C.M., c.1377, 234)

Ce me semble l'intencion d'Aristote. Mais ceste rayson deffaut en .II. poins. (Oresme, C.M., c.1377, 240)

Defaillant en qqc. Imparfait, faible en qqc..

...les defaillans en genitoires (Saint-gille, Comment. A.Y. L., 1362-1365, 256)

Ne te semble il pas quant tu te regardes en claire lumiere sans quelque vmbre de dissimulacion que tu te trouueras en vne region estrange loing de la perfection diuine et moult defaillant en plusieurs choses, certes en ceste saincte meditacion tu verras clerement ta misere car en la congnoissance de toy tu trouueras de toutes pars miserables enfermetez (Cib., p.1451, 198)

Defailli. Hors d'usage, impraticable.

...celluy chemin par terre est serré et difailli par lez nostres péchiez (Passage Terre Sainte Piloti D., 1441, 225)

2.Constituer un défaut, une imperfection.

Dieus et Nature l'ont si faite, Car elle est en tous biens parfaite, Seur toutes plaisant, nette et pure Fors tant qu'elle est vers moy trop dure. Vraiement, c'est tout le deffaut Qui en son gentil corps deffaut. (Mach., D. verg., a.1340, 17)

II. -Defaillir à qqn. Defaillir à qqc. Defaillir (à qqn) de qqc. Defaillir qqn de qqc. Defaillir qqc.

A. -Defaillir à qqn.

1.[D'une pers.] Manquer à qqn (par son absence) ; manquer à qqn en ne faisant pas ce qu'il attend.

Lasse dolente ! Lasse moy ! Tousjours mais dueil mener me fault, Quant je voy que cil me deffault Que je doy dessuz touz amer. (Myst. Pass. N.S. R., c.1350-1370, 253)

...ne onques (...) a aucun ne deffailli. (Mir. femme, 1368, 182)

Puisque vostre amit de dela la mer vous defallent, nous ne vous faudrons point a vostre besoing. (Froiss., Chron. D., p.1400, 209)

2.[D'une chose (concr. ou abstr.)] Manquer à qqn, venir à manquer à qqn, faire défaut à qqn.

D'espisses, de poissons, de chars Ne sont defaillant ny eschars (Renart contref. R.L., t.1, 1328-1342, 163)

Mais couvoiteus ont tel defaut Que quant plus ont, plus leur deffaut, Et quant plus sont puissamment riche, Tant sont il plus aver et chiche (Mach., J. R. Nav., 1349, 140)

...maiz quant tel flux deffaut a la fame, il faut qu'elle choe en maladie. (Saint-gille, A.Y., 1362-1365, 87)

...artellerie leur defalloit en la ville (Froiss., Chron. R., XI, c.1375-1400, 244)

J'ay perdu de joie la rente Qui soustenoit Mon cuer et en joie tenoit, Et bien a mon gré revenoit Tout ainsi qu'il appartenoit ; Or me default. (Chart., L. Dames, 1416, 211)

Force vous deffault (Juv. Urs., Loquar, 1440, 405)

L'estoille, qui si cler luysoit (...), Nous est trop a coup deffaillie. (Gréban, Pass. J., c.1450, 82)

...se d'aventure en yver lui deffault viande... (Colart Mans., Dial. créat. R., 1482, 204)

Sang bieu ! cela vous deffault bien. (P. Jouh. D.R., a.1488, 20)

B. -Defaillir à qqc.

1.Manquer à qqc..

...s'en li servir (...) Perseverez (...) Je ne cuit pas qu'a s'amistié Deffailliez, sire. (Mir. ev. arced., c.1341, 106)

Et partant fut absoubz de ladicte accusation contre ledit Julio comme homme vaincu, reproché de honte et diffamé de son injuste querelle et deffaillant à son honneur. (Le Clerc, Interp. Roye, c.1502, 358)

Defaillir à + inf.

Et celui qui deffaut a resister as tristeces contre lesquelles pluseurs resistent et le peuent bien faire, il est mol et delicatif (Oresme, E.A., c.1370, 389)

A revenir long temps ne deffauldra Mon bon seigneur (La Vigne, S.M., 1496, 178)

2.DROIT [D'une pers.] (Se) defaillir à (une convocation / une obligation...). Faire défaut.

Chils parlemens fu escrips et mandés a estre a Brouselles, et priiés Jaquemés d'Artevelle que il i vosist venir et estre ; et aussi en furent priiet les consauls des bonnes villes de Flandres. Jaquemés d'Artevelle, qui jamais n'i euist defalli i rendi grant painne que les consauls des bonnes villes de Flandres i fuissent (Froiss., Chron. D., p.1400, 339)

Et si le deffendeur se deffault à la moustrée du premier adjournement (...) ledit demandeur pourra faire la moustrée à sesditz tesmoings non obstant l'absence dudit deffendeur (Cout. instit. Anjou Maine B.-B., t.4, 1426, 99)

...les nouvelles estoient venues des Anglois défaillans à leur jour (Chastell., Chron. K., t.5, c.1456-1471, 95)

Jugement (...) que dit que, se une parsonne thient heritaiges en aulcun ban le quel soit de meix et de quartiet, et li sire thient cez annalz plait, se cil que l'eritaige thient i deffault ['n'y assiste pas'] , il ne doit point d'aidras, por tant qu'il n'est mie demorant ou ban dont ledit heritaige muelt. (Jug. maître-échev. Metz S.M.S., t.1, a.1494, [1332], 95)

Emploi absolu. Se defaillir

...il c'est lessé deffaillir a certaine journée qui luy avoit esté assignée pour venir compter et soy afiner en ladicte Chambre de la recepte dudit guernier (Rouen temps Jeanne d'Arc L., 1424, 66)

Si aucun demandeur fait autre adjourner et puis se deffault, le deffendeur qui est present par soy ou par procureur doit prendre deffault du demandeur deffaillant (Cout. instit. Anjou Maine B.-B., t.2, 1437, 64)

Defaillant. Qui n'a pas comparu en justice, qui manque à une obligation.

Et se de ce [le paiement d'une rente] estoient remis ou defaillant [les wingnagiers] , nous par la teneur de ces lettres mandons et commettons a nostre baillif de Portien ou au prevost de Chastel qui pour le temps gouverneront de par nous que ad ce contraingnent les dis wingnagiers deuement sans autre mandement ou commission attendre (Comté Porcien R., 1350, 155-156)

...et de les rebelles ou deffaillens de paier le dit grain contraindre par la justice dou dit lieu (Comté Porcien R., 1359, 163)

...la Court tient et repute lesdiz defaillans pour conveincus et attains des crimes et malefices à eulx imposez (Baye, II, 1411-1417, 75)

Sur quoy a esté conclut que l'en adjugera tel prouffit contre l'appelant, adjorné et defaillant, mesmement quant il aura esté adjorné une fois à personne (Fauq., II, 1421-1430, 257)

Les deux champions aussy n'y estoient point défaillans ; mais y estoient venus accompagné chascun de ses prochains (Chastell., Chron. K., t.2, c.1456-1471, 195)

Participe présent en emploi substantival. Celui qui n'a pas comparu en justice, celui qui manque à une obligation.

...l'en devoit encores condempner le defaillant es despens desdiz defaulz (Fauq., II, 1421-1430, 256)

...en declairant les defaillans ou refusans estre ennemis du roy (Roye, Chron. scand., I, 1460-1483, 236)

C. -(Se) defaillir de qqc.

1.[D'une pers. ou d'une chose] Manquer de qqc., être privé, dépourvu de qqc..

Et chascune de ces fortitudes deffaut de vraie fortitude en aucune chose ou en pluseurs. (Oresme, E.A.C., c.1370, 216)

Puissans defaillans de puissance, Sages ou il n'a point de sens, Vaillant qui default de vaillance... (Desch., Oeuvres Q., t.1, c.1370-1407, 181)

O, de combien grant desir tu regrettoies qu'il retournast vers toy, de la tresdoul[c]e presence duquel tu defailloies a grant paine ! (Miélot, Spec. hum. Salv. L.P., 1448, 163)

...chevaliers (...) deffaillans de haubers et de elmes (Percef. IV, R., c.1450 [c.1340], 1135)

...ung membre qui deffault de sang et d'esperit et qui peut nuyre aux aultres membres se doit copper et oster (Juv. Urs., Verba, 1452, 217)

Et aincoires ce que fait en a esté, ç'a esté plus par derrision et mocquerie que autrement, et toutesfois elles [les évangiles des femmes] ne defaillent pas de grant mistere. (Ev. Quen., I, c.1466-1474, 79)

Affinité est une proximité de personnes, venans et descendans de copule charnele, deffaillant de toute parenté. (Sacr. mar., c.1477-1481, 74)

Defaillant de. Exempt de.

...en la valee deffaillant de bien et de mal (Percef. IV, R., c.1450 [c.1340], 744)

[D'une pers.] Déchoir de qqc. (dont on est ainsi privé).

L'homme ne peult tousjours durer Sans qu'il deffaille de puissance (Myst. Viel test. R., t.5, c.1450, 45)

2.[D'une pers.] Ne pas réaliser qqc. (qu'il était normal, nécessaire, attendu, souhaitable de faire), manquer à qqc..

Par maniere estiés gouvrenés En tous cas et si escollés Que jamais n'en defausissiés (Jean De Le Mote, Regr. Guill. S., 1339, 64)

...Que vo voloir tout je feroy, A mon pooir n'en defaudroy. (Dame Lycorne G., c.1349-1350, 160)

A vostre lire preng plaisir. - Je n'en vodroie defallir, Belle, di je, pour nulle rien. (Froiss., Espin. amour. F., c.1369, 70)

Or en defalli, che me samble, Hero, qu'elle I. jour point n'i vint (Froiss., Joli buiss. F., 1373, 160)

Il ne deffailly pas de son propos, mais le sievy au plus justement que oncques peult (Froiss., Chron. M., XIV, c.1375-1400, 53)

Et de ce veu point il n'en defalli, car il s'en vint de nuit bouter ens es bois de Wieres moult priés de Mortagne (Froiss., Chron. D., p.1400, 303)

Adont se logierent il, et dissent que jamais de la ne partiroient, si l'averoient a lor volenté. Il n'en defallirent point, mais il i furent .IIII. jours, avant que il le peuissent avoir. Toutesfois par force d'asaut, il le conquisent et i entrerent. (Froiss., Chron. D., p.1400, 607)

Quant celluy qui a appellé a faict adjourner ses adverses parties appellées ou intimées, et dudit adjournement ilz se defaillent, ledit appellant doit avoir deffault, et doit estre donné en commandement de les adjourner sur deffault et o jugement (Vieux cout. Poitou F., c.1451-1454, 98)

...se le plus beau de tous autres m'avoit prié et en eust acquis quelque ottroy, et il defailloit de sa promesse, jamais a temps n'y revendroit. (Ev. Quen., II, c.1466-1474, 144)

Defaillir à qqn de qqc. Ne pas faire à qqn ce qu'on devrait faire.

Je n'en vous deffauroie pour estre desmembrés ! (Lion Bourges K.P.F., c.1350, 748)

Autrement, il leur deffaudroit de droit et de justice et auroient cause raisonnable de querir et pourveoir autre seigneur souverain (Instruct. ambass. Ch. V, D., 1368-1369, 135)

A son frère messire Adolf de Clèves son compère, il défailli de promesse (Chastell., Chron. K., t.4, c.1456-1471, 145)

Defaillir (de) faire qqc. Omettre, négliger de faire qqc..

Et s'a aussi parmi ses eles Les plumes qu'on appelle pelles, Sont comme fins rasoirs taillans ; Que je ne soie defaillans De voir dire, il est bien prouvé Par pluseurs qui l'ont esprouvé. (Mach., D. Aler., a.1349, 327)

...et ceulx qui deffaillent de païer lesdis oeux paient pour chacun oeuf III d. (Hector De Chartres, Cout. R., 1398-1408, 212)

...elles ne deffaillent (...) nous enseignier et noz meurs corrigier (Colart Mans., Dial. créat. R., 1482, 81)

Defaillir à qqn de + inf.

...il me suffist d'avoir monstré que chevance et avoir ne sont que accessoires et serves a vertu et comme chamberieres qui ministrent ce qu'est necessaire a fragilité humaine et si sont fortes a avoir, dangereuses a garder, a distribuer perilleuses, douloureuses au perdre et necessaires a princes et seigneurs a leurs guerres conduire et achever. Sans elles ne povons ceste oeuvre bien mener et toutesvoies elles nous deffaillent de fournir a suffisance et nous leur defaillons de les esploiter a prouffit. (Chart., Q. inv., 1422, 54)

Defaillir sur qqc.

...il estoient moult courouchié de ce que lors sires defalloit ensi sur ce que il avoit convenenchié et juré. (Froiss., Chron. D., p.1400, 807)

Emploi pronominal. Se defaillir de qqc. Manquer à son devoir, se soustraire à un devoir.

...et se il lui a aucun qui se deffaille de païer ce que dit est, ses bestes seront forfaictes (Hector De Chartres, Cout. R., 1398-1408, 212)

(Se) defaillir de + inf. Cesser de faire qqc. (qu'il faudrait faire), ne pas le faire.

Et pour ce que tu ne deffailles De bien faire tant qu'as a vivre, Tien, amis, je te doing ce livre (Mir. emp. Julien, 1351, 198)

...se au plès après ensuivant ils ne baillent leurs escroes, icelle de parties qui se deffauldra de bailler, le juge lui sera tenu faire amender (Instruct. ensaign. B.G., c.1386-1390, 36)

Emploi absolu.

Et tant qu'ilz [les maris] leur tenoient leurs convenances [à leur femme] , ilz estoient regnans en grant audicion et prosperité. Et si tost qu'ilz defailloient, ilz les perdoient et decheoient de tout leur bon eur petit a petit. (Arras, c.1392-1393, 4)

D. -[D'une pers.] Defaillir qqn de qqc. Refuser qqc. à qqn, manquer à qqn en qqc..

...je les defaloie d'ordenance et de conseil (Froiss., Chron. R., XI, c.1375-1400, 47)

E. -[D'une pers.] Defaillir qqc. Manquer de qqc., être privé de qqc..

...les bragmans escrierent a Alexandre : ' (...) Nous sommes sains, si ne usons aucune medecine ne n'en avons que faire.' Ilz seullement demandoient a Alixandre inmortalité, laquelle ilz defailloient et ne l'avoient point. (Colart Mans., Dial. créat. R., 1482, 242)