DESCONFORTER

verbe

[T-L : desconforter ; GDC : desconforter ; AND : descomforter ; DECT : desconforter ; FEW (II-2, 1044b) : confortare ; TLF (VI, 859b) : déconforter]

A. -Desconforter qqn/se desconforter Décourager, abattre, affliger qqn.

1.Desconforter qqn

Alixandre monlt se fya Ou dieu Amon, qu'il l'affia Que tout hardiment allast Contre Daire et son ost menast ; Et li lui promettoit pour vray Et lui aideroit a concquerre Ses gens et trestoute sa terre, Car tous les desconfortera, Et les siens tous exsaulcera. (Renart contref. R.L., t.1, 1328-1342, 127)

Helas ! dame, conforté Ne m'avez en ma grieté, Ne tant ne quant, Eins m'avez desconforté, Si que tout desconfort hé. (Mach., Ch. bal., 1377, 621)

Chascun en puet a son gré rapporter ; Parle qui veult, et qui vouldra se taise, Et qui avra parlé si se rapaise, Car ma fortune est telle et si mauvaise Qu'el ne puet pis pour moy desconforter. (Chart., Compl., 1424, 323)

...celuy qui conforte ses amis descomfortez et qui descomforte ses ennemis rescomfortez. (La Sale, Sale D., 1451, 72)

'Sire roy, je vous crye merci ! Pregnez pitié de mon filz et de moy ! Je vous dy de moy, car vous me voullez du tout desconforter quant je voy que mon filz va du tout a perdicion, veu le dangier ou quel il est de sa personne...' (Bagnyon, Hist. Charlem. K., c.1465-1470, 38)

Participe passé en emploi adjectival. Découragé, abattu, affligé.

Mais riens n'est a Dieu impossible Ne fort a faire, car il puet Faire en tous cas tout ce qu'il vuet, N'onques homs si desconfortez Ne fu, qui ne fust confortez, S'il ot son cuer et sa pensee A li dou tout jointe et fermee. (Mach., C. ami, 1357, 59)

Et leur disoit ces langages en riant, si doucement et de si lie cière, que, qui fust tous desconfortés, se se peuist il reconforter, en lui oiant et regardant. (Froiss., Chron. L., III, c.1375-1400, 170)

Sire, ainsin comme c'est verité, descendez maintenant en vostre povre hostel, en l'ostel de mon ame, deffendez vostre logis, c'est vostre droit. Et quant vous serez dedens entré, confortés ceste ame desconfortee, ensaigniez la qui est fole, norissiez la qui meurt de fain, eschaufez du feu de vostre amour (Gers., Pent., p.1389, 75)

Et des paines, tribulacions et affliccions que j'ay eu et souffertes suis encouru en plusieurs et diverses maladies, non mie si aspres que celles de Job, mais il avoit ung grant confort et je ne me puis conforter, car je voy mon peuple tout desconforté, sans avoir comme aucune esperance, si non la voye de paix dont on parle de present. (Juv. Urs., Loquar, 1440, 302)

...la pouvre espousée estoit toute desconfortée et ploroit des yeulx tendrement, et ne savoit sa contenance. (C.n.n., c.1456-1467, 340)

[Avec dolent, mat, triste...]

Adoncques c'est a chemin mys, Povre, matz et desconfortés. (Renart contref. R.L., t.1, 1328-1342, 20)

Et se pensée Par souvenir est en moy engendrée, Quelle est elle ? Elle est desconfortée, Triste, mourne, lasse et desesperée. (Mach., J. R. Beh., c.1340, 97)

Car doubte ay, dont je me marvoy, Que ses gentis cuers envers moy Ne soit irez. Dont je sui trop mal atournez, Tristes, pensis, desconfortez, Quant tous mes biens as destournez, Ne say pourquoy. (Mach., R. Fort., c.1341, 45)

Amis, dolens, maz et desconfortez Partez de moy et volez que je croie Que vos cuers m'est tous entiers demorez. (Mach., Bal., 1377, 544)

Dont lie et loiaulz seray Et le contraire feray De ma destinée, Car lasse, desconfortée, Triste, dolente, esplourée Esté lonc temps ay. (Mach., Ch. bal., 1377, 631)

...la dessus dite Marion, qui avoit, paravant ce, acoustumé d'aler en son hostel soy esbatre avec les compaignons, vint en sondit hostel moult dolante, corrociée et desconfortée, disant que sondit amy Hainsselin estoit fiancé de nouvel (Reg. crim. Chât., I, 1389-1392, 353)

... [ladite Alips] se feust partie de sondit hostel, sans le sceu de sondit mary et venue toute esmeue et desconfortée par devers Jehan Paumier (Chancell. Henri VI, L., t.1, 1424, 169)

...ce seigneur, très doulant et descomfortez (La Sale, Sale D., 1451, 222)

Or, pour conclusion, ilz eurent tous deux les testes coupées et s'en retorna ceste povre damoyselle en cest estat en sa maison, bien dolente et desconfortée, car c'estoyent les principaulx personnages où elle avoit mys sa fiance. (Comm., II, 1489-1491, 203)

(Estre) desconforté de qqc.

Et Berinus, qui estoit alez au conseil, entre lui et sa gent estoient dolens et esbaubis de ce que Gieffroy ne venoit, et tuit li Rommain en estoient desconforté et se dementoient li uns a l'autre de ce que Gieffroy les avoit laissiez, car il cuidoient estre tuit gabé et moquié (Bérinus, I, c.1350-1370, 88)

...madame de Bretagne (...) estoit si desolée et desconfortée de la mort de son mari que riens n'i falloit. (Froiss., Chron. L., VI, c.1375-1400, 173)

Et ses dames et ses damoiselles la reconfortoient [la pucelle] le plus bel qu'elles le savoient faire. Mais en son dueil n'avoit point de fin. Et ceulx de la cité estoient tant esbahiz et desconfortez, tant de la mort de leur roy comme de la doubte des Sarrasins, que ilz ne savoient que faire d'eulx rendre, sauve leurs vies (Arras, c.1392-1393, 181)

.C. fois se pasma en la voye, Dont Grieux sont fort desconforté. (Chr. Piz., M.F., III, 1400-1403, 106)

Estre desconforté de qqn. Être affligé au sujet de qqn.

Li hoos resvillie a l'un des corons, et entrués que li estourmie se conmença a eslever, chil dedens orent congnisance que lor dame estoit a la porte, car celle nuit tout chil de Hainbon velloient et estoient trop esbahi et desconforté de lor dame la contesse. (Froiss., Chron. D., p.1400, 519)

[P. méton.] Desconforté. Qui cause le découragement, l'abattement.

Jaulier des prisons de Pensee, Soussy, laissez mon cueur yssir ; Pasmé l'ay veu esvanouir En la fosse desconfortee. (CH. D'ORLÉANS, Rond. C., 1443-1460, 512)

Proverbe. Un homme ne vaut rien qui est desconforté

Par foy, se dist Bertran, tu es bien assotés ! Car uns homs ne vault riens qui est desconfortés. (Cuvelier, Chans. Guescl. F., c.1380-1385, 284)

Participe passé en emploi substantival. Celui qui est découragé, abattu, affligé.

Ces pourveances, qui venoient dou païs de Liège, n'estoient pas fortes assés pour soustenir la ville de Gand quinse jours, mais toutesfois as desconfortés che fu uns grans confors. (Froiss., Chron. R., X, c.1375-1400, 207)

Cure n'a de merencolie Ne d'homme qui merencolie A chose qui ne puet valoir, Eins met tels gens en nonchaloir. Partout ou elle [Musique] est, joie y porte ; Les desconfortez reconforte, Et nès seulement de l'oïr Fait elle les gens resjoïr. (Mach., Prol., c.1377, 9)

...vierge, mére au roy celestre, Qui tresor es de toutes graces, Qui les desconfortez solaces Et les desconseilliez conseilles, En pitié regarder me vueilles Et de male temptacion Garder et consolacion, Telle conme mestier nous est, Ci endroit en ceste forest Nous envoier. (Mir. fille roy, c.1379, 53)

Puis [Griseldis] conseille les desolez, Et les desconfortez conforte (Gris., 1395, 48)

Conforter les desconfortez N'est pas crüaulté, ains et los ; Mais vous, qui si dur cuer portez En si beau corps, se dire l'os, Gaingnez le blasme et le deslos De crüaulté qui mal y siet, Se Pitié qui depart les los En voustre hault cuer ne s'assiet. (Chart., B. Dame, 1424, 355)

Lasse, pauvre desconfortee, Sur toutes la plus douloreuse (Pac. Job M., c.1448-1478, 284)

Dieu de Nature, conforteur des desconfortez, vous soiez haultement loué quant il vous a pleu moy envoyer le corps de ma mere ! (Percef. III, R., t.2, c.1450 [c.1340], 122)

...tu garis lez adolez et mesaisiez, tu fais lez poures enrichir, tu relieves les impotens, tu donne joye aux desconfortez (Comte Artois, c.1453-1467, 130)

Encores veul je et vous commande que les sept euvres de misericorde espirituelles soient toujours en vous, c'est assavoir les ygnorans enseignier, les deffaillans corrigier, les errans et desvoiez adressier, les vices d'autruy celler, les injures supporter, les desconfortez consoler, et pour tous les pecheurs prier. (La Sale, J.S., 1456, 39)

[D'une chose]

Amis de lobes, amis de bras Qu'assez promet et riens ne fait, C'est ce qui plus me desconforte (Dupin, Mélanc. L., c.1324-1340, 171)

Sa perte moult me desconforte. (Mir. nat. N.S.J.C., c.1343, 231)

Car tuit mi penser contre my Sont et mi mortel anemy ; Et quant Souvenir en moy vient, Tendrement plourer me couvient, Qu'en monde n'a bien qu'i m'aporte, Eins me mourdrist et desconforte... (Mach., C. ami, 1357, 74)

Car nulle fois de riens ne me defri, Ne riens ne puet mon cuer desconforter, Ains ay le temps si bon et si ouni Que je ne puis à nulle riens penser Fors à joie seulement (Mach., Bal., 1377, 552)

(SAINT PIERRE à Jésus.) Sire, ce que dit m'avés M'a monlx fort deconforter Quar ce seroit grant deshoneurs De regnoyés mont segneurs. (Pass. Autun Roman F., c.1400-1500, 176)

Tu as ce fait De volenté plus que de fait, Quant par ton douloureux meffait Tu as departi et deffait Si loyal sorte. Maiz - c'est ce qui me desconforte - Pourquoy ne m'as aussi tost morte, Qui ne suis mie la plus forte, Que mon doulz per ? (Chart., L. Dames, 1416, 215)

NOSTRE DAME. O mon filz, trop me desconforte Ma dure et desplaisante vie ! Ou es tu ? (Gréban, Pass. J., c.1450, 347)

Plus n'est deul qui me desconforte N'aultre ennuy de quelconque sorte, Vostre je suis et non plus mien. (Villon, Poèmes variés R.H., c.1456-1463, 43)

Ainsi appert que les diversitez de fortune, que l'homme reçoit en jeunesse, ne le doivent pas desconforter (Bueil, I, 1461-1466, 31)

2.(Se) desconforter. Se décourager, se laisser abattre, s'affliger, se lamenter, se désespérer.

Et dist : 'Hé ! mort, c'or me deveure !' Monlt forment se desconfortoit. Ainsi qu'en son meschief estoit, Trois hommes lez lui se meslerent (Renart contref. R.L., t.1, 1328-1342, 20)

Mes tristes cuers qui tant se desconforte Que riens qui soit ne li puet aporter Chose de quoy il se puist conforter. (Mach., Compl., 1340-1377, 253)

Encor te vueil je deus mos dire Pour continuer ma matire : Amis, se tu te desconfortes, Tu mourdris ton cuer et avortes Et fais joie a tes anemis... (Mach., C. ami, 1357, 64)

Gardez que ne vous desconfortez, Mais prenez en vous confors telz Que vostre ame en puist valoir miex (Mir. enf. ress., 1353, 57)

Au mari Theodore yras Dire li que sa femme est morte, Pour qui souvent se desconforte (Mir. Theod., 1357, 123)

Se bien li dit que trop me desconforte Et qu'il n'est riens en quoy je me deporte... (Mach., F. am., c.1361, 169)

Amis tres dous, tu t'en iras, Dont moult te desconforteras... (Mach., F. am., c.1361, 223)

Il se complaint, il se demente ; Des yex pleure, dou cuer soupire ; Homs vivans ne le saroit dire Son meschief ; trop se deconforte Et dist : 'Honneur, or yes tu morte ! Certes dou tout perdu t'avons Sans recouvrier, bien le savons.' (Mach., P. Alex., p.1369, 109)

Si ne me desconfort, Car d'espoir me confort Qui me donne confort En vostre douceur pure. (Mach., Ch. bal., 1377, 619)

Les dames moult se desconfortent (Chr. Piz., M.F., III, 1400-1403, 183)

Certes, puis que Nature a mis En elle tant de biens en euvre, Il ne puet estre, beaux amis, Que soubz eulx pitié ne se queuvre. S'elle si toust ne se descueuvre, Pourtant ne vous desconfortez, Car il ne fault pas qui recueuvre ; Ne vous, se bien vous y portez. (Chart., D. Rev., a.1424, 310)

À quoy je luy dis et respondi qu'il ne se desconfortast point et que je ne faisoye doubte que le Roy n'eust pitié de luy et que je luy pourvoiroye d'aucune chose (Aff. Jacques Coeur M., 1453-1457, 129)

...son bon filz commença tant fort a plorer et soy desconforter que jamais ne fut veu le pareil. (C.n.n., c.1456-1467, 460)

...Et s'en ala [Pierre] en une cavernes En grand doleur et grand larmes, Et soit griefment deconfortant (Pass. Autun Biard F., 1470-1471, 87)

Au fort g'iray veoir nostre plet, Je me doy bien desconforter (C. Riffl., c.1480-1520, 58)

Se me plains et me desconforte, N'ai ge pas droit ? (La Vigne, S.M., 1496, 388)

[Empl. intrans. rare]

Son couroux tout beau deporte Et le porte, Mais la porte Estoit d'aventure close. Qui auroit sa douleur forte Desconforte, Et l'enhorte En danger qui mal repose. (Vie st Eust. 2 P., c.1400-1450, 207)

[Après un verbe de perception]

NOSTRE DAME. (...) Un mien loyal sergent y a Que je voi trop desconforter, Si que pour li reconforter A li yrons. (Mir. enf. ress., 1353, 61)

LE PREMIER. Las, ilz seront bien desconfitz Quant ilz sçauront ceste nouvelle ! LE SECOND. Jamais n'en ouyrent telle : Bien les verrez desconforter. (Gréban, Pass. J., c.1450, 442)

Le coeur desconforte à qqn

J'ay grant doubte (...) Qu'il ne vous laisse conme morte, Dont le cuer moult me desconforte Et fait grant mal. (Mir. Berthe, c.1373, 164)

Se desconforter de qqc.

Se désespérer à propos de qqc..

De riens ne vous desconfortez Pour l'amour du fruit que portez. (Mir. fille roy, c.1379, 12)

...comme à petite occasion et cause, gens en danger prennent le desconfort vers eux, il pouvoit sembler que si le duc eust sçu ceste mort, il s'en fust desconforté aussi de sa vie. (Chastell., Chron. K., t.4, c.1456-1471, 217)

...de ta perte Me desconforte. (Froiss., Espin. amour. F., c.1369, 111)

Mon cueur s'et de moy departy ; Pour tenir l'amoureux party, Il m'a voulu abandonner. Riens ne vault m'en desconforter Ne d'estre dolent ou marry. (CH. D'ORLÉANS, Chans. C., c.1415-1440, 217)

...Prenez le mal comme le bien, Ne vous desconfortés de rien. (Pac. Job M., c.1448-1478, 348)

Désespérer de qqc..

Certes, Sire, de la grâce de Dieu ne vous desconfortez, car je y ai tout mon espoir pour vous, mais en la vie du corps n'y mettez point d'attente, car vous estes à vostre fin, si que avisez de vostre âme. (Chastell., Chron. K., t.3, c.1456-1471, 340)

Se desconforter soi-mesme. Se désoler sur son propre sort.

Ceste maladie du duc de Milan desplaisoit fort au duc de Bourgongne, et plus encore quand les nouvelles couroient de sa mort, car l'avoit cueilly en amour pour cause de ses vertus et des hauts comptes qu'il en avoit oy. Mais comme propre mal touche de plus près que d'autruy, vint l'heure subitement et tout sur un tenant, que ce duc mesme qui autrui avoit plaint, vint cheoyr en iceluy destroit où se desconfortoit soy-mesmes. (Chastell., Chron. K., t.4, c.1456-1471, 207)

Proverbe. Trop esjouir, ne trop desconforter ne se doit homme pour chose qui advienne

Trop esjouir, ne trop desconforter Ne se doit homs pour chose qu'il aviengne (Desch., Oeuvres Q., t.1, c.1370-1407, 213)

3.infinitif substantivé. Découragement, abattement.

Bellerophon conforta ses mariniers le plus beau qu'il peut et leur dist que le desconforter ne les pouoit aidier. (LEFÈVRE (R.), Hist. Troyes A., c.1464, 252)

Mais plus, ce que Dieu entreprent Ne peut estre mis en deffault : Nostre edit est que morir fault. Que vault donc le desconforter ? (Myst. Pass. Troyes B., a.1482, 494)

Rien ne/n'y vaut le desconforter

Et quant Aigre vit sa mere et sa suer si grant dueil demener, sy les reconforta et dist : 'Ma mere et vous, ma suer, li desconforter ne vault neant, quant nous veons que en nulle maniere nous ne pouons de la mort eschapper, se par moy seul n'estes delivre...' (Bérinus, I, c.1350-1370, 223)

Se la mort a pris vostre filz, Ja n'en fault tel dueil demener, Veü qu'il n'en puet retourner. C'est le courz de noz[,] mortelz sommes Tous ensemble femmes et hommes ; Riens n'y vault le desconforter. (Gréban, Pass. J., c.1450, 160)

Chier sire, respondy le roy Lionnel, le desconforter n'y vault ; prenons courage et pensons comment nous pourrons vengier nos terres et nos seignourie. (Percef. IV, R., c.1450 [c.1340], 601)

B. -Desconforter qqc. Affaiblir qqc..

Tristece fait les esperilz estraindre et retraire, et desordenne et esjeue et desconforte nature. (Oresme, E.A.C., c.1370, 227)

La raison est car nature, qui est sage, envoie les esperilz et les humeurs as membres qui sont desoléz et desconfortéz. (Oresme, E.A.C., c.1370, 273)

Malmener qqc..

En ce point moult longuement fus, Ou tous plaisirs mis en refus, Sanz espoir de jamais avoir Solas, ne joye, a dire voir, Et nostre nef desconfortee Puis ça, puis la estoit portee, Tous vens lui estoient nuisables, Car n'y avoit si avisables Qui la sceüst a son droit duire. (Chr. Piz., M.F., I, 1400-1403, 50)