DESCONFORT

substantif masculin

[T-L : desconfort ; GDC : desconfort ; AND : descomfort ; DECT : desconfort ; FEW (II-2, 1044b) : confortare ; TLF (VI, 859a) : déconfort]

A. -Découragement, accablement, affliction.

...li diz Estienoz li Barréz vint a l'antree dou dit celier et descendai avaul tout en cheminse senz chauces et sanz chaperon et estoit comme touz enraigiéz et dessiroit sa chaminse et disoit granz paroules de desconfort en disant : 'Cent mile viez deauble pourtez moi'. (Echevin. Dijon L., 1342, 36)

Ainsy qu'il estoient a tel desconfort, uns homs maigres et descharnez entra coiement en leur nef sanz mot dire, et estoit moult richement vestus et atournez comme se ce fust le corps d'un roy, mais il avoit si grant fain qu'a pou qu'il ne transissoit, sy s'apensa qu'il emporteroit de leur viande. (Bérinus, I, c.1350-1370, 217)

LA DAME. (...) Car en moy est desconfors telz Qu'a espoir nul ne me say prendre, Fors de honteuse mort attendre (Mir. enf. ress., 1353, 38)

Cils dous resgars estoit tous mes confors ; Il me tenoit l'ame dedens le corps, Car lonc temps a, fusse, s'il ne fust, mors, Qu'il soustenoit Moy et mon cuer contre tous desconfors. (Mach., F. am., c.1361, 152)

Pense au retour et aimme fort Et pren cuer, vigueur et confort, Et chasse hors le desconfort Qui en toy maint, Et tu seras tantost au port De pais, de joie, de deport. (Mach., F. am., c.1361, 230)

Or parle a moy et t'esvertue, Car je sui t'amie et ta drue Et ta compaingne. Je sui dolente et esperdue Dou grant desconfort qui te tue, Et certes, j'y sui bien tenue A ceste enseingne. (Mach., F. am., c.1361, 231)

Peinnes, dolours, larmes, soupirs et pleins, Griès desconfors et paours de morir Sont en mon corps en lieu de cuer remeins, Qui ne se puet de ma dame partir. (Mach., L. dames, 1377, 138)

Il n'est dolour, desconfors ne tristece, Anuis, grietez ne pensée dolente, Fierté, durté, pointure ne aspresse, N'autre meschief d'amours que je ne sente, Et tant plain, souspir et plour Que mes las cuers est tous noiez en plour. (Mach., L. dames, 1377, 175)

...le retour en sa chambre estoit pitoiable à voir et de grant desconfort à tous ceux de la maison du duc (Chastell., Chron. K., t.3, c.1456-1471, 247)

En contemplant la decoration De ce jardin m'avint soudainement Grief desconfort et desolation. (Compl. lion G., c.1470, 296)

...et en eust faict ce qu'il eust voulu, et les eust faict condescendre à toutes ses voulentéz soubz l'ombre et condicion dudit mariage, veü le grand desconfort, povreté et debilitation en quoy ces seigneuries estoient (Comm., II, 1489-1491, 168)

Couvrez moy mes tendres cheveulx, Descendez en bas de mon chief, Pour monstrer comment (il) est piteux Mon cueur, de ce dolent meschief. Quant je ne puis venir a chief Autrement de mon desconfort. (Cene dieux, c.1492, 125)

Irritation, amertume.

Et le diz voulentiers pour ce que les princes et autres se plaignent aucunes fois, comme par desconfort, quant ilz ont fait bien ou plaisir à quelqu'un, disant que cela leur procède de malheur (Comm., I, 1489-1491, 115)

À desconfort

Helas ! je sui arrivé à mal port, Quant pour amer m'est pris la fievre lente Qui me fera mourir à desconfort, Se secours n'ay de la tres excellente Sens qui je n'ay nul plaisir Et pour qui m'est souvent maint mal sentir (Mach., App., 1377, 640)

En (grant) desconfort

Pour ç'ay je perdu mon espoir, S'en vif en si grant desconfort Qu'en rien nulle ne me confort, N'eu monde n'a riens qui m'aporte Joie dont je me reconforte. (Mach., F. am., c.1361, 195)

Car, pour moy plus mettre à desconfiture, Il plaist à li que je languisse vis En desconfort et en langueur obscure... (Mach., L. dames, 1377, 62)

Et si say bien que sa gente figure Et sa douçour qui m'esprent et maistrie Dusqu'à lonctemps ne verray ; dont j'endure En desconfort si dure maladie Que je n'ay mais esperance d'aye Ne de confort de nelui, ains espoir Qu'il me convient morir ou li veoir. (Mach., L. dames, 1377, 138)

Einsi en grant desconfort, Dous amis, se desconforte Mes cuers qui t'aimme si fort Qu'amours ne fu mais si forte, Dont joie n'a ne deport Pour les griés que li tiens porte. (Mach., Les lays, 1377, 418)

La sera en tel desconfort Que mieulx ..C.. foiz voulsist la mort (Chr. Piz., M.F., I, 1400-1403, 133)

Les Grieux en moult grant desconfort, Pour Achillés, furent, car fort Estoit navrez, dont ilz doubtoient De sa vie, et perdu avoient Grant foison des meilleurs barons Qu'ilz eussent (Chr. Piz., M.F., III, 1400-1403, 110)

Car rien n'est plus desconvenable Que femme fole et mal traictable, Et si n'est chose plus plaisant Que femme doulce et appaisant, Et a homme est grant reconfort, Quant il se treuve en desconfort. (Chr. Piz., M.F., II, 1400-1403, 82)

O Quentin, nostre resconfort, Nostre champion, nostre effort, Nostre solas, nostre support Et nostre adresse, Nous laisse tu en desconfort, Plourans et gemissans tres fort En la mer de deul et au port De grief tristesse ? (Molinet, Myst. st Quentin C., c.1482, 211)

Les pouvres gens qui travaillent et labourent pour nourir eulx et leurs enffans et paient la taille et autres succides à leurs seigneurs devroient vivre en grant desconfort si les grans princes et seigneurs n'avoient que tout plaisir en ce monde et eulx tout travail et misère (Comm., III, 1495-1498, 258)

En piteux desconfort

Or suis-je en piteux desconfort Par maladie griefve et dure (La Vigne, Munyer T., 1496, 143)

Par (grand) desconfort

S'amie, par grant desconfort, S'occist de sa meismes espee (Chr. Piz., M.F., III, 1400-1403, 25)

Quand je le sceu, je dis par desconfort : 'Je hé ma vie et desire ma mort, Je hé mes yeulx, car par eux suy deceu, Je hé mon cueur qu'ay nicement perdu, Je hé ce dard qui ainsi mon cueur blesse.' (CH. D'ORLÉANS, Ret. am. C., 1414, 9)

...et dient les aucuns que il se tua lui mesm[e] par desconfort (Le Bouvier, Chron. Ch. VII, C.C.J., c.1451-1455, 57)

...si devez croire fermement qu'en luy n'eust que doleur, car, avecq ce, elle en veoit son mary tant acertez navré que grant paour avoit qu'il ne s'en peust retraire sans mort et non eust il, ne fust le grant sens et bonne conduite de la contesse, sa femme, laquelle d'amere destresse dit tout basset, par grant desconfort : 'Dieu !...' (Comte Artois, c.1453-1467, 115)

Et le diz voulentiers pour ce que les princes et autres se plaignent aucunes fois, comme par desconfort, quant ilz ont fait bien ou plaisir à quelqu'un, disant que cela leur procède de malheur et que, pour le temps à venir, ne seront si legiers ou à pardonner ou faire quelque liberalité ou autre chose de grace, qui toutes sont choses appartenantes à leurs offices. (Comm., I, 1489-1491, 114)

Et tant faisoient de mal et de paine les dis coqs a la dicte povre perdris qu'elle se desconfortoit piteusement a part elle et eust bien voulu, par desconfort, estre morte. (Tardif, Apologues R., c.1493-1498, 72)

Desplaisir cueur et corps m'enserre Par grant desconffort et destresse. (La Vigne, S.M., 1496, 558)

Avoir desconfort (au coeur)

Dame, envoie moy ton confort : Car trop ay au cuer desconfort (Mir. emp. Julien, 1351, 181)

Pour ce li grant et li meneur Doivent en lui prendre confort, Car nuls n'a si grant desconfort, Se son cuer et s'amour li porte Et donne, qu'il ne le conforte, N'avoir ne puet hons confort tels Com d'estre de li confortés. (Mach., C. ami, 1357, 24)

Nouvelles ont couru en France Par mains lieux que j'estoye mort ; Dont avoient peu desplaisance Aucuns qui me hayent a tort ; Autres en ont eu desconfort, Qui m'ayment de loyal vouloir (CH. D'ORLÉANS, Ball. C., c.1415-1457, 132)

Con j'ay au cueur grief desconfort De ces deux princes qui sont mors, Contre ce peuple barbarin ! (Myst. st Adr. P., c.1450-1485, 21)

Demener/mener desconfort. Se désoler.

Trop vait demenant desconfort, Pour son pere, qu'il amoit fort, Et pour sa serour, la tres sage Esïona, que en servage Les Gregois avoient menee, Et, pour tous les siens, n'ame nee N'est qui tous ses regrais deïst (Chr. Piz., M.F., III, 1400-1403, 57)

Le dueil si fut le lendemain plus fort, Plourer veissiez et mener desconfort Tout le peuple et tous les habitans, Criant a Dieu : 'Sire, tu nous fais tort, Tu nous ostes le donjon et le fort, De la bonne nous estions bien contans, Nous de Joigny, manans et habitans, En elle avions du tout nostre fiance'. (Régn., F.A., 1432-c.1465, 184)

David maine grant desconfort Pour Absaln (Myst. Viel test. R., t.4, c.1450, 229)

Si demenerent grand desconfort, et aprés l'inquisicion faite a leur seigneur de cest enconbrier, ilz le mirent a point et tantost le revestirent. Lors prinrent ilz ung petit raim d'esperance (Fille comte Pontieu B., c.1465-1468, 85)

Prendre desconfort (de qqc.)/en soi/vers soi. S'affliger, se décourager (de qqc.).

Et Meliadice s'en va agenoullez aux piez de son lit, qui commence à faire le plus merveilleux dueil du monde. Romarene la reconforte au mieulx qu'elle puet en lui disant : - Madamme, pour l'amour de Dieu, ne vueillez pas prandre tel desconfort en vous. (Cleriadus Z., c.1440-1444, 278-279)

Ce voyage, doncques, ne vous doit gueres ennuyer, et n'en prenez ja desconfort, car le retour en sera bref. [Pour ses affaires un marchand a quitté sa jeune femme] (C.n.n., c.1456-1467, 561)

...comme à petite occasion et cause, gens en danger prennent le desconfort vers eux, il pouvoit sembler que si le duc eust sçu ceste mort, il s'en fust desconforté ausi de sa vie (Chastell., Chron. K., t.4, c.1456-1471, 216)

Tomber en desconfort

Se tu me soustiens, je ne puis tumber en desconfort, maiz me tendras en estat par consolation estable. (Chart., L. Esp., c.1429-1430, 91)

Rien n'y vaut le desconfort. Rien ne sert de se désoler' .

Cecy ne vient pas bien apoint ; Mais rien n'y vault le desconfort. Prenez, je vous prie, reconfort ; Et à cela plus ne songez. (Bad. loue T., c.1500, 57)

Par personnification.

Il a fait son veu et promesse De renoncer a la richesse De Plaisir et de Doulx Penser, Et aprés ce, toute sa vie, L'abit de Desconfort porter (CH. D'ORLÉANS, Ball. C., c.1415-1457, 65)

Non ferez vous, je m'en fays fort, Ennuy, armé de Desconfort, Qui tousjours me tenez frontiere. (CH. D'ORLÉANS, Rond. C., 1443-1460, 524)

Ung jour vint a moy Desconfort, Qui Desespoir si m'amena, Dequoy il me despleut moult fort, Car durement me pourmena, Se ce n'eust esté Reconfort, Qui Espoir si me ramena, Je cuide que je fusse mort, Tant Desconfort me demena. (Régn., F.A., 1432-c.1465, 100)

B. -Par métonymie. Ce qui décourage, désespère ; situation désespérante.

Et par tele perseverance [de nombreux défauts] Est au jour d'ui en desconfort Le noble royaume de France (Desch., Oeuvres Q., t.1, c.1370-1407, 1)

Délaissent leurs prouchains parens En grans périlz et apparens, Et s'enfuient d'avecques eulx Comme couars, non comme preux, Sans leur faire nulz réconfors En tels périlz et desconfors (La Haye, P. peste, 1426, 76)

Cestui fut qui premier predist la mort du duc Philippe de Bourgongne à Bruges, predist le desconfort des laboureux de Beausse, que le cheval chargé de blé ne valloit que [sic] et le vin en petit pris et comme vil. (Simon De Phares, Astrol., c.1494-1498, f° 158 v°)

...et en eust faict ce qu'il eust voulu, et les eust faict condescendre à toutes ses voulentéz soubz l'ombre et condicion dudit mariage, veü le grand desconfort, povreté et debilitation en quoy ces seigneuries estoient (Comm., II, 1489-1491, 168)

Action qui crée le désespoir.

Dont demande une lanche a son cousin Ganort, Puis est alés jouster a Lambert de Monfort, He Diex, com grant damages quant falir il ne pot ! Car chellui assena par si grant desconfort Que le coer de son ventre fist fendre par effort. (Bât. Bouillon C., c.1350, 14)

Terre, vallee de desconfort. Terre, vallée de larmes, de misère (expr. biblique).

C'est la vallee de misere, De douleur et de desconfort (Pac. Job M., c.1448-1478, 288)

Pour ce je te pry qu'il te plasse Me donner ung petit d'espace, Affin que je me puisse plaindre Avant que j'aille sans remaindre En la terre de desconfort Et es tenebres de la mort (Pac. Job M., c.1448-1478, 355)