DEBONNAIREMENT

adverbe

[T-L : debonairedebonairement ; GDC : debonairement ; AND : deboneirement ; DECT : debonairement ; FEW (XXV, 1321a) : ager ; TLF (VI, 767b) : débonnairement]

A. -[Avec une nuance de supériorité]

1.Avec bonté et bienveillance.

Au chastoy Raison m'acorday Et par Amours me recorday ; Se li priay moult doucement Qu'a son gré debonnairement M'en vosist donner tel propos Que je demourasse en repos. (Mach., D. Aler., a.1349, 369)

Quant ce fu fait, ilz monterent sanz plus attendre et prindrent congié à la dame qui debonnairement leur avoit aidié, et elle les commanda a Dieu qui les gard, puis s'en revint en la chambre et remist les clefs la ou elle les avoit prises. (Bérinus, II, c.1350-1370, 97)

Et donques il [les princes ecclesiastiques] doivent gouverner le clergié non pas comme seigneurianz ne afin de pecune, mes debonairement et selon Dieu. (Oresme, Pol. Arist. M., c.1372-1374, 178)

Li connestables de France (...) avoit donné sauf conduit de aller leur chemin deboinairement aucuns chevaliers englès et navarois de la garnison de Chierebourc. (Froiss., Chron. R., X, c.1375-1400, 44)

Lui prie moult courtoisement 'Qu'il le lait debonnairement O lui logier...' (Chr. Piz., M.F., II, 1400-1403, 299)

Et quant vostre noble pere vit qu'il failloit mettre la main à l'oeuvre et obvier à leurs cauteles et malices, en sa personne, acompaignié de plusieurs nobles hommes, par hardement et saige moyen, gaigna la ville de Tenremonde en plain jour et la garda de pillaige et de murdre moult debonnairement. (La Marche, Mém., I, c.1470, 166)

...lequel fut receu du roy moult honorablement, debonnairement et amyablement. (La Vigne, V.N., p.1495, 306)

Avec indulgence, avec clémence.

Et le pere lui respond : 'Je le vous pardonne bonnement et debonnairement, et vous ottroie ma beneïcon'. (Bérinus, I, c.1350-1370, 398)

Et s'il fait en vous outrage, Souffrés debonnairement Et baisiés son doulz visage (Mach., Voir, 1364, 196)

Li comtes, sans plus retrait, Le consenta déboinairement Et pardonna si larguement. (Troubles Flandre P., c.1384-1385, 60)

...lequel [le roi Richard] tres debonnairement et benignement luy pardonna [à Henri de Lancastre] . (Juv. Urs., Aud. celi, 1435, 178)

Avec ménagement.

Mais bien mist en ses devisses que à son mestre le conte de Ventadour on ne feroit ja nul mal, et le meteroient hor dou castiel deboinairement (Froiss., Chron. R., IX, c.1375-1400, 141)

2.Avec dignité, noblement.

Ne demora pas granment apprès ce que les chevaliers se furent partis d'avec mondit seigneur, que il lui saillit soudainement une douleur en la teste et une challeur si grande que, le mardi environ midi, mondit seigneur rendit l'ame a Nostre Seigneur Jhesu Crist moult debonnairement et doulcement par semblant. (Voy. Jérus., c.1395, 87)

B. -Avec gentillesse, avec douceur.

Sachiez que une damoiselle est m'amie qui l'autre nuit, quant je fus navrez, vint a moy entrementes que j'estoie en palmoisons, et m'aporta toille dont je estanchie mes plaies et les me benda moult debonnairement, et bien sçay que je eüsse esté mort en la place, s'elle ne m'eüst secouru et aidié, et si ne lui en pouoie rendre autre guerredon, fors que je lui ottroiay mon cuer, si l'aimeray toute ma vie. (Bérinus, II, c.1350-1370, 68)

Après, Loyauté sans demour Et Celers vers Honte et Paour Viennent moult debonnairement Et leur dient courtoisement Qu'il ne font mie bien a point De tenir l'amant en tel point (Mach., D. verg., a.1340, 46)

Moult joieuse fu la contesse d'Artois de oÿr la dame parler si lealment, si respondy tres debonnairement : 'C'est du bien de vous, dame ...' (Comte Artois S., c.1453-1467, 123)

...ne refusa pas le service qu'on luy presentoit, mais debonnairement se laissa ferrer [La jeune femme accepte les 'hommages' d'un 'tresgentil compaignon'] (C.n.n., c.1456-1467, 418)

Avec amabilité (et soumission) ; de bonne grâce.

Lors se part le cappitaine, et prent congié, et s'en vint en la cité, ou l'en le receut debonnairement. (Arras, c.1392-1393, 115)

Li contes (...) vint (...) au Suseniot a trois lieues de Vennes, qui est un biaus chastiaus et cambre des dus de Bretatgne. On le rechut dedens tout debonnairement, et fu la ne sçai qans jours (Froiss., Chron. D., p.1400, 472)

De bon coeur.

Et Aigres si leur dist et compta debonnairement toute la maniere, de quoy les damoiselles loerent Dieu que si belle aventure estoit avenue au chevalier. (Bérinus, I, c.1350-1370, 341)

Avec soumission.

Mais cil qui debonnairement Gardera mon commandement, Mon Pere chiez lui demourra (Renart contref. R.L., t.2, 1328-1342, 23)

Dont fu Berinus pris et saisis de toutes pars sanz monstrer semblant de soy deffendre, car il perçut bien que la force n'estoit mie sienne, si se laissa prendre tout debonnairement. (Bérinus, I, c.1350-1370, 196)

La premiere est qu'il escoute son maistre debonnairement et sans contradition, selonc le dit de saint Jasques : «Recepvés en doulceur la parole que je vous ay proferee» (Daudin, De la erudition H., c.1360-1380, 63)

Alés vous ent à Bruges et dites que je et la bonne ville de Gand venons chi, non pour guerre ne iaulx grever, se il ne voellent, ou cas que il nous ouveront deboinairement les portes. (Froiss., Chron. R., IX, c.1375-1400, 187)

...et se ce il nous voellent rendre debonnairement, et que li rois viengne a honmage au roi nostre sire et recongnoise l'onmage a estre lige, presens les barons d'Engleterre et ceuls d'Escoce, et que de ce soient lettres escriptes et seelees dou roi d'Escoce et des barons d'Escoce, il demorront ou paix. (Froiss., Chron. D., p.1400, 214)

...se mengier voulés, gaignier il le vous convient au filler (...). Sy ne dittes chose dont vous soiés reprins, ains mettés la main a l'oeuvre et fillés debonnairement, s'en avrés mieulx vitaile. (Percef. IV, R., c.1450 [c.1340], 357)

...comme le roy Daire eust envahy par armes les Scites, iceulx lui envoyerent leurs messaiges disans que egallement et debonnairement ilz soufferoient la depopulation des champs et des vignes, mais s'il atouchoit les sepulcres de leurs parens, adont sentiroit il la puissance et la force d'eulx (Colart Mans., Dial. créat. R., 1482, 160)

C. -Tranquillement.

Si vous tenroye trop longuement a vous raconter tout, car souventes foiz il avoit orribles tempés de fouldres et d'orages, et lui venoient par devant par nuit et par jour merveilleux fantosmes, mais tant souffroit et enduroit debonnairement, et mains en estoit espouentez, quant il fu endurcy, qu'il ne fu au commencement (Bérinus, I, c.1350-1370, 244)

Pour ce aussi que nous sommes après disner et que de present n'avons pas grant besongne à faire, s'il vous plaist, vous escouterez debonnairement et sans prendre ennuy ou desplaisance à ce que je vous diray. (Bueil, I, 1461-1466, 119)

Tranquillement, doucement.

... [le chevalier] chevauchoit a travers champs sans tenir voies ne sentiers le plus doulcement et debonnairement qu'il povoit (C.n.n., c.1456-1467, 547)