COMPLEXION

substantif féminin

[T-L : complessïon ; GDC : complession ; AND : complexion ; FEW (II-2, 983b) : complexio ; TLF (V, 1181b) : complexion]

Ensemble des caractères physiques d'un être.

A. -[À propos d'une pers.] Complexion, mélange des qualités premières.

LA DAME. (...) Car je sens ma condicïon Müee, et ma complexïon (...) Pour ce, d'estre grosse doubte ay (Mir. enf. ress., 1353, 6)

Les maladies qui sont semblables a la complexion du malade, a l'aage, l'abitude, [le] temps de l'an, il a moins de peril que celles ou tout est contraire. (Saint-gille, A.Y., 1362-1365, 62)

Mes aucuns sunt grans et bien formés dehors qui ont les membres ou parties dedens, comme sunt le cuer et le cervel, de malvese complexion ou mal figurés et mal formés. (Oresme, Pol. Arist. M., c.1372-1374, 54)

Et ici dit [Aristote] que la premiere et ceste [felicité] ont mestier de biens de nature, ce est assavoir quant a santé et a bonne complexion et de bonne fortune. (Oresme, Pol. Arist. M., c.1372-1374, 185)

L'en m'a fait du roy mencion Qu'il est d'une complexion Qu'il n'est femme, s'a elle habite, Qui n'ait du corps tant de labite Qu'a peines se puist puis aidier. (Mir. Berthe, c.1373, 164)

Chis papes estoit de petite et povre complection et maladieux. (Froiss., Chron. R., IX, c.1375-1400, 48)

Et la cognescence de cez remedes medicinales luy appartient [au médecin] , car a luy appartient la cognescence de la conplexion de l'onme, et la cause de la maladie (Songe verg. S., t.1, 1378, 73-74)

Or est certain que lez gens soul[o]ient jadiz avoir XXXII dans, lez aultres aprés XXVIII dans, et encore au jour d'uy il en ont mains ; donques, nature humaine si est affeblie et appeticiee, attendue sa conplexion corporele. (Songe verg. S., t.1, 1378, 211)

...si voy ma complexion Muée et ma condicion : Pour ce d'estre grosse doubte ay (Mir. fille roy, c.1379, 9)

...et saiches que point ne me faindray, ne mes chamberieres, a tout baillier et planter en ceste dame, toute beauté corporelle - car sur l'ame n'ay que veoir -, toute plaisance, toute suavité, toute armonye et attrempence de complexion (Gers., Concept., 1401, 392)

...et me grieve sans mesure la secheresse qui est, qui par especial est ennemie à ma complexion, en quelque saison que ce soit. (Baye, II, 1411-1417, 173)

...si ma complexion et condicion n'estoient gouvernées selon l'exigence de leurs naturelz principes, gueres ne luy pourroye durer (C.n.n., c.1456-1467, 573)

...quant l'omme engendre un filz, petit s'en change pour ce qu'il engendre son semblable ; mais a engendrer une fille, qui est hors de sa complexion, il s'en treuve fort aliené voire pour deux ou pour trois jours. (Ev. Quen. I, c.1466-1474, 102)

Premierement convient (...) aussi qu'il [le chirurgien] congnoisse la complexion car, selonc la diversité de la nature des corps, il convient diversifier la medicine (Panis, Guidon, 1478, chap. sing.)

...l'on voit en chascun membre neuf choses, c'est assavoir la posicion ou mise, la substance, la complexion, la quantité, la figure, le nombre, la colligance, les faitz et utilités et quelles sont les maladies que en celluy membre peut estre, desquelles par l'anathomie en congnoissant, en pronosticant et aussi en curant le meige peut estre aydié. (Panis, Guidon, 1478, tr.I, doct.1, chap.1)

Messeigneurs, qu'i [ne] vous desplaise, Et soubz vostre correction, Je me sens ung peu a malaise Pour l'eure, de complexion ; Et n'est pas mon intencion Y aller pour l'eure presente, Ne de moy nulle mencion Ne faicte[z], ne n'ayez atente. (Myst. siège Orléans H., c.1480-1500, 139)

Charles septiesme de ce nom, roy de France, estoit homme de belle forme, estature et bon régime ; de complexion sanguine ; humble, doux, gracieux et débonnaire (Baude, Eloge Ch. VII, V., p.1484, 128)

Ainsi nous tenons de la region chaulde et aussi de la froide, par quoy avons gens de deux complexions. (Comm., II, 1489-1491, 38)

(Les) quatre complexions

[Liées aux quatre qualités élémentaires de la nature - chaud, froid, sec, moite,]

Comme il soit que .III. element Soient avec .IIII. saisons, Aussis .IIII. complexions Sont en un corps encorporées, Et toutes choses composées, Arbres, fruis, oiseaulx et jumens, U moien des .IIII. elemens, Et ont complexions semblables,Dont les medecines curables, Qui sont mises en humain corps, Convient qu'elles soient alors Remises en quelque partie Du corps, et qu'il en affoiblie, Comme nulz, tant ait cler engin, Ne se puist trouver vray sanguin, Colerique ou merencolique, Ne aussi pour vray fleumatique, Mais ces .IIII. en tous corps humains, De l'une plus, de l'autre mains, Habondent en toute saison. (Desch., Oeuvres R., t.8, c.1370-1407, 292)

Selon ces quatre complexions... le corps humain recoit diuerses condicions, et selon la diuersite de la complexion lame naturellement a diuerses inclinacions et est lame en ses operacions plus tardiue ou plus hastiue ou plus ingenieuse ou moins. Et mesmes la complexion du corps fait moult incliner a vice ou a vertu (...) il est moult vtile sauoir a quoy on est enclin par complexion affin que on se conuertisse a user de raison au contraire et que on ne se donne pas a ensuiuir la mauuaise inclinacion se elle est en la personne. Les vngs sont enclins a bien et les autres a mal selon les complexions. Le sanguin de sa complexion est simple, ioyeux modere, doulx et amiable et liberal (Cib., p.1451, 218)

En particulier. Caractère dû à l'association de deux des quatre qualités élémentaires de la nature.

Et par bonne raison il semble Que moisteur et chaleur ensemble Font très bonne complexion à recevoir l'infection, D'ont nous véons que les enfans Et establiz dessoubz sept ans, Qui sont moistes et chalereux, En sont mains prestz et vigoreux (La Haye, P. peste, 1426, 59)

Complexion est une qualité sourdant des quatre qualitez primeraines et élémentaires unies en aucun suppost. (La Haye, P. peste, 1426, 183)

La premiere chose est que le medecin doit considerer la qualité du boire et du mengier, car es maladies chauldes doit [administrer] le medecin diete froide, et es maladies froides diete chaulde, es maladies humides diete sceches, et es maladies sceiche diete humide ; toutefois la complextion naturele doit estre gardee par diete a luy semblable, come veult Galien au IIIe livre de Tegni quant il dit que les corps chaulx doibvent estre gardés par choses chauldes, et les corps frois par choses froides. (Rég. santé corps C., 1480, 106)

Et ne devons pas entendre que le sanguin soit gras proprement, car l'omme gras se juge de complexion froide (...) ; mais il est gras largement, prins en ce vocable gras pour charnosité, car le sanguin fort est chairnus, car Avicenne dit au chapitre nommé que habundance de chair rouge et ferme signifie la complection sanguine a cause que habundance de chair a ceste forte vertu assimilitative, et multitude de sanc, lesquelz ont vigeur par chaleur et moiteur (Rég. santé corps C., 1480, 143)

[Comme condition influant sur le tempérament d'une pers.] Tempérament.

...car unes choses sont delitables as uns et autres as autres, pour la nature de leur complexion ou pour aucuns autres accidenz. (Oresme, E.A., c.1370, 223)

Car selon la diversité des regions, des complexions, des inclinations et des meurs des gens, il convient que leur droiz positifs et leur gouvernemens soient differens. (Oresme, Pol. Arist. M., c.1372-1374, 291)

Et quant vous voulez argüer Que marïage fait müer Par sa grant vertu les corages, En mieux se müera li saiges, Et le fol ja bien ne fera ; Ne ja pour ce ne devendra Ta complectïon feminine, Car bien scez que pas ne domine La femme, maiz ce fait li homs ; Si changent les complectïons Su subget par le dominant. (Gris., 1395, 15)

...par .II. manieres d'occasions viennent et sourdent communement troublemens de courage et contaminacions de pensée, dont l'une vient et est la pire et qui plus à haute gent messiet à cause d'orgueil et oultrecuidance ou de mauvaise acoustumance par la mignotise de trop aise, de non vouloir riens souffrir ; la seconde est plus naturelle et assez excusable selon les complexions ou les cas, si que apres sera dit. (Chr. Piz., P.V.H., 1416-1418, 30)

...toutevoye vous estes aucunement collorique, non obstant que ayez bonne complexion (Juv. Urs., Nescio, 1445, 472)

A tous ceulx qui ce petit livre verront plaise savoir que (...) je eu voulenté et fermay ma pensee, ainsi que nature me ordonna et que en jeune aage ung chacun se applicque a faire labour ou sa plaisance se encline, je prins mon plaisir et delectation a veoir et a suivyr le monde ainsi comme ma complection y estoit encline. (Le Bouvier, Chron. Ch. VII, C.C.J., c.1451-1455, 3)

...jusques il fut prins par tromperie dudit seigneur Lodovic et par la folie de son maistre, qui tenoit de la complexion de la mère et n'estoit guère saige. (Comm., III, 1495-1498, 13)

Par métonymie.

Cestui Alexandre eut avecques lui diverses complexions et natures de gens, car aucuns lui louerent à aller veoir Diogenes, autres l'en destournerent, ausquels il dist : 'Si vous me povez dire les choses que j'espere sçaver de lui, vous serez louez et prisez de moy...' (Simon De Phares, Astrol., c.1494-1498, f° 58 r°)

B. -Constitution (d'une chose).

Et ceste puissance est en leur complexion ou composicion ou commixcion de leurs qualités. (Oresme, C.M., c.1377, 232)

Il [Aristote] n'entent mie aussi par le vent boreal le vent qui vient droit de septentrion tant seulement mais les collaterals aussi qui conviennent en complection avec li (Evr. Conty, Probl. Aristote, 1380, XXVI, 9, 206 v°)

Nul corps n'est dit oyseux ne fait pour neant, mais est fait selonc necessité avec competante composicion et complexion qui ont aulcunes divines vertus de leur createur (Panis, Guidon, 1478, tr.I, doct.1, chap.1)

[À propos de substances médicinales]

Et pour ce furent les vertus et les complexions des medecines premierement notees et considerees quelles elles sont selon la comparoison et le regart qu'elles peuent avoir en la complexion humaine et par especial au corps qui est de attrempee complexion. (Evr. Conty, Harm. sphères H.P.-H., c.1400, 84)

ASTR. Situation d'une planète par rapport à une autre, entraînant des modifications pour leur nature et leurs propriétés.

...le menuisement u l'acroissement le quele cose il ne poent savoir, se n'est par le Lune et par le complexion de li as autres planettes... (Compil. sc. étoiles C., a.1324, 89)