CIERGE

substantif masculin

[T-L : cierge2 ; GD : cierge2 ; GDC : cierge ; AND : cirge ; DECT : cierge ; FEW (II-1, 604b) : cereus ; TLF (V, 803b) : cierge]

Longue chandelle de cire que l'on brûle dans une église, lors d'une cérémonie religieuse, près d'un mort..., cierge.

Sire prestre, tenez en lieu De ma purificacion Ce cierge (Mir. nat. N.S.J.C., c.1343, 226)

Et vit, il qui parle, que les cierges d'icelle eglise estoient alumez et ardoient si cler, que l'en veoit par toute icelle eglise (Reg. crim. Chât., II, 1389-1392, 237)

...et que illec, à la pourcession que feroit le curé d'icelle ville, ilz feussent menez tous nus piez, et sanz chapperon et chemise, chascun tenant un cierge ou chandelle de cire en sa main (Reg. crim. Chât., II, 1389-1392, 246)

...nous fonderons à perpétuel ledit cierge et ladicte messe (Ch. VI, D., t.1, 1415, 372)

Or pers tous deux par voie estrange Dont je vois, nuz piez et en lange, Prïer la Vierge Qui des cieulx est vraie concierge, Lui presentant un ardant cierge Afin que par sa grace acquierge Grace et pardon (Chart., L. Dames, 1416, 222)

Et d'ilec iront tenans en leurs mains cierges alumés, chascun d'une livre de cire, par le Grant Pont et le pont Nostre Dame, en l'eglise de Paris, en laquelle ilz offreront et laisseront chascun son cierge ardant devant l'image Nostre Dame (Fauq., I, 1417-1420, 377)

...devant l'ymage Nostre Dame il offrera ledit cyerge, et si demourra ardant ycellui cierge tant qu'il pourra durer (Fauq., I, 1417-1420, 381)

Lors se partirent, chascun ung cierche ardant que on leur avoit baillié en leurs mains ; et allerent tant, sans prendre garde a nulle chose, qu'ilz veirent le jour. (La Sale, Salade, c.1442-1444, 100)

Puis que mon sens fut a repos [après cette perte de conscience, cet entroubli] Et l'entendement desmellé, Je cuiday finer mon propos, Mais mon ancrë estoit gelé Et mon cierge trouvay soufflé ; De feu je n'eusse peu finer, Si m'endormis, tout enmouflé, Et ne peuz autrement finer. (Villon, Lais R.H., c.1456-1457, 30)

En laquelle faisant furent tous les petis enfans de Paris, chascun tenant ung cierge, et fut alé querir le saint Innocent et porté à Nostre-Dame. (Roye, Chron. scand., I, 1460-1483, 330)

Et aux quatre cornetz avoit quatre grans cierges, et aux piez la croix et l'eaue benoiste. (Roye, Chron. scand., II, 1460-1483, 42)

Et devant icelle biere aloient quatre crieux de ladicte ville, sonnant de leurs clicquectes, et en leurs poictrines les armes dudit Grenier, et autour d'icelle biere y avoit quatre sierges et huit torches [portées] par hommes vestuz de dueil et armoiez comme dit est. (Roye, Chron. scand., II, 1460-1483, 83)

Et que tous maistres dudit mestier seront tenuz aller à vespres la veille de la feste dudit Sainct Crespin, et le jour à la grant messe et à vespres, et le lendemein à la messe des trespassez, et seront tenuz acompaigner le baston et le cierge que l'on porte parmy la ville (Ordonn. rois Fr. P., t.19, 1486, 658)

...il y a en certain temple de Venus ung candelabre ouquel est une lanterne ardante perpetuellement, que nul vent, ne tempeste ne peut estaindre, et les antiques escriptures dient que ce sont les cierges qui furent presentez au temple par la Vierge Marie (Simon De Phares, Astrol., c.1494-1498, f° 99 r°)

Cestui prescha la nativité du filz du roy Philippe, nommé Loys et de Ysabel, laquelle nativité fut festivée par huit jours par ceulx de Paris et par autant de nuyz, à grande quantité de cierges et lampes. (Simon De Phares, Astrol., c.1494-1498, f° 119 v°)

...habondance de grosses torches, cyerges et luminaires (La Vigne, V.N., p.1495, 311)

Cierge de bougie. Cierge de luxe (fabriqué en cire de Bougie).

La benediction prinse de monsseigneur le Partriarche, la present, et leur oblacion faicte comme de grosses chandelles et ciergez de bougie. (Barbatre, Voy. T.-C. P., 1480, 105)

[Dans la symbolique chrétienne, pour désigner l'âme]

Charles, filz et frere du roy de France, duc de Guienne, conte de Saintonge et seigneur de La Rochelle, bien souvenans de nostre salut et sains de pensée, jaçoit ce que de corps soyons fort malades, pensant tousjours à la parolle de Nostre Seigneur disant au roy Ezechie: 'Dispose de ta maison, car demain tu mourras,' comme si ceste parolle nous feust singulierement transmise, non refusant icelluy mandement mais icelluy humblement recepvant puisqu'il plaist à Dieu, à l'ordonnance de qui toutes choses sont subjectes et à qui ne se peult rien tapir de nostre maison prinse en trois sens, c'est assavoir de nostre ame, qui d'icellui Dieu est dicte le sierge, mais qu'elle soit juste, et de nostre corps, en quoy ladicte ame si est, puis après de nostre famille, tout par ordre et successivement, par ce present testament avons voulu disposer et ordonner en la maniere qui s'ensuit... (Le Clerc, Interp. Roye, c.1502, 282)

[Dans une compar.]

Et supposé qu'elle fust vierge, Soubz brandon roide comme cierge, Y perdist de son auctorité La fleur de sa virginité. (Le Fèvre, Vieille C., a.1376, 25)

Itiels prechours de leur semblant Sont sicomme cierge clier ardant, Qui donne as autres sa lumere (Gower, Miroir homme M., c.1376-1379, 245)

Plus droit estoit planté qu'un cierge Sur son destrier la noble virge, Voire, par Dieu, que une coudrelle (Le Petit, Champ d'or L., c.1388-1392, 38)

...Nostre archiduc, prince, pere et conchierge De ce pays, plus reluisant que chierge (Molinet, Faictz Dictz D., 1467-1506, 275)

[Dans un cont. métaph.]

J'ay fait l'obseque de ma Dame Dedens le moustier amoureux, Et le service pour son ame A chanté Penser Doloreux ; Mains sierges de Soupirs Piteux Ont esté en son luminaire (CH. D'ORLÉANS, Ball. C., c.1415-1457, 95)