CHARTRE

substantif féminin

[T-L : chartre1 ; GDC : chartre2 ; AND : chartre2 ; FEW (II-1, 363a) : carcer ; TLF (V, 580a) : chartre]

A. -Prison, geôle.

Et pour ceste cause, les Pithagoriens ne deussent pas craindre a mettre la terre ou milieu de tout le monde ne dire que illeques ou centre est la Chartre de Joves, mais il deussent querir pour melieu ce qui est apte et convenable a ce que illeques soit la chose. (Oresme, C.M., c.1377, 516)

Tu, Melusigne, qui es l'ainsnee et celle qui deusses estre la plus congnoissans, c'est par toy, car le scay bien, que ceste dure chartre et prison a esté donnee a ton pere, et pour ce en seras tu la premiere punie. (Arras, c.1392-1393, 12)

Tant que tu sais ton secret il est en chartre, mais sitost que l'as descouvert tu es ou dongier et prison de cellui à qui tu l'as dit. (Chr. Piz., Paix W., 1412-1413, 171)

Mesmement Entendement qui defferma le guichet de ma memoire lez mescongneust a l'entrer, car encores avoit il ses yeulx esblohis, comme prisonnier qui d'une trouble chartre vient soudainement a la lueur du solleil. (Chart., L. Esp., c.1429-1430, 23)

[Cliché] Chartre obscure

...il fut mis en prison En une chartre monlt obscure (Renart contref. R.L., t.1, 1328-1342, 43)

Et quant Aigres vist que faire lui convenoit, si [se] seingna et beneïst et dist : 'A Dieu me commant', et s'en entra dedens la chartre obscure, et a l'entree trayst Pleuresanc son espee toute nue. (Bérinus, I, c.1350-1370, 305)

Mais uns fers avoit si pesans Que, qui li donnast mil besans, Il ne s'en peüst deffergier. Et puis on l'ala habregier En une chartre moult obscure, Pleinne de puour et d'ordure. (Mach., C. ami, 1357, 51)

...je gis en cartre obscure Ou point de desconfiture. (Froiss., Par. am., c.1361-1362, 73)

Et la loy de Chypre s'acorde Qu'il soit pendus à une corde, Comme traïtres condampnés ; Ou mis aveques les dampnés, En prison ou en chartre obscure, Sans jamais veoir creature. (Mach., P. Alex., p.1369, 252)

En chartre obscure entra (Molinet, Faictz Dictz D., 1467-1506, 508)

Chartre perpetuelle/à perpetuité. Prison à vie.

...puis [fu condempné] à estre perpetuelment et morir en chartre perpetuele au pain de douleur et à l'aye de tristece (Conf. Jug. Parlem. Paris L.L., 1344, 156)

Puiz a esté declaré estre attaint et conveincu de crime de lese magesté, et a esté privé de tous offices et benefices ecclesiastiques, et condempné en chartre perpetuel à pain de doleur et eaue d'angoisse (Baye, II, 1411-1417, 249)

...pour le cas commis le clerc est condempné a chartre perpetuelle ou a temps (Juv. Urs., Nescio, 1445, 500)

...pluseurs chevaliers et escuiers (...) furent prisonniers, dont les aucuns furent mors et executez (...) les aultres en chartres a perpetuité, les aultres condemnez a estre et faire office d'esclave. (C.n.n., c.1456-1467, 422)

...aussi pour ce qu'il fut de l'entreprinse et estoit icelle traïson ainsi faicte, qu'ilz devoient prandre le bon roy Richard et le duc de Lanclastre et le duc d'Yort et iceulx mectre en chartre perpetuelle (Simon De Phares, Astrol., c.1494-1498, f° 143 v°)

B. -Par analogie. au figuré.

1.[Le corps hum. qui emprisonne l'âme ; p. réf. au Ps. 142, 8]

N'est telle joie comme de bonne et sainte vie. Tu vois que ilz muerent seurement et promptement, senz regrez. Quelle merveille ? Car ilz vont de chartre et de prison en gloire et en perdurable delectacion (Gers., Pent., p.1389, 85)

[La condition terrestre, la nature pécheresse de l'homme]

Pourquoy il fait grace et remission plus a aucuns que aux autres entre ceulx de l'umain lignaige qui sont generalment emprisonnez en la chartre de pechié, au moins de pechié originel ? (Gers., Trin., 1402, 163)

2.Chartre de maladie

...la .VIe. [branche de Misericorde] , visiter ceulx qui sont en chartre de maladie et la .VIIe., ensevelir les mors. (Ménagier Paris B.F., c.1392-1394, 43)

...et aussi depuis n'a gueres a esté sa femme en chartre de maladie par l'espace de cinq mois (Paris domin. angl. L., 1422, 30)

3.Chartre (d'une chose abstr.)

Discipline est le cep ou restrainte de couvoitise, le chartre des desirs mauvais, le frain de mignotise (Daudin, De la erudition H., c.1360-1380, 244)

Et finablement le seigneur de Croy, avecques son frère, mis en ténébreuse chartre de mérancolie en la caverne de toute amertume et desconfort du monde par désespoir de leur maistre perdu... (Chastell., Chron. K., t.3, c.1456-1471, 264)

4.RELIGION

Les Limbes.

...au tiers jour prist resurreccion Pour ses amis traire de chartre obscure (Mir. femme, 1368, 234)

YSAŸE. ...d'une vierge nete et pure (...) Doit naistre sans corrupcion La fleur tres doulce et precïeuse Qui de la chartre tenebreuse Tous et toutes nous ostera. (Gréban, Pass. J., c.1450, 34)

Enfer (la prison des âmes).

[C'est un diable qui parle] Jhesu m'a tousjours deceü, Car aucuns mors que j'ay eü Mis en la chartre de seens, Tu le sces, que tes yeulz veens, Par sa parole les delivre. (Myst. Pass. N.S. R., c.1350-1370, 246)

JUDAS. Actens moy, chartre doloreuse, Fourneau rouge de feu ardant (Gréban, Pass. J., c.1450, 293)

...Je te supply [Vierge Marie] : soies moy deffendant De la chartre cruelle et infernalle. (Molinet, Faictz Dictz D., 1467-1506, 463)

5.Estre en la chartre Nostre Seigneur. Être privé de raison, avoir perdu la tête.

Et s'il vient aucun a l'oustel parler a lui, lequel avoit acoustumé a tenir bonne meson et faire bonne chiere aux gens qui le venoient veoir, et demande le proudomme a la dame, elle respond : Par ma foy, il est en la chartre Nostre Seigneur. -- Et comment, fait il, lui est il avenu ? - Par ma foy, fait elle, il est come ung innocent et du tout tourné en enfance ja piecza. (Quinze joies mar. R., c.1390-1410, 76)