CHANSONNETTE

substantif féminin

[T-L : chançonete ; GDC : chansonnette ; AND : chançunette ; FEW (II-1, 235a) : cantio ; TLF (V, 509a) : chansonnette]

Petite chanson, chansonnette.

Et s'il vous plaist, ma dame chiere, A resgarder la darreniere Chansonnette que je chantay, Que fait en dit et en chant ay, Vous porrez de legier savoir Se je mens ou se je di voir. (Mach., R. Fort., c.1341, 135)

Et quant vers moy estoit venue Elle paioit sa bienvenue De rondel ou de chansonnette, Ou d'autre chose nouvellette ; Car si tresdoucement chantoit Que ses doulz chanter[s] m'enchantoit. (Mach., Voir, 1364, 244)

...faire dis et chansonnettes Pleinnes d'onneur et d'amourettes... (Mach., Prol., c.1377, 6)

Et pour ce, par grant reverie, Ma musette accorder feray, Et avecques toy y diray, S'aidier me vuelt ceste tousette, Une amoureuse chançonnette. (Gris., 1395, 100)

Et aussy dit Boece que le corps se conforme aucunefois a la doulceur d'aucune chançonnete et s'y accorde, si qu'il semble qu'il la die. (Evr. Conty, Harm. sphères H.P.-H., c.1400, 88)

Ainsi [les dames] aloient Comme celles qui se douloient Et riens fors penser ne vouloient, Ne point ensemble ne parloient ; Maiz par l'erbete Chascune aloit toute seulete. Oncques ne distrent chançonnete, Ne de cueillir la vïolete Ne leur tenoit ; Maiz chascune son dueil menoit (Chart., L. Dames, 1416, 209)

...firent de tres bons rondeaulx, et pluseurs chansonnettes qu'ilz manderent et envoyerent l'un a l'autre (C.n.n., c.1456-1467, 240)

Saint Jehan Baptiste en decola [à cause des folles amours] Pour dances, saulx et chansonnectes. Bien eureux est qui rien n'y a ! De moy, povre, je vueil parler : J'en fuz batu comme a ru telles, Tout nu, ja ne le quiers celler. (Villon, Test. R.H., 1461-1462, 65)

Tout le jour en joie mectons Et noz vestures extendons Par la voie rainceaux et floretes, Disans nouvelles chançonnettes. (Myst. Pass. Amb. R., c.1474-1500, 42)