CHASTIMENT

substantif masculin

[T-L : chastïement ; GD : chastiement1 ; AND : chastiement ; FEW (II-1, 472a) : castigare ; TLF (V, 603a) : châtiment]

A. -Avertissement, mise en garde.

Tantost le vent l'eslieve amont [Icare] , Et si vault surmonter son pere, Et que plus hault de lui appere. Tous les chastiemens oublia Que son pere mal emploia. (Renart contref. R.L., t.2, 1328-1342, 70)

N'est pas plus perdue parolle dicte à homme dormant que est au fol chastiement. (Chr. Piz., Paix W., 1412-1413, 170)

Et se ung filz empongne par rebellion la verge de son pere, le pere court au baton, qui est plus dur, et oublie le castaiement de discipline par la rigeur de punition. Et par la bouche du sage mande Dieu a ceulx qui mettent en non chaloir sa doctrine, mesprisent ses chastimens, qu'il se rira en leur mortel misere, et se mocquera de leur soudaine confusion. (Chart., L. Esp., c.1429-1430, 65)

SECOND BRIGANT. (...) Hellas, s'on m'eust donné doctrine Lors que j'estoye en jeune eage, Chastÿement et discipline, J'eusse evicté ce dur passaige ! (La Vigne, S.M., 1496, 320)

DROIT [D'une femme mariée vis-à-vis de son mari] Estre en chastiment de qqn. Être sous le pouvoir disciplinaire de qqn.

...ledit suppliant, qui demanda audit feu Huguet que c'estoit qu'il demandoit à sa dicte femme, et il lui respondi qu'il lui demandoit des utenciles, et qu'elle les lui bailleroit, ou la bateroit tant qu'il la feroit morir, ou paroles en substance, dont le dit suppliant fut mal content, et dist au dict deffunct qu'il ne le bateroit point et qu'elle n'estoit plus en son chastiement (Doc. Poitou G., t.8, 1444, 193)

Remarque : Cf. J. Brissaud, Manuel d'hist. du dr. privé, 1935, 92-94.

Enseignement moral, leçon, conseil.

Mais tant estoit humbles et dous Que chastiement me monstroit Partout la ou il [curé] m'encontroit. (Mir. parr., 1356, 41)

Povre me voy par femme et par enfant, Car vray guerdon a nul ne vuelent rendre. Or prangne ci chascun chastiement : Saiges n'est pas qui en tel service entre. (Desch., Oeuvres Q., t.1, c.1370-1407, 253)

Sire, doulce ta voix, douls tes enseignemens, Douls tes simples regars, douls tes appellemens, Doulces tes saintes mains, douls tes chastïemens (Pleur ste âme B., c.1375-1425, 65)

A ceste fable devroient prendre exemple les enfans du temps present, qui, non vueillans porter le chastoiement doulx et gracieux de leurs peres et parens, s'en fuyent d'eulx et vont vagabonder par le monde (Colart Mans., Dial. créat. R., 1482, 257)

B. -Correction, punition.

... [ils] delibererent et furent d'oppinion que, pour savoir par sa bouche la verité de sa vie et gouvernement et aussi d'aucuns autres crimes, s'il les a faiz et commis, et pour chastiement, il feust mis à question. (Reg. crim. Chât., II, 1389-1392, 519)

...dit fu et deliberé par ledit mons. le prevost qu'il y avoit cause assez, et avoit bien desservy, attendu la valeur dudit larrecin par elle cogneu avoir prins, que pour savoir se elle avoit faiz aucuns autres larrecins, et afin de chastoyement, elle feust une fois questionnée (Reg. crim. Chât., II, 1389-1392, 390)

...et ay curieusement encerchié par les discours des Sainctes Escriptures les faultes et les punicions de noz peres et des primerains et en grant craincte debatu en ma pensee se ceste douloureuse affliction en est en verge de pere pour nostre chastiement ou en rigueur de juge pour nostre exterminacion. (Chart., Q. inv., 1422, 5)

Et il qui a donné a toutes choses lieu et temps, et sçait quant son aide et son secours ou ses chastimens nous sont salutaires, les depart, non pas a nostre affection, ne a l'eure de nostre desir, maiz a sa volenté raysonnable, et au prouffit de nostre perfection. (Chart., L. Esp., c.1429-1430, 51)

Ses corrections vous ennuyent si tost, et il a tant longuement enduré voz deffaulx. Mesure temps a temps, et tu trouveras que les pechiez ont trop plus duré que lez penances. Car ilz commencerent long temps avant la paine, et si durent et multiplient entre les chastimens. (Chart., L. Esp., c.1429-1430, 65)