CHASTELLENIE

substantif féminin

[T-L : chastelenie ; GDC : chastelenie ; FEW (II-1, 469b,470a) : castellum ; TLF (V, 601b) : châtellenie]

A. -Circonscription (à la fois administrative et judiciaire) placée sous l'autorité d'un chastelain, du gouverneur d'un château, d'une place forte. (synonyme chastellerie)

...et que l'amende contre yaulz jugié soit et appartiengne à nous, selonc et par la maniere que anchiennement en a esté usé et au devant que la dicte chastellenie venist ou fust mise au demaine de nostre dit conté (Hist. dr. munic. E., t.1, 1362, 369)

...c'est assavoir que en chacune cite, bonne ville, et chastellenie du royaume de Gaule, le roy premierement doye offrir et aler a l'offrande (...) L'office doncques de cestui preudomme auctorisee de la royale mageste sera de prester ladicte monnoye aux pauvres gens de sa dyocese ou de sa chastellenie qui sero[n]t en grant neccessite, et sus bon gaige (Mézières, Songe vieil pèl. C., t.2, c.1386-1389, 287)

Savoir faisons que nous, confians à plain du sens, loyauté et diligence de nostre amé et féal chevalier et conseiller messire Pierre de le Zippe, nous ycellui avons fait, ordenné et establi, et par ces présentes faisons, ordonnons et establissons gouverneur de noz villes et chastellenies de Lille, de Douay et d'Orchies (Hist. Lille T., t.1, 1390, 47)

À Grard Lanssel, qui ledit jour se parti de ladicte ville de Lille pour porter jour et nuit lettres closes de par mondit seigneur à pluiseurs chevaliers et escuiers et aultres des chastellenies dudit lieu de Lille, Douay et Orchies (Comptes Etat bourg. M.F., t.1, 1420, 452)

Mardi, XXIIJe jour de may, ont esté publiées les lettres du bail fait de la chastellenie de Bray-Comte-Robert à la Royne, vefve de feu Charles VI. (Fauq., II, 1421-1430, 130)

...ung bon homme, laboureur et marchant et tenant sa residence en ung bon village de la chastellenie de Lille, trouva... (C.n.n., c.1456-1467, 289)

Mais, pour l'affection qu'il veït que ce peuple de ces chatellenies luy portoit, il la feïst reparer et y laissa gens. (Comm., I, 1489-1491, 234)

B. -Siège du chastelain.

...et se logèrent en une hostellerie [var. chastellenie] aux champs, assez près du chastel du costé devers Caux, et là trouvèrent la femme toutte seulle, qui ot grant paour, car son mary estoit alé dehors. (Escouchy, Chron. B., t.1, c.1453-1460, 165)