BRIGANDINE

substantif féminin

[T-L : brigandine ; GDC : brigandine, brigantine ; FEW (XXIII, 136a) : : o.i. ; TLF (IV, 959a) : brigandine]

ARMES, ARMURERIE Pourpoint de tissu épais ou de cuir, garni de lames de métal et renforcé de garnitures métalliques aux épaules et aux coudes, armure légère constituée d'un corselet de lames de fer assemblées.

...unes brigandines, couvertes de veloux vermeil, armoyée de France (Ch. VI, D., t.2, 1422, 406)

Je vueil endosser mon lacis Pour seurté, et ces brigandines Prenderay car elles sont fines. (Marcadé, Myst. Pass. Arras R., a.1440, 134)

...jusques au nombre de VIc archiers, tous bien montez, vestus tous de brigandines et jaquettes dessus... (Le Bouvier, Chron. Ch. VII, C.C.J., c.1451-1455, 325)

...IIII ducatz et XVI parpillottes de Millan, à raison de XXII go IIII p. pour ducat, huit florins quatre gros, cinq pataz pour partie de voicture de bagandines qu'il a fait venir d'Amel Arrigi de Génes en ce pais de Lombardie (Comptes roi René A., t.1, 1453, 380)

...et avec ce luy monstre ung blanc signé et scellé de luy pour faire obligacion de la somme de trois mil escus envers ledit Jacques Cuer et aussi certaines cédulles, signées de sa main, de certaines briguandines par luy données (Aff. Jacques Coeur M., 1453-1457, 107)

Et quant tout fut prest (...) entrèrent premiers XL archiers, qui estoient au comte de Clermont, beau filz du Roy ; qui avoient brigandines et harnaz de jambes, et leurs sallades, la plus grant partie, garnies d'argent, et sy avoient des auctons rouges sans crois (Escouchy, Chron. B., t.1, c.1453-1460, 234)

Et les ay veu porter des brigandines assés belles de plus menue escaille que celles que nous portons et des garde-bras de mesme (La Broquière, Voy. Outr. S., c.1455-1457, 219)

Don Federich de Lune lui envoia xij tres belles et grosses arbelestres de achier et XIJ bringandines (La Sale, J.S., 1456, 136)

Et, le jeudi ensuivant, XXIIe jour dudit moys d'aoust, lesdiz Bretons et Bourguignons vindrent escarmoucher, et yssi de Paris plusieurs gens de guerre aux champs, et là y ot ung Breton, archer du corps de monseigneur de Berry, qui estoit habillé d'unes brigandines couvertes de veloux noir à cloux dorez (Roye, Chron. scand., I, 1460-1483, 87)

...vous vous enquerez (...) combien il y a au vray de brigandines, sallades, voulges et aultres habillemens de guerre (Lettres Ch. VIII, P., t.1, 1487, 142)

De archers et autres hommes de guerre arméz de bonnes brigandines avoit en très grant nombre (Comm., I, 1489-1491, 40)

Je veulx porter sur mon pourpoinct Mes braceletz, ma brigandine Et mon armet. (La Vigne, S.M., 1496, 183)

Et à ceste rencontre ledit conte estoit sus ung cheval bayard d'environ vingt escuz d'or, et pour habillement unes brigandines et une simple salade d'archier, car il avoit laissé ses chevaulx et harnois en son logeiz, pour ce qu'il n'eut loisir de soy acoustrer autrement. (Le Clerc, Interp. Roye, c.1502, 141)

Remarque : Peut être munie de manches et d'une baconnière (sorte de jupon de mailles d'acier qui protège l'abdomen et les fesses) ; équipe surtout les archers, les arbalétriers et les soldats des compagnies d'ordonnance. Doc.1411 (brigandine) ds GAY.