BRAIRE

verbe

[T-L : braire ; GD : braire ; GDC : braire ; AND : braire ; DECT : braire ; FEW (I, 490a) : *brag- ; TLF (IV, 886a) : braire]

A. -Crier, hurler.

1.[D'une pers.]

S'i fu une beste cornue Qui a peinnes s'en est tenue ; Et quant elle ne pot pis faire, De courrous commensa a braire. (Mach., D. Lyon, 1342, 180)

Il [Polyphème] va hullant com beste mue, Il brait, il crie, il huche, il mue (Mach., Voir, 1364, 624)

Quelle achoison Vous fait ainsi crier et braire ? Avez vous de si grant dueil faire Cause entre vous ? (Mir. femme, 1368, 193)

Mai[n]tenant, se vous donnés au Roy de voz biens pou ou conme nient, lequel vous tient en pais et vous garde le ramenant, conme ceulx qui estes et avez esté plains de ingratitude, et ne recognoissés pas lez biens et lez graces que vous recevés du Roy, vous breés et criés conme gens touz enragés. (Songe verg. S., t.1, 1378, 39)

Ce n'est point de honte de tenir estat selon sa terre, quelque petit qu'il soit, mais c'est honte de le tenir si grant que les debteurs viennent tous les jours crier et braire a l'ostel et lever les bateaulx (Chr. Piz., Trois vertus W.H., c.1405, 153)

...et bons arbalestiers de traire drument a celle chiennaille qui la breoient comme enragiez (Bouciquaut L., 1406-1409, 246)

Le corps leur sue D'aler aprés la povre beste mue ; L'un crie et brait, l'autre l'espieu lui rue, Et la fin est que en un laz on la tue, Ou el s'enlace. (Chart., D. Fort., 1412-1413, 177)

Jamés ne ferons que lainguir, Que ne vault tant crier ne braire, Faisons du pis que pourons faire, Jamés autre plessir n'aray Que faire du pis que pouray. (Pass. Semur D.M., c.1420 [1488], 11)

LE PREMIER DYABLE. Os tu, dy, maistre Symon braire ? LE SECOND DYABLE. Je l'os bien lyre le grammaire. Alons a ly ; il nous appelle. (Mart. st Pierre st Paul R., c.1430-1440, 130)

JEAN. (...) Mais pour plorer ne pour brayre N'y pouvés aultres chouses faire, Pour quoy vous prie, doulce Marie, Que plus ne soyés sy esbaÿe, Quar par sy grant doleur mener Vostre filz ne pouvés recouvrer. (Pass. Autun Biard F., 1470-1471, 120)

MATHATIEL [à son maître] . Je vous supplie, Parlez ung peu plus bas sans braire. Que vous plaist il ? (Mir. st Nic. juif, c.1480-1500, 86)

GABRIEL [à Sathan] . En Enfer va braire et crier. (Mir. st Nic. juif, c.1480-1500, 146)

Il auroient beau crier et braire S'ils vouloient trestout corriger. (P. Jouh. D.R., a.1488, 29)

Je veulx si hault crier et braire Qu'il perdra toute pascïence. (La Vigne, S.M., 1496, 516)

Vous en aurez incontinent Devant voz yeulx de mainte paire ; Il n'en fault ja crier ne braire, Vous en aurez tantost assez. (Myst. st Laur. S.W., 1499, 222)

Braire haut

La oÿssiés paiens moult haut brere et crïer (Tristan Nant. S., c.1350, 115)

LE .I. SERGENT. Au meurtre ! LE .II. SERGENT. Comme il brait hault ! Seroy ge point mis en deffault ? Qu'as tu trouvé, dy, fine espice ? (Mir. st Nic. juif, c.1480-1500, 140)

Braire contre/sur qqn

Adont a haute vois s'escrie Susanne : 'Aïe ! aïe ! aïe !' Et li faus vieillart deputaire Contrë elle prirent a braire. (Mach., C. ami, 1357, 7)

Mais se, par force autre amer me convient, En devez vous sur my crier et braire . (Grandson, Poés. P., c.1360-1397, 238)

...et se mirent en armes les Malinois, crians et braians sur aucuns gouverneurs de la ville dont ils se doloient (Chastell., Chron. K., t.5, c.1456-1471, 308)

Braire de qqc. Parler bruyamment, hautement de qqc..

Quant l'ung a barbe et l'aultre brayes Puis qu'a tant qu'il fault que j'en braye, Autant servent ilz l'ung a l'aultre Comme fait ung chapeau de feaultre Qui pour festoyer une endoille Challemelle de sa conoille. (Barbes brayes A., a.1450, 260)

[Avec un compl. d'obj. interne]

Et se lors ilz ne sont paiez a leur voulenté ilz criront et brairont villain blasme et oultrageulx (Ménagier Paris B.F., c.1392-1394, 126)

Ung seul mot ne bray d'inconstance. Et combien que feust doulleureuse Comme mere est de son enfant Touteffoiz estoit vertueuse Sans en faire trop grant semblant. (MART. D'AUV., Mat. Vierge L.H., c.1477-1483, 77)

infinitif substantivé. Action de brailler.

Fay bonne chiere Et lay ton crier et ton braire. (Mach., F. am., c.1361, 231)

2.[D'un animal]

Mais toutes ces bestes ensamble Estoient d'acort, ce me samble, Pour faire grevance au lion, Chascune en sa condition, Car toutes après li braioient En leur jargon et glatissoient, Et bien croi qu'elles l'estranglassent, S'elles peüssent ou osassent, En traïson ou autrement, Sans atendre autre jugement (Mach., D. Lyon, 1342, 173)

Ces mastins [levriers] si ne font que braire. Mau saint Lou les puisse mengier ! A paines osent approuchier La beste qu'ilz voient a l'ueil. (Gris., 1395, 26)

...ce fait, elle [la singesse] s'en fui criant et breant en la forest. (Percef. IV, R., c.1450 [c.1340], 68)

Princes nommez, ancïens, jouvenciaulx, Impetrez moy graces et royaulx seaulx Et me montez en quelque corbillon. Ainsi le font l'un a l'autre pourceaux, Car ou l'un brait, ilz fuyent a monceaux. Le lesserez la, le povre Villon ? (Villon, Poèmes variés R.H., c.1456-1463, 69)

Comment va il ? Y a il rancume ? Qui esse qui brait comme ung veau ? (Pipée R., c.1470-1480, 196)

infinitif substantivé.

Mais on doit moult forment douter Ce que cil chien par lor haut braire Sont a celer forment contraire. (Acart, Prise am. H., 1332, )

Par métonymie. [Du cri] Retentir.

Hydeux cris y oïst on braire (Chr. Piz., M.F., III, 1400-1403, 258)

B. -Crier en pleurant, pleurer, se lamenter.

Si di en ma conclusion Que, vëu la condicion D'omme et de femme, nullement Femme ne puet avoir tourment, Tant braie ne se desconforte, Comme uns homs en son cuer le porte, Qu'estre ne puet en sa nature. (Mach., J. R. Nav., 1349, 242)

Mes si le poure vient a l'oraille pur reavoir ses biens, il purra bien demorer dehors, tant ne savera il crier ne brere ne prier pur l'amour de vous, douz Sire Jesus Crist (Henri Lanc., Seyntz medicines A., 1354, 44)

Honmes et fenmes et enfans honestes de la nation de la ville les sievoient et crioient et braioient si hault que ce estoit grans pités au comsiderer. Li siis bourgois par avis assés liement en aloient et avoient petite esperance de retourner, et pour reconforter le peuple, il disoient : 'Bonnes gens, ne plorés point. Ce que nous faisons, c'est en istance de bien, et pour sauver le demorant de la ville...' (Froiss., Chron. D., p.1400, 845)

Mon cuer qui de doleur lermie Ne cesse de crïer et braire : 'Helas ! Ma courtoise ennemie Et mon gracïeux adversaire !' (Chart., R. Bal., c.1410-1425, 378)

La ouyssiez plourer, crier et braire (...) Plus grant plaincte ne scavoit estre veue, Cheveulx tirer, arracher et destraire, Nul si n'eust peu resister au contraire Pour la bonne que l'on veoit perdue. (Régn., F.A., 1432-c.1465, 184)

...tout son esbatement est de s'esjouyr du tourment Et de veoir dieum, pleurer et braire (Hautev., Conf. Test. am. tresp. B., c.1441-1447, 69)

Je suis certain qu'il viendra braire pour avoir argent promptement (Path. D., c.1456-1469, 90)

...quant je la voy ainsi braire, Je me tais, et m'en voys retraire En ung coing (P. Jouh. D.R., a.1488, 38)

Emploi transitif. Pleurer, se lamenter (à propos de qqc.).

...mais ce fut pour neant de ce que le roy leur dist, que la royne ne se pasmast de ces nouvelles et crioit et braioit la mort de sa fille. (Cleriadus Z., c.1440-1444, 296)

...Tel est tombé, et tel est desconfit, Tel fait cecy, et tel fait le contraire, Autre chose tu n'orras leans braire. (Saint-gelais, Séj. honn. J., c.1490-1495, 174)

infinitif substantivé.

Que vault le plourer ne le braire Qu'on fait après ung trespassé ? (Régn., F.A., 1432-c.1465, 130)

JUDAS ...Or ne sçay que je doy faire. Il me fault deffaire ; Mort m'est necessaire, Pitié adversaire Et, par mon hault braire, Fault avancer mon trespas. (Michel, Myst. Pass. J., 1486, 81)

[D'un enfant] Pleurer bruyamment.

Margot ne fait que braire : tant est male et desperse. Et Herse pisse en lit tant que tout le tresperse. (Mach., Compl., 1340-1377, 266)

...ly enffes crie et bret a moult haute alenee (Tristan Nant. S., c.1350, 591)

...l'enfant cy a vie. Oez le braire ! (Mir. enf. ress., 1353, 70)

'Noël, Noël, Noël, car Dieu est nez'. Mais tantost incontinant aucun ne vouldra demander se Dieu doit avoir gloire pour sa puissance ou sapience ne scavoit ou ne pouoit il mie racheter autrement l'umain lignage que par recevoir telle vilté, impuissance jusques a fain et soif, a plourer, a braire comme ung enfant, voire jusques a recevoir mort tres angoisseuse ? (Gers., Noël, p.1404, 294)

...un enfant, quant est sailli Du corps sa mère, est si failli Qu'il n'a puissance, à dire voir, à soy drecier ne soy mouvoir, N'autre chose ne peut-il faire Fors peu crier, plorer et braire (La Haye, P. peste, 1426, 67)

C. -[D'une chose] Faire du bruit.

1.[D'une roue] Grincer.

Et bien sai oindre d'oint si fait La mauvese roe qui brait Qu'aprez elle brait plus forment Et pis en vaut communement. (Guill. Digull., Pèler. vie hum. S., c.1330-1331, 253)

Proverbe. La pire roue toujours brait

L'EGLISE Elle [Heresie] parle comme enragee. CONCIL C'est voir (...) : La pire roe tousjours brait. (Concil Basle B., 1434, 87)

2.[De la terre] Gronder.

Lors tous ouÿrent par commune audience Dessoubz leurs pieds terre mugir et braire, Haultes montaignes se mouvir et retraire. (Saint-gelais, Enéide VI, B., c.1500, 311)