BONNEMENT

adverbe

[T-L : bonbonement ; GDC : bonement ; AND : bonement ; DECT : bonement ; FEW (I, 433b) : bonus ; TLF (IV, 680a) : bonnement]

A. -De manière satisfaisante, favorable.

1.De manière satisfaisante.

Aus dis Moigne, Colleville et Regnart, ausquielx Monseigneur d'Avrenches fist croissance de leurs gaiges à chascun de II fr. par mois, pour ce que eulz, leurs gens et chevaulx ne sen povoient bonnement vivre (Compte Navarre I.P., 1367-1371, 247)

...car rudesse de nature ne se puet bonnement appliquer a la nature nourrie en noblesse. (Arras, c.1392-1393, 17)

Quant Gieffroy ot oye l'escusacion de l'ancien chevalier pour lui et pour les autres, si traist son conseil ensemble et leur dist : Beaulx seigneurs, que vous semble de ce fait ? Il me semble que ces gens se excusent bonnement. (Arras, c.1392-1393, 211)

Mais homme et femme en tout leur aage Sont privez de cest avantage, Car leur nature est si passible, Si altérable et corruptible, Qu'ilz ne pevent nulle saison, En champs, n'en boiz, ne en maison, Estre ne vivre bonnement Sans avoir robe ou vestement (La Haye, P. peste, 1426, 67)

...pour ce qu'il n'y trouvoit bonnement à gangnier, il et sa dicte femme s'en retournerent audit lieu d'Estampes (Paris domin. angl. L., 1427, 247)

...luy dirent qu'il estoit temps qu'il se mariast, et que bonnement il ne povoit seul conduire son fait. (C.n.n., c.1456-1467, 131)

...mes au regard de retourner dont il [le dauphin] estoit venu ne de soy traire devers luy [le roi de France] , il n'en estoit pas encoire avisé. Aussy il ne faisoit encoire que venir, et estoit laz et traveillié et venu de loingtaines marces (...). Aussy ne pooit bonnement soy plus eslargir en ceste matere, consideré que les ambassaeurs de son bel oncle [le duc de Bourgogne] qui avoient esté par dela devers le roy pour sa cause, ce disoit, n'estoient pas encoire retournéz (Chastell., Chron. IV, D., c.1461-1472, 87)

Raisonnablement, logiquement.

...car il n'est pas possible bonnement que une [chose] ait grans peccunes ou richesces qui de les acquerir ou garder ne prent cure (Oresme, E.A., c.1370, 234)

Et pour ce, ceuls qui se delictent tres forment en quelconque chose, ilz ne peuent quant a lors bonnement autre chose faire (Oresme, E.A., c.1370, 511)

Exactement.

Bien estoient plus de C. mille, Et s'en yssoit hors de la ville, Tant et si mervilleusement Que nuls homs nombrer bonnement Ne le peüst en verité, Tant en y ot grant quantité Qui empeschierent le descendre De ses vaissiaus et terre prendre. (Mach., P. Alex., p.1369, 67)

...par les gens d'icellui hostel elle fu requise de savoir à dire bonnement, se elle povoit, celui qui prinse avoit ladite tasse (Reg. crim. Chât., II, 1389-1392, 342)

2.De manière favorable.

Lors s'avisa Li gentils rois, et bonnement ris a De Juenesse qui einsi devisa (Mach., J. R. Beh., c.1340, 128)

...les dames moult bonnement Pour leurs amis les recevoient, Pour ce qu'a loiaus les tenoient, S'en portoient le guerredon, Et li loial de guerre don. (Mach., D. Lyon, 1342, 200)

Au mieux.

Ainsi ly II. baron ont pris leur parlement Pour aller le royne secoure bonnement. Adont ont apresté tout leur ordonnement, Les vaissiaus pourvéus et bien et largement De pain, de char sallée et de vin ensement (Hugues Capet L., c.1358, 45)

Moult bonnement

Li dieu de terre et de la mer Et des cieus, qu'on doit moult amer, Moult bonnement s'i esbatoient Et moult grant joie y demenoient. (Mach., F. am., c.1361, 202)

La grant bonté de vous, entiere et seinne, Le scens, le pris, la maniere certeinne Et vo douceur vous font estre en ce monde M'amour premiers et ma dame seconde. Et je l'ottroi moult bonnement ; car pris Tenez mon cuer, sans pensée vilainne (Mach., L. dames, 1377, 157)

Pouvoir bonnement. Pouvoir aisément.

Et parmy tant poés bonnement possesser De trestout le païs que devez gouverner. (Hugues Capet L., c.1358, 181)

Ma tresdouce amour, je vous verrai briément, se Dieu plaist, et serai en l'ostel ou je fui les autres fois. Si me recommende a vostre grace, car vous savés que je ne vous puis bonnement veoir ne parler a vous s'il ne vient de vous (Mach., Voir, 1364, 314)

...mais [l'espesseur des corps de cibas] est d'autre guise qui ne peut pas bonnement estre exprimee. (Oresme, C.M., c.1377, 434)

Mais ou alez vous a ceste heure, se vous le me povez bonnement descouvrir ? (Arras, c.1392-1393, 25)

Nous mercions le roy de l'onneur qu'il nous fait, mais quant de nous entrer en fort, n'en chastel, n'en ville, tant que nous puissions bonnement passer par ailleurs, ce n'est pas nostre intencion, mais pensons, au plaisir de Dieu, a tenir les champs et faire bonne guerre a noz ennemis. (Arras, c.1392-1393, 98)

Item , fis paindre les armes de mon dit seigneur en trois grans escus de bois, pour ce que bonnement ne se pouoient paindre sur la massonnerie des portes de la dite ville et chastel, et les ay fait mettre et asseoir a troiz portes (Comté Porcien R., 1400, 210)

...pour ce qu'il estoit tart, et ne se povoient bonnement assembler les seigneurs de Parlement pour l'eure. (Baye, II, 1411-1417, 28)

Et pour ce que bonnement ne povoit faire ce qu'ilz lui requéroient, parce que paravant les Génevoiz estoient aliez avecques lui, et aussi qu'il avoit fait aucunes promesses à icellui roy Lancelot, fut la besongne lors prolonguée (Monstrelet, Chron. D.-A., t.2, c.1425-1440, 74)

Nature icy charité vaint, Et qui ne pourra bonnement Yssir ou fouyr simplement Hors un pais espécial Où règne air pestillencial, Il doit eslire mansion En celle terre ou région Où l'air soit de telle qualité Qu'il n'ait guaires d'umidité (La Haye, P. peste, 1426, 77)

...pour ce que le Roy ne povoit bonnement acroistre, ne paier plus grant nombre de conseilliers (Fauq., III, 1431-1435, 30)

...dont la plus grand partie avoient grand désir d'assambler à bataille contre leurs ennemis, ce que bonnement ne povoient faire pour ce que, comme dit est, ilz estoient de pied et leurs ennemis de cheval (Monstrelet, Chron. D.-A., t.4, c.1444-1453, 413)

...pour le présent suis occuppé ès matières de par deçà telement que bonnement ne pourroye entendre à son expédicion, et aussi que sa dicte expédicion se fera tropt mieulx moy estant devers le Roy (Aff. Jacques Coeur M., 1453-1457, 242)

...laquelle chose bonnement il ne povoit faire sans avoir aide et secours de gens et argent avoir de ses pays (Roye, Chron. scand., II, 1460-1483, 13)

Et, pour resister à leur artillerie, il avoit deliberé de semer parmy les champs son artillerie en petis buyssons, en bruyeres, en blez, en petis fossez et en lieu où on ne les pourroit bonnement veoir et estre si loing comme la portée de leurs bastons. (Bueil, II, 1461-1466, 232)

...en ceste trinité il y a ung loyen, qui ne se puet bonnement dire ne exprimer, lequel pas n'est gendré, mais une souefveté et doulceur du Pere et du Filz respargissant et arrousant par tres grant largesse toutes creatures selon leur capacité et leur pouoir de le recepvoir. (Somme abr., c.1477-1481, 115)

Qu'on peut bonnement. Au mieux qu'on peut.

...et en leurs presences fu interroguez sur la maniere d'icelle tonsure, et cogneut ce que dit est. Lesquelz promoteurs, ouy icelle prefixion, dirent que sur ce il feroient tele diligence comme bonnement porroyent. (Reg. crim. Chât., I, 1389-1392, 400)

... [qu'] il oyst et examinast au mieulx et plus diligenment qu'il porroit, et rapportast ce que fait en auroit le plus briefment que bonnement pouroit. (Reg. crim. Chât., II, 1389-1392, 81)

...il avoit le contenu esdites confessions dit et rapporté de bouche, au plus vray, et le plus diligenment que bonnement avoit peu et sceu, à honorables hommes et saiges maistres Jaques de Ruilly, president des requestes du Palais (Reg. crim. Chât., II, 1389-1392, 339)

Et quant vous aurez tout fait, l'endemain, vous trouverez un homme qui portera en un sac un cuir de sers courree a alun, et achetez le tout ce qu'il le vous fera, puis en faictes taillier un corion tout d'une piece soubtilment, le plus delié que on pourra bonnement. (Arras, c.1392-1393, 31)

Si vous pouvez bonnement. Si c'est faisable pour vous.

Mais, pour Dieu, mon tresdoulz cuer, veuillés penser comment je me partirai de vous ; et qu'il n'i ait que vous et moi, se vous poez bonnement (Mach., Voir, 1364, 292)

Qui pourroit bonnement. Si on pouvait le faire, si c'est possible.

... [en me mariant si vite] je me mefferoye trop et en seroye blasmee moult durement en derriere ; et tel me monstre belle chiere qui en tendroit moins compte de moy. A ce respondy le roy : Ma belle niepce, grant chose a ou faire l'estuet, et de deux maulx on doit prendre le plus petit, quant l'un en fault avoir. Il est bien vray, qui pourroit bonnement, ce seroit bon pour honneur que vous actendissiez encore. (Arras, c.1392-1393, 189)

Vous est-il bonnement ? Vous portez-vous bien, êtes-vous bien ?.

Sire, bien veigniés-vous, vous est-il bonnement ? (God. Bouillon R.B., t.3, c.1356, 388)

B. -De manière honnête, régulière, conformément à la morale ou aux usages, ou bien au droit, comme il se doit.

...Amours qui me duit A faire son trés dous plaisir De fin cuer et de vray desir Me fist a ma dame penser Bonnement, sans villain penser (Mach., D. Lyon, 1342, 166)

Mes cuers est desconfis et mas. Et tu sces moult bien que tu m'as, Si dois estre mes advocas Et soubstenir Ma paix, ma joie et mon desir, Et si dois ma santé querir Et moi bonnement enhardir Voire en ce cas. (Mach., Voir, 1364, 356)

Amis, Amis, saches de vray, Pour ce qu'as fait un serement Qui ne peut tenir bonnement Que ce ne soit contre la loy (C'est d'espouser la fille au roy), Dieu te mande qu'en brief termine Seras mesel. (Mir. Amis, c.1365, 44)

...et li pri boinement que il me pardonne mes fourfais. (Froiss., Chron. R., XI, c.1375-1400, 81)

Je sui tout prest, se c'est chose que je doye faire bonnement. (Arras, c.1392-1393, 26)

...maiz on doit advertir que Dieppe n'est pas du demainne de la duché de Normendie maiz est de l'eglise, appartenant a l'arcevesque de Rouen, et ne se pourroit bonnement apliquer au demainne du roy (Juv. Urs., Loquar, 1440, 425)

...je vous ay racompté de mon fait autant que je puis bonnement saulf mon serment (Percef. III, R., t.1, c.1450 [c.1340], 100)

Le roy, pour la beauté d'elle [de sa propre fille] , en fut si amoureux que oster n'en pouoit son cuer. Et pour ce que bonnement ne la pouoit avoir pour acomplir sa voulenté et qu'il en peut joyr licitement, il fist ung edit (...) repugnant a droit (Nouvelles inéd. L., p.1452, 61)

...si ne fust il [le mari] , son gentil serviteur n'eust pas encores a luy tollir ce que bonnement et par honneur donner ne luy povoit. (C.n.n., c.1456-1467, 182)

...si est dimenche ; et si ne povons bonnement aller sans chemises. (C.n.n., c.1456-1467, 399)

Messeigneurs, faisons diligence : Voyla les princes au devant Qui viennent en grant aliance ; Saluez les fault bonnement. (Myst. siège Orléans H., c.1480-1500, 114)

C. -[Valeur d'intensité]

1.Vraiment.

Vraiment, pleinement.

Ma dame, sachiez bonnement Mes seigneurs ne demourront goute Voz filz, mais venront ci sanz doubte Touz deux ensemble. (Mir. mère pape, c.1355, 363)

Sire, je dis premierement Que je vous aim si bonnement Que volentiers, se je savoie, En tous cas vous conseilleroie. (Mach., Voir, 1364, 610)

...Qu'amer peust Dieu de cuer fin, Et li servir si bonnement Qu'en gloire pardurablement Regnast (Mir. Rob. Dyable, c.1375, 27)

Or soit si com vous agrée, Gentil dame, à qui Cuer, corps, pouoir et pensée Bonnement ottri. (Mach., L. dames, 1377, 31)

Nourrice, il convient bonnement Que cest enfant soit bien nourri. (Gris., 1395, 49)

Et entendés li sauf conduis soit tels que je m'i puisse bonnement asegurer (Froiss., Chron. D., p.1400, 752)

Vraiment, sincèrement.

Dieu le vous vueille pardonner, Si conme je fas bonnement. (Mir. enf. diable, c.1339, 24)

Et mercy criant de cuer fin Vous requier bonnement, mains jointes, Qu'aie penitences enjointes De vous a qui fui tant rebelles (Mir. parr., 1356, 62)

Vraiment, effectivement.

Nul ne peut faire bonnement Aucune morale euvre, Se la grace de Dieu n'y euvre. (CH. D'ORLÉANS, L. péché C., 1404, 545)

...le second point, Qui en la fin du Livre est joint, Enseignera les medicines Assez suffisantes et dignes, Selon que humain entendement Les peut aviser bonnement, à préserver et asseurer, Délivrer, guérir et curer, De la boce (La Haye, P. peste, 1426, 73)

Vraiment, assurément.

Je veul du tout laissier le monde. Ce n'est que le champ de la romde, Ce n'est fors c'ungne vanité. Quil c'y affie, en verité, Il a petit soustiennement. Le Dieu quil est néz bonnement, Nous gart du monde transitoire Et nous octroy a tous sa gloire (Pass. Semur D.M., c.1420 [1488], 78)

Nous voulons que nous faciez rendre Au port de Tocque seurement ; Car ainsi que je puis comprandre C'est nostre milleur bonnement. (Myst. siège Orléans H., c.1480-1500, 108)

2.[En tournure négative] Ne ... bonnement

a)Pas vraiment, pas pleinement.

...pour ç'au pape vueil aler Moy confesser, car autrement Ne puis estre absolz bonnement. (Mir. mère pape, c.1355, 403)

...je ne scay pas bonnement Se mon oeuvre scauray parfaire Sans forfaire (Régn., F.A., 1432-c.1465, 5)

Pas précisément.

Comment sera ce possible A moy simple et pou sensible De proprement exprimer Ce qu'on ne peut extimer Bonnement, ne bien comprendre (Chr. Piz., M.F., I, 1400-1403, 7)

En ceste quarte d'aage, faisant ma serche et mon discours en divers volumes grecz, latins et ebrieux, siryaques et caldeïqs, ay trouvé plusieurs clers hommes, mais, pour ce que je n'ay trouvé bonnement le temps qu'ilz ont esté et aussi de leurs lieux, au moins de plusieurs, je les ay voulu icy mectre en tourbe (Simon De Phares, Astrol., c.1494-1498, f° 43 v°)

Ne pas savoir bonnement + interr. indir.. Ne pas savoir précisément.

Or advint qu'il ot entre la dame et le chevalier une riote, ne scay pas bonnement de quoy. Mais elle se party de lui soubdainement, de quoy le chevalier fu moult doulens. (Arras, c.1392-1393, 15)

Et costiierent Frisse, et ne savoient bonnement a dire li maronnier ou il estoient (Froiss., Chron. D., p.1400, 72)

...et ne sçay point bonnement en quelle marche je suis. (Percef. III, R., t.1, c.1450 [c.1340], 27)

Adam et ses enfans congneurent qu'il seroit deux deluges, l'un par feu, l'autre par eaue, mais leqel devoit preceder ne sçavoient tous bonnement. (Simon De Phares, Astrol., c.1494-1498, f° 12 r°)

...pource qu'ilz ne sçavoyent pas bonnement en quel endroit estoit la personne du roy, ilz envoyerent ung herault devant luy (La Vigne, V.N., p.1495, 285)

b)Vraiment pas.

...pour ce que elle estoit jà moult traveilliée et ne se povoit bonnement revenger contre eulz deux, congneut icellui Oudot elle qui parle charnelment une foiz, ledit barbier tenant touzjours en ce faisant les cheveux d'elle qui parle. (Reg. crim. Chât., II, 1389-1392, 510)

...car je ne sçay bonnement autre chose que je vous puisse envoyer a cestuy benoyst jour des estreines (Bouvet, Appar. Meun A., 1398, 2)

Car quant il [Scipion] vault une fois de l'isle de Sicile passer en Auffricque, il voulloit de III^c de ses meilleurs gens de piet emplir le nombre de ses gens de cheval ; mais il ne povoit bonnement ce fere sy hastivement que besoing estoit, se ce n'estoit par subtillité. (La Sale, Salade, c.1442-1444, 25)

...bonnement il ne s'en povoit garentir par fuite (Droiz Cour. Fr. H., 1460, 418)

Mais que veulx tu ! de ma fortune, Contre qui ne puis bonnement ['mon destin, contre lequel je ne peux vraiment rien'] , Qui si faulcement me fortune, Me vient tout ce gouvernement (Villon, Test. R.H., 1461-1462, 32)

Je ne puis bonnement souffrir ceste melencollye en mon cuer (Bueil, II, 1461-1466, 229)