ANOBLIR

verbe

[T-L : anoblir ; GDC : anoblir ; FEW (VII, 159b) : nobilis ; TLF (III, 79a) : anoblir]

I. -Emploi transitif.

A. -Rendre qqn noble, lui conférer le titre et les droits de la noblesse.

Au nom de Nostre Seigneur, amen. Sachent tuit present et a venir que (...) la IIe indiccion, (...) en la présence de moi notaire et des tesmoigns (...) furent presens et assemblez pour ce personelment ou chastel de Bourbon (...) le très grant et puissant prince monsieur Loys duc de Bourbonnais, conte de Clermont et de la Marche et chamberier de France d'une part, et nobles hommes messire Jehan et Guy de Bourbon, freres, chevaliers, d'autre part, lequel monsieur le duc en monstrant la grant affeccion de bonne et vraie amour qu'il avoit envers lesdiz chevaliers pour contemplacion de leurs personnes et de leurdit seurnom de Bourbon qu'il portoient, de sa pure et franche liberalité anobli lesdiz chevaliers, pour ce que ledit seurnom desdiz chevaliers s'acordast au fait et à la propre chose pour tiltre de honnour des armes enciennes du seigneur jadis de la baronnie de Bourbonnois dont l'escu est d'or, à un lion rampant de guelles et à un orle de coquilles d'asur (Titres Bourbon H.-B., t.1, 1334, 354)

...ycelluy maistre Symon, à plain acertenez de son estat et condicion, par la teneur de ces presentes lettres anoblissons, et audit maistre Symon avons ottroié et ottroions de nostre auctorité royal, de grâce especial et de certaine science, que il, sa posterité et ligniée et ses enfanz neez et à naistre, qui sont descenduz ou descendront de son corps, qui seront neez en loyal mariage, soient nobles et pour nobles de ci en avant soient tenuz (Phil. Vi Valois, Doc. paris. V., t.1, 1335, 214)

...en oultre li donnonz povoir de anoblir personnes non nobles, en prenant ou faisant prendre pour nous telles composicions ou finances comme il verra pour le miex, et en donner ses lettres ouvertes, les quelles nous confermerons en las de soie et en cire vert (Doc. Poitou G., t.2, 1340, 177)

...toutes manieres de gens, fussent povres, fussent riches, nobles ou non nobles anobliz (...) s'efforçoient de venir pour servir le Roy (Baye, I, 1400-1410, 333)

Et quand au regard de celui qui monta premiers sur la tour du Frice, il fut moult auctorisié de tous les seigneurs pour sa grand vaillance. Si le anobli le Roy, luy et ses successeurs, et avec ce lui donna aulcuns riches dons pour soy entretenir luy et son estat. (Monstrelet, Chron. D.-A., t.6, c.1444-1453, 23)

..iceulx Guillemot et Jacot, frères, et leurs enffans et postérité, tant masculine comme féminine, néz et à naistre en léal mariaige, avons pour nous, noz hoirs et successeurs, de nostre certaine science, auctorité, puissance et grâce espécial anoblis et anoblissons (Hist. Lille T., t.2, 1457, 240)

Tel est par argent anobly Qui est villain de toutes lignes (Alecis, Faintes monde P.P., c.1460, 92)

Ainsi appert par ladicte istoire que Sem et Japhet eurent seigneurie sur les aultres et furent anobliz pour tant qu'ilz n'avoient fait derision de leur pere, comme Cham, lequel demoura en servitude et en rusticité. (Bueil, II, 1461-1466, 69)

De Jacques Fabre (...) la somme de cent florins qu'il a donnez audit seigneur, tant pour estre anobly, que pour une confirmation d'eschange d'entre monseigneur d'Aix, comme seigneur d'Alps et luy (Comptes roi René A., t.2, 1477, 458)

...nous, iceulx eschevins, qui à present sont et ou temps advenir seront, avons anobliz et anoblissons et du privillege de noblesse les avons decoréz et decorons et toute leur posterité (Hist. dr. munic. E., t.1, 1481, 463)

Participe passé en emploi substantival. Personne à qui on a conféré la noblesse.

Mais ne vueil pas mettre en oubli Que li noble et li anobli De Chypre (...) Estoient à ceste assamblée (Mach., P. Alex., p.1369, 58)

B. -Conférer à qqn / à qqc. un caractère de noblesse, d'élévation, de grandeur.

1.[À qqn]

Elle t'ara si anobli Que tu mettras tout en oubli (Mach., C. ami, 1357, 78)

Son noble cuer m'anoblissoit, Sa franchise m'affranchissoit (Mach., Voir, 1364, 3130)

Et quant a la noblesce, jassoit ce que tous de par toy soyent anobliz qui bien font, toutesfoys s'il faut satisfaire a la reputacion mondaine, tu scez que eulz deux [les parents de la Vierge] sont du lignage et sang royal ton bon amy David et du sacerdotal de Aaron : sy ne faudra point a noblesse celle qui en descendra. (Gers., Concept., 1401, 396)

Haulte personne est moult fort anoblie Par memoire qui les choses n'oublie Et qui du bien baille ramentenance [l. ramentevance ?] (Taillev., Psaut. vil. D., a.1440, 120)

Grace et dilection est le propre don des esleuz qui sont dignes de don de vie eternele quant ilz en sont seigniés ou anoblis (Internele consol. P., 1447, 246)

2.[À qqc.]

...vesci un escript Qui est moult doucement escript Et de cuer d'amours enoubli Que pas ne vous met en oubli (Mach., Voir, 1364, 6559)

Et, pour sa grandeur anoblir De plus en plus, leur octroya Graces et dons (Chr. Piz., M.F., IV, 1400-1403, 49)

Participe passé. Noble.

S'il est aucun de nous qui dye Que ce baptesme fust des hommes Et nous l'enssuivons, destruiz sommes Et nous fera le peuple ahan, Car ilz ont tousjours tenu Jehan Pour ung saint prophete esprouvé Qui n'eust pas le peuple lavé De ce hault baptesme anobly Se Dieu ne l'eust mesme estably. (Gréban, Pass. J., c.1450, 224)

O fruyt de vie, Joye assouvie, Amour ravie Qui ne desvie, Ains vit tousjours ; Grace anoblye, Non affoiblye, Qui ne m'oublye (La Vigne, S.M., 1496, 474)

II. -Emploi intransitif ou pronominal. Devenir plus noble, prendre un caractère de noblesse, d'élévation.

...il ne doit mie estre presumé que de sçavoir les sciences moralles et qui enseignent les vertus, les meurs en doyent empirer, ains n'est point de doubte qu'ilz en admendent et anoblissent. (Chr. Piz., Cité dames C., c.1404-1407, 873)

...il n'est si noble que pour mal faire ne se avillenisse, et si villain que par bien faire ne se puisse anoblir. (Juv. Urs., T. rever., 1433, 68)

III. -Participe passé en emploi adjectival. [De Dieu, de la Vierge] Glorifié.

JOSEPH. O haulte puissance anoblie, Vraye magesté adoree, Par quel point sera reparee L'offense d'incredulité Que j'ay eu par iniquité Contre mon espouse lëale ? (Gréban, Pass. J., c.1450, 60)

Gabrïel, pour l'oeuvre perfaire De nostre sai[n]cte intencion, Vous convient ung message faire En terre, par affection. Vous en irés sans finction A Joseph, espoux de Marie, Lequel a grant suspicion Du faict de la vierge anoblye. (Myst. Pass. Troyes B., a.1482, 181)