ANGLET

substantif masculin

[T-L : anglet ; GD : anglet ; FEW (XXIV, 572a) : angulus]

A. -Coin, recoin d'une pièce (chambre, édifice, en partic. édifice religieux, église, chapelle...).

Adonc en un anglet me tray De la chappelle (Mir. ev. N.D., c.1348, 84)

La s'arresta Bayart (...) Et puis s'en est partis et vient vers .I. montier ; En un anglet ala et y print a flairier (Renaut Mont. B.N. V., c.1350-1400, 454)

Mieulx vault seoir en l'anguelet de la maison petite que avec fenme litigieuse en maison commune (Daudin, De la erudition H., c.1360-1380, 423)

En cest anglet cy a genouz Seule veuil estre. (Mir. Berthe, c.1373, 230)

Adont me trait-il à une part en ung anglet de la chapelle du chastel à Ortais et puis commença à faire son compte (Froiss., Chron. M., XII, c.1375-1400, 172)

Et dit [que] quant la femme dudit tavernier lui demanda ledit coustel, il l'ala jetter en la cuisine en un englet. Et dit qu'il avoit entencion de le embler et emporter. (Reg. crim. Chât., II, 1389-1392, 94)

...a senestre main, atenant de l'eglise Nostre Dame, en ung anglet, est la place ou l'aignel fut rostis, lequel Nostre Seigneur donna a menger a ses appostres a la Sene. (Voy. Jérus., c.1395, 17)

Le premier conseillier d'un prince vit en songe qu'il estoit en un tres noble temple ou Abraham ot son tabernacle, ce dit on. Et quant il fu monté en la plus haulte partie du temple, il vit, entre deux angles, un trosne, et ala pisser en chascun anglet. Et aussy, quant il issit hors, il ala pisser es .II. angles de la basse partie du temple par dehors. (Expos. songes B., 1396, 88)

Mais au jour d'uy nous l'avons receue en lieu publique, en lieu saint, en lieu ou tous generalment puent et doyvent venir, tant le povre comme le riche, c'est assavoir au temple materiel, et non pas en ung anglet de ce temple, non pas en ung lieu secret et mussié, mais ou milieu affain que tous y puissent approchier. (Gers., Purif., 1396-1397, 61)

...et le bon prelat, voyant ces manières de faire, cuidant qu'on le voulsist tuer, se bouta en ung anglet de sa chambre et fut tellement espoanté et troublé d'esperit et de sang que oncques puis n'eut santé (Molinet, Chron. D.J., t.2, 1474-1506, 570)

Et, comme en tout le pallais ne feust aucun lieu ou anglet qui ne feust couvert et paré de pourpre et de drap d'or, de soye et de toutes autres choses precieuses... (Colart Mans., Dial. créat. R., 1482, 169)

B. -Par extension.

1.Coin, recoin (souvent avec l'idée de cachette, d'obscurité...).

En ung anglet me serray coy, Car nul n'ara de moy que faire. (Renart contref. R.L., t.2, 1328-1342, 194)

Tele est la fenme habondant en paroles et vague, et ne veult avoir repos en l'ostel mais s'en va maintenant dehors par les places, maintenant en anguelés en aguet (Daudin, De la erudition H., c.1360-1380, 358)

Saciés que pas ne tint a gale Li bleus chevaliers la response, Ançois tous courouciés s'esconse Et se met en un angelet. (Froiss., Méliad. L., t.2, 1373-1388, 219)

...neant plus que une grant lumiere se pourroit si mucer que par aucun anglet ne fust aperceue (Chr. Piz., Trois vertus W.H., c.1405, 82)

Honte le mena en ung anglet : jasoit ce qu'il pensa que personne ne le veoit, toutesvoies lui signiffioit Honte que trop secretement ne le pouoit faire. (Percef. IV, R., c.1450 [c.1340], 358)

...je laisse ung vil habitacle et reçoy ung precieux ; je donne ung bref anglet et prens ung trescler lieu. (Batallier, Lég. dorée D.-L., 1476, 1089)

Or regarde en ce noir anglet Se jamais n'y seroit jouquiet. (Molinet, Myst. st Quentin C., c.1482, 174)

[D'un lit]

Sur ces mots, tournant ses yeulx vers l'obscur anglet de mon lit, il entrevit les troys infernaulx messagiers qui devant me avoient sermonné (Chart., L. Esp., c.1429-1430, 22)

[D'une bourse]

J'en mis l'autrier un [un franc] a jehine, Que je trouvai en un anglet D'un bourselot. (Froiss., Dits Débats F., 1363-1393, 178)

[De la Terre] Le (dernier) anglet du monde, de terre. Les anglets (avec jeu sur Angleterre). L'Angleterre.

En ce tempz, Bede l'Honnourable, flourissoit en Engleterre, et combien qu'il fust nez ou derrain anglet du monde, touttesvoiez par la clarté de sa doctrine, il enluminoit tout le monde. (Renart contref. R.L., t.1, 1328-1342, 262)

La seconde roÿne estoit belle de viaire, comme ung angele, fort membree et plaine de sang, riche d'argent et de vesture, mais sembloit fiere de courage, prompte a tenchons et a noise et pour ce l'avoit Dieu separee arriere des autres en ung anglet de terre, dont elle porte le nom (Molinet, Faictz Dictz D., 1467-1506, 10)

Nagiés en mer, widiés de vos anglés, Vaillans Englés, amenés moy sainct George, Laissiés cités, villes, chasteaux, palais (Molinet, Faictz Dictz D., 1467-1506, 14)

Et par icelle concqueste des Saxons fut depuis celle isle nommée Angleterre, pour ce qu'elle est assise en ung anglet de la terre. (La Marche, Mém., I, c.1470, 119)

Es anglets. En cachette.

...souvante foys ceulx qui rungent, conme un chien, aucuns livres devant lez gens et en appert en dient mal, si lez lysent ez anglez en leurs estudes et lez ont bien chiers. (Songe verg. S., t.2, 1378, 271)

Au figuré. Recoin [d'une chose abstr.].

Nos maistres font ung debat trop perilleux et trop soubtil à mon advis, car trop est forte la disputation qui des droits veult serchier les anglets. (Bouvet, Arbre bat. N., c.1386-1389, 235)

Or me plaist de mettre un autre debat qui seroit bien fort a desputer, qui vouldroit bien enquerir lez anglez dez droiz (Bouvet, Arbre bat. R.-B., c.1386-1389, 523)

Ne peut doncques nulle paix estre vraye, appert, que de semblable à semblable, ne nulle de bonne attente, ne de grant espoir en anguelet de nature contraire. (Chastell., Livre paix K., 1468, 383)

Remarque : Verité ne quiert point d'anglet : R. Ling. rom. 60, 300 (MÉZIÈRES).

2.Angle.

De chapiel ai veü donner mainte huee, Car li rondeurs de quoi la cierne est confremee Moustre perfectïon que pas n'est mesuree. Car fin n'i doit avoir, anguelet ne entree, Nient plus que la rondeurs quant bien est compassee (Bris., Restor paon D., a.1338, 130)

La pierre qu'ont reprouueit li edifient et despitieit. Elle est mise en l'aingleit comme chief et principal (Psaut. lorr. A., 1365, 121)

C. -En particulier. Coin de l'échiquier.

Au figuré. Endroit resserré d'où l'on ne peut plus s'échapper.

Mater en l'anglet. Mettre en échec, prendre au piège.

...a un seul jeu d'eschez, trayant un auffin en travers, macta le Grant Serpent en l'anglet, et fu seigneur de l'eschequier commun, c'est assavoir de la droicte moitie du royaume de Lombardie (Mézières, Songe vieil pèl. C., t.1, c.1386-1389, 281)