AJOUTEMENT

substantif masculin

[T-L : ajostement ; GD : ajostement ; DEAF, J 614) : ajostement ; FEW (V, 98a) : *juxtare ; TLF (II, 409b) : ajoutement]

A. -Addition, ajout.

Sans faire nul adjoustement. (Mach., D. Aler., a.1349, 403)

Et semblablement seroit il de toute la terre se adjoustement estoit fait d'une part et non d'autre. (Oresme, C.M., c.1377, 560)

Additio .ditionis : adjoustemens appositio (Le Ver, Dict. M.E., c.1420-1440, 7)

Appositio .tionis : adjoustemens et quedam figura (Le Ver, Dict. M.E., c.1420-1440, 27)

Ajoutement de qqc.

...car assez [soufit] le mal de temps passee sanz nul novel ajoustement de male. (Henri Lanc., Seyntz medicines A., 1354, 220)

Mais pour avoir aucune congnoissance des lectres tu dois savoir que entre les lectres latines il en y a .V. qui sont appellees voieulx, c'est assavoir A E I O V, pour tant que elles font voix par elles meismes sanz adjoustement d'autre lectre (Legrand, Archil. Sophie B., c.1400, 64)

...selon la simplece de mes sens non encore du tout parcreus m'informoye adés des coustumes, manieres et condicions de la ditte dame. Et comme ainsi ie le continuasse par l'espace de pluseurs ans croissant ma retentive je fus infourmee de la haute poissance et seigneurie d'ycelle de laquelle pour eschiver prolixité en brief ie tesmoigne pour verité sanz adioustement de menconge que sa contree m'apparu glorieuse de nom. (Chr. Piz., Avision T., 1405, 76)

B. -MÉDECINE Prolongement, appendice.

...pour la raison des joinctures, ilz [les os] ont diversité en eulx car les aulcuns ont adjoustemens qui entrent, les aultres ont vacuité qui recepvent, les aultres ont l'ung et l'aultre et les aultres n'ont ne l'ung ne l'autre. (Panis, Guidon, 1478, tr.I, doct.1, chap.5)

Ceulx [les os] qui ont adjoustement et vacuités, les aulcuns les ont clavales comme les dens, les autres les ont sarratilles comme le test, les aultres les ont nodoses en chascun boult comme ulna et la cuisse, les aultres les ont fovealles comme les focilles, les aultres ont l'ung et l'autre comme les doys. (Panis, Guidon, 1478, tr.I, doct.1, chap.5)

...les coullatoires des nazilles qui sont partis par ung adjoustement d'os a maniere de creste de geline, en laquelle est dedans planté le cartillaige qui devise les nazilles. (Panis, Guidon, 1478, tr.I, doct.2, chap.1)

...esquieulx [les os pariétaux] sont les pertuis des oreilles et les adjoustemens ditz mamillaires des esmontoires (Panis, Guidon, 1478, tr.I, doct.2, chap.1)

...la substance du cervel laquelle est molle, blanche et de figure ronde, excepté les adjoustemens qui sont en lui (Panis, Guidon, 1478, tr.I, doct.2, chap.1)

...au [ventricule du] devant sont adjoustemens ditz mamillaires, esquieulx est fondé le sentement de l'oudorement. (Panis, Guidon, 1478, tr.I, doct.2, chap.1)

...deux addicions ou adjoustemens ditz rostralles (Panis, Guidon, 1478, tr.I, doct.2, chap.4)

...aprés commance la main en laquelle sont troys conjonctions ou adjoustemens d'os. (Panis, Guidon, 1478, tr.I, doct.2, chap.4)

...le cerveau en la partie interiore soubs l'os du front a deux adioustemens semblables aux testes des mamelles (Prevost, Cir. Guill. Salicet, 1492, IV, 1)

Et soubs ces adiostemens sont les coyllons petits et larges (Prevost, Cir. Guill. Salicet, 1492, IV, 4)