ESPREINDRE

verbe

[T-L : espriendre ; GD : espraindre ; GDC : espreindre ; FEW (III, 313b) : exprimere ; TLF (VIII, 41a) : épreindre]

Emploi transitif.

A. -Exprimer, faire sortir par pression.

Item , autrement, prenez des ongnons rouges cruz et les broyez, et espraingnez le jus en une escuelle et le mectés ou les mouches repairent, et toutes celles qui en tasteront mourront. (Ménagier Paris B.F., c.1392-1394, 153)

...si lui donnez au vespre char de poucin ou cuer de mouton trempez et bien lavez et en eaue un petit chaudecte et espraint. (Ménagier Paris B.F., c.1392-1394, 153)

...puis l'espreigniez fort et eschauffez par force d'espraindre entre deux esseules (Ménagier Paris B.F., c.1392-1394, 153)

...telle maniere tenir doit estre appellée la sage compassion, non mie celle, qui laisse pourrir la plaie pleine de vers, par pitié de l'espraindre. (Chr. Piz., Faits meurs Ch. V, S., I, 1404, 29)

NOÉ. ...Vecy un bruvaige nouveau, Qui est d'un goust delicieux ; Conclusion, il vault trop mieulx Que l'eaue ; certes j'en buray Tout mon saoul et en espraindray Encore dedens mon vaisseau. (Myst. Viel test. R., t.1, c.1450, 248)

...la pourriture semblant a cler lait et a glutinosité qui yst par le pertuis de l'oeil especiallement quant est espreincte (Panis, Guidon, 1478, tr.IV, doct.2, chap.2)

Remarque : Doc.1381 ds GD III, 548c.

Presser qqc. (pour en extraire le contenu).

...en la decoccion nous moillions une esponge ou un drapiau et puis l'espraignons (Saint-gille, Comment. A.Y. L., 1362-1365, 274)

Aucuns Espreingnent une grappe, et se le grain queurt nu, sans char par partie, c'est signe qu'elle est meure (Rustican H., 1373-1374, 94)

Emploi absolu.

...et pour ce l'omme s'efforce et espraint, et ne met neant hors, car telles humeurs sont embevés et encongnees dedens (Saint-gille, A.Y., 1362-1365, 131)

...et telle maniere tenir doit estre appellée la sage compassion, non mie celle, qui laisse pourrir la plaie pleine de vers, par pitié de l'espraindre. (Chr. Piz., Faits meurs Ch. V, S., I, 1404, 29)

S'espreindre. Sortir par pression.

Mais, aussitost qu'a sa char nue La chemise ot un pou tenue, Le venin par son corps s'esprent, Qui comme feu partout l'esprent (Chr. Piz., M.F., III, 1400-1403, 23)

B. -Par métaphore.

...Amours de li par force espreint [var. estraint] La liqueur qui des yeus degoute Parmi sa face goute a goute... (Mach., R. Fort., c.1341, 63)

Ou pressouer d'Amours, je suis espraint, Par fort amer qui trop mon cuer destraint. (Chr. Piz., Cent ball. amant dame C., c.1409-1410, 86)

C. -Par extension. Serrer, presser.

Ceste dislocacion de l'épaule (...) est ramenee par cinq manieres : (...) la seconde maniere est es fortes que soit mis ung gurmiceau de fil fermé dessoubz l'aisselle et soit fort tyré en hault avecques ung toaillon et soit espreincte avecques le pié fort en tirant le bras en bas et elle sera reduite. (Panis, Guidon, 1478, tr.V, doct.2, chap.4)

[Cont. métaph.]

Ceurs, fendez vous en oyant mes complaintes, Qui tant de fois se sont envers vous plaintes Par zizanique perte irrecuperable, Dont mes douleurs sont tellement empraintes En mon couraige et si treffort espraintes Qu'a mon tourment n'en est nul comparable (La Vigne, Ress. chrest. B., 1494, 110)

Il semble advis que douloureux chant preigne Vostre doulx cueur et que si fort l'espreigne Que son soulas et sa lïesse amorte (La Vigne, Ress. chrest. B., 1494, 115)