EMOLUMENT

substantif masculin

[GDC : emolument ; AND : emolumentz ; FEW (III, 221a) : emolumentum ; TLF (VII, 943a) : émolument]

A. -Profit, revenu que l'on tire de qqc..

Tourne l'enclume et li ferir Laisse du tout a son plaisir, Quar par les cops qu'il te donrra Le pourpoint il t'apointera ; Et si te di que emolument En aras de couronnement, Quar par telz cops et forgemens Et par itelz martelemens Forgiee t'(en) iert la couronne Que ne saroit faire (nul) homme. (Guill. Digull., Pèler. vie hum. S., c.1330-1331, 123)

... toute nostre terre et toutes les appartenances, pourfis et emolumens d'icelle que nous aviens (Comté Porcien R., 1335, 149)

...puelent li emoluments d'icelle ville en amandes, en cens, en tonnieus, en estelages et en bourgisies, valoir environ IIII livres (Trés. Reth. S.L., t.2, 1349, 125)

Et les causes sunt premierement car si comme il fut dit ou .XXVe. chapitre du tiers, les monarches funt aucuns leur coadjuteurs et ainsi les tirans ont leur collateralz conseillers qui ont la cure et la sollicitude du gouvernement et participent es emolumens de la tirannie. (Oresme, Pol. Arist. M., c.1372-1374, 184)

...pour ce n'est il mie que il ne soit Roy, ja soit ce que il ne receve mie lez emolumens de son royaume, et pourret estre receü en la court de celluy qui se porteret pour Roy conme povre et mandient. (Songe verg. S., t.2, 1378, 104)

Item, et pour ce que le dit testateur a longuement esté en l'office de contrerolle de l'audience du roy nostre sire, ouquel il peut moins deuement avoir gardé le droit de l'emolument de la dicte audience, tant en donnant lettres en faveur des personnes à officiers du roy et autres de ses parens, amis et acoinctés, comme autrement, en quelque maniere que il pourroit estre chargié en conscience, icellui testateur voult et ordonna que cent escus soient baillez à l'audiencier et à ceulx qui feront les bourses tant de l'audience comme des collacions, pour les distribuer selon ce qu'il leur semblera à faire de raison. (Test. Parlem. Paris T., 1404, 367)

Pour celle doulereuse convoitise, afin de traire des seigneurs offices, benefices, emolumens et prouffis, n'estudient pas tous les conseilliers d'enquerir et savoir ce que pourroit estre le meilleur (Chr. Piz., Paix W., 1412-1413, 78)

Dudit Pierre Viart, sur ce qu'il peut et pourra devoir à mondit seigneur à cause de l'emolument de ladicte monnoye de Dijon (Comptes Etat bourg. M.F., t.2, 1418, 75)

...il le fit cappitaine de Sainct-Germain-en-Laye, et luy donna sa vie durant seullement tous les profits et esmolumens qui appartenoient à ladite cappitainerie. (Chart. J., Chron. Ch. VII, V., t.2, c.1437-1464, 136)

...lesquielx [ceux qui possèdent des terres] auront les revenues, prouffis et emolumens des terres et possessions dont ilz joyssoient par avant la guerre (Juv. Urs., Loquar, 1440, 423)

Et sera le bailliage de Saint Gengon annexé avec le bailliage de Mascon. Et seront les officiers, tant baillifz, receveurs, capitaines, prévostz, comme autrement, par le commandement du roy, combien que ledit duc les nommera telz que bon lui semblera, et aura toutes les amendes, proufiz et émolumens de la justice. (Doc. 1450. In : CHART. J., Chron. Ch. VII, V., t.1, c.1437-1464, 197)

..qu'elle ait et prengne tous les prouffiz, revenues et emolumens du dit conté d'Artois, telz qu'elle les auroit et prenderoit, s'elle nous en avoit fait les droix et devoirs, et ce par les mains des recepveurs que y avons commis et commetrons, par descharge de nostre tresor et en ensuivant l'ordre de noz finances. (Hist. dr. munic. E., t.1, 1477, 425)

B. -En particulier. Avantage pécuniaire, rémunération, rétribution.

Et ce funt il [le peuple] mesmement en quelcunque lieu ou l'en ne prent grans emolumens es princeys ou offices. (Oresme, Pol. Arist. M., c.1372-1374, 262)

...se vous reprevés lez Roys et lez princes seculiers (...), certes, vous devés aussi reprendre le Pape de Ronme qui lez sueffre prester [les Juifs] a usure en la ville d'Avingnon et en prent plusieurs profis et emolumens. (Songe verg. S., t.1, 1378, 360)

Car qui vouldroit bien peser les gaiges desdiz officiers et les grans et oultrageux esmolumens qui sourdent desdiz offices oultre les gaiges ordinayres, on trouveroit une tresgrant entree et si grant revenue qu'il souffiroit pour la revenue d'un des plusgrans princes du royaume (Mézières, Songe vieil pèl. C., t.1, c.1386-1389, 462)

...ne dons ne emolumens quelconques ne veult prendre que on lui vueille donner a cause de l'office du gouvernement qu'il a (Bouciquaut L., 1409, 413)

Mais, combien que pour ses gaiges il [vostre chancelier de France] ne doive avoir que deux mille livres parisis, néantmoins depuis vingt ans ençà il en a pris, oultre les deux mille, autres deux mille livres parisis, et oultre, le don de deux mille frans sur les émolumens du seel. (Doc. 1412. In : MONSTRELET, Chron. D.-A., t.2, c.1425-1440, 323)

De Guillaume Huguenot, notaire de la court du bailliage de Mascon, sur ce qu'il peut et pourra devoir à cause de l'emolument du seel d'icellui bailliage que prenot messire Philippe de Bonnay, nagaires bailli dudit Mascon, par la main et pour tourner comme dessus, la somme de vint sept frans quinze solz six deniers tournois (Comptes Etat bourg. M.F., t.2, 1418, 80)