ESJOUIR

verbe

[T-L : esjöir ; GD : esjoir ; DEAF, J 502) : esjoïr ; AND : esjoir ; DECT : esjöir ; FEW (IV, 77a) : gaudere ; TLF (VII, 807b) : éjouir]

I. -Emploi transitif.

A. -[D'une chose] Réjouir qqn.

Je m'en aprochay Et par tel maniere y touchay Que je fui volentiers oïs, Dont je fui liez et esjoïs. Esjoïs ! Je le deus bien estre, Car, assez tost est, en tel estre Ou je le vi premierement Devint il miens tout ligement. (Mach., D. Aler., a.1349, 344)

Mais j'ay le cuer moult esjoy De ce que j'ay de vous oy (Mach., J. R. Nav., 1349, 251)

Et en dolour qui trop dure Dolereusement langui, Quant meri D'ottri Ne d'esperance seüre Ne m'a encor esjoy. (Mach., Ch. bal., 1377, 595)

Et envoient priveement un messaige noncier aux barons de Lucembourc le noble secours que Dieux leur envoioit, dont ilz furent moult esjoys, et le dirent a leur damoiselle qui moult s'en reconforta, et en loue et gracie son Createur. Et quant la nouvelle fu espandue par la ville, ilz orent si grant joye que ilz ne porent plus, et firent sonner leurs trompettes et leurs menestriers, et firent feux par la ville, signifiant joye et victoire (Arras, c.1392-1393, 152)

LE PREMIER BERGIER. (...) Et Janicola, son seigneur En son hostel a grant honneur [le marquis] A retenu tant qu'il vivra, Dont je suis tant esjoÿz ja Que plus liez estre ne pourroye. (Gris., 1395, 100)

B. -[D'une pers.] Faire plaisir à qqn.

C'est a dire qu'il te esjoïra en toy donnant repos du soing que tu avoies (Daudin, De la erudition H., c.1360-1380, 160)

Lors ot ly roys moult grant joye ; mais sachiez qu'il monstroit meilleur semblant que le cuer ne lui apportoit, car il souffroit grant hachie, car le venin qui estoit en la plaie lui bruissoit tout le corps. Mais, pour esjoïr la baronnie, il monstroit tel semblant que se il ne eust mal ne doulour. Après disner commenca la feste moult gracieuse, et dura jusques au soir. (Arras, c.1392-1393, 121)

Faire retrouver la joie à qqn (à son coeur), le consoler.

...conment par son espoux elle [la Vierge] est esjoie et consolée. (Mir. ev. arced., c.1341, 103)

Tel courrouz en ay qu'esjoir Mon cuer ne puis. (Mir. st Alexis, 1382, 313)

Égayer qqc..

Lors commanda le roy que routes les mariees fussent assises tout au plus hault lez des foeillies, de reng pour plus esjouir la feste. (Percef. IV, R., c.1450 [c.1340], 61)

II. -Emploi pronominal. S'esjouir de qqc.

A. -Se réjouir de qqc..

Ch'est chose naturele de soy esjoïr de la fin de son mal (Daudin, De la erudition H., c.1360-1380, 209)

Et par ma foy tous m'esjoÿ De ce que dire li oÿ. (Mach., Voir, 1364, 46)

Et pour ce est il ainsi, que soy esjoïr de ce de quoy l'en doit selon raison et avoir tristece de ce de quoy l'en doit avoir selon raison, c'est la vraie et droite discipline. (Oresme, E.A., c.1370, 152)

La commenca la feste grant, et tint le roy grant court et noble, et estoit moult joyeux de ce qu'il avoit recouvré un si noble homme en son pays. Mais pour neant s'en esjoist, car assez brief verra que Remondin n'aura gueres de voulenté de demourer en Bretaigne, car moult lui tarde de reveoir Melusigne. (Arras, c.1392-1393, 65)

Le duc grandement s'esjouÿ De la parolle, qu'il ouÿ (Chr. Piz., M.F., II, 1400-1403, 223)

Ceulx qui me triboullent et tirannisent, se dit France, quant ilz me triboullent et je m'en esmeux ilz s'en esjouissent (Juv. Urs., Loquar, 1440, 368)

...si la fille s'esjoissoit de sa portée, la mere d'elle en avoit a cent doubles (C.n.n., c.1456-1467, 104)

Emploi absolu. Se réjouir.

Le roi qui pas ne s'esjoï Demanda com il le savoit, Et il respondi qu'il l'avoit Oï dire a .I. homme sage Qui li faisoit son cortillage, Des Rommains né, Paulin se nomme (Tomb. Chartr. Trois contes S., c.1337-1339, 115)

Or [cuer d'amant] tramble, or tressue, or a chaut, Or a froit, et puis ne li chaut D'assaut qu'Amours li puisse faire ; Or li plaist ; or ne li puet plaire ; Car selonc ce qu'Amours le vuet Deduire, il s'esjoïst ou duet, Et selonc l'estat de Fortune Qui les amans souvent fortune, L'un bien, l'un mal, l'autre a sa guise, Selonc ce qu'elle se desguise. (Mach., R. Fort., c.1341, 32)

Ne dit on que li homs sauvages S'esjoïst, quant il voit plouvoir, Et chante ? Qui l'i fait mouvoir ? L'espoir qu'il prent en son revel Qu'après le lait il fera bel. (Mach., R. Fort., c.1341, 99)

Pense, se tu vues, dou seurplus, Et te tray vers Bonne Esperence, Et t'aten a ma grant puissance Qui t'en porra faire joïr. Einsi te pues tu esjoïr. (Mach., D. Aler., a.1349, 343)

Et ce peut estre par le esjoïr, et il s'esjoïst quant il ot recorder les biens que il a faiz se il est magnanime et non pas les biens que l'en li a faiz. (Oresme, E.A.C., c.1370, 253)

Quant je remir vostre arroy Sans desroy, Où raisons maint et repaire, Et vo regart sans effroy, Si m'esjoy Que tous li cuers m'en esclaire (Mach., Ch. bal., 1377, 601)

Le gent corps, le bel arroy De ma dame debonaire A loisir remir et voy, Par ma foy, Riens n'est qui me puist desplaire Tant m'esjoy. (Mach., Les lays, 1377, 452)

Mes chiers amis, esjoissons nous, amont noz cuers eslevons (Mir. fille roy, c.1379, 8)

...car au regard des ennemis, ilz se esjouissent quant ilz voient souffrir vostre peuple (Juv. Urs., Loquar, 1440, 368)

C'est a dire, mon ami : Le convoiteux plus pleure en perdant qu'il ne se esjoyst en ayant (La Sale, J.S., 1456, 23)

S'esjouir + adj. Se réjouir d'être + adj..

... [le bourgeois] entre ses riches bagues et tresors innombrables s'esjoissoit plus enrichy d'une belle fille que Dieu luy avoit envoyée que du bien grand surplus de sa chevance (C.n.n., c.1456-1467, 31)

Emploi intransitif. Se réjouir.

Quant morir Ne garir, Esjoïr Ne joïr Ne me laist ne durer ; Repentir, Departir, Li guerpir Ne fuïr Ne ma dame oublier. (Mach., Les lays, 1377, 375)

Adont fu la requeste leue Par une dame moult esleue, Si la pot bien chascun oir, Ou deust douloir ou esjoir (Chr. Piz., Chem. estude P., 1402-1403, 122)

Faire esjouir qqn (son coeur)

L'aigle a mainte condition De si noble division Que les cuers fait moult esjoïr Seulement des parlers oïr. (Mach., D. Aler., a.1349, 345)

Et le douls may qui fait coers esjoïr... (Froiss., Ball. B., c.1362-1377, 1)

Son cuer joieus fait le mien esjoïr. (Mach., L. dames, 1377, 233)

B. -Prendre plaisir à qqc..

Qui mescroira ce que j'en di Peut en l'Apocalipse lire Que la sentence nostre Sire Est telle contre ame dampnee : Tant com plus s'est glorifïee Et esjoïe en ses delices Et ne voult delaisser ses vices, Tant plor et tourment li donnez. (Tomb. Chartr. Trois contes S., c.1337-1339, 100)

...je te doing ce livre Ou moult de choses trouveras Dont esjoir moult te pourras. (Mir. emp. Julien, 1351, 198)

Et [Orphée] joua son dolereus lay Et chanta de vois douce et seinne, De si grant melodie pleinne, Qu'a sa vois, qu'a ses instrumens, Fist cesser d'enfer les tourmens ; Car les infernaus s'esjoïrent De la douceur, quant il l'oïrent. (Mach., C. ami, 1357, 82)

Et selon toutes teles circonstances ou aucunes superhabundent et excedent les desactrempéz, c'est quant il se esjoïssent d'aucunes choses dont il ne convenist pas soy esjoïr et qui sont laides et a haïr (Oresme, E.A., c.1370, 224)

Et dit Virgile que Dieu se esjoist [l. esjoïst] de nombre nomper (Oresme, C.M., c.1377, 50)

Se mon conseil voulez oïr, Querez ailleurs plus belle et gente Qui d'amours se vueille esjouïr Et mieulx sortisse a voustre entente. (Chart., B. Dame, 1424, 349)

Tel au jour d'uy s'esjoÿst de la feste Qui, puis apprés, petitement s'en loue (La Vigne, S.M., 1496, 166)

S'esjouir à + inf.

LE QUINT CHEVALIER. Saichiez sire, certainement, Que ja nul n'y contredira, Maiz le peuple s'esjoïra A faire tout vostre plaisir. (Gris., 1395, 19)

III. -infinitif substantivé. Fait de se réjouir, plaisir.

...Et si metoit son esjoÿr Trestous les jours a messe oÿr. (Renart contref. R.L., t.2, 1328-1342, 98)

Et ce peut estre par le esjoïr, et il s'esjoïst quant il ot recorder les biens que il a faiz se il est magnanime et non pas les biens que l'en li a faiz. (Oresme, E.A.C., c.1370, 253)