ESCUELLE

substantif féminin

[T-L : escüele ; GDC : escuele ; AND : escuele ; DECT : escüele ; FEW (XI, 350b-352a) : scutella ; TLF (VII, 722a) : écuelle]

A. -Petit récipient creux et évasé (gén. destiné à servir de la nourriture individuellement), écuelle.

Pour chascune galee, 25 tonneaux de bescuit, 6 queues et 72 barils a metre eaue et beverage, 6 henaps pour boire, 8 douzaines d'escuelles pour mangier, 6 cueiliers, 2 trepiers, 2 caudieres grans, 2 pos, 2 paelles (Clos galées Rouen M.-C., t.2, 1355, 144)

.I. prince qui servoit a table L'evesque a sa feste nouvelle - Ne sce de coupe ou d'escuelle, Fors que prodomme estoit et sage - De ce qu'il vit si grant oultrage En grant pensee se ferit Si fu ravi en esperit Devant Jhesucrist soudement, Qui se seoit en jugement. (Tomb. Chartr. Dix-huit contes K., c.1337-1339, 138)

Servez nous, pucelle ; Apportez nous celle escuelle Ou est le rost. (Mir. Theod., 1357, 96)

Et avoit tout vaisselement d'or et d'argent, pos, bachins, escuielles, hanaps, bouteilles, barilz et aultres si faites choses. (Froiss., Chron. L., I, c.1375-1400, 81)

'Gaston, son filz, avoit d'usaige que il le servoit de tous ses més de la premiere escuelle, et faisoit le premier assay de ses viandes.' (Froiss., Chron. M., XII, c.1375-1400, 84)

Ainsi mettent les enfans par esbatement une escuele o de l'eaue en un cercle de tonneau et puis revirent et tournent ce cercle isnelement sans ce que l'eaue cheie. (Oresme, C.M., c.1377, 546)

...et eulx estans en ycellui [hostel] , prindrent illec plusieurs pos, plas, pintes et escueles d'estain, avec une ou deux pailes d'arain, chauderon et pot de cuivre. (Reg. crim. Chât., II, 1389-1392, 42)

...fu perdue une escuele d'argent de la garnison du chastel de Molins (Reg. crim. Chât., II, 1389-1392, 442)

...il fist fondre icelle escuelle pesant IJ mars ou environ à un orfevre qui est son ami, du nom duquel il n'est record (Reg. crim. Chât., II, 1389-1392, 449)

...une escuelle d'argent aus armes dudit mons. de Bourbon par lui lors vendue en ycelle ville de Gennes à un marchant d'argent la somme de VIIJ escuz d'or. (Reg. crim. Chât., II, 1389-1392, 453)

GRISELDIS. (...) Voulentiers assez tost yroye O les pucelles et verroye Celle dame qu'il doit avoir, Maiz que j'aye fait mon devoir Et mes escüelles lavees Et deswidïes mes fusees Et mise no maison a point. (Gris., 1395, 33)

...et avoit toute vassielle d'or et d'argent : pos, bachins, esqieuelles, hanaps, boutelles, barils. (Froiss., Chron. D., p.1400, 167)

Primo, en un sac, IIJ fons d'escuelles d'argent avec pluseurs bordeures et rongneures d'icelles escuelles (Baye, I, 1400-1410, 96)

...Marcus Turnius, qui estoit par sainte rigle de atemprance miroyr trescler et trespoly de vertu voult que les messaigiers de Samites veissent queles viandes il soupoit et en quel estat quant il seoit sur une fourme au feu et estoit servi de petit mes et en escuelles de boys. (Chr. Piz., Corps policie L., 1406-1407, 37)

...gobelés de terre, escuelles de bois grandes et petites à foison (Chr. Piz., Fais armes cheval., 1410, 52 r°)

...il [un roi] se fist (...) servir en escuelles et platz de boys (Juv. Urs., T. rever., 1433, 69)

LE SOT. Il entra pas l'uys de derrière Ou il roba une chauldiere, Une escuelle, ung plat et ung pot. (Gaud. sot, c.1450, 9)

Repoz eternel donne a cil [à cet homme, Villon] , Sire, et clarté perpetuelle, Qui vaillant plat ne escüelle N'eust oncques, n'ung brain de percil. Il fut rez, chief, barbe, sourcil, Comme ung navet c'on ret ou pelle. (Villon, Test. R.H., 1461-1462, 143)

Item pour quennes et potz, 2 s. Item pour platz et escuilles, 3 s. (Comptes argentier Ch. le Téméraire B.F.L., t.3/2, 1470, 609)

Item pour ung crane, 18 d. Item pour platz, louches et escuielles de bois, 9 s. (Comptes argentier Ch. le Téméraire B.F.L., t.3/2, 1470, 609)

Valet servant de l'escuelle. Membre de la cuisine (du roi) servant à table.

Philippes (...), roy de France. Savoir faisons à touz, presens et avenir, que pour les bons et agreables services que nostre amé vallet servant de l'escuelle en nostre sale (Doc. Poitou G., t.2, 1339, 156)

Droit d'escuelle. Droit ancien dû au maire par celui qui est reçu dans la confrérie des bouchers, remplacé par une somme d'argent.

Et oultre plus sera tenu cellui qui ainsi sera receu [comme boucher] de bailler et paier à cellui qui pour le temps sera mayeur pour et au lieu du droit d'escuelle, que selon lesd. anciennes ordonnances il souloit prendre et avoir, la somme de cent sols tournois. (Anc. corp. dijonn. C., 1469, 76)

Locution figurée.

Aller/voler par escuelles. Être en abondance, être dilapidé.

Il me mena en une sale Ou escuiers et damoiselles Faisoyent mainte bonne gale, Jeux, chansons, karoles nouvelles. Et vis que dedens les ruelles Et en l'ombre des courtinettes Trestout aloit par escuelles Ainsy qu'on jouoit aux clugnettes. (Martin Le Franc, Champion dames I-II, P., 1440-1442, 55)

De telz biens ne failloit douter ; Tout y voloit par escuelles, Et eussiés veu fanges sauter, Chevaulx abatre estaux et eslles, Faire toutes choses Dont l'en se pourroit adviser (Amant cord. M., 1490, 24)

Jeter tout par escuelles. Dépenser tout en repas.

Et ne doit pas faire ainsi comme les Francoys, qui en tel cas soub l'ombre de moy, Magnificence, tiennent tousjours l'extremite, et gectent tout par escuelles, en despendant plus a ung disner qu'il ne devroient faire en deux moys. (Mézières, Songe vieil pèl. C., t.1, c.1386-1389, 512)

Remarque : FEW : «mfr. jeter tout par escuelles (Calvin ; 1556)» ; DI STEF., 286b, s.v. ecuelle.

Mettre par pots et par escuelles. Dissiper, dilapider (un bien).

Et certes, se la crainte et la puissance royal n'estoit, vous ariés pou de repos et vous seroient tous voz biens mis par pos et par escuelles. (Songe verg. S., t.1, 1378, 39)

Remarque : Cf. DI STEF., 720c, s.v. pot ; non att. par FEW XI : scutella, ni FEW IX : pottus.

B. -Par métonymie. Ration.

La ration de qqn ; d'où le revenu de qqn.

...item, est deu en icelle ville chascun an, au jour de feste saint Jehan Baptiste, de chascune fauchie de prez six deniers, qui se assamblent en l'escuelle dudit seigneur (Trés. Reth. L., t.3, 1451, 316)

[Ds un cont. grivois]

Dame quant elle a son escuelle Refaicte comme une groselle, Gorgee comme ung oyseau de proye, Façonnee comme une chandelle, Durette comme une prunelle Et cordee comme une lamproye... (Coquill., Oeuvres F., 1478-p.1494, 74)

Locution figurée. Monter en l'escuelle. Obtenir une position plus avantageuse, être élevé à une place importante, à un rang supérieur.

...pour non souffrir sourdre division en sa maison (...), [le duc de Bourgogne] ordonna que l'un ne l'aultre n'aroit ce plat, mes seroit jusques a la venue de l'un des deux ordinaires absens, et lors comme alors, chescun en son estat. Si s'en tint tresbien a content le linaige de Croy et ne demanda mieulx. Mes cely de Hemeries, qui estoit monté en l'escuelle et avoit le don de son maistre, icely s'en tint a grevé (Chastell., Chron. IV, D., c.1461-1472, 107)

C. -Par analogie.

1.Plateau de balance.

En sa senestre tenoit une balance de laquelle l'une dez escuelles estoit plainne de pieces d'or (Lyon cor. U., 1467, 44)

2.Large bobèche pour fixer le luminaire dans une église.

...pour aultres trois pièces à mettre les estuielles [l. escuielles] devant le cruceffis (Comptes Lille L., t.1, 1419-1420, 158)

A Jehan Lefevre, lantrenier, pour XIe I quarteron destruielles [l. d'escuielles] de bois employés tant autour dudit cuer comme des chappelles (Comptes Lille L., t.1, 1419-1420, 159)

3.Escuelle puiseresse. Récipient servant à puiser.

A lui pour 2 escuyelles puissereches emmanceher, 6 d. (Comptes Mons P., t.1, 1336, 462)

4.MESURES Mesure de capacité pour les grains.

...XV sestiers qui valent, mesure de Rethest, environ ung muy huit sextiers deux escuelles et demi. (Trés. Reth. S.L., t.2, 1384-1405, 321)