ESBATTEMENT

substantif masculin

[T-L : esbatement ; GD : esbatement ; GDC : esbatement ; AND : esbatement ; FEW (I, 293a) : battuere ; TLF (VII, 589b) : ébattement]

A. -[Au sing. ou au plur.] Divertissement, distraction, amusement.

Ce ne porroit avenir nullement Que j'heüsse joie n'esbatement Ne riens nulle qui peüst resjoïr Mon dolent cuer, sans vous veoir n'oïr... (Mach., Compl., 1340-1377, 254)

Et la n'ot il celui ne celle, Qui se vosist esbanier, Dancier, chanter ou festier De tables, d'eschaz, de parsons, Par gieus, par notes ou par sons, Qui la ne trouvast sans arrest A son vueil l'esbatement [var. labastement (l. l'abastement)] prest. (Mach., R. Fort., c.1341, 146)

La demouray longuettement En joie et en esbatement, Tant qu'il fu temps de repairier Vers celle ou sont mi desirier. (Mach., R. Fort., c.1341, 152)

S'alay aus chans isnellement Chevauchier par esbatement, Pour moy jouer et soulacier... (Mach., J. R. Nav., 1349, 154)

Grant fu l'esbatement en la salle voultie (Renaut Mont. B.N. V., c.1350-1400, 202)

...quar c'est le plus grant esbatement que je aie que de oÿr et de chanter bons dis et bonnes chansons... (Mach., Voir, 1364, 96)

Je me tenoie rudement Et haoie l'esbatement Et fuioie les compagniez Ou on menoit les bonnes viez (Mach., Voir, 1364, 104)

Et ai esté a si grant anui que onques chose ne m'anoia tant ; et si avoie des esbatemens biau coup, car en tout le chemin on ne faisoit que chanter et veoir dames et damoiselles et dames de religion ; mais quant je veoie plus d'esbatement et de joie et plus me desplaisoit quant il me souvenoit que je ne vous pooie veoir n'envoier par devers vous. (Mach., Voir, 1364, 504)

Je ne vous envoie pas vostre livre, pour ce que j'ai trop grant doubte qu'il ne fust perdus ; et aussi c'est tout mon esbatement, et que je y veuil aucunes choses amender, les queles je vous diroie volentiers de bouche (Mach., Voir, 1364, 782)

...à vous tres amoureusement Entierement Doing et ottroy Le cuer de moy Qui loing de vous esbatement N'a n'esbanoy. (Mach., Ch. bal., 1377, 624)

Honneur, vaillance et bonne renommée, Grace, biauté sont en vostre corps gent, Dont je me sent si hautement parée, Car plus de bien n'ay n'autre esbatement. (Mach., L. dames, 1377, 199)

Ainsi mettent les enfans par esbatement une escuele o de l'eaue en un cercle de tonneau et puis revirent et tournent ce cercle isnelement sans ce que l'eaue cheie. (Oresme, C.M., c.1377, 546)

...qui en lieu des louenges de Dieu, les despitent et maugroyent et regnient, et chantent les faulces loenges de la personne qui est tellement ensevelie : Laudatur peccator. Et en lieu de pleurs, ilz mainent faulse joye, solas et esbatement. (Gers., Purif., 1396-1397, 67)

...il ne te fault penser fors de avoir toute la joy et tous les esbatemens que tu pourras en ce monde. (Chr. Piz., Trois vertus W.H., c.1405, 13)

SAINCT MARTIN. Pour esbatement ne pour jeu Ne laissez Dieu de paradis. (La Vigne, S.M., 1496, 499)

Par (maniere) d'esbattement. Par jeu, pour se divertir.

Une autre ymaginacion puet estre laquelle je weul traitier par esbatement et pour exercitacion de engin, c'est a savoir que en un meisme temps un monde fut dedens un autre monde, si comme se dedens et dessouz cest monde estoit contenu un autre monde semblable et mendre. (Oresme, C.M., c.1377, 166)

Ainsi mettent les enfans par esbatement une escuele o de l'eaue en un cercle de tonneau et puis revirent et tournent ce cercle isnelement sans ce que l'eaue cheie. (Oresme, C.M., c.1377, 546)

...ouquel lieu et chambre, et en souppant ensamble, ainsi comme par maniere d'esbatement, ledit Jehannin Brigon, prisonnier, moustra à elle qui parle lesdiz couvercle d'argent doré et cuillier donc dessus est faite mencion (Reg. crim. Chât., I, 1389-1392, 211)

...ainsi comme par maniere d'esbatement il estoit alez veoir et visiter le concierge de l'ostel dudit messire Guillaume des Bordes (Reg. crim. Chât., II, 1389-1392, 370)

Et fist ses menestrels courner devant li une danse d'Alemagne que messires Jehans Camdos qui la estoit presens, avoit nouvellement raporté ; et encores par esbatement il faisoit le dit chevalier chanter avoecques ses menestrés, et prendoit en ce grant plaisance. (Froiss., Chron. D., p.1400, 883)

En cellui temps estoit en la court un josne escuier tres gracieux de la duchié de Thorainne qui nommez estoit le Meingre, qui par esbatement fut nommé Boussicault, grant pere des Boussicaux qui sont au jour d'uy (La Sale, J.S., 1456, 142)

Aussi ce ne seroit pas larrecin si vous aviez par esbatement mon dyamant emporté. (C.n.n., c.1456-1467, 45)

Divertissement à caractère sportif (tournoi, chasse...).

Elle esgarde Regnaut au vis et au menton, Au nés vit la playette que jadis li fist on En ung esbatement en celle region, Et cele fist Alart sans mauvaise occoison. (Renaut Mont. B.N. V., c.1350-1400, 241-242)

Et quant ad ce que geus, revelz n'esbatemens ne vous peuvent plaire quant vous ne me poés veoir, hé las, dolens ! et dont me venroit joie, quant je ne vous voi, tresdouce, simple et coie ? (Mach., Voir, 1364, 518)

Olimpus est une montaigne en Archade ou l'en faisoit jadis certains esbatemens, luttes, courses et comme joustes ou tournois en le honneur de Jupiter et pour soy excerciter (Oresme, E.A.C., c.1370, 126)

Et est une telle chose comme ce qui advient a ceulz qui se combatent tous nuz en certains esbatementz et excercitacions, comme seroient par aventure tornoiemenz, car la fin pour quoy en esperance il seuffrent tel labeur, elle leur est delectable, si comme est avoir une coronne ou aucuns honneurs (Oresme, E.A., c.1370, 217)

...com plus croissoit en eage et plus amoit les armes, les joustes, les tournois, les reviaulx et les esbatemens (Froiss., Chron. M., XIV, c.1375-1400, 156)

Primierement, quant un champ se fait entre deux personnes ou plusieurs, pour cause d'ebastement, sanz effusion de sanc, et tel champ est lysible selon Droit civil (Songe verg. S., t.1, 1378, 353)

Et pour ce li rois Phelippes avoit celle devotion de convertir ces armes et esbatemens a aler sus les Incredules et conquerre la sainte chité de Jherusalem et le roiaulme de Surie, et tant faire par poissance que de oster hors des mains dou soudan et des Incredules. (Froiss., Chron. D., p.1400, 240)

Et quant il ne faisoit cela, il les faisoit chacer a toutes sauvages bestes et aultres esbatemens de chevallier continuellement. (Bagnyon, Hist. Charlem. K., c.1465-1470, 17)

Quant femme enchainte porte son enfant plus sur le costé destre et que voulontiers mengue venoison et vollile, et que voulontiers elle ot parler de tournois, de joustes et esbatemens, pour certain elle produira ung beau filz. (Ev. Quen. II, c.1466-1474, 133)

[Le compl. désigne en quoi consiste l'esbattement] Ebattement de qqc.

...les Englois n'orent aultre cose que l'esbatement des armes. (Froiss., Chron. D., p.1400, 665)

...un tappis de haultelice, fait à personnaige d'esbattement de chace (Comptes Lille L., t.1, 1413-1414, 97)

Donner grant esbatement à qqn. Faire un grand plaisir à qqn.

Et s'il vous plaisoit a moy envoier la copie de ce que vous avés fait de vostre livre, je vous en saroie moult bon gré, si feriés grant aumosne, et me donriés grant esbatement... (Mach., Voir, 1364, 508)

Au pluriel. Plaisirs, réjouissances, fêtes.

Ce est a dire contributions as despenses superflues comme sunt aucuns giex ou esbatemens ou grans digners sans raison. (Oresme, Pol. Arist. M., c.1372-1374, 268)

Et n'estoient que festes, solas et esbatemens aval Londres, et ne furent un grant temps, et parellement parmi tout le roiaulme d'Engleterre. (Froiss., Chron. D., p.1400, 94)

Encores estoient li signeur et li plus des chevaliers a la court dou roi, et atendoient la pour veoir l'estat et les danses et esbatemens qui s'apparilloient a faire. (Froiss., Chron. D., p.1400, 116)

Encores estoient li signeur et li plus des chevaliers a la court dou roi, et atendoient la pour veoir l'estat et les danses et esbatemens qui s'apparilloient a faire. (Froiss., Chron. D., p.1400, 116)

En ce temps, vint il en devotion au roi Phelippe d'aler en Avignon veoir le pape Benedich qui resgnoit pour ce temps, et de parler a lui, et par son consel entreprendre le voiage d'outre mer et conquerre la Sainte Terre, car pour lors il n'avoient que faire et ne savoient a quoi entendre, fors as joustes et as tournois et a tous aultres esbatemens. (Froiss., Chron. D., p.1400, 240)

Et a ce jour que Othon fut couronné n'eussiez veu par toute la cité que jeuz, dances et esbatemens, trompetes, mennestriers et autres instrumens (Rambaux Frise S., c.1450-1475, 84)

...tournois et joustez commencerent jusquez a la nuit que lez dansez revindrent et aussi passerent tempz lez uns et lez aultrez en la ville d'Arras en festez, jeux et tous esbatemens l'espace de .VIII. jours que on ny fist autre chose (Comte Artois, c.1453-1467, 152)

...et firent moult grant chière et beaucoup de beaulx esbatemens, ainsi qu'il estoit de coustume. (Bueil, II, 1461-1466, 136)

BEAUCOP. Quant de ce vin cleret je chucque, Tantost me fault aller dormir. JOYEULX. Je ne me pourrois assouvir De riz, d'esbatemens, de jeuz. BEAUCOP. Je me souloye resjouyr, Mais maintenant je suis trop vieux. (B. veoir, p.1480, 14)

Gectez ses rainsseaulx par la voye, Faisons jeux et esbattemens, Et estandons noz vestemens A la venue de nostre seigneur. (Myst. Pass. Troyes B., a.1482, 560)

Prendre (son/ses) esbattement(s). Se détendre, se distraire.

Si aloit voler, cacier et deduire et prendre tous ses esbatemens environ Windesore (...) et messires Phelippes ses filz ossi. (Froiss., Chron. L., V, c.1375-1400, 84)

...comme le chevalier, pour passer temps et prendre son esbatement, se pourmenast a l'environ de son hostel (C.n.n., c.1456-1467, 38)

Prenez ung peu d'esbatement Soubz la ramee nouvellete, Vous promenant tout bellement. (La Vigne, S.M., 1496, 206)

Prendre (son) esbatement à/en qqn/qqc./ un animal. Trouver du plaisir à (telle occupation), en compagnie de (telle personne, tel animal).

Mais souvent a li [le lion] m'esbanoy Et y preng mon esbatement Sans doubte, aussi hardiement, Com se fust un petit chiennet. Et sachiez que si se tient net Qu'onques beste ne vi plus nette. (Mach., D. Lyon, 1342, 227)

...elles [les chansons] sont toutes si bonnes, et me plaisent tant, et aussi tout quanque vous m'escrivez, car je ne preng confort ni esbatement fors en veoir et es lire ; et preng si grant plaisance que je en laisse souvent autres besongnes. (Mach., Voir, 1364, 138)

...il [le corbeau] estoit plus blans que lait. Phebus l'amoit moult chierement Et y prenoit esbatement Plus qu'en son arson n'en sa harpe Dont il s'esbat souvent et harpe. (Mach., Voir, 1364, 686)

Comment ! sire chevalier, dist le roy, estes vous cy venus pour preschier ? Petit y povez conquester, car pour vous ne pour voz maistres ne lairray je pas mon entreprise, mais tant povez preschier qu'il vous plaira, car je y pren mon esbatement. Et aussi je croy que vous ne faictes cecy que par truffe. Par mon chief, damp roy, dist le chevalier, qui fu moult courroucié, se vous ne faictes promptement ce que messeigneurs vous mandent, la truffe vous sera monstree au fer et a l'acier dedens trois jours. (Arras, c.1392-1393, 158)

LA MARQUISE [à la nourrice]. Je le lo bien [que ma fille soit sevrée de la nourrice] , affin que tant En soies plus pres [d'elle] , car souvent Y prendray mon esbatement, Que moult tendrement je l'ay chiere. (Gris., 1395, 51)

Par euphémisme. Acte sexuel.

...rien ne faisoit plus voluntiers que ce joly esbatement que chacun scet (C.n.n., c.1456-1467, 521)

[À propos d'un animal] Façon vive de se déplacer.

Si y avoit trois ou quattre luppars, lesquelz si tost que les lievres estoient en course on lessoit aller aprés ; et tantost furent lesdis lievres pris des lupars, dont l'esbattement estoit bel. (Chastell., Chron. IV, D., c.1461-1472, 244)

B. -Plaisanterie.

...après plusieurs parolles d'esbatement dittes entre elles (Reg. crim. Chât., II, 1389-1392, 303)

Au soupper derechief ot foyson d'yceulz barons le roy avec lui, et puis ala veoir l'Empereur et une piece dirent de bons moz et esbatemens ensemble, puis se retrahy le roy en sa chambre et alerent couchier (Chr. Piz., Faits meurs Ch. V, S., II, 1404, 113)

Par (maniere d')esbattement En plaisantant.

...et, après plusieurs paroles eues par esbatement entre elles, et sans parler, quant alors, de la matiere dessus dite, icelle Margot la fist jurer, comme dit est dessus, que elle ne le accuseroit aucunement, pour chose qui li peust advenir. (Reg. crim. Chât., I, 1389-1392, 339)

Car en habondance de paroles ne peut estre qu'il n'en y ait aucunefoiz de mal assises aucunement, et dit l'en aucunefoiz par esbatement et par jeu paroles de revel qui depuis sont prinses et recordees a part, en grant derision et moqueries de ceulx qui les ont dictes. (Ménagier Paris B.F., c.1392-1394, 105)

Et certes, femmes ne doivent parler de nulle laidure, non mye seulement de con, de cul ne de autres secretz membres de nature, car c'est deshonneste chose a femme d'en parler. Je oy une foiz raconter d'une jeune preudefemme qui estoit assise en une presse de ses autres amis et amyes. Et par adventure elle dist par esbatement aux autres: ' Vous me pressés si fort que bien la moictié de mon con me ride. ' Et jasoit ce qu'elle l'eust dit par jeu et entre ses amis, cuidant faire la galoise, toutesvoyes les autres sages preudefemmes ses parentes l'en blasmerent a part. (Ménagier Paris B.F., c.1392-1394, 129)

...tout ce disoit par farce et esbatement. Car il estoit et a esté toujours tresgracieux et nouveau et bien plaisant gentil homme. (C.n.n., c.1456-1467, 361)