VENDITION

substantif féminin

[GD : vendicion ; FEW (XIV, 234a) : venditio]

A. -Action de céder un bien contre de l'argent, vente.

Les voluntaires [commutacions] sont teles comme vendicion, achat, prest, plegerie, usage, depost, louage. (Oresme, E.A., c.1370, 283)

Et, se il avenoit que la dite maison et jardin les diz Pierre et sa femme ou les aians cause d'eulx voulsisent exposer ou exposassent, aliener ou vendre, ou ilz voulsisent le jardin estant en ycelle et ou pourpris d'icelle, a une fois ou a plusieurs, en tout ou en partie, transporter, adenerer, vendre ou aliener et meitre hors de leurs mains par vendicion ou par bail a crois de cens, ou en eschange, a temps ou a tous jours, que nous puissons avoir, avant tous autres, le dit jardin et la maison par juste pris que autres sans fraude en vodroient donner (Chartes Abb. St-Magl. T.F., t.3, 1374, 443)

...la maniere de la vendicion d'iceulx gobelet et sainture faite à deux fois, par divers jours et grant intervale de temps (Reg. crim. Chât., II, 1389-1392, 365)

Les religieux, abbé et couvent de Saint Sevoir ont en la forest de Saint Sever (...) la diesme des vendissions de la forest, tant d'arbres, herbages de bestes, de pasnage de pors, la diesme de ses pors, de ses ovailles, de ses vaches et jumens, la diesme des venesons tant de pors que de cerfz, chevreux, et la diesme des deniers des plés de la forest. (Hector De Chartres, Cout. R.B., 1398-1402, 87)

La Court a delivré au jour d'ui certain argent venant de la vendition des vielx banc, porches et formes de ceste Chambre à Pierre Noé, huissier de ceans (Baye, I, 1400-1410, 189)

...comme je eusse bonne cause, la diffinitive en seroit pour moy de sommer les garens de la vendicion, lesquieulx estoient mors pouvres et hors du pays (Chr. Piz., Avision T., 1405, 155)

...la somme de trente cincq frans d'or qui deus nous estoient par nostredit seigneur pour cause de la vendicion par nous faite à nostredit seigneur (Trés. Reth. S.L., t.2, 1410, 651)

...pour oster tres grans et excessifs fraiz et despens qui, pour occasion de la communaulté que ont euz le temps passé lesdits bouchiers de laditte grant boucherie demolie, se sont faiz tant en la congregacion desdiz bouchiers comme autrement, lesquelz fraiz il convenoit que ilz repreissent sur la vendicion de leurs chairs, a la grant charge et dommaige de nostre peuple (Mét. corp. Paris L., t.1, 1416, 276)

...on vouloit trouver maniere d'avoir finance desdiz religieux par engaigement ou vendicion de leurs joyaulz (Fauq., I, 1417-1420, 123)

...des deniers venans de deux dixiemes deniers de vendicion de fiefz (Comptes Etat bourg. M.F., t.3, 1418-1420, 465)

Et combien que il soit licite a ung chascun de passer soubz les seaulx de l'esglise toutes manieres d'obligacions, vendicions, donacions, eschanges, procuracions, baulx, fermes et arrendemens et toutes aultres manieres de contrats, toutevoye les officiers du roy font souvent deffense aux subgetz du roy que ilz ne le facent, et s'efforcent d'empescher les notaires de l'esglise que ilz n'ayent maisons ou logis en publique place ou le peuple puisse avoir assés a eulx, qui est hoster leur franchise et liberté et desroguer aux drois de l'esglise (Juv. Urs., Verba, 1452, 384)

D'elle euz les biens o telle condiction : Nompas par don ne par vendiction, Mais seullement qu'elle les peult reprendre Quant luy plaira sans contradiction (Meschin., Lun. princes M.-G., c.1461-1465, 23)

Item il se demonstre par exemples : vendicion faicte comme en ung moment donne droit de possesser a tousjours. (Somme abr., c.1477-1481, 177)

Don à deux notaires, c'est assavoir : Blangeriis et Girardi d'Avignon, qui ont passé l'instrument de la vendition de la maison du roy, estant au dit lieu faicte par les chartreux de Villeneusve (Comptes roi René A., t.1, 1478, 27)

En particulier. Vente judiciaire.

Et se il avient que aucun d'eulx soit refusans ores ou pour le temps avenir de paier iceulx huit deniers parisis, Nous voulons et avons ordonné et ordonnons que par lesdits procureurs ou a leur requeste il y soit contraint par le premier de nos sergens sur ce requis, par la prinse et explettacion de ses biens et vendition d'iceulx, aux jours et termes accoustumez. (Mét. corp. Paris L., t.1, 1410, 651)

...donnons (...) plain povoir (...) par cesdictes présentes, de décretez et auctoriser lesdictes criées, subhastations et vendicions desdiz biens et héritages dudit Cuer (Aff. Jacques Coeur M., 1453-1457, 19)

Vendition feinte

...pour pervenir à ce mariage fist une fainte vendition audit de Pompignac de certaines terres qui sont en la conté de Castres et des miennes ; mais jamais ledit de Nemours ne lui en bailla la joissance (Lettres Louis XI, V., Pièces justif., t.7, 1478-1481, 322)

B. -Par métonymie. Droit dû au seigneur sur les ventes.

...[les religieux, abbé et couvent de Beaubec ont] le lieu de l'abbaïe, la terre et le boiz en quoy l'abbaïe est fondée, ovecques tout le demaine jouxte icelui boiz, du bieu du Sommier jusques au vivier de Mauquenchy, et des terres du Sommier à l'eaue de Roebet, ovecques franchises de venditions et de garenne. (Hector De Chartres, Cout. R., 1398-1408, 200)

C. -Action de livrer par trahison.

[Une place]

...ledit suppliant, (...) feust alé comme faisant le guet parmi ladicte forteresse, la nuit que la trayson et la vendicion d'icelle fut faicte et que ladicte place fut livrée a nozdiz ennemis (Chancell. Henri VI, L., t.2, 1427, 6)

[À propos de Judas]

...la vendicion (...) Judas (...) ce maligne esperit, qui entra en lui et li fist faire ce sacrilege de vendre Jhesucrist (Jean Golein, Rational B.D., c.1370-1372, 487)

Mercredy la vendition Aux Juïfs par temptacion Judas de ton corps voult parfaire, Et jeudy ou mont de Syon De la cene refection Tes apostres si voulz refaire (Régn., F.A., 1432-c.1465, 149)