TANDIS

adverbe et conjonction

[T-L : tandis ; GD : tandis ; AND : tandis ; FEW (XIII-1, 72a) : tam diu ; TLF (XV, 1349b) : tandis]

I. -Adverbe. Pendant ce temps.

Ernault, or m'alez sanz delay Tantdis a mon oncle noncier Que cy viengne sanz atargier (Mir. marq. Gaudine, 1350, 124)

Alons tandis veoir quel lieu Theodore pour celle ara. (Mir. Theod., 1357, 117)

Or les lie, et tandis g'iray Crier c'on viengne sanz delay Veoir la justice d'eulx quatre. (Mir. st Panth., 1364, 364)

Et vous, fille, tandis, Aubin Alez querre (Mir. femme, 1368, 191)

...et puis la fille maine D'autre costé en paradis, Et je Guillaume vueil tandis Questionner. (Mir. femme, 1368, 203)

...l'un d'eulx un an regneroit Et l'autre tandis s'en iroit Jouer, querant les adventures, Par le monde, plaisans ou dures. (Chr. Piz., M.F., II, 1400-1403, 296)

Or venez avecq moy et je vous feray du tresbon feu. Et quant vostre cheval avra beu, il mengera tandis l'erbe. (Percef. V, R., t.1, c.1450 [c.1340], 3)

Et tantdiz la bonne damoiselle alla oyr la messe (C.n.n., c.1456-1467, 368)

Si furent les bastons reportez, et l'espée d' armes baillée à ceux qui servoient ledit Anthoine, et tandis se firent les crys et les deffences accoustumées (La Marche, Mém., I, c.1470, 329)

Devoirs, crys et cerimonies furent faictz, et tandiz chascun champion envoya presenter son baston au juge (La Marche, Mém., II, c.1470, 125)

Mais, monsieur, s'il vous plaist, tandis Prandrez vostre reffection. (La Vigne, S.M., 1496, 205)

Alors.

Et celluy qui avoit mis pié a terre pour nous desrober n'eut hardement de soy deffendre, si couru tandis remonter sur son cheval (Percef. VI, R., c.1450 [c.1340], 641)

...et, tandis, il sceult par commune voix qui couroit que le prinche de Castelongne faisoit forte guerre au conte d'Urgel et de Rousillon (Comte Artois S., c.1453-1467, 27)

II. -Tandis que. Tandis comme

A. -Pendant que, alors que, aussi longtemps que.

Suer Ysabel, ne mentez point : Dites moy, ou alastes vous N'en quel lieu, tandis conme nous Escoutions le preschement ? (Mir. abbeesse, 1340, 63)

Tandis que la m'esbanioie Qui en moy oublié avoie Toutes autres merencolies, Tant les dolentes, com les lies, Une dame de grant noblesse, Bien acesmée de richesse, Venoit a belle compaingnie. (Mach., J. R. Nav., 1349, 155)

Seez vous un po, s'il vous plaist, Tandis conme iray aprester Et les liz et vostre souper (Mir. emp. Julien, 1351, 182)

...mardi au matin, tandis que sa mere estoit alée à la fontaine, le marchant qui la produit, et un autre homme prisonnier qui lui a esté monstré aujourd'ui ou Chastellet de Paris, vindrent en l'ostel de saditte mere, et demanderent une choppine de vin (Reg. crim. Chât., I, 1389-1392, 558)

Tendiz comme en celluy voyage Orent esté, moult grant presage Vint aux Rommains de mal et grief Avoir (Chr. Piz., M.F., III, 1400-1403, 258)

Acomplissez brief vostre entente, Tantdis qu'il dort (CH. D'ORLÉANS, Chans. C., c.1415-1440, 225)

Tandis que en ce debat entre espoir et desesperance mon entendement traveilloit, ung legier sompme me reprint (Chart., Q. inv., 1422, 7)

Tandis que ma povre fantasie tormentee de diverses considerations recuilloyt lez parolles en la prose dessus recitees, debatant a par moy tous ces partis, et que cha ne la je ne trouvoye fors espoventement et contrarieté, je demouray tout suspens et surprins (Chart., L. Esp., c.1429-1430, 17)

Et tandis comme ils disnoiient... (Wauquelin, Manequine C.T., a.1448, 201)

...et tantdis qu'il se desabilleroit, j'entreroie ou lit ou il me trouveroit ou lieu de vostre maistresse (Comte Artois S., c.1453-1467, 125)

...et tendiz que les chevaulz des charioz et autres mangeoient, que on hastoit pour brider, damp Abbés mena Madame en sa chambre chauffer. (La Sale, J.S., 1456, 246)

L'aultre, qui entendoit son latin, plus joyeux que jamais n'avoit esté, s'advisa de batre le fer tantdiz qu'il estoit chault (C.n.n., c.1456-1467, 91)

Et, tandiz qu'ilz se logerent, le conte de Parvanchières envoya l'Admiral, atout cinquante lances, passer la rivière droit à Crathor (Bueil, I, 1461-1466, 187)

Alors que, étant donné que.

Or le prenez donques, tantdis Que de mon filz en ay l'ottroy, Mes amis, et, je vous en proy, Ci l'apportez. (Mir. ev. arced., c.1341, 143)

Or m'en donnez, s'il vous plaist, grace, Dame, et tandis que j'ay espace, Voz heures cy recorderay Et en disant accorderay La bouche au cuer. (Mir. nonne, 1345, 317)

Or vueil prouver les autres poins, Tandis qu'il en est temps et poins. (Mach., D. Aler., a.1349, 363)

S'en die chascuns son plaisir, Tandis com nous avons loisir. (Mach., J. R. Nav., 1349, 255)

Tantdis conme g'iray au feu, Delivres t'en (Mir. st Panth., 1364, 351)

Couchiez vous, tandis que g'iray Un po la hors ou affaire ay. (Mir. st Alexis, 1382, 308)

Et des maintenant le devons nous scavoir nous, crestiens, tandiz qu'il en est temps. (Gers., P. Paul, a.1394, 516)

B. -Plutôt que.

Si s'occient a leurs .II. mains, Car il vauldroit mieulx avoir mains Ou povre estre un petit tandis Que perdre a tous jours Paradis. (Chr. Piz., M.F., I, 1400-1403, 98)

III. -Emploi substantival. En ce tandis. Pendant ce temps.

Treves furent en ce tandis (Chr. Piz., M.F., III, 1400-1403, 110)

Maintes batailles trespasserent En ce tandis, ou ne cesserent Troyens de Gregois dommagier (Chr. Piz., M.F., III, 1400-1403, 119)

Mais les noms je trespasseray De tous les consules, que nomme L'istoire, qui furent a Romme En ce tandis et tant conquirent Que le monde a Romme soubzmirent. (Chr. Piz., M.F., III, 1400-1403, 193)

Hasdrubal vint en ce tandiz, A grant ost (Chr. Piz., M.F., III, 1400-1403, 224)

En ce tendiz, le bon vaillant Scipïo tant fu travaillant Qu'il a toute conquise Espaigne (Chr. Piz., M.F., III, 1400-1403, 228)

...se tendra humblement et simplement d'estat, de maintien et d'abit en ce tandis (Chr. Piz., Trois vertus W.H., c.1405, 56)

En ce tandis, la roine se delivra d'un beau filz (Percef. VI, R., c.1450 [c.1340], 826)

...et en ce tandis, face par ung prestre qui ait celebré, pourlire sur l'enfant l'euvangille des trois Rois et l'oroison saint Charlemaine. (Ev. Quen., II, c.1466-1474, 131)

Ce tandis

Li vieulx Drusïus, ce tendiz, Fu murdris dedens sa maison (Chr. Piz., M.F., IV, 1400-1403, 5)

Un tandis. Pendant un certain temps.

LE PREMIER SERGENT. Se lez paroiz ne peut rungier Aux dens, je ne me doubte point Qu'il nous eschape par nul point ; Et toy, que dis ? DEUXIESME SERGENT. Garder le nous fault un tandis, Tant que soit venuz l'emperére, Qui telle gent a bien po chiére, A ce que voy. (Mir. st Ign., 1366, 78)

La est la vie de chacuns Empereurs et princes et roys, Et leurs estas, et leurs arrois Pourtraict, et leurs propres figures, Et trestoutes les aventures, Qui en leur vies leur advint, Et tout comment chacun la vint, Pour elle servir, au premier, Et comment yerent coustumier D'exploiter par l'ayde d'elle, Et comment aux aucuns fu belle Un tandis et puis se changia, Et tout leur bien en mal changia (Chr. Piz., M.F., II, 1400-1403, 101)

Si regna celle grant cité En moult grande prosperité, Un tandis, com dame et maistresse De toutes citez en noblece, En force, en richece, en pouoir (Chr. Piz., M.F., II, 1400-1403, 155)

Alors le bergier ung tandis sans parler fu (RENÉ D'ANJOU, Regn. et Jann. R., c.1457-1461, 94)

En tandis. Voir entandis

Entre tandis. Voir entretandis