PUCELETTE

substantif féminin

[T-L : pucelete ; GD : pucelete ; DECT : pucelete ; FEW (IX, 525b) : *pullicella]

Jeune fille (très jeune).

Mais tout einsi, com je me delitoie En son trés dous chanter que j'escoutoie, Je vi venir par une estroite voie, Pleinne d'erbette, Une dame pensant, toute seulette Fors d'un chiennet et d'une pucelette ; Mais bien sambloit sa maniere simplette Pleinne d'anoy. (Mach., J. R. Beh., c.1340, 59)

Et vraiement bien dire puis Que d'umblesse est fonteinne et puis ; Qu'onques turtre ne turterelle, Aingnaus, coulons, ne coulombelle, Damoiselle, ne pucelette Ne pot estre d'orgueil plus nette, Ne plus pleinne d'umilité, Acompaingnie de pité, En tous cas et en tous endrois, De li. (Mach., R. Fort., c.1341, 8)

Si recordai si ma leçon Qu'eins qu'on eüst dit la chançon Qu'une pucelette chantoit, Mes cuers plus seürs se sentoit ; Car douce Esperence asseür Le faisoit d'aucun boneür. Si me tray près de la danse Com cils qui a sa dame pense. (Mach., R. Fort., c.1341, 125)

...Proserpine, Qui d'enfer est dame et roïne, Que li rois infernaus ravit En un vergier ou il la vit, Ou elle cueilloit des flourettes Avecques pluseurs pucelettes. (Mach., C. ami, 1357, 83)

Garde t', amis, qu'aus dez ne joues (...) Car c'est chose trop deshonneste A prince qui quiert vie honneste ; Car il ne vient pas de franchise, Eins est fondez seur couvoitise, Et s'i moustre on si sa maniere Que maint en parlent en derriere. Mais s'un petit t'i vues esbatre, Joue vint gros ou vint et quatre A dames et a pucelettes, De cuer et de pensee nettes. Et se tu gaaingnes leur argent, Donne le tantost a leur gent, Et le tien aussi, sans plus dire. (Mach., C. ami, 1357, 138)

...il engenra .X. filz En pluseurs pucellettez ou il ot cez delis (Hugues Capet Lab., c.1358, 191)

...une pucellete jeunette (Chr. Piz., M.F., III, 1400-1403, 114)

Il est en guise d'un jeune enfant couchié en la cresche des bestes, acompaignié d'une pucellette et d'un homme ancien, Marie et Joseph (Gers., Noël, p.1404, 295)

Aussi ces povres famelettes Qui vielles sont et n'ont de quoy, Quant ilz voient ces pucellettes Empruncter elles a requoy, Ilz demandent a Dieu pourquoy Sy tost nacquirent n'a quel droit. Nostre Seigneur se taist tout quoy, Car au tancer il le perdroit. (Villon, Test. R.H., 1461-1462, 52)

Je ne vous pourroye respondre Ainsi, moy, povre bergerete, Vous qui cy me venez semondre Comme une simple pucellete, Gardans es champs dessus l'erbete Les povres bestes de mon pere, Une jeune simple fillete, Vous dis sont a moy bien contraire. (Myst. siège Orléans H., c.1480-1500, 292)

Remarque : Renart contref. R.L., 1328-1342, gloss. ; DESCH., Oeuvres Q., t.2, c.1370-1407, 131 ; MOLINET, Faictz Dictz D., 1467-1506, gloss.

[Ds une compar.]

Celle damoiselle jolie Qui estoit a ce clerc amie, C'estoit li ente faitissete Comme une douce pucelette, Ou grant vergier d'Amours plantée. (Mach., J. R. Nav., 1349, 222)

Pucelette