PERDURABLEMENT

adverbe

[T-L : pardurablepardurablement ; GD : pardurablement ; FEW (VIII, 231b) : perdurare ; TLF (XII, 64b) : perdurableperdurablement]

Perpétuellement, éternellement, pour l'éternité.

Dieux, qui es pardurablement, Donne moy enluminement De bien parfenir ma pensee (Dupin, Mélanc. L., c.1324-1340, 43)

Ilz seront livrez a torment Qui durra pardurablement. (Dupin, Mélanc. L., c.1324-1340, 100)

...li benois sains esperiz, Qui Dieux est pardurablement Sanz fin et sanz conmencement (Mir. ev. arced., c.1341, 110)

...la vostre misericorde Pardurablement doit durer (Mir. prev., 1352, 257)

Au roy s'en vint grant aleüre, Qui pensoit fort a l'escripture, Et lors li dist moult hautement : 'Bons roys, vif pardurablement ! Tu ne dois mie einsi penser. Lay ton muser, lay ton penser, Car il a un homme en Caldee Par qui tu saras ta pensee...' (Mach., C. ami, 1357, 27)

Pardonne moy, sire, pardonne ! Ne per m'ame avec ma personne Et avec mes iniquitez. Ne reserve pas tes pitez Mal pour moy pardurablement, Et moy, non digne, a sauvement Menra ta grant misericorde ; Si te promet, sire, et t'acorde Que tu seras de ma partie Loëz tous les jours de ma vie (Mach., C. ami, 1357, 55)

Mais aussi comme les estoiles Raidient plus cler que chandoiles Et sont mises en firmament Pour luire pardurablement, Les vertus luisent et luiront. (Mach., C. ami, 1357, 70)

Ce m'aprent Que la duis de nostre loy Yes et de no sauvement Proprement La fonteinne, ainsi le croy, Où chascuns boit qui ha soy, Sans anoy ; Et qui pardurablement Vuet vivre aveuc le grant roy Lave soy En ruissel qui en descent. (Mach., Les lays, 1377, 411)

Et c'est impossible que rien soit plus grant d'infiny, et pour ce Averoïs conclut que toute chose dure pardurablement sanz commencement et sanz fin ou par temps fini de toutes pars. (Oresme, C.M., c.1377, 234)

Perenniter : pardurablement (Aalma R., c.1380, 308)

Perpetim : pardurablement (Aalma R., c.1380, 310)

Et s'aucune fois ilz samblent rire ou jouer, c'est le ris et [le] chant des forsonnez et des hors du senz. Bien sont hors du senz voirement quant ilz se vont pendre et tuer perdurablement. (Gers., Pent., p.1389, 85)

...les ames des mors en grace flouriront comme la palme et vivront pardurablement. (Chr. Piz., P.V.H., 1416-1418, 44)

Certes il auoit bien dit par le prophette quil ne vouloit point ne ne veult la mort du pecheur ains que par les remedes deuant dis il se conuertisse et viue pardurablement. (Cib., p.1451, 188)

LE PRESTRE. (...) Honnorez le sainct et doubtez Et de l'offencer redoubtez, Entretenez ce lieu et place Ou vous avez receu tel grace Que puissons tous assemblement Avec luy pardurablement La sus le veoir en Paradis. (Mir. st Nic. juif, c.1480-1500, 157)

...[de] humble couraige aussi et devote requeste la commectons à la Vierge glorieuse qui des pecheurs, desquieulx jusques cy le tres miserable avoir esté nous confessons, tousjours est advocate, et qui non sans cause est dicte du redempteur de l'humain gendre et roy de gloire mere très debonnaire, à Mons. Sainct-Michel et à toute la court de paradis celeste, affin que, par leurs prieres, elle monte es saintz cieulx pardurablement regner avec eulx : si leurs prions et requerons et très devotement leur supplions qu'ilz me soient en ayde. (Le Clerc, Interp. Roye, c.1502, 282)

Remarque : Myst. st Clément Metz D., p.1439, gloss.

Depuis l'éternité.

Premierement, selon la similitude de son exemple, car ce monde fu fait a la similitude du monde principal, qui pardurablement avoit tousjours esté en la pensee divine, lequel est appellez archetypus d'aucuns pour ceste cause. (Evr. Conty, Harm. sphères H.P.-H., c.1400, 6)

Perdurablement