PARDONNEUR

substantif masculin

[T-L : pardonëor ; GDC : pardonneur ; FEW (VIII, 230b) : perdonare ; TLF (XII, 973a) : pardonnerpardonneur]

A. -Celui qui pardonne (ici Dieu).

Mon doulz amy, dist Melusigne, qui veoit que les lermes lui cheoient des yeulx a si grans ruisseaulx que toute sa poittrine en estoit arrousee, le meffet vous veulle pardonner Cellui qui est vray et tout puissant pardonneur et le droit fons de pitié et de misericorde, car, quant a moy, je le vous pardonne de bon cuer. (Arras, c.1392-1393, 257)

Proverbe. Il n'est si grand pecheur que Dieu ne soit encore plus grand pardonneur

Voulez vous arguer contre la voulenté du Createur des creatures, qui tout a fait et deffera a son plaisir, quant il lui plaira ? Sachiez qu'il n'a si grant pecheur ou monde que Dieu ne soit plus grant pardonneur et plus debonnaire, quant le pecheur se repent et lui crie mercy de bon cuer et de bonne voulenté. (Arras, c.1392-1393, 255)

Je te dy, sans plus enquerir, Ou monde n'a si grant pecheur Que s'il veult bien Dieu requerir Qu'il ne soit plus grand pardonneur, Mais il fault sa grace acquerir Par repentance de douleur : Se ceste voye veulx querir, Tu ne pourroyes trouver meilleur. (Régn., F.A., 1432-c.1465, 107)

... [Jean Juvénal des Ursins au roi :] laquelle puissance ou vertu de misericorde vous avés, comme vicaire de Dieu en terre ; et en ce devez ensuivir ce que nous savons et creons Dieu ad ce estre enclin, c'est assavoir estre piteux et misericors. Et n'y a personne, quelque qu'elle soit, que tant ait fait grant peschié et delit que se elle se humilie et congnoisse son peschié en cryant mercy et requerant pardon, que il ne luy ottroye ; et ung commum proverbe si est que il n'est si grant pescheur que encores Dieu ne soit plus grant pardonneur. (Juv. Urs., Exort., 1458, 416)

Remarque : DI STEF., 660b, s.v. pecheur. Prov. H., 196a..

B. -Péjoratif. Mendiant à qui l'on donne pour gagner des indulgences.

LE PERE [à saint Martin] . (...) Beau filz, beau filz, j'ay grant entencion De vous mectrë avecques ses seigneurs Qui vont aux champs pour l'exaltacion De leur hault nom, pour venir aux honneurs. Chevaliers sont de moult grandes valeurs, Preux et hardiz aultant qu'il est possible ; Trouvé n'avez questains ne pardonneurs, Car leur valeur descripre e[s]t impossible. (La Vigne, S.M., 1496, 188)

Remarque : Cf. HUG. V, 625b et G. Roques, in : Le M. fr. (3^e Colloque, Düsseldorf), 1982, 107.

Pardonneur