MESCHINE
substantif fémininA. -Jeune fille.
Il avint en ce tempoire que un homme en Egipte, qui Altercans estoit nommez, occist son pere et sa mere, et son frere chassa il hors de son païs, pour sa mauvaise voulenté acomplir de sa suer, qu'il amoit encontre loyauté, et fist tant qu'il l'eut a femme comme s'espouse et si en fu la meschine moult angoisseuse, car elle savoit bien que c'estoit contre Dieu et contre droit, mais elle ne lui osoit deveer pour la cruauté de lui. (Bérinus, I, c.1350-1370, 131 )
Et que sa belle porteüre Toute mettre a desconfiture Vit Ecuba, qui fu royne, Et Polixena la meschine Mettre a mort et sacrefier Dont trop li devoit anuier, Qu'en ce monde n'avoit pucelle Qui fust si gente ne si belle (, F. am., c.1361, 201 )
Alexandre qu'on dit Paris Et Polidorus ensement Furent, se l'istoire ne ment, Ses enfans de droit mariage, Nez d'Ecuba au cler visage, Sans les vallès et les meschines Qu'il avoit d'autres concubines. (, F. am., c.1361, 213 )
Et ne demorèrent dedens le chastiel fors que varlet et meschines, et vuidièrent le porte et le laissièrent toute ample ouverte, pour ce que il y cuidoient tantost retraire. (, Chron. R., VIII, c.1375-1400, 79 )
Et ainsi ara la meschine Gresle corps, gros cul et poitrine (, M.M., c.1385-1403, 50 )
Car chascun d'eulz [Regnault et Anthoine] oÿ avoit Pour quoy le roy les guerroyoit. Et c'estoit pour une pucelle Qui dedens estoit, gent et belle ; Fille du duc, mais orpheline, Estoyt la courtoyse meschine. Li roys la veult par force avoir A femme, si ne veult mouvoir De devant celle noble ville Jusques atant qu'il ait la fille (, Mélus. R., c.1401-1402, 172 )
Tristran et Yseut la meschine... (, Congé am. D., p.1440, 255 )
B. -Servante.
...le mestier de (tel) meschine N'est que porter que (de) porter une tine (, Pèler. vie hum. S., c.1330-1331, 151 )
Einsois as pris les vaisseaus d'or Que prist Nabugodonosor En son temple, et si ont beü, Tant que tuit en sont embeü, Ti consillier, tes concubines, Ti serf, ti vallet, tes meschines. Ce dieu n'as pas fait honnourer, Eins as fait les tiens aourer, Qui sont d'or, d'argent et de queuvre, De fer, de fust, de pierre, et d'ouevre Faite d'umainne creature. (, C. ami, 1357, 31 )
Je servoie conme meschine, On me servira con royne. (Mir. fille roy Hongrie, c.1371, 87 )
Mes apriés vostre delivrance, Voelliés avoir en ramembrance Vos meschines et vos servans, Qui vous ont esté chi servans Et encores vous serviront Et la ou vous irés iront, Mes que leur services vous plaise. (, Pris. am. F., 1372-1373, 146 )
Or ne vous puis de ce requerre, Car je n'ay varlet ne meschine. (Mir. Berthe, c.1373, 187 )
LE MARQUIS. Faites hardïement taillier La robe sur une meschine De la court, qui a nom Blanchine (Gris., 1395, 31 )
LA MARQUISE [au marquis] . (...) N'onques ne me reputay digne D'estre seulement ta meschine, Ne t'espeuse en quelque maniere ; Et en ta court (...) En laquelle tu m'as fait dame, Dieu preng a tesmoing sur mon ame Que tousjours me suis reputee Ta povre ancelle et demouree. (Gris., 1395, 81 )
...en un paneret de fust, Lui avoit porté sa mechine Tout son mengier et sa cuisine (, M.F., II, 1400-1403, 224 )
Laquelle Jehenne fu grand espace de temps meschine en une hostelerie, et estoit hardie de chevaulchier chevaulx et les mener boire, et aussy de faire appertises et aultres habiletez que josnes filles n'ont point acoustumé de faire. (, Chron. D.-A., t.4, c.1444-1453, 314 )
...laquelle ilz tenoient en vilté par avant comme une povre mesquine (, Belle Hélène Const. C., c.1448-1452, 347 )
Va a tes fievres, va, gogant, Et se va tirer par l'esquine Te managiere ou te mesquine. Je ne sui rien tenue a ty. (Mandel. T., c.1450-1475, 182 )
...deux escus pour le service des varlez et meschines de l'ostel (, J.S., 1456, 290 )
...meschine estoit, faisant le mesnage commun, comme les litz, le pain et aultres telz affaires. (, c.1456-1467, 115 )
'...Y a il point ycy de son urine ? - Celle de la mynuyt y est, dit une des meschines...' (, c.1456-1467, 135 )
...Dangier sa meschine (...) enrageoit d'angaigne [La meschine a été appellée précédemment pute vieille] (, c.1456-1467, 259 )
...n'y avoit bien souvent meschine ne chambriere qui ne se combatist pour luy bailler la moitié de son lit. (, c.1456-1467, 303 )
Son hostesse (...) grand plaisir prenoit a le veoir menger, trop plus que le varlet et la meschine [Le couple a été présenté plus haut comme 'le varlet et la chambriere'] (, c.1456-1467, 487 )
Et le Roy de France ordonna ses batailles oultre ung foussé, et fit partir environ trois cens hommes d'armes, la lance sur la cuisse, sans varlet ou mesquine, qui vindrent donner du cousté du conte de Charrolois (, Mém., III, c.1470, 11 )
...mais erreur de condition de pareille ou meilleur condition ne l'empesche pas, comme se le serviteur et serf contrait avec une meschine qu'il cuide estre libere et franche, ou avec une franche qu'il cuide ancelle ou serve, il n'est pas deceut et le mariage tient. (Sacr. mar., c.1477-1481, 50 )
En apposition. Servante meschine
Pour reconfort et pour tout preambule, De ça, de la, chascun me patibule, Me reputant pour servante meschine. (, Ress. chrest. B., 1494, 111 )
[Domaine de la dévotion]
Dame, de tous bien plantiueuse, Mere de Dieu, douche amoreuse, Plaine de grasce, à vos, machinne, Me permeth et, douche, tout encline, Car ie sai(e), bien certainnement, Que l'escriture point ne ment, Car bien dist, qui de vos s'atost, Vostre grasce de pechie l'ost. (Sept péchés C., c.1300-1350 [p.1478], 232 )
Veez cy l'ancelle et la meschine N. S. ; Comme tu, Gabriel, as dit ainsi soit (, Voy. Bieul B., 1351, 262 )
Chier sire, je rens de ce fait Graces a Dieu quant m'a fait digne, Qui sui sa petite meschine, Qu'en sa gloire mon premier hoir A deigné prendre et recevoir (Mir. Clov., c.1381, 244 )
C. -Maîtresse, concubine.
Car les Anglois m'ont tout tolu, Et une meschine qu'avoye Si belle, que trop decevoie, Que j'avoie prise en Bourgoingne. (Mir. chan., c.1361, 164 )
Une meschine de prestre perseverant en son pechié jusques a la mort, sachiez pour vray comme euvangile qu'elle est chevalet au dyable et ne convient prier pour elle. (Ev. Quen. I, c.1466-1474, 101 )