Et ainssi, contre les maulx dessus dis que fait huisseuse a la pensee humaine, excercitation d'estude ou de discipline l'aguisse par soubtiveté, et le fait reluire par blancheur de innocence et de purté, et le purifie de la roullure des vices, et le garde d'estre blechié de pechié. (Daudin, De la erudition H., c.1360-1380, 39)

Et donques teles excercitations de pugnitions sunt aussi comme la potion amere qui ne est pas bonne de soi, mais elle est neccessaire a purgation et a santé. (Oresme, Pol. Arist. M., c.1372-1374, 321)

...comme oisiveté et delices soient à eulz comme venin destruiseur de meurs, ordonna ycellui que separez fussent des delices des bonnes villes, et nourriz sus les champs en excercitacion d'aucun labeur, selon leur faculté et aage (Chr. Piz., Faits meurs Ch. V, S., I, 1404, 19)

Item, car par convivre et converser avecques les bons est faite une exercitacion et acroissement de vertu, si comme disoit le poëte Theognis. (Oresme, E.A., c.1370, 486)

Et le habitude ou disposition des enfans est bien apte ou bien habile pour la acoustumer de degré en degré ou petit a petit a le escercitation ou excercise des froiz pour la calidité ou chaleur qui est en eulz. (Oresme, Pol. Arist. M., c.1372-1374, 336)

Une autre ymaginacion puet estre laquelle je weul traitier par esbatement et pour exercitacion de engin, c'est a savoir que en un meisme temps un monde fut dedens un autre monde, si comme se dedens et dessouz cest monde estoit contenu un autre monde semblable et mendre. (Oresme, C.M., c.1377, 166)

'...Je croy que ce fut pour ce que, par estrange excercitacion de ton engin, tu ne fusses serf fuitif de la coustume et observance de Romme.' (La Sale, Sale D., 1451, 177)

Il convient aussi excercice ou usage, car comme dist Tulle en sa Rethorique : 'Exercitation est usage et acoustumanche de parler' (Daudin, De la erudition H., c.1360-1380, 18)

Excercitation est vertu de corage par laquelle la personne detestant ou reprouchant et reprouvant le lascheté, roullure de huiseuse, se occupe accoustumeement en estudes proufitables et en fais honnorables, afin que nul tamps vain ne passe (Daudin, De la erudition H., c.1360-1380, 38)

Moult proufite a memoire excercitation qui se fait en recueillant en soy les choses oÿes ou en pensant ou a aultrui icelles reciter (Daudin, De la erudition H., c.1360-1380, 71)

Excercitation et temperance peut aussi en viellesse auchune chose conserver de la forche du temps passé. (Daudin, De la erudition H., c.1360-1380, 345)

Pour ce puet estre question, assavoir mon se felicité est acquise et causee en homme par aprendre et par doctrine ou acoustumance ou par excercitacion, ou se nous l'avons selon aucune participacion de chose divine, ou se elle nous vient pour fortune. (Oresme, E.A., c.1370, 128)

...c'est assavoir, se felicité est eüe par doctrine comme sont les sciences ou par acoustumance comme sont les vertus ou par excercitacion comme sont les arts manuelz ou par Dieu ou par fortune. (Oresme, E.A.C., c.1370, 128)

Et est une telle chose comme ce qui advient a ceulz qui se combatent tous nuz en certains esbatementz et excercitacions, comme seroient par aventure tornoiemenz, car la fin pour quoy en esperance il seuffrent tel labeur, elle leur est delectable, si comme est avoir une coronne ou aucuns honneurs (Oresme, E.A., c.1370, 217)

Olimpus est une montaigne ou l'en faisoit certains esbatemens et excercitations, si comme il fu dit en la glose de le .XIe. chapitre du premier livre. (Oresme, E.A.C., c.1370, 376)

Ce estoit un esbatement ou exercitation ou mont dit Olympus de .V. ans en .V. ans, et estoit aussi comme sunt tournoiemens et joustes et luites, etc. (Oresme, Pol. Arist. M., c.1372-1374, 113)

Douleurs viennent ou par causes intrinseques ou par causes extrinseques : de causes extrinseques sicome exercitation, hurter, blecer, cheoir, couchier dur ou quant on dort descouvert et les semblables (Gordon, Prat., c.1450-1500, I, 17)

Aussy comme le bon ange est donné à homme pour sa garde et pour son aide, à chacun aussi est le mauvais ange donné pour son exercitacion et pour lui esprouver. (Corbechon, Mauvais anges S., 1372, 486)