ESTRENNE

substantif féminin

[T-L : estreine ; GD : estrene ; GDC : estreine ; AND : estraine1 ; DECT : estreine ; FEW (XII, 294) : strena ; TLF (VIII, 297a) : étrenne]

A. -Présage, augure, sort (favorable ou funeste).

1.Bonne/joyeuse estrenne

a)Chance.

Comsiderés la bonne estrine et aventure que mesires Thomas de Hollandes ot d'avoir si bons prisonniers qui li ceirent ens es mains. (Froiss., Chron. D., p.1400, 693)

b)À/de/en/pour bonne estrenne

À bonne estrenne

Faire qqc. à bonne estrenne. Faire qqc. sous de bons auspices.

'...En l'ost de no nuisans entray à bonne estrine...' (Hugues Capet L., c.1358, 83)

Si ne demoura pas quinzainne Qu'en un lundi a bonne estrainne Un mien ami, qui estoit prestres Et en l'art de logique mestres, Vint a moi et me salua, Et moult sagement m'argua En disant que trop mesprenoie Que ensi legierement creoie Especialment vers ma dame (Mach., Voir, 1364, 742)

Le lundi, le premier jour de la sepmainne, à bonne estrine, devant le jour dou Sacrement, en l'an mille trois cens quatre vins et un, se departirent ces gens. (Froiss., Chron. R., X, c.1375-1400, 100)

Tenez, buvez a bonne estraine Paisiblement. (Vie st Fiacre B.C.P., c.1380-1400, 32)

Donner qqc. à/en bonne estrenne. Donner qqc. en cadeau d'heureux augure.

'Monsigneur, je vous donne à bonne estrine ce faucon pour le milleur que je veïsse onques, le mieux volant, le mieux et le plus gentieument cauçant et le mieux abatant oisiaux.' (Froiss., Chron. R., X, c.1375-1400, 256)

Mon flageol, par bonne manière, Je lui donray en bonne estraine. (Bosco, Jeu Neuch. M., c.1481-1503, 80)

De bonne estrenne

De bonne estrainne soit-il frans et quicte par qui faut que prestres se arment. (Baye, II, 1411-1417, 268)

...qu'il vous plaise les recevoir de bonne estrène à cestui premier jour de l'an (CABARET D'ORV., Chron. Loys de Bourb. C., 1429, 10)

En bonne estrenne

Et qui la vouldra recevoir [une préparation médicinale] Faire le doit devers le soir, O pou de vin, en bonne estraine Deux foiz ou troiz en la sepmaine (La Haye, P. peste, 1426, 136)

Que j'ay grant espoir, et le croy, Qu'il produira tousdiz en soy Très bon fruit et médicinal, Comme fait l'abre original Dont furent priz, o moult de paine, Lesdiz entons en bonne estraine (La Haye, P. peste, 1426, 162)

Pour bonne estrenne

Embrasse moy pour bonne estraine, Et varrey avec toy mon filz. (Pass. Auv., 1477, 279)

Avoir bonne estrenne. Avoir de la chance.

...tant y a de biens ou dit livre en latin et de saincte doctrine que qui l'averoit a son droit en françoys translaté il averoit bonne estrine. (Mézières, Vertu sacr. mar. W., c.1384-1389, 355)

c)[Formule de salutation et de bénédiction] (Que) Dieu donne bonne/joyeuse estrenne à qqn

Et comment qu'il fu bien matin, En françois, nom pas en latin, Me salua premierement. Je respondi courtoisement Que Dieus li donnast bonne estrainne, Et qu'il avoit heü grant peinne D'einsi veillier toute la nuit. (Mach., F. am., c.1361, 181)

Un autre maniere du parler. Quant un homme encontrera aucuny ou matinee, il luy dira tout courtoisement ainsi : 'Mon signour, Dieux vous donne boun matin et bonne aventure. Vel sic : Sire, Dieux vous doint boun matin et bonne estraine...' (Man. lang. G., 1396, 79)

...don Aussi, moy, je te redon : M'amour toute, et t'en estraine. Dieu te doint joyeuse estraine ! (Chr. Piz., Cent ball. amant dame C., c.1409-1410, 100)

De prieres mes estrenes seront : Dieu doint a ceulx qui me conforteront Bon jour, bon an et la tresbonne estraine. (Régn., F.A., 1432-c.1465, 122)

Sire, Dieu vous doint bonne estraine Et ce que vostre cueur desire ! (Path. D., c.1456-1469, 154)

Amis, Dieu vous doint bonne estraine. (Pass. Auv., 1477, 124)

L'OSTE. Celuy qui le monde soubstient Par sa grant magesté haultayne Et qui tout par puissance tient, Vous doinct bon jour et bonne estrayne ! (La Vigne, S.M., 1496, 211)

d)Faire ses estrennes. Se payer du bon temps.

Puisque pappes, roys, filz de roys Et conceuz en ventre de roynes Sont enseveliz mors et froys - En aultruy mains passent leurs regnes -, Moy, povre marcerot de regnes, Morrai ge pas ? Oy... se Dieu plaist ! Mais que j'aye fait mes estraines, Honneste mort ne me desplaist. (Villon, Test. M., 1461-1462, 50)

Acheter bien ses estrennes. Payer cher son plaisir.

Il [Ceux qui se livrent au plaisir charnel] perdent vigueur naturelle, Il perdent biauté corporelle,Toutes leurs vertus admenuisent ; Trop y a des choses qui nuisent ; Il achatent bien leur estrainnes ! (Le Fèvre, Respit Mort H., 1376-1380, 88)

2.Estrenne + adj. à valeur nég.

a)Pute estrenne. Sort malheureux, misérable.

Vous retournerez en vostre pute estraine. (Arras, c.1392-1393, 200)

b)Faire qqc./estre à sa male/pauvre estrenne. Faire qqc. sous de mauvais auspices, pour son malheur/être dans une mauvaise situation.

Huy venisme à nos mal estrime Chi oÿr ses enchantement : À milhier perd(e)rons et à cens D(e) arme par ses sermonerie (Sept péchés C., c.1300-1350 [p.1478], 245)

'Avant, trahittres orguilleus, passés en prison à mal estrine...' (Froiss., Chron. L., IV, c.1375-1400, 179)

Qu'or fust il a sa male estraine, Lez Marigny droit en la plaine, Nuz et deschaux com j'ay le doy, Et toutes femmes par la loy Mariées et sanz mari Fussent chascune delez li Atout un ramon de behourt ! (Desch., M.M., c.1385-1403, 318)

Et trouverent ces gens, a mal estrine pour euls, ces Englois qui cevauçoient. (Froiss., Chron. D., p.1400, 737)

Faire qqc. en male/pauvre/pute estrenne. Faire qqc. pour son malheur.

...issez : en male estraine Ce puist ore estre. (Mir. st Ign., 1366, 108)

Si entroient en povre estrine pour yaus, quant il se trouvoient entre les Englès, car il n'en avoient nulle merci, et mettoient tout à l'espée sans merci. (Froiss., Chron. L., III, c.1375-1400, 189)

Sire, ce soit en pute estraine Qui vous a ycy amené. Il fault que vostre demené Sache l'evesque sanz atendre. (Vie st Fiacre B.C.P., c.1380-1400, 23)

Or, vous souffrez en pute estrainne : En St. Fïacre ne me fie Ne qu'en une chienne enragie. De moy n'est amé ne prisié. S'il avoit un gobet brisié, De paradis banis en l'eure En seroit. Fol est qui l'oneure : Il n'est requis que de mardaille, Et a la fin, sachiez sanz faille, Mie n'irez. (Vie st Fiacre B.C.P., c.1380-1400, 37)

'...O quel bel et mal exemple de veoir jouer un roy aux dez comme font les ribaulx des tavernes. Et se aucun vouldra dire les grans barons y jouent et aucuns des prelaz, voire en male estrainne, a ce je respons', dist la royne, 'qu'ilz font ce en multipliant inconvenient comme les dessusdiz, et selon la loy divine ilz devroient estre infames et privez de la royale mageste...' (Mézières, Songe vieil pèl. C., t.2, c.1386-1389, 213)

TERCIUS SERVIENS. Et vous aussi trossés avant En mal gain et en pute estrainne ! Vous nous avez donné grant painne ; Mais aussi n'eschapperez pas. (Myst. st Adr. P., c.1450-1485, 74)

Et ça ! que mal gré en ayt Dieu, De ces villains, qu'i les amaine ! Frapez, frapez en malle estraine. Avant ! avant ! a eulx ! a eulx ! (Myst. st Laur. S.W., 1499, 221)

Or vous baissez en malle estraine, Vous avez icy trop presché, En present serez despesché. Tendez long col comme une grue. (Myst. st Laur. S.W., 1499, 283)

c)En sanglante estraine

LE DRAPPIER. C'estes vous, par ma verité ! Vous mesmes, en sanglante estraine ! Par le sanc bieu, vecy grant paine ! Qui me paiast, je m'en alasse. (Path. D., c.1456-1469, 106)

Prenons qu'il [en] ait affolé Six ou sept, ou une douzaine, Et mangéz, en sanglante estraine : Vous en estes bien meshaigné ! (Path. D., c.1456-1469, 178)

Avoir male/pute estrenne. Rencontrer un sort funeste.

...ne si ne devent pas estre de la condiction dez Angloys qui tienent que, qui leur fait syreau au lundi, ilz ont male estraine tout au lonc de la sepmaine (Songe verg. S., t.1, 1378, 367)

...et pour ce je pri à Dieu que de malle faucille roillie peus tu avoir le vit coupee, car je sai bien que tu en auras malle estraine a derrainiers, se tu ne vius laisser ta folye. (Man. lang. G., 1396, 74)

'...Monstrez moy ou il se repouse ; Venu ne suis pour aultre chose Que pour trouver ce soudoyant Qui ainsi vous va destruisant. Sachiez qu'il ara mal estraine Ainçois que passe la sepmaine...' (Coudrette, Mélus. R., c.1401-1402, 254)

SATHAN. Tantost g'iray faire assaillir Ceulx [les chrétiens] qui sont en Nichomedie, Et sy vueil bien que l'en leur die Qu'ilz avront une pute estroinne Premier qu'ilz passent la semainne (Myst. st Adr. P., c.1450-1485, 140)

Avoir pauvre estrenne. Être malheureux.

J'ai povre estrine a ce matin, D'anoi tous li corps me tressue, Quant je voi que verde herbe sue Sanc vermel qui issi de vous. (Froiss., Pris. am. F., 1372-1373, 88)

[Dans une formule de malédiction]

...en leur disant et criant qu'ilz auroient male estraine ou moz en substance, en faisant grant noise. (Chancell. Henri VI, L., t.2, 1432, 199)

Que male estrenne vous doint Dieulx ! (Myst. st Sébast. M., c.1450-1500, 122)

Madame, pour veoir quelz gens c'estoient (...) toute quoye avec ses gens les actendit, et quant ses gens recognurent que c'estoit le seigneur de Saintré, 'Dieu,' dist elle, 'vous mecte tous et toutes en male estrainne ! Faut il que pour un homme vous ainsin desvoyer ?...' (La Sale, J.S., 1456, 273)

Soit de tous nous enchrachez ! Que Dieu lui doint hui mal estrainne ! Je croy qu'il n'a plus la pel saine. (Myst. Pass. Amb. R., c.1474-1500, 53)

Dieu leur envoie mal estraine ! (Myst. Pass. Troyes B., a.1482, 456)

B. -Cadeau que l'on offre, souvent au début de qqc. (un cycle, un état...), en signe de bon présage.

1.[Au premier jour de l'an]

...ouquel chapitre monseigneur saint Augustin si repreuve grandement ceulx qui donnent et qui prengnent lez estraignes du primier jour de l'an ; et vaudret trop miex que, se aucun estoit enclyn de donner ou de prendre, que il donast ou preïst par un jour ou par plusieurs, devant le primier jour de l'an ou aprés, pour si grant pechié eschiver (Songe verg. S., t.1, 1378, 366)

Ce jour de l'an que l'on doit faire estraine, De cuer, de corps, de vouloir, de pensee Vous faiz present, ma dame souveraine (Garenc., Poésies N., 1400-1415, 5)

À Jehan Monart, dit Pitou, Pierre du Puy, Bernart de Thil, Arnoulet Wufflet, orfevre, et plusieurs autres, la somme de huit vins ung frans que mondit seigneur leur a donnez pour avoir apporté à mondit seigneur plusieurs estraines du premier jour de l'an derrain passé (Comptes Etat bourg. M.F., t.1, 1419, 54)

...ung annel d'or, esmaillé et garny d'un gros dyamant à façon d'escusson que MdS a donné et envoyé à madame de Clèves, sa seur, pour ses estraines ledit premier jour de l'an (Comptes Lille L., t.1, 1432-1433, 324)

Quelles estraynes faictes vous tous les ans superflues ? (Juv. Urs., Verba, 1452, 283)

[Dans un cont. métaph.]

Mort sur les piez, faingnant d'avoir plaisir Et estrenné de doloreuse estraine, Ce jour de l'an renouvelle ma paine Ou par trop craindre ou par trop hault choisir. (Chart., R. Bal., c.1410-1425, 376)

2.[Le jour d'un mariage]

Donner qqc. en estrennes de mariage

...lesquelles [tasses] il a fait pranre et acheter de lui ledit pris et donné par madicte dame la duchesse et madame de Guienne à la femme Jehan de Veaulx, son varlet de chambre, en estraingnes de son mariage (Comptes Etat bourg. M.F., t.2, 1418, 148)

3.[En d'autres circonstances]

De prieres mes estrenes seront : Dieu doint a ceulx qui me conforteront Bon jour, bon an et la tresbonne estraine. (Régn., F.A., 1432-c.1465, 122)

Car je scay bien je n'ay denier ne maille, Et par ainsi par faulte de cliquaille Mes estraines par ce point cesseront, Pour ceste fois ainsi se passeront. (Régn., F.A., 1432-c.1465, 122)

Et quant la feste de Noël fut venue (...) et que les dames eurent leurs estrennes, et Madame choisy la sienne, qui fut le maindre de tous les rubis. (La Sale, J.S., 1456, 74)

Par ironie. Coup.

(Or parle SEINT PIERRE es Juis.) Segnieurs, que volés a mon mestre ? Le mes tornés, s'i puet estre. Encor porte secte espee, Bien pouray donné estrene ! A sscy ribaut oteray l'oreylie, Certe, tel cop li balieray Que l'oreylie li oteray (Pass. Autun Roman F., c.1400-1500, 182)

Combat.

Alons nous enbuchier dedens aucun destour Si leur ferons dommaige a l'estraine magour, Car de leur bienvenue payer est ma vigour ! (Renaut Mont. B.N. V., c.1350-1400, 361)

[À propos d'un coup donné] À estrenne. En cadeau.

SATHAN. (...) Fiers de la, je ferray de ça. Hu ! ha ! bouf ! nif ! Tien : pren cela, C'est a estraine. (Mir. st Guill., c.1347, 44)

C. -Commencement, début (de qqc.).

1.Début de l'an.

Cuidiés-vous que soudans m'ait mis en le saisine De son peuple garder (...) Pour r'aler deviers luy, sans atendre l'estrine (God. Bouillon R., t.2, c.1356, 162)

...se du vo me donnéz a l'estrinne, Je le vous meriray, chiertes, a brief thiermine. (Flor. Rome W., c.1330-1400, 222)

Début de la journée.

Bonne affaire dès le début de qqc..

Si faict il beau aller par champs ; Je croy, a la foyre prochaine, Que point ne serons si meschans Qu'il ne nous vienne quelque estraine. (Myst. Viel test. R., t.3, c.1450, 2)

Première vente de la journée.

LE DRAPPIER. Et, par saint Jaques, je ne fais Guares aultre chose que boire ! Je iray, mais il fait mal d'acroire, Ce sçavez vous bien, a l'estraine. PATHELIN. Souffist il se je vous estraine D'escus d'or, non pas de monnoye ? (Path. D., c.1456-1469, 76)

2.Commencement, début d'une entreprise.

Premier usage que l'on fait de quelque chose.

La premiere estrenne

LE PREMIER MALADE. C'est fait. J'ai veu la motion De l'eaue de ceste pechine. LE IIe MALADE. J'en aray la premiere estrine, Se je puis pour estre gary. (Marcadé, Myst. Pass. Arras R., a.1440, 93)

3.Par métonymie. Redevance (sans doute payable au début d'une période).

...et aussi lui est deu par reson du tout reliefs, estrennes et les aides coustumières, quant les cas s'ofrent, avec service de prévosté. (Cartul. Hôtel-Dieu Cout. L., 1414, 231)

Remarque : Cf. DU CANGE III, 324a, s.v. estrena et LA CURNE VI, 114 s.v. estrenne.

D. -Par métonymie. Bijou.

...les 6 estraines, deux verges et une chenecte d'or sont à 19 caratz et poisent une once, 7 gros ung denier et reviennent à une once et demye neuf grains d'or fin. Et les deux chaynes d'or, dont l'une a 24 chaynons et l'autre 21, sont à 20 caratz et demy et poisent 3 marcs 4 onces 4 gros, qui reviennent à 3 marcs 8 deniers 6 grains d'or fin. (Aff. Jacques Coeur M., 1453-1457, 35)

...plusieurs estraines de plusieurs sortes d'argent, les unes dorées et les autres noir (Aff. Jacques Coeur M., 1453-1457, 59)

...à luy quatre enseignes, des estraines d'argent, ung petit heaume d'argent, deux boillons de salade et huit petitz cloz de sainture (Aff. Jacques Coeur M., 1453-1457, 636)

ÉTRENNE