ESPOUSAILLES

substantif féminin pluriel

[T-L : esposaille ; GDC : espousaille ; AND : espusaille ; DECT : esposaille ; FEW (XII, 210a) : sponsalia ; TLF (VIII, 34a) : épousailles]

A. -Célébration du mariage, noces.

Et devoient retourner à Cambrai toutes ces parties, pour faire le solempnité des espousailles, as octaves de Pasques l'an de grace mille trois cens quatre vins et chiunc. (Froiss., Chron. R., XI, c.1375-1400, 191)

...je dy qu'il vint pour espousailles par aliance de mariage traitter. (Mir. fille roy, c.1379, 7)

Item, pour la lettre d'espousailles prinse de l'office de Paris, X s. (Reg. crim. Chât., I, 1389-1392, 117)

...et, en après ce qu'il fu retourné, eulx espouserent li uns l'autre, et, lesdittes espousailles faites, sondit mary mena elle qui parle demourer avec lui en son hostel à Guerart, ouquel ilz ont demouré continuelment puis quatre ans aura à Noël prouchainement venant ; et icelles espousailles firent en l'eglise de Saint-Pere aus Beufs, en la Cité, d'un commun assentement (...) et ausquelles espousailles furent plusieurs personnes de bien (Reg. crim. Chât., II, 1389-1392, 316)

Et quant ilz orent une piece parlé d'unes choses et d'autres, Remondin vint devant le conte, et s'agenoilla et lui dist : Chiers sires, je vous prie, sur tous les services que je vous pourroye jamais faire, qu'il vous plaise a moy faire tant d'onnour que de venir lundi a mes espousailles a la Fontaine de Soif, et y veulliez admener vostre mere et de vostre baronnie. (Arras, c.1392-1393, 36)

Pour neant n'est pas en la beneisson des espousailles ramenteue ceste parole : Sit amabilis ut Rachel viro, prudens ut Sarra, sapiens ut Rebecqua (Ménagier Paris B.F., c.1392-1394, 67)

Et furent les noces faites en la Salle a Valenchiennes ; et i ot as espousailles grandes festes et solempneles, et grant fuisson de signeurs. (Froiss., Chron. D., p.1400, 267)

...et n'i avoit riens espargniet de cambres, d'abis, de rices jeuiauls, pour donner au jour des espousailles. (Froiss., Chron. D., p.1400, 805)

Sur la provision requise par le curé de Chalemol, à cause des funerailles et beneissons de noces et d'espousailles à l'encontre de ses parroissiens (Baye, I, 1400-1410, 166)

...monseigneur luy donna [un diamant] le jour de ses espousailles (C.n.n., c.1456-1467, 44)

Il est de coustume que, au saillir des espousailles, les amis de l'espousée la prenent (C.n.n., c.1456-1467, 339)

...ung offrois à champ d'or, garni d'apostres à chapperon, des espousalles Nostre Damme. (Comptes Lille L., t.2, a.1467, 27)

Et, après lesdittez espousailles faictes, le duc de Berry, le conte Dauphin et ses troys freres, enfans de ladicte contesse, allerent assieger ledit Lourdin de Salligny, qui estoit lors audit chasteau dudit Sancerre, pour ce qu'ilz disoient qu'il n'estoit pas assés grant personnaige pour avoir une telle contesse (Le Clerc, Interp. Roye, c.1502, 160)

Faire les espousailles

Nous y ferons les fiançailles Premier, et puis les espousailles Tout en celle heure. (Mir. chan., c.1361, 161)

Vueil que les espousailles face De ma fille et du seneschal (Mir. Rob. Dyable, c.1375, 70)

...pour entrer en la cité de Romme, en laquelle aloient pour icellui Roy couronner comme Empereur, comme à intencion de consommer et parfurnir ce qui estoit commenchié et preparé de l'aliance du mariage qui de long temps avoient esté commencez entre ledit Roy et icelle dame, et par nostre saint Père le Pappe estre faicte les espouzailes (Escouchy, Chron. B., t.1, c.1453-1460, 340)

Le mariage (dans sa légitimité).

Car, comme dit est, yceulx ministres ont laissé les espousalles, maiz ilz ont repris les illegittimes, vaguez et dissoluez luxures. (Chart., L. Esp., c.1429-1430, 177)

B. -Promesse de mariage, fiançailles.

On demande la voulenté de la pucelle non pas des espousailles, car de che elle se actend au jugement de ses parens (Daudin, De la erudition H., c.1360-1380, 403)

Fermaulx sont bailliez et portés en espousailles en demoustrant qu'ilz fichent le coeur en amour de foy de loyaulté et de vraye promesse et de loyalle partye faire de corps et de biens. (Best. hérald. H.E., c.1435-1450, 504)

Le mariage est initié et commencé par espousailles, expressé par le consentement des paroles, ratiffié par les paroles de present et parfait et consommé par copule charnele et habitation. (Sacr. mar., c.1477-1481, 44)

...car se devant sept ans les espousailles sont contrais, ilz ne sont jugiéz de aucun moment, ne baillent aucun empeschement, se n'est que ceulz qui sont contrais ensemble par mariage appreuvent les espousailles. Et se les espousailles n'ont pas tenu, car ilz ne sont pas de droit, mais de fait, ilz sont tant seulement contrais. (Sacr. mar., c.1477-1481, 72)

ÉPOUSAILLES