ESMEUTE

substantif féminin

[T-L : esmuete ; GD : esmote ; GDC : esmote ; FEW (III, 300b) : exmovere ; TLF (VII, 927a) : émeute]

A. -Esmeute (de qqc.). Mise en branle (de qqc.).

Il argue, il sout et conclut Et de tel drap fait souvent clut Que qui li diroit que pas n'est De tel couleur, tost seroit prest De tencier et de fulminer Et de faire foudre voler, (Tost) feroit croullement de terre Et (une) esmuete de tonnerre. (Guill. Digull., Pèler. vie hum. S., c.1330-1331, 244)

Et n'a gueres que ce qui n'avoit oncques esté debatu est venu avant par si grant esmeute (Chr. Piz., Déb. R. Rose H., 1401-1402, 149)

Et pour l'esmeute de ceste saillie les gens du duc Baudouyn se gecterent dedans les fossez et donnerent l'assault tellement qu'ilz entrerent dedans (Bueil, II, 1461-1466, 112)

Du grant traveil, sens et diligence que employa en sa personne le Roy des Rommains à pacifier ung different et grant esmeute de gherre commencée entre les princes de la maison de Baviere (La Marche, Mém., I, c.1470, 6)

B. -Par analogie.

1.Trouble, émotion, effervescence.

Et n'a gueres que ce qui n'avoit oncques esté debatu est venu avant par si grant esmeute : et si n'est ce pas article de foy ; aussy n'est cecy : si en croie chascun ce qui luy plaist le mieulx qu'i pourra (Chr. Piz., Déb. R. Rose H., 1401-1402, 149)

2.Soulèvement populaire.

...le XXIIIIe jour de may, sceoit li contez de Flandres, en l'enclostre Saint-Martin d'Ipre, se enqueste par se seignerie sour le fait fait sour Jehan le Prisenare, adont bailliu d'Ipre, qui par le communauté de le ville d'Ypre fu boutez et fait salir hors du beffroy, de le fenestre de le trésorie, dedens les 2 ans des esmeutez en l'an LXI. (Hist. industr. drapière Flandre E.P., t.3, 1364, 787)

Et des insurrections, esmeutez ou conspirations les unes sunt faictes as corps de ceulz qui tiennent le princey et les autres au princey ou contre le princey. (Oresme, Pol. Arist. M., c.1372-1374, 236)

Durant lequel temps, le chancelier, les présidens de parlement et autres sages en grant nombre, voians icelle esmeute, pour concorder iceulx princes et éviter le grant péril qui s'en povoit ensuivir, tantost s'en alèrent à l'hostel d'Anjou devers les princes dessusdiz, et conséquemment après envoièrent devers ledit duc d'Orléans certain message pour lui signifier la commocion qui estoit dedens Paris (Monstrelet, Chron. D.-A., t.1, c.1425-1440, 124)

Et pareillement se partirent de la ville de Paris plusieurs autres notables personnes pour la crainte des émeutes dessusdictes. (Monstrelet, Chron. D.-A., t.2, c.1425-1440, 361)

En ce temps, se resmeurent ceulx de la ville de Tournay, et se mirent en armes l'ung contre l'autre à bannière déployée. Et fut la cause de ceste esmuette pour ce que la communaulté doubtoit que les seigneurs de Moy et de Conflans, qui estoient en leur ville et avoient grand audience, ne leur baillassent garnison plus puissant d'eulx. Nientmoins, soubdainement ilz se rapaisèrent sans cop férir. Et assez tost après, se départirent les seigneurs dessusdiz de ladicte ville de Tournay, doubtans la fureur d'icelui commun. (Monstrelet, Chron. D.-A., t.4, c.1444-1453, 174)

...et, ce voyant, les seigneurs qui estoyent en hault, qui jà avoient ouy messe, et les serviteurs qui estoyent avec eulx, lesquelz par les fenestres veoyent l'esmeutte de la ville, et Jacques de Pacis avec autres, emmy la place devant ledit palays, lesquelz cryoient Libertà ! (Comm., II, 1489-1491, 270)

3.Querelle, dispute.

Et le dict seigneur, meu de bon vouloir pour eviter esclandre, discension et esmeute entre les Allemans et ceulx de Romme (...), il fut advisé que les dictz Allemans seroient logés au palais du Tertre, ou es environs. (La Vigne, V.N., p.1495, 270)

ÉMEUTE