ESCHEVIN

substantif masculin

[T-L : eschevin ; GDC : eschevin ; AND : eskevin ; DECT : eschevin ; FEW (XVII, 94b) : *skapin ; TLF (VII, 644a) : échevin]

Magistrat municipal (gén. des villes du Nord), assistant le maire ou le prévôt, exerçant notamment des fonctions de juge, échevin.

Et ensement nous, esquevin et coerier de Poperinghe devant nommé, pour nous, le dicte ville de Poperinghe et les singulères persones d'yceli, avons mis nos saieus à ches présentes lettres (Hist. industr. drapière Flandre E.P., t.3, 1330-1331, 119)

...se aucuns bourgois ou bourgoises de nostre dicte ville ou leur enfant estant de la condicion dessus dicte sont bany par jugement des diz eschevins ou de autre juge competent ou justicié à mort pour cas de crieme (Hist. dr. munic. E., t.1, 1335, 324)

La fut le chastellain qui gardoit l'eritaige, Et le maistre eschevin de droit eschevinaige Qu'Ernault avoit mandé (Hern. Beaul. D.B., c.1350-1400, 42)

Quant le chastellain oyt Robastre ainsi parler Devant les eschevins le va tantost mener (Hern. Beaul. D.B., c.1350-1400, 68)

...les esquevins d'une ville (Oresme, Pol. Arist. M., c.1372-1374, 58)

Adonc entra li contes de Montfort en le cité de Rennes (...) Et fist le pais et l'acord entre les grans bourgois et les communs ; puis establi baillieu, prevost, eskievins, sergans et tous aultres officiiers. (Froiss., Chron. L., II, c.1375-1400, 96)

En la ville de Londres avoecques le maieur a douse eschevins. (Froiss., Chron. R., X, c.1375-1400, 110)

...nous commandons que les bailliz, maires et eschevins, prevosts et autres justiciers de nostre duchié reçoivent noz commandemens reverenment et devotement et les mettent diligemment à execucion, se il n'ont cause leal et vraye par leurs seremens par quoy ilz ne le doivent faire, laquelle se il ont, ilz restitueront les lettres à ceulx qui les leur porteront, ou les transcrips soubz leurs seaulx (Cout. bourg. glosé P.M., c.1380-1400, 72)

...esquelles villes je ai maieur et III eschevins fautaules, qui ont et doivent avoir la congnoissance, court et juridiction de tous cas et de toutes choses quelconques qui aviengnent en icellez villes, ban et terroir ; desquels III eschevins, l'un demeure et doibt demourer et avoir sa residence en ladite ville de Tendrecourt, lequel puest et li loit de faire tous adjournemens ; arrestz, saisines, prinzes et autres explois judiciaires audit lieu de Tendrecourt, en l'absence de mon maieur ou de mon sergant fautable ; et puet valoir madicte mairie pour an, à crois et à descrois, en menus explois, la somme de VIII livres tournois, ou environ (Trés. Reth. S.L., t.2, 1408, 566)

...de cascune ville (...) Y ot hommes de loy, eschevins apiellés, Afin, s'aucuns Flamens fust en riens desrieulés, Qu'il fust selon le cas corigiés et blamés. (Geste ducs Bourg. K., c.1410-1419, 434)

Et pour ce furent mandez le doien de Paris et l'official, le Prevost des Marchans et eschevins de Paris, qui, venus, louerent ce. (Baye, II, 1411-1417, 86)

Ce jour, vindrent en la Chambre de Parlement le lieutenant du prevost de Paris, les prevost des marchans, eschevins et autres officiers du Roy et habitans de la ville de Paris (Fauq., I, 1417-1420, 45)

À maistre Etienne Basan, licencié en lois, Girart de Cirey, Perrenot Guillemote, Jacot Coulon, eschevins et gouverneurs de la ville de Dole, et eulx faisans fors prennans en main pour tous les autres habitans de ladicte ville de Dole, la somme de 240 frans que mondit seigneur leur devoit (Comptes Etat bourg. M.F., t.1, 1419, 93)

Des eschevins et communité de la ville de Lille, à cause de l'ayde qu'ilz avoient nagaires octroyé et accordé à monseigneur pour le fait de la guerre et pour le voyage qu'il entendoit lors briefment faire devers le roy nostre sire, la somme de trois cens escuz (Comptes Etat bourg. M.F., t.1, 1420, 240)

Des hoirs feu Jehan Hallé, pour une bove ou logette assise en la rue de l'Escorcherie, à l'opposite de la Grant [Yraigné], laquelle est enclavée de toutes pars en l'ostel du Cygne, en laquelle les Prevost des marchands et eschevins souloient faire leurs prisons (Comptes Paris V.L.D., t.1, 1424-1425, 7)

Et, ainsi acompaigné que dit est, fut ledit Hardi envoyé à Paris pour estre delivré au prevost des marchans et eschevins de ladicte ville. (Roye, Chron. scand., I, 1460-1483, 305)

On ne font rien pour ung .XVIe. en une ville pour avoir reclain. Jugement don segneur Albert Boullai d'une pairt, et de Jehan, son frere, et de Isaibellat Blainchairt d'autre pairt, que dit que, pués que li sire Albert Bollai ait le.XVIe. en ville d'Aiei et de T[r]emerei, n'ait mie ledit segneur Albert a faire ledit eschevin ou a faire maiour. (Jug. maître-échev. Metz S.M.S., t.1, a.1494 [1365], 420)

LE MAIRE. A luy, sans poinct estre muable, J'ay de pieça m'amour donnee. (...) PREMIER ESCHEVIN. A luy je m'areste et me fonde, A luy ma voix du tout s'ordonne (La Vigne, S.M., 1496, 400)

Et devez sçavoir que ledit grant maistre, qui estoit lieutenant general du roy, fist advertir ceulx de laditte ville d'Amyens qu'il estoit d'oppinion qu'ilz envoyassent unes lettres qu'il leur avoit escriptes, après qu'il eut eu la seureté des mayeurs et eschevins de ladite ville, et mesmement de maistre Jehan du Courroy et plusieurs grans personnages qui menoient ceste espousée au moustier (Le Clerc, Interp. Roye, c.1502, 256)

ÉCHEVIN