VILAINEMENT

adverbe

[T-L : vilainvilainement ; GDC : vilainement ; DECT : vilainement ; FEW (XIV, 453b) : villanus ; TLF (XVI, 1150a) : vilainvilainement]

A. -De façon laide, repoussante.

En l'an de grace Nostre Signour mille .CCCXLIX., alerent li penant et issirent premierement d'Alemagne et furent honmes liquel faisoient penitances publiques, et se batoient d'escorgies a neus durs de quir farsis de petites pointeletes de fier. Et se faisoient li auqun entre deus espaules sainier moult vilainnement ; (Froiss., Chron. D., p.1400, 894)

B. -De façon vile, déshonorante, honteuse.

Mais quant il ont tuit debatu Le don de toute leur vertu Et il ont l'amant villené Villeinnement et ramposné Et despité par leur envie Com villeins pleins de villenie, Sachiez que ces sis damoiselles, Qui sont juenes, gentis et belles, Sont champions et advocas Pour l'amant qui est si trés mas Qu'il est de toute doleur pleins Pour la doubtance des villeins. (Mach., D. verg., a.1340, 43)

Trop as mespris vilainement (Mir. nonne, 1345, 343)

Et quant cis os fu bien logiés Et cis fors chastiaus assegiés, Lors venirent au roy nouveles Qui ne furent bonnes ne belles, A sa personne seulement, Contre s'onneur villeinnement ; Car c'estoit grant descouvenue ; Mais encor n'estoit avenue Chose pour lui deshonnourer Qui bien ne peüst demourer. (Mach., D. Aler., a.1349, 314)

...pur ceo ne me doie jeo, ne me voille, excuser de temps de mayntesnant, mes bien conoistre qe jeo suit mult vileynement ore entecché de ceo meismes pecché (Henri Lanc., Seyntz medicines A., 1354, 16)

Perceval, vous savez comment Florimons de gage m'apelle, Qui est mervilleuse nouvelle Et pleinne de moult grant desroy, C'uns chevaliers appelle un roy. Il mesprent si villeinnement Et si tres orguilleusement, Que c'est la rien qui plus m'anoie, Comment que confortez en soie. De riens ne li croist vasselages, Eins est folie et grans outrages De mettre en tel lettre s'estude. (Mach., P. Alex., p.1369, 234)

Et a tous ceulz ici une chose leur est commune, c'est assavoir, laide gaaigne ou gaaingnier vilainement et laidement (Oresme, E.A., c.1370, 240)

...mais mesdisans grevé M'ont envers li, qu'en li a tant d'avis, De bien, d'onneur, de savoir Que mon pouoir sceüst bien concevoir. Et nonpourquant, se s'amour pers einsi, Onques n'ama qui pour si po hay. Et s'aucuns ont vileinnement parlé À li de moy, je les met tous au pis Qu'onques vers li feïsse fausseté N'envers autrui, n'il ne doit leurs faus dis Tost croire ne li mouvoir, Eins doit avant la verité savoir. (Mach., Bal., 1377, 551)

Et lors senty descendre sur lui, aussi dru que pluie chiet du ciel, coups et horions d'un costé et d'autre, et fu moult defroissiez de coupz orbes, et puis fu tirez moult vilainement hors de la forteresse, et traynez tout hors de la barriere, et la fu laissiez. (Arras, c.1392-1393, 306)

Qui commence sans perseverer, il chasse hors vilainement et honteusement misericorde de son temple espirituel. (Gers., Purif., 1396-1397, 64)

...lequel fut cause de la mort du roy Andrieu, son mary [de Jeanne Ire d'Anjou] ; et pour ce villainement finist. (La Sale, Salade, c.1442-1444, 202)

...et comment il avoit du roy mal parlé durant ce qu'il avoit esté et soy porté son ennemy, et fait plusieurs grans et enormes maulx à ses villes, pays et subgetz, comme mareschal de Bourgongne pour le duc dudit lieu, et comment villainement et honteusement il avoit esté prins prisonnier par les gens du roy, qui pour lui estoient en armes oudit pays de Bourgongne, soubz la charge de monseigneur le duc de Bourbonnoys, et par ledit de Roussy baillée sa foy au seigneur de Combronde (Roye, Chron. scand., I, 1460-1483, 354)

Ne m'alés point (i)cy essuyant, Mort bieu, c'est villainement fait, Monstrés moy bien tost vostre fait, Car j'ay bien autre chose affaire. (Sav. serg. D.L., c.1480-1490, 31)

...fut en ce temps en Hugarie à la journée qui fut oultre le Danubbe, où furent les Turcqs villainement et honteusement deffaiz (Simon De Phares, Astrol., c.1494-1498, f° 156 v°)

...ils se parjurerent Et ne tindrent leur grant accord parfait ; Qui fut a eulx tres vilaynement fait. (La Vigne, V.N., p.1495, 241)

De manière humiliante.

Et s'il avient Que tu prengnes tes anemis, Ne soient plus ferus ne mis Villeinnement, mais a franchise Te conseille, sans couvoitise, Si qu'homs ne puist apercevoir Que tu ne faces ton devoir, Car contre honneur fait et mesprent Qui leur meffait, puis qu'il les prent. (Mach., C. ami, 1357, 112)

...chil qui en retournoient, n'en savoient point parler bien proprement, et disoient li auqun en requoi que Vennes avoit esté perdue par simplece et povre garde et negligense de mesire Olivier de Cliçon et de mesire Hervi de Lion. Et tant monterent les murmurations que li doi chevalier en furent enfourmé ; et leur fu dit de ceuls qui les amoient que la vois dou pais parloit vilainnement sus lor partie. (Froiss., Chron. D., p.1400, 573)

Horriblement, cruellement.

Ou assez tost voir me diront, Ou il questionnez seront Vilainement. (Mir. femme, 1368, 202)

Là avoit il Venitiens Et pluseurs autres Crestiens Qui furent pris et enserré, Feru, batu et aterré Des Sarrazins villeinement, Et traitié moult honteusement, Non contrestant la marchandise Qui avoit là moult grant franchise. (Mach., P. Alex., p.1369, 115)

Mais ne fu pas à la bonne heure, Qu'il et sa gent furent blecié Et villainnement rachacié, De trait fu bleciez en la main ; Et messire Jehans Sovain Y fu bleciés par mi le pié D'une sajette ou d'un espié. (Mach., P. Alex., p.1369, 147)

Les nouvelles vindrent au roy de Castille, et luy fut ainsi dit que les gens de messire Guillaume de Lingnach et messire Gauthier de Pasach avoient courut et pillié et robée la bonne ville de Saint-Fagon, et occis les chitoiens bien par nombre de IIIIc., et puis bouté le feu en la ville ; et lui fut encoires dit que, se les Anglois l'eussent conquis de fait ou par assault, ilz ne l'eussent point si villainement atournée comme elle estoit. (Froiss., Chron. M., XIV, c.1375-1400, 131)

...celles Qui de riens li contredisoient En l'eure batues estoient Et navrées vilainement. (Mir. Pierre Changeur, c.1378, 245)

Ha ! messire Hervi ! messire Hervi ! mon adversaire, Phelippe de Valois a monstré sa felonnie trop crueusement qant li a fait morir vilainnement tels chevaliers que le signeur de Cliçon et tels et tels - et li nonma par noms, ensi conme il en estoit enfourmés - (Froiss., Chron. D., p.1400, 598)

C'est la plus propre mort de quoy tirans doivent mourir que de les occire vilainement par bonne cautelle, aguetz et espiemens. (Doc. 1408. In : MONSTRELET, Chron. D.-A., t.1, c.1425-1440, 217)

Voir aussi vilement