VERGOGNE

substantif féminin

[T-L : vergoigne ; GD : vergoigne ; GDC : vergoigne ; DECT : vergoigne ; FEW (XIV, 280b) : verecundia ; TLF (XVI, 1020b) : vergogne]

A. -Retenue, pudeur.

Et telz sont pires que les autres dessus diz, en tant car il ne font pas ce pour cause de vergoingne ne pour paour de vitupere ou pour fuir laidure (Oresme, E.A., c.1370, 211)

Et, quant vient a l'inonction, la robe de la royne doit estre nouelee par devant, et pour la vergoingne femenine elle ne doit mie estre despoillee (Jean Golein, Rational B.D., c.1370-1372, 699)

...mais doibt tousiours estre gardée sainte vergoigne, tremeur, paour et doubte avecq la confiance de sa benignité (Gers., Montagne contempl. G., 1400, 44)

...quant une dame de haulte renommee vint a l'encontre de ses enfans qui d'une bataille s'enfuyoient et pour confundre leur vituperable honte et lacheté laissa la commune vergoigne feminine, car elle se descouvry par devant en leur disant, puis que fouir vouloient, qu'ilz rentrassent ou ventre qui les avoit portez (Chart., Q. inv., 1422, 61)

Et pour ce dist Aristote (...) que Vergongne (...) n'est pas vertu ; mais a parler de Vergongne en ceste maniere ne la print pas pour vice, ains la prent pour paour de reproche et de reprehencion ou de estre repris de aulcun meffait. Et c'est ce que on appelle communement homte (La Sale, Sale D., 1451, 197)

...sy ne fust il [Jules César] oncques si espouvris qu'il ne lui souvenist de honnesteté et qu'il ne servist a vergongne (La Sale, Sale D., 1451, 198)

Sans (aucune) vergogne

...pour lesquelles viles corruptions cestui royaume est remply de malediction et diffamacion, voire pour orgueil, ambicion et avarice, qui sans vergoigne (...) par tout vont commandant. (Mézières, Songe vieil pèl. C., t.1, c.1386-1389, 506)

...ladicte Blanche, durant le temps qu'elle a esté mariée avec Flavy, excepté de sa personne, s'est gouvernée bien petitement, car estoit fort sur sa bouche, et mesmement au regart de boire ; et souvent, elle estant à table, quant avoit bien beu, elle retenoit du vin en sa bouche et le gectoit ès visaiges de ceulx qui estoient presens, et après aloit pisser comme ung homme contre ung mur, toute debout, sans aucune vergoigne (Escouchy, Chron. B., t.3, Pièces justif., 1440-1461, 348)

Avoir vergogne de + inf. Avoir scrupule de.

Item, il est puissant de donner et a vergoigne de recevoir. (Oresme, E.A.C., c.1370, 254)

... [ils] disoient à lui qui parle qu'ilz auroient grant vergoigne de le vendre [l'argent fondu] pour l'estat de leurs personnes, et, pour ce, le li baillerent (Reg. crim. Chât., II, 1389-1392, 397)

Se donner vergogne de + inf. Avoir scrupule de.

Et pourtant tu ne redoubte point de lui faire grant injurez ne tu ne te donne vergoigne de lui desplaire, quant sa singuliere amour tu mesprise (Crap., Cur Deus, De arrha B.H., c.1450-1460, 263)

B. -Honte, vergogne ; comportement honteux.

Car Dangier orguilleusement Respont et despiteusement Tout premiers que celle requeste N'est bonne, belle, ne honneste, Eins est outrages et folie ; Et dit que moult bien emploiie Seroit une trés grant vergoingne A celui qui point ne ressoingne Si haute joie a demander Com celle qu'il devroit garder ; Et moult est ore outrecuidiez, Quant il est de lui tant cuidiez Que tels cuide estre et tant valoir Com pour la joie recevoir. (Mach., D. verg., a.1340, 40)

...ce signifie la vergoingne des disciples qui s'enfuient et le laissierent au besoing (Jean Golein, Rational B.D., c.1370-1372, 455)

Li rois leur avoit bien dit que ... hontes et virgongne li seroit, s'il s'en retournoit sans avoir fait partie de sen emprise (Froiss., Chron. L., I, c.1375-1400, 144)

Li dus Loeis de Bourbon, qui sentoit ... comment Hortingo... et Bernars de la Salle tenoient son chastiel de Belleperce et madame sa mère dedens, se li tournoit à grant desplaisance et virgongne, s'avisa que il... venroit mettre le siège par devant le dit chastiel (Froiss., Chron. L., VII, c.1375-1400, 213)

Et dissoient entre iaulx li pluiseur... que ce estoit grans blasmes et grant virgongne , quant on ne les combatoit (Froiss., Chron. R., IX, c.1375-1400, 275)

Mais le roy dit que 'grant vergongne Lui seroit...' (Chr. Piz., M.F., III, 1400-1403, 117)

Et qu'en l'estour rien fors Dieu ne ressoigne, Mais choisisse, comme pour avantage, Honneste mort plus que vivre en vergoigne (Chart., B. Nobles, c.1424, 400)

Ainsi le fist Lucrece pour oster la vergoingne de sa casteté corrumpue (Chart., L. Esp., c.1429-1430, 19)

M'amye treschere, puisque vostre bonté se veult tant humilier que de moy offrir ce que je n'oseroie requerir sans tresgrand vergoigne, je vous remercie. (C.n.n., c.1456-1467, 546)

Avoir vergogne (de qqc.)

Cuides tu que dame honnourée, Sage, loial et avisée, Prise celui qui s'amour rueve Par mos polis, pleins de contrueve, Et qui, en priant, son langage Farde pour mieus faire le sage, Ou qui la requiert baudement De s'amour, et hardiement ? Certes, nennil ! Ce ne puet estre, Eins laisse tels gens a senestre Com celle qui riens n'i aconte. Mais il n'ont vergongne, ne honte, Ne courrous, s'il sont refusé (Mach., R. Fort., c.1341, 63)

...sy deüssiez d'ores en avant estre homme d'entendement et vous adviser des folies que vous avez faictes et avoir grant vergoigne de ce que vous estes si diffamez (Bérinus, I, c.1350-1370, 19)

Quant Danemons se vist a terre, si ot grant honte et grant vergoigne pour sa gent qui le regardoient, et fu si dolens que plus ne pouoit estre (Bérinus, I, c.1350-1370, 289)

Honte avoir doy bien et vergongne Des grans mesfaiz et des meschiez Que je sui de faire entechiez. (Mir. Rob. Dyable, c.1375, 26)

...et pour la doubte et vergoigne qu'il ot de ce, s'en retourna en son hostel et ès autres besoignes qu'il avoit à faire parmi la ville de Paris. (Reg. crim. Chât., II, 1389-1392, 387)

Lors broche le cheval des esperons après le soudant et lui escrie : Tourne devers moy, ou tu es mort. Mais j'auroye grant vergoingne se je te feroye par derriere. (Arras, c.1392-1393, 230)

Qant li ouvrier orent ouvré un jour, messires Gautiers de Manni, sus l'eure de nonne, entrerent, ils et ses compagnons, en lors nefs, et courirent sus ces ouvriers et lors gardes, et en i ot des mors et des bleciés, et convint de rechief les ouvriers laissier oevre et retourner arriere. Et fu adont tout desfait qanqque fait avoient. Ces debas et ces rihotes reconmençoient casqun jour. Qant li signeur de France veirent ce, si en orent grant virgongne, et i vinrent en la parfin si estofeement et si bien garderent lors ouvriers, que li pons fu fais biaus et fors. (Froiss., Chron. D., p.1400, 660)

LE JUIF. (...) Plusieurs crestiens voy jurer Leur Dieu, mais aussi parjurer Et n'en ont vergongne ne honte, Par faulceté qui les surmonte. (Mir. st Nic. juif, c.1480-1500, 89)

Dire vergogne à qqn. Tenir à qqn des propos honteux, outrageants.

Mon seigneur ont appelé beste, Trop li ont dit lait et vergoingne, Ne cuidez ja que je m'ensoigne D'eux faire lait et honte assez. (Jour Jug. R., c.1380-1400, 234)

Faire vergogne à qqn. Faire honte à qqn.

...et si n'en sont pas dignes quant elles ne scevent garder l'onnesteté de l'estat, non mie seulement d'elles, mais au moins de leurs mariz et de leur lignaige a qui elles font vergoigne (Ménagier Paris B.F., c.1392-1394, 10)

...les philosoffes qui mettent que vertus est la fin de bien et de mal humain : c'est a dire que la fellicité humaine est en estre virtueux, pour faire vergoingne a tous les philosoffes et aultres qui loent les vertus pour estre delectations du corps. (La Sale, Sale D., 1451, 45)

Prendre qqc. en vergogne

Qant mesires Lois de Craneson vei che, si fu si confus que il en entra en merancolie et maladie, et en morut : en si grant virgongne prist il ce que son signeur li dus de Braibant l'avoit fait mençonnable. (Froiss., Chron. D., p.1400, 319)

Et qant messires Hervis de Lion vint en sa presence, il l'en blama et reprist aigrement de crueuses paroles, et tant que messires Hervis s'en merancolia et prist les paroles en grant virgongne et desplaisance. (Froiss., Chron. D., p.1400, 498)

[Dans une formule de salutation]

Grimance, Dieu te gart de vergoignhe, Et vous, dame Malembouschee ! (Pass. Auv., 1477, 177)

Proverbe.

... le proverbe que on dit est vray, que vieux pechié fait la vergoingne nouvelle. (Arras, c.1392-1393, 59)

C. -Par métonymie. Parties honteuses, sexe.

Trestous y vont nus, hommes et femes, et ne portent fors une touaille, de quoy il queuvrent leur virgoingne. (Jean Le Long, Voy. Odoric A.M., 1351, 33)