VESTIR

verbe

[T-L : vestir ; GD : vestir1, vestir2 ; GDC : vestir ; DECT : vestir ; FEW (XIV, 351b) : vestire ; TLF (XVI, 1084b) : vêtir]

I. -Pourvoir (d'un vêtement / d'un équipement).

A. -Emploi transitif. [Le compl. d'obj. est un obj. interne, désignant un vêtement ou un équipement]

1.Vestir (un vêtement). Mettre (un vêtement) sur soi, le revêtir.

Quant on ot chanté tout attrait, Chascuns ala a son retrait, Qui dut son corset desvestir, Pour le seurcot ouvert vestir. (Mach., R. Fort., c.1341, 144)

Biau filz, vueillez lui enorter Qu'elle face tant (...) Que sa meilleure robe veste (Mir. st J. Cris., c.1344, 256)

Adont dist Avis : 'Ce vaut fait. Or entendez bien tout a fait : Quant aus parties deviser, Se bien vous volez aviser, Elle a vestu une chemise Qui est appellée Franchise Pour secrés amans afranchir Et de Sobreté enrichir En la partie de Silence Parmi l'acort de Congnoissance...' (Mach., J. R. Nav., 1349, 277)

Et si vest rien ['aucune chose, personne'] si orde pel Comme il a (Henri Ferr., Modus et Ratio, Songe pest. T., c.1354-1377, 41)

Or voy que li roy et li conte, Li prince et li duc n'ont pas honte De vestir un povre pourpoint Qui leur est fais trop mal a point. Plus n'en di, qu'il n'apartient mie Que je des seigneurs chose die Qui leur puist ou doie desplaire. (Mach., C. ami, 1357, 130)

[On envoie aux ambassadeurs des robes d'honneur pour se présenter aux audiences suivantes chez le sultan] Cependant li soudans fist faire Robes sarrazines au Quaire Pour eaus et pour toutes leurs gens ; Par X. ou par XIJ. sergens En leur hostés les envoia. Li uns d'eaus très bien les ploia En disant qu'il les vestiroient Quant devant le soudan iroient. Et vraiement c'est la maniere Qu'il donne à chascun robe entiere Qui en message va à li ; N'onques messages n'i failli. (Mach., P. Alex., p.1369, 198)

...auquel Jehan Balet, qui lors avoit vestu un manteau, ledit prisonnier requist qu'il voulsist prester ledit manteau pour un po couvrir ses espaules, et qu'il avoit moult grant froit (Reg. crim. Chât., I, 1389-1392, 177)

Et, pour ce, se leva elle qui parle bien hastivement, vesti une simple cotte et vint au bout des degrez en hault de sadite chambre (Reg. crim. Chât., II, 1389-1392, 508)

Adont vesti mon vestement, Si m'atournay d'un atour simple, Touret de nes je mis et guimple, Pour le vent qui plus grieve a l'ueil En octobre que grant souleil. (Chr. Piz., Chem. estude P., 1402-1403, 30)

...et l'autre [robe] sera d'un fin gris de Monstierviller, qui sera doublé d'un fin blanchet, pour vestir a tous les jours fors quant vous chevaucherez aprés monseigneur le roy (La Sale, J.S., 1456, 58)

Le matin, aprés la messe oÿe, je revins en mon loigeis et vestis vostre cocte d'armes (La Sale, J.S., 1456, 101)

...quand vint au departir, elles vestirent leurs habiz qu'on leur avoit appareillez (C.n.n., c.1456-1467, 374)

Et le roy avoit vestu ung sayon de drap d'or avecques une manteline de satin gris et violet en escharpe et bien sembloit estre acoustré en bon gendarme. (La Vigne, V.N., p.1495, 299)

[Valeur inchoative] Faire un essayage.

...le bon fut quant on le vint querir pour estre au trespas d'elle, qu'il vestoit une robe neuve, et n'y vouloit aller. [La robe n'est pas encore 'mise a point'] (C.n.n., c.1456-1467, 460)

Vestir la haire

Biau filz, pour ce que de pechier N'aiez desoresmais que faire, Vueil j'encore que ceste haire Par dessus vestes. (Mir. st Guill., c.1347, 29)

Si n'en puis attraire Amoureus salaire Pour crier ne braire ; Demourer au Quaire Et vestir la haire Vaudroit miex qu'estre en tel haire. (Mach., Lays, 1377, 438)

Veulx tu doncques vestir la haire Sans plus, (tout) au large de ton ventre ? (C. Riffl., c.1480-1520, 60)

Vestir qqc. (un vêtement) à qqn. Habiller qqn de qqc..

Et puys luy vout ung haubier vestir (JEAN D'OUTREM., Myr. histors G., a.1400, 40)

Il le fault du tout advertir Et premierement luy vestir Robe de pourpre imperialle. (Molinet, Myst. st Quentin C., c.1482, 12)

Ilz luy vestent une robe de mort. (La Vigne, S.M., 1496, 559)

Faire vestir qqc. (un vêtement) à qqn

...et en soy truffant, lui fist vestir une robe blanche (Miélot, Spec. hum. Salv. L.P., 1448, 138)

Vestir + nom de couleur. Mettre un vêtement de cette couleur.

Mais je voy bien que finé sont mi jour, Quant je congnois et voy tout en appert Qu'en lieu de bleu, dame, vous vestez vert. (Mach., L. dames, 1377, 218)

Participe passé.

[D'un vêtement] Porté.

Et se devez estre certeins Que chascuns avoit sarrazine Robe dou soudan, bonne et fine, Bien vestue et bien endossée ; Einsi furent à leur journée Et IIJ. fois la terre baisierent Si com devant, puis s'en alerent Au soudan faire leur requeste. (Mach., P. Alex., p.1369, 199)

Et quant il me vist vostre cocte d'armes vestue, subitement il m'appella, disant : 'Herault que vous estes ou semblant de la cocte d'armes vestue que vous portez, comment est vostre nom ?' (La Sale, J.S., 1456, 101)

J'ay veu de deux royalmes Deux roys contemporains Confesser en leurs ames Haulx mos et souverains De tenir leur couronne Et leur pourpre vestu D'une seule personne, Le grand duc de Vertu. (Molinet, Faictz Dictz D., 1467-1506, 296)

Porter qqc. vestu. Porter qqc.en guise de vêtement.

...par bonne aventure trouvay le roy d'armes d'Anjou (...) et a la cocte d'armes qu'il porte vestue, je cognus que sans cause de quelque fait d'armes ne la portoit (La Sale, J.S., 1456, 103)

...si l'appellay et demanday dont il venoit, et la cause pourquoy il portoit cocte d'armes vestue en ceste vostre court (La Sale, J.S., 1456, 103)

2.Vestir (un équipement, une arme). Se munir de.

Mais maintenant ne le gendarme Soubz bon espoir ne vest point s'arme Pour deffendre vefve et pupil ; Ne aussi... (Rivière, Nef folz D., 1497, 492)

B. -Emploi transitif.

1.Vestir qqn

a)Pourvoir qqn de vêtements, habiller qqn.

...on ne me fait que tarier D'une fille qu'ay marier. Entre les autres la requiert Un homme qui avoir ne quiert Seulement fors que je la veste (Mir. march. juif, c.1377, 183)

...condempné a paier sa moitié de ce que ledit aprentis coupsteroit a vestir (Sent. Chât. Paris M., II, 1395, 472)

Vestir qqn de

...je vous diray en bref la cause pourquoy j'ay vestu ma femme de cest habillement. (C.n.n., c.1456-1467, 323)

Sus, Romain, veulhe le vestir De ses robes doulcement. Mes ouste luy premierement Celle poulple qu'on luy balhé. [Cf. Marc 15, 20] (Pass. Auv., 1477, 175)

Icy le vestent de tous poincts des habitz de l'autel, puis il vient audict autel. (La Vigne, S.M., 1496, 551)

Vestir qqn en habit de qqn. Habiller qqn à la manière de qqn d'autre.

L'evesque et ses chappellains emmaynent sainct Martin en ung eschaffault et le vestent en habit d'acolite. (La Vigne, S.M., 1496, 263)

b)En particulier. Pourvoir qqn de vêtements religieux, en faire un moine, un prêtre.

Il n'est abbaïe si saincte Qui sans lour licence pourvoie Neis .I. clerc, pour bien qu'en li voie, Ne qui ja .I. povre clerc veste Pour bonnes mours a sa requeste, Se tel gent nel veulent conduire. (Tomb. Chartr. W., c.1337-1339, 120)

[Contexte métaph.] ...car l'amant religieux rendu cordelier (...) estoit ja cordelier vestu et avoit fait les veuz de observance d'Amours (...) ...le dit amant fut rendu et vestu de l'abit de l'ordre (MART. D'AUV., Arrêts Am. R., c.1460-1466, 167)

Remarque : V. vestit2.

[Suivi d'un attribut]

...ostez li ses bons draps Et celle croce et celle mittre ; Puis le menez en ce chapitre Ou de verges sera batuz. Dites a l'abbé que vestuz Soit moine (Mir. st J. Cris., c.1344, 297)

Se vestir en religion. Revêtir l'habit de religieux.

A Dieu se sont toutes rendue Et en religion vestue. (Sept péchés C., c.1300-1350 [p.1478], 246)

c)Par métonymie. Fournir des vêtements à qqn ou lui donner les moyens de s'en procurer.

...repaistre les effamez, abruver ceulz qui ont soif, herbergier les pouvres, vestir les nuz (La Sale, J.S., 1456, 39)

À maistre Henriet, chaussetier d'Aix (...) pour XXII cannes et demye de drap pour vestir les XIII pouvres le jour de Pasques (Roi René vie L., 1478, 378)

d)Au figuré. Vestir qqn de (d'une chose abstr.). Revêtir qqn de.

Vestélle ['Vêtez-le'] de compassïon (Jeu Etoile T., c.1400-1500, 101)

2.Par analogie.

a)Vestir qqc. (de qqc.). Recouvrir qqc. (de qqc.).

...16 quevilles qui furent mises au vestir les croix du dit moulin (Doc. 1463. In : Y. Coutant, Terminol. du moulin médiév. dans le comté de Flandre, 1994, 933)

b)Vestir qqc. de qqc. Équiper qqc. de qqc..

Remarque : Y. Coutant, Terminol. du moulin médiév. dans le comté de Flandre, 1994, 933 ('garnir de voiles', doc. 1391 (viestir), 1392, 1474 ; 'garnir (la roue motrice) d'aubes', doc. 1407, 1414).

C. -Emploi intransitif ou pronominal.

1.Se pourvoir de vêtements, mettre ses vêtements, s'habiller.

Dame, vestez vous, par amour. (Mir. abbeesse, 1340, 94)

Lors fui je tantost hors d'esmay, Si me vesti et acesmay Et alumay de la chandeille, Mais j'avoie toudis l'oreille Devers la cheminee a destre Ou il avoit une fenestre Par ou sa parole escoutoie (Mach., F. am., c.1361, 150)

Lors entrouvri une fenestre Pour vir quel heure il pooit estre. Mais il estoit au point dou jour. Si ne fis pas moult lonc sejour, Eins me vesti et m'acesmay. Mon mantel en mon col fermay Et mis mon chapel sus mon chief, Et puis je lus de chief en chief La complainte qu'avoie escripte Pour vir s'il y avoit redite (Mach., F. am., c.1361, 180)

...gardes bien qu'a liée chiére Tantost te vestes et aprestes (Mir. fille roy, c.1379, 103)

À Henry Le Seigneur, escuier (...) la somme de quatre vins dix escuz (...) pour soy aidier à relever d'une maladie (...) et pour soy vestir, monter et armer et habillier, affin d'estre plus hounorablement ou service de mondit seigneur (Comptes Etat bourg. M.F., t.1, 1419, 166)

SAINCT MARTIN. Arriere ung petit fault qu'aillez Tant que mon corps se vestira, Car poinct ne se destourbera Pour moy le service de Dieu. (La Vigne, S.M., 1496, 551)

Mettre d'autres vêtements.

Les IJ. amiraus descendirent Des galées, puis se vestirent Et s'aournerent richement, Et tuit li autre gentement ; De dras de soie se parerent, Et puis haut eu palais monterent. (Mach., P. Alex., p.1369, 124)

Se vestir de

Je m'en vois vestir sanz delay De la meilleur robe que j'ay (Mir. st J. Cris., c.1344, 258)

Einsi le faisoient jadis Li bon qui sunt en paradis, Et se vestoient richement De fins dras, et honnestement. (Mach., C. ami, 1357, 131)

Mais qu'elle meismes se vueille garder en fait et en maintien, laisse tantost son tres deshonneste habit et se veste et affuble de cote large et honneste et fuie les repaires que hanter souloit (Chr. Piz., Trois vertus W.H., c.1405, 213)

Si se vest de nouvelle robe (Courcy, Chem. vaill. D., 1406, 2)

Ma seur, puis qu'avés telle entente D'aler au prophete Jhesus, Vestés vous - et n'actendés plus - De draps humbles en penitence. (Pass. Auv., 1477, 150)

[Contexte métaph.] ...et se vestist D'ambicieux abillemens (Rivière, Nef folz D., 1497, 593)

Se vestir de telle ou telle manière

Et en vestëure, les uns se vestent trop court, les autres trop lonc, les uns trop cointement, les autres trop rudement (Oresme, E.A.C., c.1370, 266)

Auquel lieu de Paris il vendi sondit cheval, se vesti de neuf bien et honnestement, et, en cest estat, se tint long temps sanz rien fere ou ouvrer (Reg. crim. Chât., I, 1389-1392, 60)

Vestir ensemble. S'habiller de la même manière.

Mais leurs gens [des seigneurs] vestent si ensamble Que riens n'i a qui se ressamble, Car li uns est vestus de pers Qui en cuide estre plus apers ; L'autre est entortillié de vert ; Li autres a son corps couvert De camelin ou de fusteinne, De toile ou d'autre drap de leinne (Mach., C. ami, 1357, 131)

2.Revêtir (un équipement).

[Contexte métaph.] Mes fréres, je vous prie, vestez vous de l'armeure de Dieu (Mir. st Val., c.1367, 123)

3.Au figuré. Se revêtir de.

...du fil de Dieu l'incarnacion qui d'umanité se vesti au jour de Noel (Mir. nat. N.S.J.C., c.1343, 207)

D. -Participe passé en emploi adjectival ou substantival.

1.Emploi adjectival.

a)Habillé, couvert de vêtements.

LA ROYNE. (...) Or tost, levez sus, mon seignour, Et si vous vestez sanz demour, Car nous ardons. LE ROY. Ha ! sainte Marie, faisons ? Sa, m'amie, estes vous vestue ? (Mir. femme roy Port., c.1342, 186)

Adont Melyador se drece, Qui estoit vestis et parés (Froiss., Méliad. L., t.2, 1373-1388, 211)

Les cotes (...) De quoi elles furent vesties... (Froiss., Méliad. L., t.3, 1373-1388, 202)

...un homme vestu à guise d'escuier parla audit de Cessieres au devant de la maison d'un potier (Baye, I, 1400-1410, 4)

...comme s'il la voulsist rebaptiser toute nue la fist despoiller ; et creez qu'il ne demoura pas vestu. (C.n.n., c.1456-1467, 103)

Vestu et habillé

...il vint ung gentilhomme qui fist arriere requerre nostre damoiselle bergiere, et la vouloit seulement avoir vestue et habillée comme a son estat appartenoit (C.n.n., c.1456-1467, 359)

Par ironie. Beste vestue. Celui qui n'est rien d'autre qu'une bête, mais vêtue ; homme.

Tu n'es qu'une beste vestue. (Gréban, Pass. J., c.1450, 270)

Fust il homme ou ['ou, si vous préférez'] beste vestue Que une femme ne mestria ? (Alecis, Déb. omme femme P.P., c.1460, 138)

Remarque : F. Bar, Mél. Lecoy, 1973, 11.

(Estre) vestu de. (Être) habillé de.

Mais leurs gens vestent si ensamble Que riens n'i a qui se ressamble, Car li uns est vestus de pers Qui en cuide estre plus apers ; L'autre est entortillié de vert ; Li autres a son corps couvert De camelin ou de fusteinne, De toile ou d'autre drap de leinne (Mach., C. ami, 1357, 131)

Or chevauche li roys de Chipre, Qui n'est pas vestus de drap d'Ipre, Mais d'un drap d'or fait à Damas. (Mach., P. Alex., p.1369, 43)

...De cote de fer vestis (Desch., Oeuvres Q., t.4, c.1370-1407, 2)

Lequel aussi il a aucune fois veu vestu de houpelandes courtes, fourrées d'escurieux (Reg. crim. Chât., I, 1389-1392, 164)

...et estoit vestu d'une cotte hardie noire, longue jusques au-dessoubz du gros de la jambe, et n'est point noulée par devant (Reg. crim. Chât., I, 1389-1392, 464)

Je sui ainsi vestu de noir (Garenc., Poésies N., 1390-1400, 76)

...et seroient vestus tous les clers, conseilliers et officiers dudit Parlement de drap pers, en longues robes et chaperons fourrés, et les lays de drap vermeil. (Fauq., II, 1421-1430, 345)

...XIJ grosses lances, dont les VJ estoient du tout armees et vestues de drap d'argent (La Sale, J.S., 1456, 111)

Vestu + adv. / vestu de telle ou telle manière

Se tu n'iès couchiés et levez, Pingniez, gallandés et lavez, Vestis et chauciez nettement, Einsois es tenus povrement, Po honnourez et po servis Et de ta franchise asservis, Et se ti drapel sont tous rous, Je te pri, n'en moustre courrous (Mach., C. ami, 1357, 62)

Il estoient honnestement De tres fin drap et richement Vestis, fourrez et abilliez. Ne sambloient pas essilliez, Car de si grant magnificence N'estoit il nuls rois, sans doubtance, Ne que on deüst tant amer, Car deça mer ne dela mer Couroit leur bonne renommee Et l'onnesté de leur contree. (Mach., C. ami, 1357, 129)

Puis que conme homme suis vestue, Aler m'en vueil sanz attendue (Mir. Theod., 1357, 86)

Venus y ert par especial, À ceste assamblee roial. Mars, qui est li dieus de bataille, Et la belle Venus, sans faille, Ne s'i estoit pas oubliée ; Eins estoit vestue et parée, Com deesse, royne et dame, En corps, en biens, en cuer, en ame, De tous ceaus qui par amours aiment, Voire et, par Dieu, de ceaus qui n'aiment, Car homs ne li puet eschaper Puis qu'elle le deingne atraper. (Mach., P. Alex., p.1369, 2)

Quant il furent bien consillié, Ne vinrent pas comme essilié, Pour faire leur response au roy, Car moult furent de bon arroy, Parez et vestis cointement, Si bien, si bel, si richement, Comme se fussent duc ou conte. (Mach., P. Alex., p.1369, 48)

...une jeune femme haulte et gresle, bien vestue, ne se recorde de quelle coulour, ne la scet nommer, bien la cognoistroit s'il la veoit, survint en ladite chambre (Reg. crim. Chât., I, 1389-1392, 348)

...il donna pour Dieu à un compaignon qu'il ne cognoist, qui estoit mal vestu. (Reg. crim. Chât., II, 1389-1392, 219)

...il estoit vestis a maniere de pellerin. (JEAN D'OUTREM., Myr. histors G., a.1400, 4)

Et furent tous nuef vestis (JEAN D'OUTREM., Myr. histors G., a.1400, 128)

Tu seras vestus du mieulx que tu pourras (Chev. papegau H., c.1400-1500, 10)

J'ay trop estee vestue Jusques cy, la pouvre dolente ! (Pass. Auv., 1477, 150)

Vestu court / court vestu. En vêtement court.

...et si vont les escoliers court vestus par ville, dagues et cousteaux à la ceincture. (Baye, II, 1411-1417, 222)

Et atant s'en alèrent tous troys, c'est assavoir lesdiz Porret, Bodin et ledit vestu court qui estoit survenu oudit debat (Doc. Poitou G., t.10, 1462, 328)

Vestu long / long vestu. En vêtement long.

...ycellui evesque, seul estant en sadite chambre, lonc vestu (...) lui donna, en la saison de karesme, en un jour de mercredi, tonsure de clerc (Reg. crim. Chât., I, 1389-1392, 94)

Noir vestu. En vêtement noir.

...il a un frere qui est moynes à Conques l'Abbaye, estant à troys lieues prez de ladite tour, lesquelz moynes sont noirs vestus. (Reg. crim. Chât., I, 1389-1392, 254)

Se rendre vestu et nu. Se rendre complètement.

PROSERPINE. (...) Fille de roy suis et noble, combien Qu'a toy me rens, voire vestue et nue. (La Vigne, S.M., 1496, 481)

b)Pourvu (d'un équipement).

...et je ne seray vestis que d'ung aqueton (JEAN D'OUTREM., Myr. histors G., a.1400, 219)

c)Par analogie. Revêtu, couvert.

[D'une terre] Qui n'est pas en friche.

...une piece de terre contenante vingt et quatre boessellées de terre ou environ, tant en gast que vestu (Cartul. Sires de Rays B., t.2, 1411, 479)

Vestu de

[D'une chose] Couvert de, recouvert de.

Celle damoiselle jolie Qui estoit a ce clerc amie, C'estoit li ente faitissete Comme une douce pucelette, Ou grant vergier d'Amours plantée. La pot estre si eslevée Et de branches si estendue Et de fueilles si bien vestue, De fleurs si cointement parée, Comme estre aus milleurs comparée. (Mach., J. R. Nav., 1349, 223)

Et pour ce ceste partie est la plus noble et est ausi comme le devant et face ou visage de la terre, et le demourant ou l'autre partie est envelopé en eaue et vestu et couvert de mer ausi comme d'un chaperon ou d'une coiffe (Oresme, C.M., c.1377, 568)

Le preu chevalier chevaucha tant qu'il s'embati sus ung hault mont vestu d'une forest. (Percef. III, R., t.2, c.1450 [c.1340], 286)

...il monte sur ce beau poirier qui estoit large et ramu, tresbien vestu de fueilles et de poires (C.n.n., c.1456-1467, 307)

N'estre pas vestu d'escorces. Voir écorce

[D'une pers.] Revêtu de, pourvu de.

...aprés ces trompectes venoit il vestu de sa devise comme ses paiges, les manches toutes de orfeverrie branlans, et sur son chief un semblable chappel de plumes (La Sale, J.S., 1456, 100)

d)Au figuré. Vestu de (une chose abstr.). Revêtu de.

... Jhesus la bataille, Vestuz de nostre humanité, [Vint] faire au Roy d'iniquité (Jour Jug. R., c.1380-1400, 216)

2.Emploi substantival masculin.

Bleu vestu. Celui qui porte un vêtement de couleur bleue (couleur de l'honnêteté, ici, p. iron. de celui qui est trompé).

...pour la suspicion qu'il avoit de la desloyaulté d'elle, craindoit tresfort estre du reng des bleuz vestuz, qu'on appelle communement noz amis (C.n.n., c.1456-1467, 443)

Court / long vestu. Personne portant un vêtement court / long.

...si vint [ledit Savoisy] à une fenestre atout un jupon et mist la teste dehors, et peut estre que vit l'un de ses gens qui wolt fraper un long vestus, ne scet s'il est bedel, et lui cria que ne le ferist, alias le feroit pendre (Baye, I, 1400-1410, 106)

...ces vestuz cours (Hautev., Conf. Test. am. tresp. B., c.1441-1447, 60)

Mal vestu

Les maulx vestus assiet on dos au vent. (Molinet, Faictz Dictz D., 1467-1506, 339)

Le mal vestu pleure souvent. (Molinet, Faictz Dictz D., 1467-1506, 651)

Les maulx vestus au vent met on. (Molinet, Faictz Dictz D., 1467-1506, 654)

E. -infinitif substantivé.

1.Vêtement.

D'un vestir de congnins vendu ou achetté comme dit est, l'en doit .V. d. (Commerce marit. Rouen F., Pièces justif., 1396, 246)

2.Habillement.

...paié a Jehan de Bantellu, que Monseigneur li donna pour son vestir, XVIII escuz de Philippe (Doc. 1358. In : S. Honoré-Duvergé, Bibl. Éc. Chartes 102, 1941, 296)

...en icellui [hostel] print une houppellande courte de drap marbré double (...) et ycelle usa pour son vestir, sanz ce qu'il la vendesist. (Reg. crim. Chât., I, 1389-1392, 10)

Tu souffris illec grant mesaise et dure povrete ; tu gaignoies ton vivre et ton vestir a l'aiguille et a la queneulle (Miélot, Spec. hum. Salv. L.P., 1448, 162)

II. -DROIT Pourvoir d'une possession.

A. -Emploi transitif. Vestir qqn de qqc. Mettre qqn en possession de qqc. (d'un bien, d'un fief).

...les dictes cité et chastel de Poitiers, terre et païs de Poitou, avec les appartenances et appendences d'icelles, en saisine et proprieté, et d'icelles nous desvestons et desaisissons, et en vestons et saisissons nostre dit frere, et les transportons en lui avec tous les fiez (Doc. Poitou G., t.3, 1361, 313)

...pour avoir, tenir, exploiter, joir et user d'iceulx biens meubles, debtes, accions et conquestz immeubles par madicte dame, ses hoirs, successeurs ou ayans cause, comme de sa propre chose, à tousjours mais, perpétuelment et héréditablement, incontinent après le décès de mondit seigneur. Et dès maintenant pour lors voulons et consentons qu'elle en soit vestue et saisie et l'en vestons et saisissons entant que en nous est par le bail et tradicion de ces présentes (Doc. 1429. In : B.A. Pocquet, Bibl. Éc. Chartes 95, 1934, 325)

...pour en adhériter [d'une terre] , vestir et saisir ledit chappellain (Cartul. Flines H., t.2, 1455, 817)

Donner à qqn l'investiture de qqc..

...Dieu (...) Qui les roys des royaumes vest (Desch., Oeuvres R., t.8, c.1370-1407, 162)

A tous les princes le droit vest De gouverner (Desch., Oeuvres R., t.8, c.1370-1407, 163)

B. -Emploi pronominal. Se vestir de qqc. Se saisir, s'emparer de qqc..

...pour ce que le comte d'Estampes, nommé Jehan, estoit prochain hoir de son frère, il saisy la seigneurie et se vesti de toute la succession à luy appartenant. (Chastell., Chron. K., t.5, c.1456-1471, 69)

C. -Participe passé en emploi adjectival. En possession de qqc..

Des quiex choses le dit feu maistre Pierre mourust vestu et saisi, tenant et esploictant en nom, et les quiez furent estimées par gens expers en ce, si comme dit est, au pris de six vinz livres, lors monnoie courant, c'est assavoir florin d'or à la chaiere, pris et compté pour XL. solz tournois, et le denier appellé double pour deux parisis. (Doc. Poitou G., t.2, 1348, 404)

Mais s'ilz [les bastards] en meurent voistuz et saisiz sans en avoir ordonné, et ilz trespassent sans hoirs de leurs corps yssuz en mariaige, leurs acquestz, conquestz et meubles sont à leur seigneur (Cout. instit. Anjou Maine B.-B., t.3, 1463, 398)

VÊTIR