TRESSAILLIR

verbe

[T-L : tressalir ; GD : tressaillir ; GDC : tressaillir ; DECT : tressalir ; FEW (XI, 96a) : salire ; TLF (XVI, 591b) : tressaillir]

A. -[D'une pers., d'un animal ou d'une chose] Passer par dessus ; passer d'un lieu dans un autre ; se déplacer (brusquement), bouger.

1.Tressaillir qqc. Passer, sauter par dessus qqc. (des murs), franchir en sautant.

Autre maniere de la mort Remus dient aucuns, c'est a dire que Remus, en se moquant de son frere ou en mesprisant les murs qu'il avoit fait, tressaillit les diz murs. (Bers., I, 1, c.1354-1359, 7.2, 11)

De laquele chose fu Romulus si corrociez que il le blasme premierement de bouche et puis l'occist pour celle cause, et establi que quiconques tressaudroit les diz murs il perdroit la vie. (Bers., I, 1, c.1354-1359, 7.2, 11)

Remarque : Nombreux ex. d'a.fr. ds T-L X, 626-627, et ds GD VIII, 60b-c.

2.[D'une chose] Passer d'un lieu dans un autre.

...leur royaume tindrent [les Amazones] De ligne en ligne, sanz faillir, N'en estrange main tressaillir (Chr. Piz., M.F., III, 1400-1403, 12)

Mais, nonobstant, tout est failly Et en pluseurs mains tressailly L'onneur du monde (Chr. Piz., M.F., IV, 1400-1403, 29)

Aller au-delà.

Et neantmoins que le ieu des eschés se monstre aucune fois en carré aucune fois en losenge et se tressault si reuient il a nombre de poins comprins dedens vng carré et vng carrel seul se appelle point iusques au nombre de seize. (Best. hérald. H.E., c.1435-1450, 504)

3.Se déplacer brusquement.

Sy en fu en moult grant effroy et lui fremy toute la char, puis dist : 'Par foy, maistre, il me semble que je apparçoy les ondes dont vous avez parlé, et les voy cy devant nous ou elles tressaillent en montant et en descendant' (Bérinus, I, c.1350-1370, 210)

...sur petite espace l'en ne veoit que destriers et coursiers esfreement saillir et tressaillir par la champaigne, traynans par leurz estriers lez aulcuns leurz maistrez enversés et non ayans puissance de eulx relever (Fille comte Pontieu B., c.1465-1468, 1)

Par extension. Se déplacer, bouger.

Vi comment yceulx signes sont Les maisons que planetes ont, Des quelles planetes li cercle, Qui de rondeur sont li couvercle, Assis sont l'un plus hault que l'autre Par ordre qui ne puet tressauldre. (Chr. Piz., Chem. estude P., 1402-1403, 84)

Saint Jehan, je l'ay fait tresaillir [la pièce de monnaie attachée au milieu du front, dans un jeu] , Je l'ay bien sentu a mon nez (Tr. Men., c.1480-1500, 291)

B. -[D'une pers.] Sauter ; sursauter ; frémir.

1.Bondir, sauter.

Et traist l'espee en ce disant, et cuida ferir vostre pere d'estoc parmy le corps, mais il tressailly, et en passant que le nepveu du roy fist, il lui osta l'espee des mains. (Arras, c.1392-1393, 50)

Ainsi comme vous ouez, fu Gieffroy a pié devant le jayant, qui tenoit la faulx en ses mains, et cuida ferir Gieffroy, mais il tressaut en fuiant au coup, et, au retourner, le fery de l'espee sur la hante de la faulx par telle maniere que il la tronconna en deux. (Arras, c.1392-1393, 246)

Et Gieffroy traist l'espee, et vint au jayant qui le cuidoit ferir de la mace d'acier sur la teste. Mais Gieffroy, qui fu fort et legier, tressault. Le jayant fault, et le coup chiet a terre par telle vertu que la teste de la mace entra plus d'un pié en terre. (Arras, c.1392-1393, 247)

Tressaillir sur qqn

Tu ne pourras jamais faillir, Sur luy te convient tressaillir Et le tuer sans cy ne qua (Myst. Pass. Troyes B., a.1482, 107)

infinitif substantivé.

...la cruelle beste, en mourant a grant destresse, debattoit ses ordes entrailles, fretilloit la queue, gectoit venin, souffloit de paine et s'esprouvoit au tressaillir, cuidant eschaper (Jehan d'Avennes F., c.1465-1468, 36)

2.Sursauter (en partic. au réveil).

Et je qui fui mervilleus pour quoy c'iere, Dis bellement : 'Trés douce dame chiere, Pour quel raison Ne volez vous entendre a ma raison ?' Et la tiray par le pan dou giron. S'en tressailli, dont sa belle façon Coulour mua. Si respondi, que plus n'i arresta, Et durement envers moy s'escusa De son penser a quoy elle musa. (Mach., J. R. Beh., c.1340, 115)

Pour ceste cause tressalli, Adont a mon songe falli. (Froiss., Par. am., c.1361-1362, 81)

En tel argu pensans a li, Soudainnement il tressali, Del arbre cheï jus a terre. (Froiss., Joli buiss. F., 1373, 160)

Il se couche bien secretement et quant elle, qui fait semblant de dormir, se sent embracer, elle tressault et dit : ' Que est ce cy ?' (Quinze joies mar. R., c.1390-1410, 47)

Elinas en fu tous abusez et si oubliez que il ne lui souvint de nulle chose fors de ce qu'il voit et oit, et demoura la en cel estat moult grant temps. Et lors vindrent deux de ses chiens courans qui lui saillirent contremont, lui faisant grant feste, et il tressault comme uns homs qui yst de son dormir... (Arras, c.1392-1393, 6)

La n'osmes mie esté gramment Que gitter vi du firmament D'une longue eschiele le bout, Dont toute tressailli debout (Chr. Piz., Chem. estude P., 1402-1403, 69)

En tressaillant, sur ce point m'esveillay, Tremblant ainsi que sur l'arbre la fueille (CH. D'ORLÉANS, Songe compl. C., 1437, 102)

...et se force de traveil faisoit au corpz lez yeulx clorre pour prendre somme, toutesvoiez le cuer traveilloit en diversez pensez sur le fait de sez amours qui le faissoient tressaillir et a coup resveillier pour faire plus aigrement sez lamentacions et piteusez complaintez . (Comte Artois S., c.1453-1467, 113)

3.Frémir, trembler (souvent sous l'effet d'une émotion intense, triste ou heureuse).

Pluseurs fois l'oÿ souppirer, Rougir le vit et tressallir, Trembler et suer et fremir Si qu'il n'osoit lever les yeux : Plus estoit doubtee que Dieux Ne fust de lui au temps present ! (Dit prunier B., c.1330-1350, 60)

Et quant je senti la froidure Qui chut de dessus la verdure, Elle me fist tout tressaillir, Si qu'a moy me fist revenir Et mist hors dou transissement Ou j'avoie esté longuement. (Mach., D. verg., a.1340, 53)

...En obscurté Seront mi jour, plein de maleürté, Et mi espoir sans nulle seürté, Et ma douceur sera dure durté ; Car sans faillir Teindre, trambler, muer et tressaillir, Pleindre, plourer, souspirer et gemir, Et en paour de desespoir fremir Me couvendra (Mach., J. R. Beh., c.1340, 64)

Et quant je vins si près d'eaus qu'en apert Les pos vëoir et tout a descouvert, Le petit chien Prist a glatir qui ne me congnut rien, Dont la dame qui moult savoit de bien En tressailli - je m'en aperçu bien ; - Si l'appella. Mais moult petit prisié son appel a, Qu'en abaiant li chiennès m'aprocha, Tant que ses dens a ma robe acrocha. (Mach., J. R. Beh., c.1340, 103)

Nompourquant, quant de son regart Sentoie le trés dous espart, Je perdoie toute vigour Par sa force et par sa rigour, Et me faisoit teindre et palir, Fremir, trambler et tressaillir. (Mach., R. Fort., c.1341, 14)

Et quant je vi qu'a moy parla, Je fui honteus, si tressailli, Car mespris avoie et failli, Quant devant li venus estoie Et nulle riens ne li disoie, Si que tantost m'en excusai Mieus que pos (Mach., D. Lyon, 1342, 186)

Si ne say que devenir, Quant de ma dame remir Le gentil port, Car Paour me fait fremir Et trambler et tressaillir Par son enort Et Desirs, sans nul deport, Fait mon cuer par son effort Taindre et palir (Mach., Ch. bal., 1377, 614)

Elle me fait trambler et tressuer, Taindre, palir, fremir en tressaillant, Quant pour ma mort voy en corps si vaillant Ouvertement, de fait et de pensée, Cuer de marbre couronné d'aïmant, Ourlé de fer, à la pointe asserée. (Mach., L. dames, 1377, 223)

Car Desirs me fait maint saut, Qu'il est à ce duis ; Dont li las tramble et tressaut (Mach., Les lays, 1377, 317)

Derechief, une divinacion se fait par le mouvement ou par la voys dez oyseaux ou d'aultres bestes, ou par ce que un honme esternue, ou que lez membres lui tressaillent. Et telle divinacion est appellee Augure, pour ce que elle se fait dez mouvemens ou dez cris dez oyseaux. (Songe verg. S., t.1, 1378, 366)

Lors moy, Cristine, oyant les series voix de mes tres venerables maistresses, remplie de joye en tressaillant tost me dreçay, et agenoillee devant elles m'offry a l'obeissance de leurs dignes vouloirs (Chr. Piz., Trois vertus W.H., c.1405, 9)

...voyant ceste paix pour laquelle en habondance de leesse, tressaillans comme tous hors de nous meismes, nous entreconjouissons et faisons feste (Chr. Piz., Paix W., 1412-1413, 89)

Lors, quant de nous approuchier je les vy, Couleur changay et de cueur tressailly (CH. D'ORLÉANS, Ret. am. C., 1414, 5)

Et depuis ne lui pot faillir Dueil et Couroux qui tressaillir L'a fait souvent et mal baillir. (Chart., L. Dames, 1416, 232)

Trembler, tressaillir, tressüer, Triste de cuer, feible de corps, Cuer faillir et couleur müer M'a veu souvent, et mes yeulx lors Plourer ens et rire dehors Pour estre aux joyeux ressamblant. (Chart., D. Rev., a.1424, 313)

Et Desir me vient acuillir, Qui me point et fait tressaillir, Rougir et la couleur muer. (Narcissus, p.1426, 291)

A l'audevant me fault saillir, Sans avoir paour ne tressaillir. (Régn., F.A., 1432-c.1465, 201)

[Du coeur]

Il n'est estas d'amours que ne soustiengne, Dont frois, dont chaus, diversement me mue, Mon coer tressaut et vole et se remue Apertement. (Froiss., Orl., 1368, 100)

De joye le cuer tressaillir Me faictes de ce grant vouloir (Myst. st Adr. P., c.1450-1485, 47)

...ses beaulx yeulx et sa belle face ne povoient celer l'amour qu'elle avoit a Pierre. Et le cueur luy tressalloit au ventre moult doulcement. (Belle Maguel. C., 1453, 17)

...il est tant content que son cueur tressault tout de joye (C.n.n., c.1456-1467, 74)

...si me trouvay le corps tresmat, le cueur tressaillant, tremblant et tout alteré (Meschin., Lun. princes M.-G., c.1461-1465, 33)

Le cueur de joye me tressault Quant je regarde de mes yeulx Celuy qui dessus tous plus vault (Myst. Pass. Troyes B., a.1482, 476)

Participe présent en emploi adjectival. Plein d'entrain, de pétulance.

Car ceste gent dont ci propos Furent moult joint et moult poli, Gent, cointe, faitis et joli, Si espincié, si crespelet, Si bien pingné, si blondelet, Si tressaillant, si trés mignot, Si estroit chaucié au lignot, Si virolé, si envoisié, Qu'il avoient non Frere aisié (Mach., D. Lyon, 1342, 202)