SYNCOPER

verbe

[GDC : syncoper ; FEW (XII, 495a) : syncope ; TLF (XV, 1254a) : syncoper]

I. -Emploi intransitif. MÉDECINE S'évanouir, avoir une syncope.

Ceulx qui sincopent sans cause determinee meurent soudainement. (Saint-gille, A.Y., 1362-1365, 63)

II. -Emploi transitif. Couper qqc..

Veneur qui chace et rien ne prent, C'est clerc qui lit et point n'entent. Ne sincope ne ne retranche [L]es mos ; ne fais des girons manche. Ta langue soit delivre et franche. (Mir. N.D. Rosarius K., c.1330, 185)

...la très grant habondance de souspirs qui procédoient sans ordre et coup sus coup de son doloureux cueur luy interrompirent et sincopèrent la parolle (Livre fauc. M.R., c.1500, 290)

Abréger ou supprimer.

Neantmoins, ce pou que j'en ay peut sentir par le record des gens dignes de foy, presens alors et estans sus le champ [de bataille] où s'engendra l'honneur de la victoire, je l'ay coeuillet et amassé soubz la verge et correction de ceulx qui plus avant en scevent, en protestant, se besoing est, d'eslargir et de sincoper le moins ample et le superflu. (Molinet, Chron. D.J., t.1, 1474-1506, 301)

...et après les reverences faites, fit sa proposition et la paracheva sans rien sincoper (Actes Etats gén. Pays-Bas C., t.1, 1476, 256)

Interrompre qqc..

...elle le voit si estreint Qu'Amours de li par force espreint La liqueur qui des yeus degoute Parmi sa face goute a goute, Et qu'il li couvient recoper Ses paroles et sincoper Par souspirs puisiez en parfont Qui mut et taisant le parfont (Mach., R. Fort., c.1341, 63)

Einsois leur failloit recoper Leurs paroles et sincoper Par grans souspirs, acompaingniés De plours et en larmes baingniés, Qui par leurs flajos le dous vent Envoient menu et souvent Aus fins cuers que Desirs enflame Et art de l'amoureuse flame. (Mach., D. Lyon, 1342, 193)

Ey quant kes aultres vont à table, Ilz vont commenchant leurs matinez. (...) Ilz sincopent pour avanchier, Ains que le disner soit levé (Bien avisé Mal avisé B., c.1487-1490 [1396], 194)

Écourter (les propos de qqn) pour en fausser le sens.

Remarque : Doc. 1385 (voulans par haine aggraver ou sincoper lesdites paroles et l'entendement d'icelles) ds GDC X, 734a ; (même ex. ds DU CANGE VII, 689b, s.v. syncopa¹ : aucuns haineux du suppliant l'ont fait emprisonner pour cause des dittes paroles, voulans par haine aggraver ou Sincoper lesdites paroles et l'entendement d'icelles).

Couper court à.

L'ame : - Ce que me mouvoit a aucunes incongnoissances, tu l'as prescindi et sincopés et non point du tout desracinez : car toute ma doubte si estoit comment uniquement - c'est a dire comment je toute seulle - dois estre la plus amee et plus parfaictement, quant il m'est advis que uniquement ne suis amee, car le don de mon amour a aultres si est concedez, selon qu'y m'est advis. (Crap., Cur Deus, De arrha B.H., c.1450-1460, 268)

GRAMMAIRE Faire tomber un phonème ou un groupe de phonèmes à l'intérieur d'un mot.

Oultre sçachez que le future de l'indicatif et le present de l'optatif en belcoup de verbes françois peuent estre sincopés, c'est a dire coupés en la moienne selabre, si come -je arey- pour -aurey-, -je aroie- pour -auroie-. (Donat Oxf. S., p.1400, 282)

III. -Participe passé en emploi adjectival. Coupé, interrompu.

Et quant Famius entendi le dueil que son filz faisoit et vit le lieu ou Agea sa femme gisoit, le cuer de son ventre lui enfla et serra d'angoisse et de pitié, et lui fremi la char et le sanc lui mua, et faisoit uns soupirs bas et syncopez. (Bérinus, I, c.1350-1370, 33)

Abrégé, réduit.

Et veult dire Hollande selon l'interpretation du commun langaige teuthonique autant que pays sauvage. Et maintenant la mesme province est appellee Hollande par vocable sincopé. (Chronogr. Joh. de Beka N., c.1455, 12)