SUPPLIER

verbe

[T-L : soploiier, supliier2 ; GD : souploier1 ; GDC : soupleier2 ; FEW (XII, 448b) : supplicare ; TLF (XV, 1117b) : supplier]

I. -Emploi transitif.

A. -Supplier qqn. Prier qqn de manière humble et instante, implorer qqn.

Car qui plus t'ayme plus te prie Et plus d'ardant cuer te suplie Pour avoir grace. (Mir. pape, 1346, 379)

J'ay pechié, sire, j'ay pechié Et bien recongnois mon pechié, Mes deffaus, mes iniquités Et de mes pechiés les viltez, Si te suppli tres humblement Et te requier devotement : Pardonne moy, sire, pardonne ! Ne per m'ame avec ma personne Et avec mes iniquitez. (Mach., C. ami, 1357, 54)

MATHATIEL [au juif] . Je vous supplie, Parlez ung peu plus bas sans braire. Que vous plaist il ? (Mir. st Nic. juif, c.1480-1500, 86)

Entendés y, je vous supply du cueur Et y mettés le remede sans fainte. (Cene dieux, c.1492, 109)

Remarque : Avec un pronom pers., il peut s'agir aussi de supplier à qqn, infra II.

Supplier qqn de qqc. Prier qqn de manière humble et instante à propos de qqc..

...messires Lois de Baiviere ... vint a Ronme, et la fu recheus conme rois d'Alemagne. Et avoit envoiiet en Avignon, son cemin faissant, soufissans messages pour sonmer le pape et les cardinauls ; et lor segnefioit, par ses lettres et par ses conmissaires, que ils vosissent envoiier a Ronme un cardinal pour li comsacrer a empereour ; et de ce il supplioit affectueusement le pape et les cardinauls. (Froiss., Chron. D., p.1400, 244)

...par plusieurs foys la suplia d'amours (Tardif, Facéties Pogge D.H.-P., c.1490, 233)

Je vous en supplie. Je t'en supplie

Et parlez bas, pour Dieu, ce dit la gouge, et vous appaisez de vostre demande, je vous en supplie. (C.n.n., c.1456-1467, 148)

Pardonne moy, je t'en supplie ! (Pass. Auv., 1477, 101)

Supplier qqn de + inf. Prier qqn de manière humble et instante de.

On l'apelle Jehan de Reins, Qui d'onneur porte tous les reins. D'aler au Quaire supplia Le roy, mais escondit li a, Ne pour riens que faire peüst Ne pot faire qu'au roy pleüst. Et quant li bons Jehans ce vit, Oiez comment il se chevit. (Mach., P. Alex., p.1369, 179)

Supplier + inf.

SAINCT MARTIN. (...) Mon Dieu, mon benoist Redempteur, A toy je retourne ma face Comme ton povre serviteur, Te suppliant de tresbon cueur Donner vie ad ce povre corps, Sans luy user de ta rigueur ; Ains monstre toy misericors, En te faisant les doulx recors Du ladre que ressuscitas (La Vigne, S.M., 1496, 491)

Supplier (qqn) que. Prier (qqn) de manière humble et instante que.

Après, dame, elle m'a si duit Qu'elle m'a jusqu'a vous conduit, Car, par m'ame, jamais n'i fusse Venus, s'avec moy ne l'eüsse. Se vous suppli de cuer devost, Chiere dame, puis qu'elle vost Et vuet encor que sans partie Aiés mon cuer, mon corps, ma vie, Que vous ne la vueilliez desdire De ce qu'elle m'a volu dire. (Mach., R. Fort., c.1341, 134)

Sire, de par moy vous supplie Le chapitre de nostre eglise (...) Qu'a ceste saint Pierre prouchaine, (...) Il vous y plaira la grant messe Venir chanter. (Mir. ev. arced., c.1341, 107)

Si vous suppli, tressainte dame, Que par vous reméde y soit mis (Mir. prev., 1352, 254)

LE MARI. Sire baillif, un mot pour nient ; Je vous suppli que m'entendez. (Mir. enf. ress., 1353, 76)

Or commencerai ma matere En suppliant Dieu nostre pere Qu'il soit a mon commancement, Au moien et au finement. (Mach., C. ami, 1357, 3)

Sages est qui einsi besongne. Mais encor supplier te vueil Que seur tout te garde d'orgueil, Car de tous vices c'est li pires Et cils que plus het nostres sires, Et si fait l'omme trebuchier, Et paresse le fait mendier. (Mach., C. ami, 1357, 126)

...nous vous supplions humblement, ainsi que subjetz doivent prier à leur seigneur, que vous ouvrez à ces besoingnes (Froiss., Chron. M., XIV, c.1375-1400, 26)

...ledit prisonnier fu fait despouillier et mis à question sur le petit tresteau ; et ainsi comme l'en li vouloit donner de l'eaue, requist instaument et supplia que l'en le meist hors d'illec (Reg. crim. Chât., I, 1389-1392, 366)

LE SERGENT DU MARQUIS. Dame, qui je vueil obeïr, Je vous suppli que pardonner Me vueilliez et non imputer Ce dont je suis contraint au faire. (Gris., 1395, 53)

Et après ce ledit Drouart s'excusa envers la Court et supplia très humblement que on lui voulsist pardonner ladicte offense (Fauq., I, 1417-1420, 223)

...ose et presume ce present petit oeuvre (...) vous presenter et offrir ; suppliant treshumblement que agreablement soit receu (C.n.n., c.1456-1467, 22)

...pour ce de rechef vous supplie que ceste ma resqueste passez et accordez et que d'icy vous partez. (C.n.n., c.1456-1467, 123)

...demain le vous bailleray [un billet] , vous suppliant que mon petit service, partant de bon vouloir et entier, ne soit pas reffusé. (C.n.n., c.1456-1467, 256)

[Maistre Jehan de Clugny, ambassadeur du duc de Bourgogne, au roi de France :] Dont se d'aventure je disoie chose par inadvertence qui fut a vostre desplaisance et mal dicte, je vous supplie, sire, en telle humilité que je puis, qu'il vous plaise non l'attribuer a malice, arrogance ou fol hardement, mes le imputer a ma simplesse et ygnorance (Chastell., Chron. IV, D., c.1461-1472, 34)

Je m'en fy Que par vous nous serons saulvés. O Dieu, de bon cuer te supply Droit ycy Que soyons avec toy logés. (Pass. Auv., 1477, 103)

LE JUIF [à la femme du chrétien] . Je vous supplye Que je parle a vostre mary. (Mir. st Nic. juif, c.1480-1500, 108)

LE JUIF [à saint Nicolas] . (...) Je te remercie humblement, Devotement Que simplement Et de rechef je te supply Qu'avec toy soye finablement, Car vrayement, Seurement De Dieu te tiens ung vray amy. (Mir. st Nic. juif, c.1480-1500, 156)

CLAUDE [à saint Martin] . (...) Je n'ay pas en moy le moyen De monstrer en champ grant effort, Vous suppliant que reconfort Me vueillez donner maintenant Et que de vous j'aye confort En mon vray bon droit soubstenant. (La Vigne, S.M., 1496, 525)

Remarque : Avec un pronom pers., il peut s'agir aussi de supplier à qqn que, infra II.

Supplier qqn + prop. interr. indir.

Et s'on me voloit demander, Ou supplier, ou commander, Qui fu cest enfant Daniel, Je n'en say plus ne n'en di el Fors tant que pluseur docteur dient, Qui en l'Escripture estudient Diligemment, que ce est cil Qui, pour son corps mettre a essil, Fu mis aveques les lions (Mach., C. ami, 1357, 16)

Emploi absolu.

On commença a faire bonne guerre, Et de marcher par villes et par champs ; Villes, chasteaulx acquerir et conquerre Sans demander, supplier ne requerre. (La Vigne, V.N., p.1495, 139)

Supplier pour qqc. Faire une prière humble et instante pour obtenir qqc..

...et, pour ce, ilz supplioient et requeroient pour la delivrance desdis prisonniers (Fauq., I, 1417-1420, 71)

Ce jour, le recteur et les deputez de l'Université de Paris sont venus ceans, à heure des plaidoieries, supplier pour l'expedicion du procès (Fauq., II, 1421-1430, 223)

B. -Supplier qqc. (à qqn). Demander humblement et instamment qqc. à qqn.

...il n'ont rien fors chou k'a boines gens supplient (Gilles Le Muisit, Poésies K., t.1, c.1347-1353, 254)

...je lo qu'ynel le pas Moy et vous ne nous deportons Qu'a l'eglise ne les portons [ces enfans] Et les façons crestienner ; Je le vous suppli et requier, Ne laissons pas. (Mir. roy Thierry, c.1374, 270)

...et aussy en suppliant audit huissier pardon (Baye, I, 1400-1410, 127)

Et ainsi le supplient à la Court (Fauq., II, 1421-1430, 299)

Lequel [prince] doit a toutes gens requerans prester ses oreilles et les oïr benignement et doulcement les entendre qu'ilz vouldront dire ou supplier (La Sale, Salade, c.1442-1444, 12)

II. -Emploi transitif indirect. Supplier à qqn. Prier qqn de manière humble et instante, implorer qqn.

Et dit Homerus le poëte que pour ce Thetis, la deësse des eaues, quant elle supplia a Jupiter, le soverain dieu, elle ne ly recorda pas les benefices qu'elle ly avoit faiz. (Oresme, E.A., c.1370, 253)

...noud devons supplier au Pere qu'il nous face dignes de acceder si grant sacrefice. (Jean Golein, Rational B.D., c.1370-1372, 497)

Si comme se un vouloit empetrer une grace du prince, se il convenoit que il suppliast a un et cestui a l'autre, et l'autre au tiers ou au quart, et le quart ou le quint au prince, ce seroit plus fort que se il la povoit obtenir sans moiens par supplier au prince. (Oresme, C.M., c.1377, 504)

A tres haulte excellent royne, La droituriere amee fille De Dieu, ma dame tres benigne Raison, qui tout pechié exille, Suppli tres humblement (Chr. Piz., Chem. estude P., 1402-1403, 113)

Et, après la lecture d'iceulz, maistre Guillaume Le Tur, advocat du Roy, requist et supplia à mondit seigneur le Dauphin (...) afin que les ordonnances autresfois faictes en la matiere et les advis dessusdis peussent sortir aucun bon effect (Fauq., I, 1417-1420, 80)

Supplier à qqn de + inf. Prier qqn de manière humble et instante de.

Il n'affiert pas qu'a moy doie envoier Ne qu'envers moy se doie humilier, Einsois li doy humblement supplier D'avoir sa grace. (Mach., F. am., c.1361, 161)

Sy supplient, lesdiz habitans et marguliers de ladite ville, à justice de pourveoir sur ce que dit est, et que briefment en soit expedié (Reg. crim. Chât., II, 1389-1392, 224)

... laquelle histoire j'ay commencé selon les vrayes coroniques que j'ai euez tant de lui comme du conte de Salbery en Angleterre et plusieurs livres qui ont esté trouvez, par ce que sa noble serour Marie, fille de Jehan, roy de France, duchesse de Bar, marquise du Pont, avoit supplié d'avoir la dicte hystoire à mon dessusdit seigneur, son tres chier et amé frere, lyquelz (...) m'en a commandé a faire le traictié de l'ystoire qui cy après s'ensuit. (Arras, c.1392-1393, 1)

...la estoit ung chevalier qui se disoit le plus dampné de tous les aultres (...) lui suppliant de incontinent voulloir oïr la confesse de ses abominables pechiez. (La Sale, Salade, c.1442-1444, 104)

Supplier à qqn de qqc. Adresser à qqn une prière humble et instante pour obtenir qqc..

...yceulz prisonniers et recteur iroient par devers monseigneur le Dauphin en son hostel, soy excuser et lui supplier humblement de leur delivrance (Fauq., I, 1417-1420, 75)

Supplier à qqn que. Prier qqn de manière humble et instante que.

Ta mort tant me contralie Et tant de maus me repart, Amis, que li cuers me part ; Mais einsois que je devie, Humblement mes cuers supplie Au vray Dieu qu'il nous regart De si amoureus regart Qu'en livre soiens de vie. (Mach., L. plour, 1349, 291)

Si supplie à tous de cuer fin S'encor met ces vers en la fin De ce livre, que despriser Ne m'en vueillent, ne mains prisier, Car savoir ne puis nullement De ce livre le finement (Mach., P. Alex., p.1369, 8)

Il avoit de bons chevaliers Et de notables escuiers, Riches gens et de grant arroy En la compaingnie dou roy, Qui moult humblement li prierent Par pluseurs fois et supplierent Qu'avecques les embassadeurs, Qui de la pais furent traiteurs, Peüssent aler pour veoir Le Quaire et le païs (Mach., P. Alex., p.1369, 177)

Et il meismes ... et madame la royne . y aloient en suppliant devotement à Dieu que il volsist entendre à euls et as besongnes dou royaume (Froiss., Chron. L., VII, c.1375-1400, 125)

Et pour ce à tous suppli tres humblement Que de mes chans blasmer se vueillent taire, Car je ne sçay ne puis faire autrement Pour Fortune qui tent à ce deffaire Qu'aim miex que moy (Mach., Bal., 1377, 557)

...laquelle femme dudit Breton supplia à il qui parle, pour l'amour de Dieu, que comme sondit mary feust prisonnier ou Chastellet de Paris, qu'il lui pleust à parler à mons. Olivier de Mauny, duquel il qui parle est serviteur, de la besongne de sondit mary (Reg. crim. Chât., I, 1389-1392, 535)

Et commencay ceste hystoire a mettre en prose le mercredi devant la Saint Cleyment en yver l'an de grace mil CCCIIII^xx et XII. Et suppli humblement a tous ceulx qui l'orront lire ou le liront, se je y mespren a leur gré en nulle maniere, qu'ilz le me veuillent pardonner, car certainement je l'ay fait au plus justement que j'ay peu, selon les croniques que je cuide estre vrayes. (Arras, c.1392-1393, 2)

... et se par aventure aucuns hayneux a monseigneur avoient informé Gieffroy d'autre chose que de raison, je lui vouldroye supplier humblement et requerre que il lui pleust a ouïr monseigneur en ses excusances. (Arras, c.1392-1393, 208)

Et regarderent li signeur, ... que ... li doi roi supplieroient benignement a nostre Saint Pere le pape que il i vosist envoiier deus cardinauls en legation, pour aidier a adrecier a ces besongnes. (Froiss., Chron. D., p.1400, 457)

Ce jour, le receveur de Paris (...) est venus en la Court, humblement à genoulz, et a supplié à la Court qu'il lui soit pardonné (Baye, I, 1400-1410, 61)

Le dit Jehan respliqua (...) luy suppliant de rechief que sa requeste luy voulsist accorder, et a tousjours mais se resputeroit son serviteur [À une femme qui hésite à accepter une requête amoureuse] (C.n.n., c.1456-1467, 387)

...et monseigneur Gilles se mist à genoulx, et monseigneur le connestable, et monseigneur Pierres, supplians au duc qu'il lui pleut avoir merci de son frere (Gruel, Chron. Richemont L., c.1459-1466, 193)

Et pour monstrer son innocence, franchement et liberallement accepta le gaige de bataille, [et] se tira par devers le roy, luy suppliant humblement que son plaisir fust le recepvoir et admettre à deffendre sa juste querelle par bataille à oultrance contre ledit Julio, [et,] en acceptant la judicature, donner seureté et saufconduit audit Julio, demandeur et convocant en laditte matere de gaige de bataille, de venir faire ses armes (Le Clerc, Interp. Roye, c.1502, 354)

Pour Dieu, sire, ayez pitié de moy et de mes povres enfans et estandés vostre misericorde, et à tousjours mais ne cesserons de vous servir et de prier Dieu pour vous, auquel supplie que par sa grace, Sire, vous doint très bonne vie et longue et acomplisement de tous voz bons et haulx desirs. (Le Clerc, Interp. Roye, c.1502, 369)

Si j'estoye homme à qui l'on deust faire savoir des nouvelles, je vous priroie que vous m'en feissiez sçavoir, mais je ne suis pas ou compte de gens de bien pour le present. J'escriptz au roy touchant la garde de ceste place. Je luy vouldroye bien supplier que s'il n'y mect auctres gens, qu'il luy pleust m'en descharger, car je faitz doubte d'y faire mal ses besoignes et les miennes. (Le Clerc, Interp. Roye, c.1502, 381)

Remarque : LA BUIGNE, Rom. deduis B., 1359-1377, 5331 et 12203 (T-L IX, 1081).

III. -Participe présent en emploi adjectival ou substantival.

A. -Participe présent en emploi adjectival. Qui supplie humblement.

...c'est un honteux mot et que l'en doit dire de basse voiz et humble et suppliant (Foul., Policrat. B., V, 1372, 362)

B. -Participe présent en emploi substantival. Celui qui supplie ; en partic. celui qui adresse une requête.

...nientmoins le prieur et les freres dou devant dit Hospital ou leurs gens, aians leur fait aggreable, ont prins, levé et emporté les fruiz et levees des dittes terres et vingnes de l'an derrenierement passé, sans en paier aux diz supplians leur demie disme devant ditte (Chartes Abb. St-Magl. T.F., t.3, 1340, 97)

...lesditz champars desdictes terres seront convertis en cens capital annuel et en disme entiere renduz et paiez a nous et noz successeurs de nostredit monastere, par chascun an au terme cy aprés declairé, par lesditz supplians et des aians cause ou tenans lesdictes terres (Chartes Abb. St-Magl. T.F., t.3, 1366, 328)

...ou cas dessus dit, avons relevé et relevons par ces presentes de grace especial le dit suppliant (Chartes Abb. St-Magl. T.F., t.3, 1388, 575)

...laquelle Marion a prins et emportez du povre suppliant plusieurs biens, (...) desqueles choses elle ou ses complices ont vendu une partie et l'autre engaigiée sanz le congié et sceu du povre suppliant (Reg. crim. Chât., II, 1389-1392, 431)

...selon la teneur d'icelle requeste, qui a esté receue, octroyée et accordée ausdis supplians par la deliberacion des presidens et conseilliers (Fauq., II, 1421-1430, 216)

Or regardez donques, madame, ce pouvre suppliant qui onques ne le [Amour] vist ne le cognoist ne parla a lui. (La Sale, J.S., 1456, 14)

Remarque : Doc.1377 ds GD II, 331b, s.v. coufort.

Prétendant, amoureux.

Et vient souvent en ung houstel ou il a une belle damoiselle, qui est a l'aventure de plus hault lignage que lui, ou maindre, ou est bourgeoise ou d'aultre estat, mes quoy que soit, elle est tres belle et honneste et de si tres belle maniere que c'est mervoilles, et pour ce que el est si belle et si bien renommee, elle a esté plus prisee et plus priee et y sont venuz plus de supplians (Quinze joies mar. R., c.1390-1410, 82)

Au féminin.

...comme environ la feste de l'Ascencion Nostre Seigneur derrainement passée, Jehan Roudet, de la duchié de Guyenne, eust prinse la dite suppliante par mariage... (Doc. Poitou G., t.4, 1369-1376, 13)

...ladicte suppliant (...) a perdu son pere (Paris domin. angl. L., 1425, 182)

Voir aussi souployer