SUFFISANCE

substantif féminin

[T-L : sofisance ; GDC : soufisance ; FEW (XII, 403b) : sufficere ; TLF (XV, 1061a) : suffisance]

A. -[Correspond à suffisant A] État de ce qui est suffisant (en quantité, en qualité, en force...), qui satisfait ; état satisfaisant de qqn.

1.État de ce qui est suffisant (en quantité, en qualité, en force...) ; ce qui est assez, ce qui suffit, ce qui satisfait ; situation satisfaisante.

Je t'ay pluseurs fois oy dire Que tu ne vosisses eslire Autre bien n'autre souffissance, Fors que de sa douce sanlance Souvenirs et douce Pensée Fussent en toy sans dessevrée, Et que cil dui te garissoient De tous les maus qui te venoient. (Mach., R. Fort., c.1341, 59)

Dont cils qui vit de si douce pasture Vie d'onneur puet bien et doit mener, Car de tous biens a a comble mesure, Plus qu'autres cuers ne saroit desirer, Ne d'autre merci rouver N'a desir, cuer, ne bëance, Pour ce qu'il a souffissance ; Et je ne say nommer ci Nulle autre merci. (Mach., R. Fort., c.1341, 72)

Et est parfecte parce que elle [la cité] a terme et acomplissement de toute soufisance pour vie humaine (Oresme, Pol. Arist. M., c.1372-1374, 48)

Qui tele fortune atent, Moult est plains de souffissance. (Froiss., Joli buiss. F., 1373, 86)

...ledit suppliant, à cause de son labouraige, peine et travail, avoit assez bonne suffisance de biens, noz officiers lui bailloient les commissions pour lever noz tailles mises sus et imposées de par nous sur les manans et habitans en la ville et parroisse dudit lieu (Doc. Poitou G., t.9, 1447-1456, 28)

Et lors qu'il [Dieu] verra noz bonnes voullentez, il penssera sy bien de nous que serons trestous riches de souffissance. (La Sale, Reconf. De Fresne H., 1457, 5)

Car la doulce et sumptueuse dame estoit vestue par aulcuns lieux d'un riche drap d'or, decoré, enrichy et aorné de pierres precieuses a suffisance innumerable, comme dame venue et yssue de haulte et royalle propagacion. (La Vigne, Ress. chrest. B., 1494, 108)

Quantité suffisante de qqc..

Et pour ce que aucunefoiz en une région n'est point assez compétemment suffisance d'argent (Oresme, Monnoies W., c.1365, XIV)

Item, ce qui est dit semble estre vray pour cause de la souffisance de tel bien, car le bien qui est parfait doit estre par soy souffisant. (Oresme, E.A., c.1370, 118)

Donques n'est il chose qui empeesche que l'en ne puisse bien dire un home estre beneuré qui oeuvre selon vertu parfaicte et a souffisance des biens qui sont dehors (Oresme, E.A., c.1370, 136)

Hors suffisance. Au-delà de ce qui suffit, en surabondance.

...Par charnalité à couchier O femmes lors et les touchier, Se n'est à ceulx, par saint Eloy, Auxquelz est permiz par la loy Et sont chargiez hors suffisance De germe charnel ou semence, Et ont complexions moult bonnes. (La Haye, P. peste, 1426, 106)

Avoir suffisance. Être satisfait, comblé.

Se fortune m'avoit donné de ses biens tellement que je peusse vivre honnourablement, j' auroye suffisance (Bueil, I, 1461-1466, 123)

...en se Veyent je prens plaisance Si tresgrant que plus ne veulx mie ! Maintenent, Dieu, j'ay suffisance ; Doleur en joye as convertie ! (Pass. Auv., 1477, 280)

Avoir suffisance de qqc. Se satisfaire de qqc..

...car il estoit content et avoit souffisance des biens que Dieu li avoit donnez. (Foul., Policrat. B., V, 1372, 312)

Avoir pleine suffisance de qqc. Disposer pleinement de qqc..

Et vueil bien que chascun sache que jamais la mer en Engleterre ne repasseray, tant que je auray ma plaine souffisance du royaume de Castille, ou je demorray en la paine (Froiss., Chron. M., XII, c.1375-1400, 311)

Locution adverbiale. À suffisance. Suffisamment.

Item, ceci appert sensiblement a souffisance quant a creance humaine quar, en tout le temps passé selonc le memoire qui a esté baillié des uns aus autres, nulle chose n'est transmuee ou ciel ne en tout ne en partie. (Oresme, C.M., c.1377, 86)

...pour amendes de court, pour amende de rente sourtenue, pour escroe non baillée, pour reliefs, pour XIIJmes, pour abus, attemptas et autres devoirs de fief et pour chacune d'icelles causes a suffisance, votre fief fut [prins] en la main de mondit seigneur par trois dimences continués et le quart d'abondant, a oye de parroisse (Instruct. ensaign. B.G., c.1386-1390, 61)

Sans elles ne povons ceste oeuvre bien mener et toutesvoies elles nous deffaillent de fournir a suffisance et nous leur defaillons de les esploiter a prouffit (Chart., Q. inv., 1422, 54)

2.État satisfaisant de qqn (en partic. d'un malade).

...et chacun cognoistra que plus a d'eur, sceurté, franchise, suffisance et faculté de vivre a son gré, en la loge d'un petit bergier que es haulx palais des princes que grant autorité de seigneurie (Chart., Q. inv., 1422, 46)

Exemple comme quant nous voulons tyrer hors l'aigue des ydropiques (...) que le pacient soit couché a l'envers et la peau du ventre soubz le nombril soit tyree amont du costé senestre se la passion procede du dextre ; et s'elle vient du senestre, soit fait du contraire ; et soit pertuisé jusques au lieu vuide et illec, avec une canulle appliquee, l'eaue soit tyree jusques a la suffisance du malade et puis la canulle soit tyré dehors et le cuir soit laissé, en dessendant la playe de ciphac sera close et l'aigue ne ystra pas. (Panis, Guidon, 1478, chap. sing.)

Administrer suffisance à qqn

Et sont mieulx tenuz administrer tele souffisance a leur parens que a eulz meïsmes. (Oresme, E.A., c.1370, 458)

B. -[Correspond à suffisant B] État de celui qui est suffisant, qui est compétent, capable, ou bien qui est entouré d'une certaine dignité, qui est honoré, honneur, dignité qui entoure qqn ou ce qui le touche.

1.Compétence.

...le dit exposant nous eust esté tesmoingné par noz amez et feaulx conseillers (...) estre le meilleur ouvrier qu'ilz sceussent en nostre royaume pour le dit fait et, pour cause de ce qu'il ne prenoit ou avoit aucuns gaiges, considerans sa souffisance, eussions ordonné que il venist par deça afin qu'il eust gaiges tauxez et assignez (Clos galées Rouen M.-C., t.2, 1390, 201)

...le Roy, acerteinné de la suffisance et bien desdiz IJ contendans, a volu que Chastelmorant soit bailli (Baye, II, 1411-1417, 9)

Ce jour, ont esté commiz maistres G. de Villiers et M. du Boz à soy informer de l'insuffisance de messire Simon de Dreux, bailly à present de Chartres, et de la suffisance de Giles d'Eschanviller. (Baye, II, 1411-1417, 271)

Ce jour, après ce qu'il est apparu à la Court de l'ydoneité et souffisance de maistre Gravier Aubry, ycelle Court a admis ledit Aubry à l'office de greffier ou clerc des Requestes du Palais (Fauq., II, 1421-1430, 263)

Et quant se vendra que on vous vouldra faire sceller une lettre d'ung office de judicature, se vous n'estes bien informé de la suffisance de celluy qui le veult estre vous en povés advertir le roy (Juv. Urs., Nescio, 1445, 518)

Quant il vacquoit aucun office de judicature ou autre, il se faisoit informer de la souffisance de ceulx à qui il la donnoit. (Baude, Eloge Ch. VII, V., p.1484, 134)

Marcianum, evesque de Therdone, fut aussi erudicq en la science d'astrologie, de grande souffisance. (Simon De Phares, Astrol., c.1494-1498, f° 79 v°)

Cestui Manfredis a esté pour sa science moult bien stipendié des meilleurs villes des Ytalles et des princes et par XXXV ans a coutume user de juger de toutes les parties de astrologie et de faire prenosticacions chacun an, et de la souffisance de lui et d'autres se escripra assez, comme j'entends en bref en autres choses. (Simon De Phares, Astrol., c.1494-1498, f° 165 r°)

Estre en suffisance d'un office. Exercer un office avec compétence, avec les qualités requises.

...et leur fut commendé (...) que plus ne se feissent ou souffrissent appeller maistres, s'ilz n'estoient graduez en science ou ancienz d'aage et en office, et aussy en suffisance de l'office (Baye, I, 1400-1410, 88)

Au pluriel. Compétences.

...car vous voulés qu'ilz soient prelats, et escripvés a chappitres pour les eslire, au pape pour les pourveoir, et afferme l'en que c'est merveilles de leurs suffisances (Juv. Urs., Verba, 1452, 392)

Suffisances de qqc. Compétences en qqc..

Et ainsi doit faire tout honme qui pour amour de philosophie est diligent et desirant d'avoir aucunes petites souffissances des choses dont nous avons tres grans doubtes. (Oresme, C.M., c.1377, 496)

En particulier. Aptitude, capacité légale.

A nostre propos, aussi, nous devons mielx considerer la persone de la mere, laquelle n'est pas habile de succeder ou royaume, que l'abilité ou souffisance de la persone de son filz, qui la represente. (Songe verg. S., t.1, 1378, 249)

2.Honneur, dignité qui entoure qqn ou ce qui le touche.

...servons Amour en loyauté, Et s'aourons la glorieuse branche, Et nous serons en gloire coronné En haulte honnour et en grant souffisance. (Mir. femme, 1368, 233)

Car se un prelat ou prince ou autre actribue a soy ou distribue a autres des biens et honeurs communs autrement que selon la proporcion de la dignité et souffisance des personnes, soit pour lignage ou pour amistié ou pour autre faveur, il fait mal et injustice, si comme il fu dit ou .XIXe. chapitre du quint livre et declairié en la glose. (Oresme, E.A.C., c.1370, 461)

Dont Origines dit : L'ange met devant a Marie la convenable souffisance de son concevement, et quant il dit Ave gratia plena ; après il li exprime du concevement la consequence, disant : Dominus tecum (Mir. fille roy, c.1379, 6)

À la suffisance de qqn

... se intencion estoit tèle que il voloit passer oultre et entrer ou royaume de France, sans jamais rapasser jusques adonc que il aroit fin de guerre (,) ou pays à se souffissance et à se grant honneur, ou il morroit en le painne (Froiss., Chron. L., V, c.1375-1400, 198)

C. -[Correspond à suffisant C et à suffire II]

1.État de celui qui se suffit de ce qui est, qui s'en contente, qui en est satisfait, contentement ; modération.

Et se tu gis en mendience, Tu n'avras mie pacience, Eins sera la main en balance D'estre larnesse. Si ne pris riens telle puissance Ou pais, seürté, souffissance N'a, fors doleur et meschëance, Pleur et destresse. (Mach., R. Fort., c.1341, 38)

C'est puissance en mendicité ; C'est repos en adversité ; C'est famine en cuer saoulé ; C'est joie ireuse. C'est souffrance la rigoreuse ; C'est souffissance couvoiteuse ; C'est pais dolente et rioteuse ; C'est vanité ; C'est pacience dongereuse ; C'est diligence paresseuse (Mach., R. Fort., c.1341, 42)

Or tien dont son pooir si vil Qu'aies de toy la signourie. Garde que Raisons te maistrie Et qu'aies en toy pacience Et la vertu de souffissance, Car bonneürtez vraiement Vient de souffrir pacienment, N'il n'est homme, a mon essient, Que quant il est impacient, Qui ne vosist avoir fait change De son estat a un estrange. (Mach., R. Fort., c.1341, 91)

Cils qui plus en a, plus li faut. Dont ont li roy plus grant deffaut Que n'ont la povre gent menue, D'or, d'argent et de joiaus nue, Et par deffaut de souffissance, Car en leur cuer se boute et lance Un ardant rain de convoitise Qui si les ambrase et atise Qu'il les art jusques es entrailles (Mach., R. Fort., c.1341, 101)

Amie, amans vous mande aiez creance Que lassus a vostre lieu ordené Pour joie avoir et vivre en souffisance. (Mir. st Sev., 1362, 240)

On les reputoit riches pour ce qu'ilz ne convoytoyent riens. Et a bon droit ! car plus est riche celuy qui moins convoite. Qu'esse richesse fors souffisance ? Et qu'est souffisance fors neant convoitier ? Tu es riche ? Ne convoite riens, et tu diras : 'Il me souffist'. S'il te souffist, tu es riche car riens ne te fault. Telle souffisance ot saint Pol (Gers., P. Paul, a.1394, 509)

...plus te ficheras es delices du monde et plus te survendra de divers desirs, lesquelz te tourmenteront le cuer pour ce que acomplir ne les pourras ne du tout avenir a tes vouloirs, ne jamais ton cuer n'aura souffisance (Chr. Piz., Trois vertus W.H., c.1405, 20)

'...Vous estes assez bien vestue (...) Je vous prye, m'amie et ma compaigne, que souffisance soit nostre parement'. (La Sale, Sale D., 1451, 127)

DIEU. J'apparçoy la begnivolence D'Abel, qui vit en souffisance sans murmurer aucunement, Et Caÿn vit en desplaisance, Ayant en son cueur malveuillance Et soy plaignent incessanment. (Myst. Pass. Troyes B., a.1482, 99)

Avoir suffisance (de qqc.). Se satisfaire de qqc..

Et qui vorroit plus souhaidier, Je n'os cuidier Si fol cuidier Que cils aimme de cuer entier Qui de tels biens n'a souffisance ; Car qui plus quiert, il vuet trichier, S'Amours tant chier L'a que fichier Deingne par l'ueil de son archier En son cuer d'eaus la congnoissance. (Mach., R. Fort., c.1341, 17)

Et ou il dit que j'ai passé Mon temps et qu'ai peu amassé, Et dit que j'aie souffisance, Je respon que... (Le Fèvre, Respit Mort H., 1376-1380, 17)

Prendre qqc. en suffisance. Prendre qqc. en gré.

Sire, sanz plus faire d'atente, Me menez a vostre plaisance, Car je prendray en souffisance Vostre vouloir. (Mir. parr., 1356, 65)

...vo volloir prendray en souffisance (Hugues Capet Lab., c.1358, 110)

LE ROY. Seigneurs, en loing pais vous main : Toutes noz aises pas n'arons ; Prenons tout ce qu'avoir pourrons En souffisance. (Mir. roy Thierry, c.1374, 328)

[P. oppos. à outrecuidance] Modération, tempérance.

...on doit bien pour de bonne eure né Tenir le corps qui met toute sa cure A passer par la nef de netteté Soubz l'umbre du noble mast de droiture Par my la haulte mer d'oultrecuidance Tenant le gouvernail de souffisance (Mir. Barl. Josaph., c.1363, 301)

[Personnif.]

Encor te pri je trop de cuer Que tu n'oublies a nul fuer Les deus precieuses vertus Que je t'ay nommé ci dessus : L'une est Souffissance la belle, L'autre est Pacience, s'encelle. (Mach., R. Fort., c.1341, 102)

Mais li juges qui sagement Voloit faire son jugement Tantost leur imposa silence, Fors seulement a Souffissance Et a Doubtance de meffaire. (Mach., J. R. Nav., 1349, 246)

2.État de celui qui se suffit à lui-même, indépendance (de qqn).

...il est certain que Samuel gouverna le peuple de Israel comme roy et que il fu vray roy mesmement quant a ceste souffisance. (Oresme, Pol. Arist. M., c.1372-1374, 150)