SENSUALITÉ

substantif féminin

[T-L : sensüalité ; GD : sensualité ; GDC : sensualité ; FEW (XI, 462b) : sensualis ; TLF (XV, 334b) : sensualité]

A. -Activité des sens, les sens, sensibilité.

Jhesu, vray dieux et vrais amis, Ton confort m'envoie et t'aide De ce tourment, car j'ay grant hide Selon ma sensualité Et la povre fragilité De ma charongne. (Mir. st Panth., 1364, 355)

Et neent moins, par aventure, nous devons cuidier que aussi grant contrarieté a il en l'ame entre raison et la sensualité qui li contrarie et obvie. (Oresme, E.A., c.1370, 143)

Socrates entendoit par science en cest propos cognoissance pratique vraie ; si li sembloit que telle science est plus forte et plus digne que n'est la sensualité. (Oresme, E.A.C., c.1370, 366)

...nostre sensualité (...) nous en a donné le sens. (Foul., Policrat. B., V, 1372, 286)

Et en signe de ce, cez quatre Enpyres si ont esté par vision demonstrés a Daniel, en semblance, non mie de honmes mez de bestes, car ilz n'ont mie esté, en leur conmencement, par voye de raison, mez par voie de sensualité et de beste deraisonnable. (Songe verg. S., t.1, 1378, 153)

Car lez herbes et lez melodies si puent grandement changier et muer la disposicion du corps et, par consequant, il puent convertir lez mouvemens de la sensualité, laquelle chose appiert dez herbes. (Songe verg. S., t.1, 1378, 390)

Pour quoy nous devons savoir que la destre partie [du jeu d'échecs] , pour ce qu'elle est quant est de sa nature, plus notable et plus noble que la senestre n'est, tres convenablement signifie raison qui doit toujours regner et seigneurir en l'omme ; et la senestre sensualité signifie, qui voulentiers est a raison rebelle et contredit a lui communement (Evr. Conty, Eschez amour. mor. G.-T.R., c.1400, 765)

...ta sensualité te tolt vraye cognoiscence. (Chr. Piz., Avision T., 1405, 173)

...et n'est point de mal de resjouyr la vertu qui gist en l'ame et en l'entendement pour recreer et reconforter aucunement la sensualité du corps (Bouciquaut L., 1409, 435)

En moy sens le pluffort debat Qu'oncques endurast crëature, Pour le fait d'humaine nature Que ceste passion piteuse Attens, tant triste et douloureuse Qu'a peu se raison y scet mectre Moyen qui s'y vueille submectre, Tant craint la sensualité. (Myst. Pass. Troyes B., a.1482, 684)

Remarque : GRÉBAN, Pass. J., c.1450, gloss. ; Hist. prem. destruct. Troie R., c.1470-1480, gloss.

Sensibilité morale.

Et s'en peché je suis tombé Par sensualité fragile... (Prières saints R., t.1, c.1488, 39)

B. -Recherche de ce qui peut satisfaire les sens et procurer du plaisir.

Lors nous faut il garde frequent Que sensualité no vie Par son pouoir ne dominie, Mais succumbe en toute saison, Si que la char n'ait ochoison Par sa foleur de nous priver De raison, qui doit estriver Pour les vertus contre les vices (Desch., M.M., c.1385-1403, 229)

Nature aprés ce que le congié de parler fu ottroyé de Dieu ainsy parla : 'Tu scez, Sire, que selon ma premiere et droicturiere institucion je devroye produyre les hommes telz que en leur royalme espirituel point n'y eust rebellion de la charnalité ou sensualité contre raison, car ma loy naturelle est tres juste....' (Gers., Concept., 1401, 399)

Comme il soit voir nature humaine, pour cause de sensualité, estre encline à pluseurs vices, tous tendens au delit et aise du corps... (Chr. Piz., Faits meurs Ch. V, S., I, 1404, 22)

Voulenté de sensualité est seulement es bestes mués. Et pour ce quant a ceste tele voulenté point pecheriesmes, se nostre raison ne fust joincte a icelle par accord a laquelle raison apartient de refrener ou restraindre et retraire la sensualité (Somme abr., c.1477-1481, 174)

Ris, jeux, esbatz en sensüalité... (La Vigne, Ress. chrest. B., 1494, 140)

QUART [LARRON] . O cueur plus endurcy que fer, Cueur remply d'incredulité, Voz beaux motz font trop eschaulfer Ma ville sensualité ! Hellas, trop me suis delicté A faire des maulx essecrables, Dont, apprés, ma charnalité S'en yra a tous les grans deables ! (La Vigne, S.M., 1496, 283)

...par ma desordonnee volenté, par complaire a la sensualité, soubz la conduicte de Luxure et de Convoitise (Antitus, Poés. P., c.1500, 72)

Remarque : Myst. Viel test. R., t.1, c.1450, 1369 (Adam ..., par lasensualité, c'est au serpent condescendu).