SABLON

substantif masculin

[T-L : sablon ; GDC : sablon ; DECT : sablon ; FEW (XI, 12a) : sabulo ; TLF (XIV, 1380b) : sablon]

A. -Au propre.

1.Sable.

...De grains de sel et de gravelle, De sablon, de pouldre et greelle (Mach., Voir, 1364, 772)

Et briefment, il me semble que il [les elemens] n'i sont pas en leur propre forme, car il n'i sont pas comme parties integrales par petis athomes aussi comme l'en feroit une mixcion de farine et de sablon ; mais convient que chascune partiete, tant soit petite, du corps compost soit mixte des .IIII. elemens (Oresme, C.M., c.1377, 616)

...eulz mettent comme en lieu seur et sauf les garnisons de cauch, savelon et autres materes pour la reparation de la forteresse de la dicte ville. (Hist. dr. munic. E., t.3, 1378, 432)

Et doient estre les muirs [les murs] dez menoirs [des bâtiments qui abritent l'installation] de la dite forge de chaul [de chaux] et de savelon sus boins fondemens et lou teil [le toit] bien maireneir de groz mairien (Bail de forge, a.1391, 283)

Et se pour ce le vin ne veult esclarcir, prengne plain pennier de sablon bien lavé en Seine, et puis gecte dedens la queue par le bondonnail, et il esclarcira. (Ménagier Paris B.F., c.1392-1394, 134)

Item, [a coustume prendre es dictes forests] la blanche espine, la couldre, de poingnie et de mains, pour clorre et mettre à son usage : la caux, la malle, la pierre, le sablon et le noir fiens des mares pour amender ses terres (Hector De Chartres, Cout. R., 1398-1408, 5)

...aussy le sablon, qui tant picquoit par les visaiges et entroit es yeulx que, se par grant force ne fust, ne y avoit maronnier qui ne vaulsist estre au dessoubz. (La Sale, Salade, c.1442-1444, 154)

Le XXe jour de février oudit an, firent armes dedens la ville d'Arras, sur le grand marchié (...) Et estoit préparé ung grand parc couvert de sablon, ou milieu duquel avoit une lisce, garnie d'assielles adfin que les chevaulx ne peussent rencontrer l'un l'autre. (Monstrelet, Chron. D.-A., t.4, c.1444-1453, 376)

Et la, commencasmes a entrer en grant desert, et gueres toute nuyt ne trouvasmes que gros sablon pierreulx de chaillotz de feu. (Pèler. D., 1486, 403)

Remarque : Renart contref. R.L., 1328-1342, gloss. ; Consol. Boèce C., c.1350, gloss. ...

Sable fin.

...le nain (...) dressa son orloge, qui estoit de voirre plain de sablon, portant le cours d'une grant demye heure (La Marche, Mém., III, c.1470, 132)

[Symbole de la fragilité et de la vanité des choses]

La luxure se puet estaindre par la grace de Dieu par une profonde consideration de sabelon, c'est assavoir de l'infructuosité de ce monde, et par vin aigre, c'est assavoir par l'austerité et amertume de penitance. (Mézières, Vertu sacr. mar. W., c.1384-1389, 291)

...c'est par vraye recognoissance des benefices de Dieu qui sont tant qu'il ne se peuent nombrer ; et ainsi faisant, le plomb tantost rapportera a sa memoire le sablon de sa fragilite et infructueusite. (Mézières, Songe vieil pèl. C., t.1, c.1386-1389, 562)

2.Étendue de sable, espace sablonneux.

Coment le roi Johan de France fuist amesnez devant le Prince ; et le Prince li fist eider a desarmer et doulcement parloient ensemble ; et se logerent cel noet sur le zabulon entre les mortz (Héraut Chandos, Vie Prince Noir T., c.1385, 86)

Lui Prince logea celle nuit Entre les mortz sur le zabuloun Dedeins un petit pavilloun (Héraut Chandos, Vie Prince Noir T., c.1385, 87)

...j'ay veü saillir bouc de dis toyses de haut en un saut, et ne mouroit mie ne ne se faisoit point de mal, quar ilz se tienent aussi fermement sus une roche comme fet un cheval sus le sablon (Gast. Phébus, Livre chasse T., 1387-1389, 71)

Et quant on est descendu de celle montaigne de Reaquene, l'en treuve le plain et le sablon comme par avant, qui dure demye journée sans larme d'eaue trouver. (Voy. Jérus., c.1395, 91)

...et laissèrent courre les destriers, tellement qu'à les voir venir pour aborder ensemble, il sembloit que la terre et le sablon sur quoy ils marchoient dust effondrer dessous leurs pieds (Faits Lalaing K., c.1470, 58)

Plage, rivage.

...et convint que trois des autres galées venissent retirer la nostre en mer : sy ne fut point dommagée, car c'estoit sablon, mais elle avoit esté dommagée le soir devant, par une fortune qu'il fist en mer, moult grosse. (Voy. Jérus., c.1395, 8)

Adont singlerent ils a l'adrece, ensi que li vens les menoit et ... s'en vinrent ferir lors nefs tout de une flote sus le sabelon en terre descongneue, ou il n'avoit ne havene ne port ; mais le sabelon estoit assés ferme et bon pour ancrer et sans peril (Froiss., Chron. D., p.1400, 74)

...avec luy estoit la maudicte compaignie de tous les Vices lesquelz je ne pourroye nombrer né que le sablon de la mer. (Gers., Noël, p.1404, 303)

Ceulz, qui estoient aspres a mal faire, escrierent Jason a mort et descendirent de la dodane vers sa nef sus le sablon (LEFÈVRE (R.), Hist. Jason P., c.1460, 155)

Remarque : Percef. IV, R., c.1450 [c.1340], gloss.

3.Terrain de joute, de combat.

Li roys fery Aigre siques sa lance voula en pieces, et Aigres lui en telle maniere que le aubert lui desrompy et lui bouta le fer jusques le costé, mais en char ne l'adesa point, et nonpourquant il l'empaint de si grant vertu, que cengles et estriers derompirent, et froissierent li dui archon si qu'il convint par force que Danemons guerpisist le cheval et vint a terre la teste desoubz, si que li quins du heaume fery ou sablon (Bérinus, I, c.1350-1370, 288)

Dont lievent les banierez et maint grant confanon Et brochent lez destriers tout parmy le sablon. (Hugues Capet Lab., c.1358, 119)

Quant les Anglois les veirent approuchier, si retournerent tous à ung fais sus eulx et abaisserent leurs glaves et ferirent chevaulx des esperons. Là ot, je vous dy, forte jouste et rade et pluseurs abattus sus le sablon, d'une partie et d'aultre, et ne se fuist point la chose departie ainsi pour une jouste, que il n'y eust aultre estourmie après les lances faillies ; mais la pourriere du delié sablon commencha à lever à l'empainte des chevaulx et à estre si très grande et si mal aisieue, que point ilz ne voient l'un l'autre ne recognoissoient (Froiss., Chron. M., XIV, c.1375-1400, 95)

Tantos apriés l'Aparition des Rois, nouvelles vinrent a messire Jehan de Hainnau que li rois de Behagne, son chier et amé cousin, avoit fait criier .I. tournoi et assis a estre sus le sabelon, a Condet en Hainnau. (Froiss., Chron. D., p.1400, 105)

Et quand ledit de Ternant congnust qu'il ne pouvoit son espée recouvrer, il changea de main à la bride, et ferit le coursier des esperons, et se monstra au devant de son compaignon, et rabattit plusieurs coups d'espée à la main ouverte, et, en demenant et remuant son cheval, l'espée, qui desjà pendoit contre les flans du cheval, vuida hors de sa guaine et cheut sur le sablon (La Marche, Mém., II, c.1470, 78)

Mais Meriadet donna de la palme et du genoul contre le derriere de l'Escossois, et de rechief le fit cheoir à bouchon contre le sablon, et nonobstant la requeste que leur requist messire Jaques de Lalain, ledit Meriadet, voyant la luytte des deux chevaliers, marcha pour ayder ledit messire Jaques (La Marche, Mém., II, c.1470, 109)

B. -Par analogie. MÉDECINE Gravelle, lithiase.

...come vin nouveau de Rin fait apparoir en l'orine grande quantité de gravelle et grande multitude d'orine lave et esrache le petit sablon adjoincte au rains et est debouté hors avec elle. (Rég. santé corps C., 1480, 64)

Par métaphore.

...mais que celle foy soit stablie sur ferme pierre sans gravellez de nungs [var. nulz] sablons de heresie (Crap., Cur Deus, De arrha B.H., c.1450-1460, 284)