RIGOLER

verbe

[T-L : rigoler2 ; GD : rigoler1 ; FEW (X, 398b) : ridere]

I. -Emploi transitif. Rigoler qqn. Se moquer de qqn, railler qqn.

Et quant sus pierre ne sus mole N'est fondée, fors seur frivole, Cils se honnist bien et affole Qui tant la prise Qu'il retient riens de son escole ; Qu'adès ses escoliers rigole Et partout leur meschief flajole Et les desprise. (Mach., R. Fort., c.1341, 40)

Barons, che dist Regnaut qui les volt rigoler, Luitiés a celle porte pour vo corps deporter ? (Renaut Mont. B.N. V., c.1350-1400, 568)

Ainsi chascuns me rigoloit, Pour ce que ma dame voloit Que nos amours fussent chantees Par les rues et flajolees (Mach., Voir, 1364, 666)

Sire, pour Dieu vous vueil requerre Et pour pitié, ne me rusez N'a moy rigoler ne musez ; Car en moy n'a ris ne jeu, certes. (Mir. fille roy Hongrie, c.1371, 65)

Dame, (...) De vous rigoler n'ay courage ; Car je croy que de hault lignage (...) Estes estraitte (Mir. fille roy Hongrie, c.1371, 65)

L'EXECUTEUR. M'appellez vous, seigneurs ? ouan M'ont par plusieurs foiz appellé Qui m'ont moqué et rigolé. Que voulez vous ? (Mir. ste Bauth., c.1376, 146)

Et a ces paroles vint un chevalier, que les dames envoierent, qui leur dist : Beaulx seigneurs, ne le rigoulez pas, car sachiez qu'il a bien autre chose a penser. (Arras, c.1392-1393, 41)

Et sachiez que nulz de nous ne s'en mesleroit jamais par dessus vous. Chiers sires, dist Melusigne, vous avez tout appenseement gardee ceste response pour moy rigouller. Mais, quoy qu'il en soit, je vous requier que vous m'en vueilliez dire vostre intencion. (Arras, c.1392-1393, 47)

Se il n'y avoit doubte que de ces deux [Sarrasins] , selon ce que je vous ay ouy dire, il n'y fauldroit pas embesoingnier tant de gens que Dieu nous a prestez, car il n'y fauldroit que Guyon, mon frere. Il s'en seroit tost delivrez. Haa, monseigneur, dist Guyon, quant vous aurés rigoulé moy et un autre encores, ne seront ce que deux. Mais je loue Jhesucrist de la vertu que il m'a donnee, combien qu'elle ne se pourroit comparer a la vostre, laquelle Dieux vous maintiengne. Mon frere, dist le roy, je ne vous cuide pas rigouler ; car se nostre fait estoit achevez jusques a ces deux, je me fie tant en Dieu et en vous que j'en actendroye l'adventure que Dieu nous voldroit donner. (Arras, c.1392-1393, 136)

Par le grant Dieu quil bien vous face, Que vous faictes belles grimaces ! Ne cuidéz pas je vous riguolle. Encor vous covyent il l'estolle, Qu'il vous fault a vostre col mectre - Il me fault de tout entremectre - Et vous fault ceste chappe grise ; Et je voix corner le service. (Pass. Semur D.M., c.1420 [1488], 65)

...quand il eut bien esté ramponné sur ce et rigolé de ses compaignons, et, comme ung sanglier mis au abaiz de tous costez, il dit... (C.n.n., c.1456-1467, 200)

Maugré bieu, ay je tant vescu Que ung bergier, ung mouton vestu, Ung villain paillart me rigolle ? (Path. D., c.1456-1469, 194)

Trop forment est ma charongne afolee, Descongnoissant et tresmal heüreuse, Dont en pourroit bien estre rygolee En la parfin et de Dieu haÿneuse, Quant il la fit assez substancieuse Et lui donna sens et discrecion, C'estoit amour, celonc m'entencion. (Jeu quatre pers. L., a.1465, 197)

Taquiner qqn.

Le roy parle à Meliadice de son mariage et l'en rigolle gracieusement en lui disant... (Cleriadus Z., c.1440-1444, 497)

Et rigolloit l'en l'espousé par gracieuses renvoyseries ; et lui qui estoit sage et courtois et qui ressembloit fort messire Charles en toutes choses, respondit a ceulx qui le rigolloient si gracieusement que tous estoient contens de lui. (Charles de Hongrie C., c.1495-1498, 139)

II. -Emploi intransitif ou pronominal.

A. -(Se) rigoler

1.Plaisanter.

Il ne ce fault point riguoler. Je ly donray Briet mon chiem Car par ma foy il chasse bien. (Pass. Semur D.M., c.1420 [1488], 71)

...une terrible onde d'eaue esleva la nef et puis la fist ravaler en l'eaue si perfont qu'il n'y eust si hardy qui eust talent de rigoler. (Wauquelin, Belle Hélène Const. C., c.1448-1452, 62)

Hee, sans rigoler ! Il n'est pas temps que l'on rigole. (Path. D., c.1456-1469, 98)

Tu te rigolles ! (Path. D., c.1456-1469, 192)

TIERS. Au deable soit le sacriffice, Le temple et toutes les ydolles, L'eglise, l'ostel et l'office, Chappes, ornemens et estolles ! PREMIER. Je pence que tu rigolles ; Qu'as tu ? Mais qu'esse que tu dis ? Dont vient cecy ? (La Vigne, S.M., 1496, 449)

2.Se donner du bon temps, s'amuser.

Et aucunes foiz est porté le pasté en la chambre que celle a en la ville, et la vient du gentil chalant, et ainsi se rigolent. (Chr. Piz., Trois vertus W.H., c.1405, 209)

Quant ces chevaliers ou escuiers vont faire leurs armes et ont prins congié du roy, se il fait froit ilz s'en vont a ces pales d'Allemaine, se rigollent avec ces fillectes tout l'iver (La Sale, J.S., 1456, 277)

Remarque : DESCH., Oeuvres Q., t.1, c.1370-1407, 183.

[P. antiphr.]

Il se rigoulent assés bien En ceste chambre bien paree. Il ne prandront ja leur voulee Tant qu'il seront si bien chauffés. (Myst. st Sébast. M., c.1450-1500, 98)

B. -Se moquer.

Remarque : DESCH., Oeuvres Q., t.2, c.1370-1407, 103 ; t.4, 300.

Se rigoler à/en qqn. S'amuser de qqn, se moquer de qqn.

QUATRIESME MAISTRE. Je sçay bien qu'il n'ot onques maistre Ne ne hanta onques l'escole ; Mais ainsi de nous se rigole Conme un enfant sot et nicet. (Mir. nat. N.S.J.C., c.1343, 233)

Mais assez tost après ce que elle fu retournée en la ville de Paris, ouy dire à plusieurs autres compaignons, qui se rigoloyent et jouoyent à elle, que lesdiz mariez estoient moult malades, et que puis leurdites noces ilz n'avoient eu santé (Reg. crim. Chât., I, 1389-1392, 342)

Anglois fort a congnoistre sont : En eulx ne se fault rigoller, N'en leur maintien, n'en leur parler. Frappent et tuent sans dire gare. Ne fyer ne vous y vueillez, Que il y aroit beaucoup tare. (Myst. siège Orléans H., c.1480-1500, 434)

Se rigoler l'un l'autre

...la dicte damme Segraz governoit tot, et estoit tant aveire et askarse, tant ryoteuze et tant strendante, dedens son hosteit et dehors, que nus ne soy pooit de ly departir sains domage. (...) Et encours al jour d'uy, par reveal, quant on voit I homme avaritieuz et ryouteus, on dist qu'il est do lynage damme Segraz. Et ly grans saingnors et riche hommes qui en sont estrais, s'en rigolent ly I l'atre sovent foys. (Hemricourt, Miroir Hesb. B.B., 1353-1398, 412)