RANÇONNEMENT

substantif masculin

[T-L (renvoi) : räençonement ; GDC : raençonnement ; FEW (X, 177a) : redemptio ; TLF (XIV, 343a) : rançonnerrançonnement]

Fait de rançonner, d'exiger une somme d'argent pour redonner la liberté à qqn. qu'on a fait prisonnier.

...se aucuns en ont commis, pour le fait de la dite guerre ou autrement, comme dit est, soient crime de lese majesté, murtres, ravisemens et violemens de femmes, sacrileges, larrecins, pilleries, roberies, arsins, rançonnemens ou autres quelconques (Doc. Poitou G., t.4, 1372, 181)

...crimes de lese magesté, murtres, ravissemens, violemens, sacreleges, larrecins, pilleries, roberies, arsins, rançonnemens de gens, de villes, de pays, ou autres quelconques (Doc. Poitou G., t.4, 1372, 198)

Lequel povre homme, aiant paour des dessusdis et d'avoir pis que ledit raençonnement, (...) leur requist et fist tant que ilz l'amenerent en l'ostel dudit suppliant (Chancell. Henri VI, L., t.2, 1432, 195)

Lesquelx, soubz umbre et soustenement de lui, ont fait plusieurs roberies, pilleries, rançonnemens, destroussemens et appatiz sur noz hommes et subgiez. (Doc. Poitou G., t.8, 1434, 55)

...les diz gens d'armes sont encore loigez à l'environ de la ville de Cherlieu et font journelment pluseurs courses, rançonnements et grans dommaiges es pays de mondit seigneur qui sont illec environ et principalment à sa chastellenie de Semur en Bryennois. (Ecorch. Ch. VII, T., 1445, 35)

Au regard des gens ordinaires des bailliages et prevostés en y a une droicte garenne, et Dieu scet quelz rançonnemens ilz font aux povres gens (Juv. Urs., Nescio, 1445, 525)

...pilleries, roberies, raenconnemens, boutemens de feux et autres maulx (Doc. 1447. In : J. Quicherat, Bibl. Éc. Chartes 6, 1844-1845, 166)

Il se retira en la ville de Jays, où il sejourna certains jours avec madame Yoland de France, ducesse de Savoye, et ses gens passerent la montaigne sans ordre ne mesure, et entrerent en Bourgoingne, où ilz taillerent et adommagerent le pays de vivres et de ranchonnemens. (La Marche, Mém., I, c.1470, 140)

...et par ce moyen s'aigrit la guerre de toutes pars ; et ne vuilz point parler des menues choses advenues en icelle guerre, car ce ne sont que murdres et rançonnemens de gens (La Marche, Mém., III, c.1470, 266)

...Quercy, Agenoys, Perigort, Auvergne, bault [l. hault] et bas Lymosin, la Marche, Xaintonge et autres pays voysins aient esté et soient encores chascun jour faites plusieurs forces et violances publiques, desrobemens, destructions d'esglises, murtres mutilacions, ravissemens, pilleries, roberies, rançonnemens et autres maulx et oppressions intollerables sur noz subgetz, à la grant foule et desolation de nostre povre peuple (Le Clerc, Interp. Roye, c.1502, 226)